زعفران

[BeYoNd]

وين احصل زعفران زين للطبخ بس يكون نوع جيد

[@فارس@]

انا مثلج ابي اشتري بس الي لقيته سعره مبالغ وايد فيه


اذا لقيتي شي زين وسعر حلو يا ليت تعلميني

والله يوفقج امين

[حرقطر]

في بس سعره وااااايد غالي

وهو درجات

[BeYoNd]

انزين وين احصل انا والله ابي بس الي موجود سعره نار مايخافون الله في الاسعار ..... ياليت حد يدلنا او حد عنده من الي في المنتدى نوع جيد وطبعن اشوفة قبل لانه في نوع مصبوغ انا مره جبت وطلع مافية ريحة ولما حطيته في ماي في فنجان بصراحة طلع لونه مو شي اصفر فاتح وهاي نوع طبعن مش جيد

[BeYoNd]

للرفع

[La Bella]

سوق واقف

[ام شوشي]

لا الة الا الله

[BeYoNd]

سوق واقف زحمة ابي مكان يكون الواحد يقدر يروحله

[doha70999]

فيه في مكسرات ايران

[Most Wanted]

الزعفران غالي وغالي وايد لا احد يتوقع بيلاقيه برخيص الا سعار ما عادت مثل الاول

[شموع قطريه]

تلقينه في كل الجمعيات عند الكاشير هو من النوع الفاخر الاسباني وسعره شوي غالي .. وفيه بعد عند محل اجمل للعطور احسن نوع من الزعفران اسباني وممتاز

[الشمالي111]

انا اخذه من محلات الجنوب

فيه في الريان
وفيه الغرافه شارع الاتحاد
وفيه فيه محطة ام الافاعي

التوله 130 اخبرها
الله يذكر ايام اول يوم كنا ناخذها 20

[OTBD]

الزعفران الايراني هو الاغلى واسمه على مااعتقد زعفران الشيبة او زعفران ابو الشنب انا ماخذ حق عرسي من قبل سنه الكيلو 12000 ريال اللحين اعتقد نزل لين 9000 ريال

[BeYoNd]

تسلمون

[@فارس@]

باوصي واحد يجيب لي من ايران باذن الله

وابشري بنصيبج باذن الله

[رجل تعليم]

الذي يريد منك شراء زعفران أصلي من مزارعه بالجنوب المغربي ممكن أدله على المكان


تبيعه القرويات وهو من ضمن ما تجود بهم أرضهم الباردة هنالك

احذروا فهناك من يأخذ لحم صدر الدجاج الأبيض الذي يشبه الخيوط ويصبغها بملون ما ويبيعه على أساس أنه زعفران أصلي

الزعفران الحر او الأصلي يمكن ان يترك رائحته بدرج المكتب لفترة تفوق الشهر


عندما كنت اشتغل بالمنطقة الوحيدة التي يزرع بها في المغرب وهي منطقة : تاليوين تابعة اداريا لاقليم تارودانت ، كان تلامذتي يحملون لي كل يوم تقريبا كمية مما يجمعونه لدى مرافقتهم لاسرتهم اثناء عملية الجني

الزعفران الذي ينتج بمنطقة سوس هذه من أجود انواع الزعفران وأروعها بشهادة الاسبان أنفسهم

تتم عملية الجني تقريبا في نهاية شهر سبتمبر الجاري وتستمر لشهرين تقريبا

كل يوم تتفتح وريدات قليلة صباحا ويتم جنيها قبيل طلوع الشمس

تؤخذ الوردات الى البيت ويتم فرز تلك الشعيرات من وسطها وهي خفيفة الوزن بشكل لا يصدق

اذا كان احدكم في زيارة للمغرب سأدله ان شاء الله على كيفية الوصول الى تلك المزارع ويشتريها بنفسه


وفقكم الله جميعا

[fahad ..gh]

انا اخذه من محلات الجنوب

فيه في الريان
وفيه الغرافه شارع الاتحاد
وفيه فيه محطة ام الافاعي

التوله 130 اخبرها
الله يذكر ايام اول يوم كنا ناخذها 20

اول شى اختى مشكورة على طرح الموضوع ..
.................................................. .............................

محلات الجنوب .. بوصالح<< رجال طيب و نشمى .. هذا من واقع تجربه.. الله يوفقه انشالله

بما انى كنت اتاجر فالزعفران << هاى من سنتين تقريبا او اكثر و كنت اورد بال100 و 150 كيلو و ابيعهم ع المحلات سواء محلات الجنوب او غيره فى سوق واقف قبل مايرتفع سعره من 1200 ريال لين 14000 ريال كشراء من ايران و احسبوها انتوا مع فلوس التصدير و ال...

الزعفران الايرانى منع تصديره فايران و هذا امر من الرئيس الايرانى تقريبا قبل سنتين ثلاث..
فارتفع الزعفران الى كنت اشترى 100 كيلو كل مرة و الكيلو ب 1050 ريال من التجار فى ايران الى تقريبا 16000 ريال و هاى مشتراه من ايران و صار نااااااااااااااار مش زعفران.. و محد كان يحصل الاصلى الا بسعر فوووق ..علشان كذا قاموا يوردون زعفران الاصلى بتعب و يخلطونه او يلونونه و بعدين يبيعونه بحكم انه اصلى و الكيلو ب 9000 والى 6000 ريال.. والناس مستانسين .. على وشو مادرى؟؟؟

بس حبيت اذكركم بكم نقطه ارجوا انكم تاخذونها بعين الاعتبار :

النقطة الاولى: ياجماعة الخير الزعفران الايرانى ماقول محد يقدر يعرف انه الاصلى ولا لا .. بس اقول ان مش اى واحد بيعرف انه اصلى ولا لا.. علشان كذا لازم تديرون بالكم لان الزعفران الى تاخذونه ب 12000 ولا 9000 ولا اقل ترا مش الزعفران الاصلى.. هالزعفران يكون مخلوط مابين الاصلى و الى مب اصلى .. و فى النوع الثانى الى يصبغونه يعنى مش زعفران اصلا..و فى نوع الثالث الى يكوتون التوله و يبيعون البقيه.. يعنى شغل مش حالك حالك يمشى << علشان تطلع فلوس باى طريقه << لانك تاجر و التجارة شطارة << بس قلنا شطارة بس مب نصب و تنصبون ع العالم و هم يضحكوون..

النقطة الثانيه : خلونى اقولكم شى ان الزعفران الى يبيعونه باسم الاسبانى .. اكثرهم بالاصل هو نفسه الايرانى بس يصدرونه لدبى و من هناك يسوون الكرتونه و يكتبون عليها : صنع فى اسبانيا يعنى made in spain .. و العالم يشترون و مايعرفون شالطبخه.. يعنى دير بالك على نفسك لحد يضحك عليك .. يمكن فى زعفران اسبانى بس مب كل الى يجيبونه اسبانى مع انى ماعترف بزعفران غير ايرانى سواء اسبانى امريكى كورى صينى<< من متى هذيلن عندهم زعفران اصلن؟؟؟ والله انى مستغرب ياجماعة الخير

النقطة الثالثه: اذا تبى الزعفران الايرانى فلاتقعد تدور ع الرخيص و مادرى ايش .. الزعفران الايرانى فى ايران نفسها ب 3 مليون و 800 الف تومان ايرانى تقريبا ان ماخاب ظنى .. يعنى باالقطرى بيطلع لك حوالين ال14 الف ريال ,, هاى و هو ارخص من قبل .. فاشلون انتوا تبغون التاجر يعطيكم الاصلى ب 9000 ريال و هو جايبه ب 14 الف تقريبا للكيلو.. و التاجر الله يسلمك يجيبه ب ال50 او 60 كيلو بالمرة الوحده.. يعنى بيحط شى حول 600 ولا 700 الف ريال كراس المال:deal:.. يعنى تبغونه يستفيد على كل كيلو 500 ولا 1000 ريال؟؟؟:nono: طبعا اقل شى يبى يستفيد 3 ولا 4 الاف .. هاى وانا اقول اقل شى.. يعنى اذا تبغى ارخص فبيعطيك الدرجه الثانيه او الثالثه بس باسم الاصلى..

و انشالله تحصلون مطلبكم

و بالتوفيق..:playball:

[BeYoNd]

تسلم اخوي فارس :)

[BeYoNd]

تسلم اخوي رجل تعليم

[BeYoNd]

العفو اخوي وتسلم اخوي ع التوظيح ... لانه عن جد في ناس حرامية وانا جربت بنفسي الا الوالدة الله يخليها ويحفضةا قالتلي اخذي شوي م كل نوع وحطية في فنجان في ماي دافي ومن اللون ومن الريحة ينعرف اذا اصلي او مصبوغ

[الشامسي]

السلام عليكم

انا عندي زعفران ايراني درجه اولى في غرشه وزنه 6 تولات والريال طالب فيه 300 ريال

[احمد1]

فيه في مكسرات ايران
السلام عليكم ورحمة الله اخواني بخصوص الزعفران طبعا اولا ابي ارد على الاخ الي قال في في مكسرات ايران طبعا درجه ثالثه يمكن وانت نازل وبصراحه ماشفته بس مرة دخلت مكسرات ايران وشفت مستوى المحل ....
المهم بزيدكم من العلم الي اعرفه وان شاء الله افيدكم اول شيء الزعفران يبيله اول شيء ذمه وثقه وبخصوص الزعفران الي اسمع عنه الي ينباع برع السوق دكاكيني على قولتهم الجرام يوصل لين 50 ريال من الي شفته من فتره في حدا المنتديات وفي السوق 35 ريال وطبعا مادري يجي كامل عنابي ولا اشقر بعد المهم الزعفران في ايران يوم تنقله من بلده لين بلده ثانيه تلقاه يزيد سعره بشكل جنوني واذا طلعته من البلد بتلقى يزيد سعره اكثر واكثر انه تعرفت على صاحب محل في ايران والمكان الي شريت منه الزعفران جنب المزارع الي تزرعه وهو يسمونه هناك مخصوص (نقين) طبعا هو درجه اولى واصلي وماعليه كلام بس انه شاري كيلو و650 جرام يعني مو بالغرامات لان راعي المحل يقول لي اطرش اوروبا وكوريا و.... الخ وقالي انه في نفس البلد ينقلون كيلو مثلا ويخلطونه ب ثلاثه كيلو ويبيعونه على اساس انه اصلى طبعا انت وذمتك المهم اذا تبون بجيب لكم من هناك وياليت تقولون لي اسعار السوق هنيه والله ماعرفها اذا الموضوع يرزى والكميه تستاهل الي بتطلبونها بكلمه وبخليه يطرش لي الكميه للعلم انه طرش لي قبل كيلو عن طريق القطريه(شحن) ووصل وكان ثقه وانتو الي تبونه حاضرين ويا مرحبا
ملاحظه ( لا توصي عليمي يشتريلك زعفران من ايران عشان بيجيب لك الي يحطونه في المطارات وهو تجاري درجه اولى يعني حق السياح تلقى كمن جرام وتحته ورقه لونها عنابي وتفرح في القوطي يوم يجيبونه لك بس اخر شيء تلقى كمن شعره والصج انه ارضيت القوطي عنابييه)