حد يعرف وين اقدر اركب عااازل حراري بسعر زين

[الـخـور]

السلام عليكم ورحمة الله وبركاته

مبارك عليكم ماتبقى من رمضان

شباب انا عندي موتر البيت وحاب اركب فيه عازل شتنصحوني ووين اقدر اركب

صراحة انا اهم شي عندي انه يعزل الحرارة والسعر يكون مناسب لان بعض المحلات المشهوره تطلب حدود 2000 مادري اذا في غير الجونسن والفيكول

ياريت الي يعرف يذكر اسم المحل وبكم يركب العازل حق صالون صغير

[السد]

المشكلة اخوي كل واحد يقول هذا احسن من الثاني
يجب ان تمر على كل محلات العازل وتحدد بالضبط نوعية العازل
فيه تقنية جديدة للعازل تقنية النانو
اسئل عنها ولا تنسى ان بعض العوازل تسبب قطع في ارسال الموبايل
وبالتوفيق

[إعلامي قطر]

..

عن نفسي أتعامل مع النهدي إللي يركب عازل جونسون الأمريكي..

وركبت لأكثر من موتر (العازل العاكس) es35 إللي يعتبر 40% بالمرور..
وأيضاً ركبت es30 إللي يعتبر 30% بالمرور وهالنوعين عن نفسي
ماشفت أحسن منهم خصوصاً لأي موتر لونه أبيض لأنهم يعطون
منظر خيالي + يعزلون الحراره تماماً خصوصاً الـ 40%..

وللفورويل يركبون عازل كامل على كل درايش الموتر + الأماميه والخلفيه + الفتحه
بـ 1500 ريال، وأحياناً فوق البيعه يركبون لك دواسات أو حمايه للزجاج الأمامي كدعايه !!

وللأسف كثير من الشباب يجون ولاحتى يكاسرون ويركبون بـ 2000 وأكثر
ولاحظت إن حتى الموظفين هناك يعرفون متى يرفعون السعر ومتى ينزلون
وطبعاً يرفعون السعر لما يشوفون حد فاج داش عليهم ولا حتى يكاسرهم !!

وبالنسبه للحمايه على الوجه 2100 ريال يركبونها ومن أيام رحت مع واحد
من الربع مطلع له vxr وركبنا حمايه للوجه كامل و25% من البانه والرفارف،
وأيضاً العامودين وأطراف البيبان الـ 4 وعازل حراري على الدرايش كلها والأماميه
والخلفيه والفتحه والحساب كله طلع 3600 ريال يعني ممكن الحين بـ 3500 ريال السعر..

..

[@فارس@]

وين مكان التركيب الي اتقول عنه اخوي

وين المكان بالتحديد وبارك الله فيك

[الـخـور]

جزاكم الله خير

[qa78]

النهدي حبيبي بطريق سلوى بعد مجمع كواليتي الجديد عند دخله العزيزيه وانت رايح دوار عين خالد المحل على زاويه ويبين من الشارع

[محمد11]

الشيخ انا مركب فيكول طلع مصخره
وخذت موتر الرجال مركب ف النهدي الصراحه صج صج حسيت بالنتيجه

اخوي انا عندي خصم من الدوام حق تيتانيوم. والنهدي
تيتانيوم 30% بس النهدي مادري كم روح اسالهم وقولهم الخصومات حق اي جه عندكم وكم الخصم
كلمني بجي معاك بعطيهم بطاقتي ومايصير خاطرك الاطيب

[الكاسر007]

روح محطة المسيلة ب200 ريال وعازل ما عليه كلام على كلام واحد من الربع ركبة على في اكس ار ومحل متخصص بس بالعازل للعلم وبالتوفيق

[abdellatif]

انا من تجربتي احسن عازل هو تيتانيوم
هو اول محل عازل فتح اسعاره حلوه
والعزل والتركيب ماعليه كلام .

تقبلوتحياتي

[خوخه وحلو]

مووووووووفقه

[بوجاسم 999]

انا عن تجربه تاتنيوم

بس الحين اسمع الربع يمدحون النهدي

[حلاة الروح]

http://solarcareinc.com/LLumarLogo.jpg

لومار

[غير عنهم]

الصراحه مانصحك في النهدي تركيبهم اي كلام توي مركب عندهم(وغيرهم ماجربته)

[]¦[DraGon]¦[]

انا بعد ركبت عند النهدي 30 % وما احس بالفرق

يا الربع اذا صج ابي احس بالفرق اركب كم في الميه وشنو اسم العازل

رفيجي مركب عازل من محلات الزينه نوعه كوري تصدقون اشعه الشمس ما تدخل السياره

وشكرا

[seeyou55]

انا بعد ناوي اركب على كروزري

حد يقدر يقولي كم اسعارهم ؟؟

جونسون و في كوول؟؟

[HAMAD2008]

روح محطة المسيلة ب200 ريال وعازل ما عليه كلام على كلام واحد من الربع ركبة على في اكس ار ومحل متخصص بس بالعازل للعلم وبالتوفيق
قصدك محل الفلم الشفاف اللي فالمسيله....بس انت تقول 200 ريال ..ليكون تقصد 2000 ريال...اذا 2000 ريال ماسوينا شي بعد غالي

شكرا

[حسن]

انصحك لاتركب خلا ص الجو يتغير وركب السنه الجايه احسن