انا مسافر الكويت مع العيال في العيد وابي معلومات عن المسارح واشياء اخرى الله لايهينكم

[qatar64]

السلام عليكم
انا مسافر الكويت مع العيال فابي اعرف الاماكن الترفيهية والمسارح اللي اقدر اودي اليهال عليها .
واذا بعد في موقع على النت لهم يكون اقدر احجز اماكن بعد احسن.
ولكم تحياتي

[انا حره]

السلام عليكم

الكويت حلووه بالعيد

شوف المجمعات
الافنيوز يبيله يوم كامل لانه كبير وفي اماكن لللاطفال ومطاعمهم حلووه

سوق شرق المهلب المارينا مول سيتي سنتر السالميه

الفحيحيل فيها الكوت والمنشر وفيه شارع كله محلات نفس السوق

روحو سوق المباركيه الاشايء القديمه والاسواق ومحلات الحلويات الشعبيه قرص العقيلي والرهش الي بالدبس وغيره

ودهم للمركز العلمي بيستانسون فيه في احواضا لاسماك وسينما الاكتشاف

الفروانيه فيه شارع فيه مجمعات العربيد والحمرا والبحر وغيره من المجمعات

ترى اسواقهم تقريبا متشابهه

روحو مطعم بوصويلح والستينات للمؤكولات الشعبيه والقديمه اكثرهم بالسالميه


صراحه انا مادل اروح مع اخوي وهو الي يدل ولا اعرف اوصف بس اذا ضيعت خذ تاكسي احسن لك

والسكن روح الماريوت كورت يارد عائلي وحلووو ومطاعمه حلوو

تقدر تحجز من هنا

[qatar64]

اشكرك على المعلومه -- الله لا يحرمني منكم

[انا حره]

المجمعات التجارية والمولات

1. مجمع الصالحية هاتف ::2421260 ، العنوان : مدينة الكويت
2. مجمع الثريا هاتف : 808030 ، العنوان : السالمية ، شارع سالم المبارك بجانب مجمع الوطنية
3. سوق شرق هاتف : 2451821 ، العنوان: شرق ،طريق الخليج
4. المارينا مول هاتف : 5722299 ، العنوان : السالمية طريق الخليج
5. مجمع المهلب هاتف : 2662020 ، لعنوان : حولي شارع المثنى
6. الفنار هاتف : 5720097 ، العنوان : السالمية ، شارع سالم المبارك
7. مجمع البستان هاتف : 5714633 ، العنوان : السالمية ، شارع سالم المبارك
8. مجمع المثنى هاتف : 2414081 ، العنوان : مدينة الكويت شارع فهد السالم
9. سوق السالميه (سيتي سنتر ) هاتف :5727344 ، العنوان : السالمية مقابل دوار الجوازات
10. سنترال بلازا هاتف : 5737085 ، العنوان : السالمية ، شارع سالم المبارك
11. غاليري ( للأثاث ) هاتف : 4313122 ، العنوان : الفروانية مقابل مركز سلطان الجملة
12. غاليريا 2000 هاتف : 5726092 ، العنوان : السالميه ، شارع سالم المبارك
13. مجمع العثمان العنوان : حولي ، شارع بن خلدون
14. ليلى غاليري هاتف ::5748524 العنوان : السالمية ، شارع سالم المبارك
15. مجمع شاهه العنوان : السالمية ، شارع سالم المبارك
16. مجمع زهرة العنوان : السالمية ، شارع سالم المبارك
17. مجمع بلازا هاتف : 2633191 العنوان : حولي ، شارع العثمان
18. مجمع السندس العنوان : حولي ، شارع العثمان
19. مجمع الأيوب العنوان : حولي ، شارع العثمان
20. مجمع اجيال هاتف : 3913924 العنوان : الفحيحيل ،شارع السوق
21. مجمع الكوت العنوان : الفحيحيل الطرق الساحلي
22. مجمع كويت ماجيك هاتف : 3710866 ، العنوان : ابوحليفه مقابل البحر الطريق الساحلي رقم 211
23. مجمع الرايه هاتف : 2997999 العنوان : شرق ، مقابل محطة المطافئ، شارع الشهداء

[انا حره]

مطاعم لبنانية

1. قصر البردوني هاتف : 5661117 ، العنوان : السالمية ، مجمع الخالد
2. قصر السرايا هاتف : 5711101 ، العنوان : السالمية ، شارع الخليج العربي
3. ميس الغانم هاتف : 2460456 ، العنوان : شرق ، شارع الخليج العربي مقابل ابراج الكويت
4. فيلا فيروز هاتف : 2652030 ، العنوان : الشعب ،قطعه 8 ، شارع 80 ، بناية 1
5. البستان هاتف : 5652589 ، العنوان : الشعب ، شارع الخليج العربي
6. قصر يلدز هاتف : 2455212 ، العنوان : مدينة الكويت ،شارع الشهداء برج حمود
7. برج الحمام هاتف : 2529095 ، العنوان : شارع الخليج العربي
8. كبابجي ، العنوان : ابو حليفه ، الطريق الساحلي ،مجمع المطاعم
9. زعتر وزيت هاتف : 2244944 ، العنوان :مارينا مول

[jassem777]

السلام عليكم

هلا وغلا فيك لاكويت في ديرتك الثانيه ابرك الساعات الي يزورونا اهلنا في قطر الغاليه

انصحك في فندق المارينا وهذا موقع المارينا

http://www.marinahotel.com/

واما بنسبه لترفيه والعاب الاطفال عندك سوق الافنيوز تقريبا طوله 2 كيلو

اذا تبي مطاعم اذا تبي سوق بمعنى الكلمه كل ماتحتاجه وتبي ملاهي للاطفال

والقهاوي فرنسيه وامريكيه وبريطانيه

والمطاعم الي فيها عندك المشاوي انصحك

مطعم فيلا فيروز و مطعم سراي

والاسماك مطعم توتالي فيش شئ خيالي

ومطاعم الستيكات كثيره بذات الي يم ملاهي الاطفال مجيك بلانيت

ومطاعم صينيه ويابانيه وعندك مطعم ماكي

وعندك مطعم اشاز الهندي

المطاعم راح تحتار وجهت نظري لوتقعد 10 ايام ماتخلص

عندك ملاهي الاطفال في الافنيوز ماجيك بلانيت و بروي

وفي فندق جدا راقي وهادي اسمه الرايه

فيه مطعم جدا روعه طبعا امريكي اسمه برجر بوتيك

اذا بتاجر سياره لاتاخذ من مكتب يقولك وقع على كمبياله روح حق الشركات

العالميه افضل لك تأمين شامل وعداد مفتوح

وذا تبي شي دزلي مسج على الخاص وانا سداد تدلل بس الي تامرفيه لك

واي واحد من المنتدى انا حاضر

[jassem777]

وفي بعد شقق فندقيه قريبه من المطا ر والاسواق والافنيوز ومنطقه تجاره 100%

على طريق المطار سويت كونتينتال

[كويتى1]

كفووو

ووفووو

الى

قبلي

[MBI]

السلام عليكم
اول شي تروحون وترجعون بالسلامه
بابدئ بالفنادق
1-فندق الكورت يارد ماريوت داخل مجمع الرايه
2-فندق الشيراتون
3-فندق الجي دبليو ماريوت داخل الصالحيه
هاذي اعتقد افخم الفنادق
2
الاسواق
1-سوق شرق بمنطقه شرق على البحر ممتع لجميع افراد العائله
2-مارينا مول على شارع الخليج يصلح لجميع افراد العائله
3-الرايه سنتر في دسمان للماركات
4-الصالحيه للماركات
5-الافنيوز
بالنسبه للمطاعم :
1- برج الحمام ((اكيد جربته موجود في اللؤلؤه))
2- بوتيك برجر في مجمع الرايه
وهاي اللي اتذكره

والله يحفظكم يارب

[aljaber1]

الكويت بلد حلوه وتستحق الزياره
الله يوفقك وتروح وترجع بالسلامه

[كايد الوكره]

اي سؤال في بالك , راسلني على الخاص
من فنادق - شقق فندقيه - مطاعم - اسواق - اماكن ترفيهيه

[ROCK]

الكويت عروسة الخليج
تروح وترد بالسلامة واى خدمة حاضر
كوني بالكويت :)

[qatar64]

اشكر الجميع على الرد الحلووو
انا كنت بالشاليهات واليوم رديت الديرة
انا حجزت في النخيل - تونا اليوم اول يوم لنا

[carlo]

بالتوفيق

[غـيـد]

واللهـ يبيلنا نروحـ الكويتــ نتسوقـ

[qatar64]

والله كانت الرحلة حلوه
جيت اليوم

[البركان]

الحمد لله على السلامه

المره الجايه خبرنى علشان استقبلك

[qatar64]

الله يطولي بعمرك يالبركان
فيكم الخير

[ميمي 88]

يازين الكووووووووووووووووووويت

شعب ونيس ودم خفيف ياليت ازورها مره ثانيه بدون قرقه ووجع راس :(
وسوقهم حلو

والحمدلله ع سلامتكم اخوي

[simsim1963]

الكويت حلوة في الشتاء لأن الصيف سمعت انه نااااااااااااار

[qatar64]

الله يسلمكم
والكويت حلوه في كل المواسم

[السد]

اين يقع مجمع الافنيوز

[qatar64]

على طريق الدئري الخامس

[الموضوعي]

الافينوز مول على الدائري الخامس
360 مول على الدائري السادس بالقرب من جسر المطار
البيرق مول بالقرب من ضاحية جابر العلي

وحاول تحجز مسرحيات من الحين وهذا ارقام المسارح طبعاً بعد فتح الخط 00965

مسرحية ليلة رعب بطولة عبدالعزيز المسلم على مسرح سينما غرناطة
رقم التلفون 24711122

مسرحية الأطفال ليلى والذيبين بطلة زهرة الخرجي وجاسم يعقوب على مسرح مركز تنمية المجتمع في منطقة العدان قطعة 3 بجانب الجمعية رقم 1 تلفون 25421977 - 97300181 - 60717132

مسرحية الأطفال عصابة عزوز بطولة محمود بوشهري وعبدالله بو شهري ، منطقة الدعية صالة اتحاد المبارزة التلفون 65141414

[السد]

الافينوز مول على الدائري الخامس
360 مول على الدائري السادس بالقرب من جسر المطار
البيرق مول بالقرب من ضاحية جابر العلي

وحاول تحجز مسرحيات من الحين وهذا ارقام المسارح طبعاً بعد فتح الخط 00965

مسرحية ليلة رعب بطولة عبدالعزيز المسلم على مسرح سينما غرناطة
رقم التلفون 24711122

مسرحية الأطفال ليلى والذيبين بطلة زهرة الخرجي وجاسم يعقوب على مسرح مركز تنمية المجتمع في منطقة العدان قطعة 3 بجانب الجمعية رقم 1 تلفون 25421977 - 97300181 - 60717132

مسرحية الأطفال عصابة عزوز بطولة محمود بوشهري وعبدالله بو شهري ، منطقة الدعية صالة اتحاد المبارزة التلفون 65141414


يعطيك العافية اخوي

[ROCK]

شباب مافي احد من الشباب طالع الى الكويت ؟؟؟
بعطيه اغراض حق الاهل