الشرطة معك !؟؟

[بو شاهين]

بسم الله الرحمن الرحيم

كلنا نعرف هذي المقوله الجميلة ولكن .......... تحول معناها اليوم الى شي ثاني يصل في بعض الاحيان الى عكس معناها!!!

اليوم في اخر جمعة في رمضان الحمدلله رحت مسجد دخان اصلي صلاة الجمعة وكمثل عادتة المسجد ما شاء الله يوم الجمعة يكون زحمة ومواقف السيارات ما تستوعب سيارات المصلين.ولكن الناس تعودة اتدبر امورها من سنين من يوم استوى المسجد

المهم اليوم تتوقعون ايش الي استوى


طلعنا من الصلاة

تقريباً كل واحد فينا طلع وعلى سيارته مخالفة اما ممنوع الوقوف او عرقلة سير او مخفي... الخ كل اللي يحبه قلبك

يعني وصلت فيهم ان يتظرون عباد الله يدخلون يصلون علشان يخالفونهم؟
هذا بدال لا ينسقون ويوفرون المواقف للمصلين هذي تكون افعالهم

ولا لما رحت اواجهم بفعايلهم تتوقعون ايش الرد؟

(والله لان مؤسسة البترول بدخان اشتكت على مركز امن دخان انهم ما يتعاونون بالامن الصناعي للبترول وما يقومون بواجباتهم فالحين احنا انقوم بواجباتنا)

يعني هذا رد؟؟

اترك لكم التعليك

حسبي الله ونعم الوكيل فيهم الله ياخذ الحق منهم

[hamoor4ever]

الهدف مادي واضح

[القمه]

عزيزي >>نصيحه يوم الأحد مجموعه تتوجه إلى مدينة خليفه
وسيتم الأعفاء عن جميع المخالفات >>فيه سبب رئيسي ومقنع
آداء الصلاه

[<اضرب واشرد>]

صج مايستحون ولا ينتخون

الناس تصلي وهم يأذونهم

[bus3od]

عزيزي >>نصيحه يوم الأحد مجموعه تتوجه إلى مدينة خليفه
وسيتم الأعفاء عن جميع المخالفات >>فيه سبب رئيسي ومقنع
آداء الصلاه

لو يشوفونه سبب رئيسي ومقنع كان من الاساس ماخالفوهم

هاذي مب اول مره يخالفون وقت الصلاه والله شايفهم شكثر

اخوي صاحب الموضوع لو نزلت المخالفه عليك فيهم فهالشهر الفضيل

[بو شاهين]

عزيزي >>نصيحه يوم الأحد مجموعه تتوجه إلى مدينة خليفه
وسيتم الأعفاء عن جميع المخالفات >>فيه سبب رئيسي ومقنع
آداء الصلاه

ان شاء الله هذا الي ناوي اسويه

[<اضرب واشرد>]

اذا مافاد اخوي روح للخرجي وحاول تقابله ، وإذا اعتذر منك سكرتيره روح له محاولتين ثلاث وبيدخلك عليه .. وقول له السالفة وإن شاء الله يحذف كــــــــل المخالفات عن المصلين وتكسب أجرهم. بارك الله فيك.

[حبر سري]

طيب اخوي ليش ماتقول انهم حضروا ينسقون وينظمون المواقف , ولما شافوكم امخالفين قالوا خلنا انخالفهم
لانكم لو مب امخالفين مااعتقد بيقدرون يسوون شي

ولا اشرايك؟

[نورالهدى]

الله يفرجها عليكم

[Bu Rashid]

ههههههههه ..... شر البلية ما يضحك
عذر اقبح من ذنب

قطر للبترووول تطالب بدور فعال طووووال اليوم لحماية المنشات
مش اوقات الصلاة وخصووووصا صلاة الجمعة

[Bu Rashid]

طيب اخوي ليش ماتقول انهم حضروا ينسقون وينظمون المواقف , ولما شافوكم امخالفين قالوا خلنا انخالفهم
لانكم لو مب امخالفين مااعتقد بيقدرون يسوون شي

ولا اشرايك؟



اخوووي حبر سري
لو فعلا يبووون ينظمووون السير والمواقف كان جاوا من وهل مب خلال الصلاة

[بو شاهين]

اخوووي حبر سري
لو فعلا يبووون ينظمووون السير والمواقف كان جاوا من وهل مب خلال الصلاة


اي والله صح كلامك انطرو ا لين بدأ الخطيب يخطب وهم بدوا يخالفون واول ما طلعنا مالقيناهم لقينا بس اللزقات

[بنت شيوخ]

لا تعليق

!!!!!!!!!

[Bu Rashid]

اي والله صح كلامك انطرو ا لين بدأ الخطيب يخطب وهم بدوا يخالفون واول ما طلعنا مالقيناهم لقينا بس اللزقات



ما تستاهل اخوووي بوشاهين
ونطالب السيد احمد بن سيف مدير العمليات بصرف بدل مخالفات :eek2:
تستاهلوووون يالسواعد السمرررر

[@فارس@]

اخوي والله صارت معاي عند مواقف مركز فنار الي بالاسواق

وقفت اصلي المغرب



وعقب الصلاة طلعت ومشيت مع اني ما تاخرت وكنت واقف على جنب وبدون زحمة بالطريق والسيارة

الي وراي ما عليها استيكر مخالفة مع انها لاصقة في موتري من ورى بس لانها نظيفة وسيارتي عليها غبرة شوي

وسالت نفسي سؤال يا ترى هذي الي حط المخالفة متى لحق يحطها وقت الصلاة !! وليش هو مب مسلم ولا ما عليه صلاة !!

وفيه موقف ثاني باقوله لكم مرة ثانية

[jajassim]

ان شاء الله هذا الي ناوي اسويه

للأسف ،، تصرف غير لائق من ان يضع المخلفات اثناء الصلاة ،،

أخوى بوشاهين توكل على الله ، وروح للخرجي ، والله بيسير دربك omen

[" Snake "]

حركات نذاله
وقت صلاه ورايح يخالف الناس الي داخل يصلون !!!

[قلب صادق]

السلام عليكم ورحمة الله وبركاته

اخوي الكريم بوشاهين حسب ما علمت ان عدد السيارات التي تم مخالفتها هي 9 سيارات فقط منها مخالفتين بسبب الوقوف في المكان المخصص لذوي الاحتياجات الخاصة و7 مخالفات الوقوف في مكان ممنوع الوقوف فيه وهم لم يخالفوا شخص غير مخالف والدليل كم تعلم ان عدد السيارات كان كبير جدا ولم يتم مخالفة سوى 9 منها والعلاقة بين الشرطة واهالي المنطقة طيبه ورائعة جدا .

والخبر الطيب ان مدير القسم حسب ما عرفت قد قام بوقف اداخل المخالفات ال 9 لحين النظر والتاكد منها وهذه بادره طيبه يشكرون الاخوان عليها .

ودمتم بحفظ الله ورعايته

[ابوعلي]

نتمنى من بعض الأخوة الإلتزام بالنقد البناء وعدم التجريح في مشاركاتها وفي حالة تكرار مثل هذه المشاركات سيتم حذفها واتخاذ اللازم مع اصحابها

[بو شاهين]

السلام عليكم ورحمة الله وبركاته

اخوي الكريم بوشاهين حسب ما علمت ان عدد السيارات التي تم مخالفتها هي 9 سيارات فقط منها مخالفتين بسبب الوقوف في المكان المخصص لذوي الاحتياجات الخاصة و7 مخالفات الوقوف في مكان ممنوع الوقوف فيه وهم لم يخالفوا شخص غير مخالف والدليل كم تعلم ان عدد السيارات كان كبير جدا ولم يتم مخالفة سوى 9 منها والعلاقة بين الشرطة واهالي المنطقة طيبه ورائعة جدا .

والخبر الطيب ان مدير القسم حسب ما عرفت قد قام بوقف اداخل المخالفات ال 9 لحين النظر والتاكد منها وهذه بادره طيبه يشكرون الاخوان عليها .

ودمتم بحفظ الله ورعايته



اخوي القلب الصادق مشكور على الرد والتوضيح ولكن هل انت متاكد من عدد السيارات المخالفة لان انا لما مريت على المركز كان عدد الناس الي واقفة وتشتكي عدد مهب بالقلليل ما ادري اذا كانوا كلهم من اصحاب السيارات المخالفة ولا مرافقين لهم

وانا لما كلمت الشرطي الي هناك قالي والله هذي تعليمات المدير وراواني كتاب شكوة قطر للبترول على المركز.

وانا اشهد لكلامك عن طيب العلاقة بين اهل دخان ومركز امن ادخان لكن كان هذا تصرف اول مرة يستوي فهذا اللي خلنا نقهر يعني ليش كل هذا يتسوي.

لكن اذا المخالفات الي تقول عددها تسعة بس والمدير وقفها الله يجزيه خير
وابي اذكركم انا كتبت الي شفته واستنتجته من حالة الناس الي حولي لا اكثر ولا اقل

[مرشد الاخوان]

عجبي والله .... عند مبنى المرور شفت لك واحد منهم يدور بين السيارات

ويحط المخالفه على السياره ومن سياره الى سياره ... هذي الشرطه معاك ولا بلأش

الله يكون فى العون

[ضاقت الدار]

>>> لآآآآتعليييق!!!!!

[faisalqatar]

حسبنا الله و نعم الوكيل

حتى وقت الصلاة يبون يطلعون فلوس !

[بوحارب]

حسبنا الله و نعم الوكيل يالمرور !!

[اسم العضو]

بارك الله فيهم وجزاهم الله خير

بالعكس شي طيب اللي افعلوه ... ياخي دام انك رايح تصلي وتأدي واجبك اتجاه ربك

كمل إحسانك اتجاه الناس وصف صفه محترمه ولا تخالف القوانين وتعرقل السير

هذيك المره شمخت موتر واحد بسبب ضيق الشارع اللي قدام المسيد لأن العالم كلهم صافين على جنب مع العلم ان في براحه عودة قدام المسيد لكن العالم كلهم صافين على جانب الشارع اللي أصلاً مافيه مكان مخصص للوقوف

عجبي ... نخالف القوانين ثم نشتكي على المخالفات اللي تجينا !

[قلب صادق]

اخوي القلب الصادق مشكور على الرد والتوضيح ولكن هل انت متاكد من عدد السيارات المخالفة لان انا لما مريت على المركز كان عدد الناس الي واقفة وتشتكي عدد مهب بالقلليل ما ادري اذا كانوا كلهم من اصحاب السيارات المخالفة ولا مرافقين لهم

وانا لما كلمت الشرطي الي هناك قالي والله هذي تعليمات المدير وراواني كتاب شكوة قطر للبترول على المركز.

وانا اشهد لكلامك عن طيب العلاقة بين اهل دخان ومركز امن ادخان لكن كان هذا تصرف اول مرة يستوي فهذا اللي خلنا نقهر يعني ليش كل هذا يتسوي.

لكن اذا المخالفات الي تقول عددها تسعة بس والمدير وقفها الله يجزيه خير
وابي اذكركم انا كتبت الي شفته واستنتجته من حالة الناس الي حولي لا اكثر ولا اقل



السلام عليكم ورحمة الله

نعم اخوي انا متاكد ان عدد المخالفات كانت 9 فقط ولم يتم تسجيلها للان
وتقدر تمر على مدير القسم يوم الاحد وان شاء الله ما راح يقصر معكم دام ان فيه سبب مقتع