المساعد الشخصي الرقمي

مشاهدة النسخة كاملة : الامارات للعطلات


حمد911
04-09-2010, 04:57 PM
السلام عليكم
حبيت أخبركم عن الامارات للعطلات عندهم بكجات حلوة ,ارخص من مكاتب السفريات بكثير أسعارهم تقريبا مثل اسعار مواقع الانترنت بس هم يمكن يكونون سهلين حق الي يخافون من التعامل مع مواقع الانترنت أنا مريت عليهم من كم يوم وكان الفرق كبير بينهم وبين احد مكاتب السفريات وصل الفرق الى 12000 ريال تقريبا وانا قارنت في الانتر نت وكان السعر مثلهم تقريبا

البكج عبارة عن تذكرة السفر والاقامة مع فطور وعشاء وتنقل من الفندق الى المطار والعكس
وحيد-الشوق
04-09-2010, 08:50 PM
جزاك الله خير

يليت تذكر لنا ايش هي الدول الي عليها العروض والبكج
حمد911
05-09-2010, 02:27 AM
مرحبا اخوي وحيد الشوق

البكجات كثيرة اللي عندهم بس بعطيك مثال لفندق بالمالديف اسمة شنجريلا ولمدة 4 ايام وهو يعتبر ثالث افخم فندق بالمالديف العرض الي حصلتة فيلا مع جميع المرافق وفطور وعشاء وتذاكر سفر اوكونمي لشخصين بالاضافة الى رحلة طيران داخلي لشخصين وتنقل بالبوت السريع بالاضافة الى اقامة بدبي لمدة يوم بفندق مريديان مع الفطور والفندق قريب من المطار بخمس دقائق وهو فندق خمس نجوم

السعر الاجمالي 21الف ريال

بسفريات حصلت نفس الاشياء ذي بسعر 33 الف

يعني قبل ماتدفعون مرو الامارات للعطلات وقارنو وانا متئكد انة اقل منهم بكثير

هم يعطون اسعار حلوة للبكج كامل وكل الدول متوفرة حتى لو الفندق مش موجود عندهم يراسلونهم ويجيبونة لك
ولد ازغوى
05-09-2010, 04:08 AM
عندهم عروض على تركيا ؟
حمد911
05-09-2010, 04:48 AM
عندهم عروض على تركيا ؟

متوفر عندهم بس ماسئلت عن البكج الخاص بتركيا بس تقدر تمرهم وتحدد وقت السفر والفندق اللي ببالك وبيعطونك السعر الاجمالي تقدر تقارنة في مكاتب السفريات
Mohammed.a
06-09-2010, 11:54 AM
السلام عليكم
حلو انك تاخذ باكج شامل كل شي بس مب لكل الدول
ممكن باكج المالديف لو سيشيل او حتى الدول الي تكون اسعار السكن فيها مرتفعه
وكل شركات الطيران وخاصة الي عندها قسم العطلات
الاسعار عندهم اقل من السفريات
والسبب بسيط واعطيك مثال
في عرض اخذته بشهر ١١ الماضي بموقع القطريه للعطلات ليلتين في دبي 2000 ريال ( تذكره وسكن بفندق ٥ نجوم كراون بلازا شارع زايد )
وفي التذكره مكتوب ان السعر٥٨٠ ريال
مع ان سعرها الحين ١٢٥٠ ريال
فهم اذكيه يتزلون سعر التذكره ويركبون اكثر عدد من المسافرين
عشان جذي سعر البكج اقل
ورقــة أمــل
06-09-2010, 09:26 PM
حصلت بكج للاردن ب 21 الف لمدة 6 ايام شرايكم فيه؟ مع تور وسيارة وسكن والاكل

يسوى ولا مايسوى
ولد ازغوى
06-09-2010, 10:19 PM
انزين هم طيرانها الاماراتيه ولا القطريه
لان اتصلهم ما يردون ؟
حمد911
06-09-2010, 10:56 PM
السلام عليكم
حلو انك تاخذ باكج شامل كل شي بس مب لكل الدول
ممكن باكج المالديف لو سيشيل او حتى الدول الي تكون اسعار السكن فيها مرتفعه
وكل شركات الطيران وخاصة الي عندها قسم العطلات
الاسعار عندهم اقل من السفريات
والسبب بسيط واعطيك مثال
في عرض اخذته بشهر ١١ الماضي بموقع القطريه للعطلات ليلتين في دبي 2000 ريال ( تذكره وسكن بفندق ٥ نجوم كراون بلازا شارع زايد )
وفي التذكره مكتوب ان السعر٥٨٠ ريال
مع ان سعرها الحين ١٢٥٠ ريال
فهم اذكيه يتزلون سعر التذكره ويركبون اكثر عدد من المسافرين
عشان جذي سعر البكج اقل

عليكم السلام أخوي
أخوي بشكل عام البكجات عندهم على اي بلد أرخص من السفريات هاذا من واقع تجربة لان المكتب السياحي يبي ربح دبل ومافية رقابة ولا شي كلن يحط السعر الي على كيفة..

هم صحيح سياستهم حلوة ويسون بكجات رخيصة وبنفس الوقت بيحصلون ناس اكثر بتالي الربح اعلى وهي سياسة حلوة من وجهة نظري الشخصية والطرفين مستفيدين

أن بشوف بكجات اوروبا وبقول لكم بكم حصلتها وبنقارنها بمكاتب السفريات ان شاء الله
حمد911
06-09-2010, 10:58 PM
انزين هم طيرانها الاماراتيه ولا القطريه
لان اتصلهم ما يردون ؟

طيران الامارات

وبتلفون ماينفع لانهم مايردون

تقدر تمر عليهم بالمكتب الرئيسي بعد مركز للولو بالمطار
حمد911
06-09-2010, 11:00 PM
حصلت بكج للاردن ب 21 الف لمدة 6 ايام شرايكم فيه؟ مع تور وسيارة وسكن والاكل

يسوى ولا مايسوى

ماذكرتي لنا السفر الى اي بلد؟

وأيش اسم الفندق وهل هو 5 نجوم او 4 نجوم؟

وكم شخص؟

ونوع التذكرة بزنس ولا سياحية؟
ورقــة أمــل
07-09-2010, 09:41 AM
ماذكرتي لنا السفر الى اي بلد؟

وأيش اسم الفندق وهل هو 5 نجوم او 4 نجوم؟

وكم شخص؟

ونوع التذكرة بزنس ولا سياحية؟

البلد الاردن وعدد 3 اشخاص والفندق 4 نجوم غرفتين شامل الاكل والسيارة ليلتين في البحر الميت وليلة في البترا ومادري شنو مرشد سياحي



شرايكم يسوى ولا ماتعب نفسي :looking:
المعنى88
07-09-2010, 11:50 AM
أنا أقول ما يسوى شي من اللي ذكرتيه العدد والتذاكر والفندق .........
(3) أشخاص ولا شخصين وطفل
أحسن شي كل شي بروحه بدون بكج