موضوع جاد جدا ً: هل هناك ريكورد حق أحد سافر من الدوحه الى الإمارات سير على الأقدام ؟؟

[فــلان]

السلام عليكم و رحمة الله و بركاته

عقب تجربه حياتيه إيجابيه جدا ً قررت إني أحط موضوع تحت الدراسه وهو السفر من الدوحه إلى دولة الإمارات الشقيقه مشي و في توقيت إن شاء الله يكون قياسي.

وبهالمناسبه حبيت أسأل إذا حد عنده أي معلومه موثوقه عن حد سوى هالشي من قبل ؟ علما ً بأن المسافه المقطوعه بتكون فالـ600 كيلومتر تقريباً

أرجوا التفاعل جديا ً لانه بيسهم بشكل كبير في إفادتي و تحفيزي بشكل إيجابي

والله ولي التوفيق :thumbup1:

*

[فــلان]

شالسالفه 18 مشاهده ولا رد ؟ خوش تحفيز والله.يعطيكم العافيه :)

[باسكن روبنز]

عفواً بو راشد ،



شالهدف انك تروح مشي! ،
لاتلومنا بس موضوع غرررررررررريب ،

[فــلان]

عفواً بو راشد ،



شالهدف انك تروح مشي! ،
لاتلومنا بس موضوع غرررررررررريب ،

إذا الله منعم عليك بـ لياقه وعافيه بفضل منه ولله الحمد ليش ماتسوي ريكورد حق نفسك وتكون تجربه في الحياه لو إنجحت تفتخر بنفسك طول عمرك هذا غير طبعا ً مستوى اللياقه و وضع الجسم عقب ماتوصل من غير شر :)

[The Watcher]

حلو ان الواحد يكون عندهم هدف وهمة عالية

بس لازم يوجهها في الطريق الصحيح

بالنسبة لي اشوفها ان شخص يبحث عن الشهرة .. او عن انجاز
وهالشي مش عيب .. بس المهم ايش نوع الانجاز

فرق كبييييييير بين ان يكون الانجاز الفوز بجائزة نوبل .. او يكون شي ثاني لا يقدم ولا يؤخر في التنمية

[فــلان]

حلو ان الواحد يكون عندهم هدف وهمة عالية

بس لازم يوجهها في الطريق الصحيح

بالنسبة لي اشوفها ان شخص يبحث عن الشهرة .. او عن انجاز
وهالشي مش عيب .. بس المهم ايش نوع الانجاز

فرق كبييييييير بين ان يكون الانجاز الفوز بجائزة نوبل .. او يكون شي ثاني لا يقدم ولا يؤخر في التنمية


أخوي الحمدلله بالنسبه للشهره والإنجازات فخذت نصيبي منها و على مستوى بطولات عالميه لأني شخصية رياضية معروفه و مؤثره في مجالي ولله الحمد :)

وبالنسبه للإنجاز من قال إنه لازم يقدم ويأخر للغير ؟ هالإنجاز إذا بيستوي فبيستوي لنفسي و ذاتي ولتطوير قدراتي الشخصية و البدنيه مب حق حد ثاني , مثلك بالضبط يوم تروح تشتر لك ساعه قيمه أو غرض شخصي مختلف مب لازم تحمل عليها رسالة ساميه لأنك شريت هالشي لنفسك و مب محتم عليك إن هالساعه و الغرض الشخصيه يرجع بالمنفعه على الجميع

أرجوا إني قدرت أوصل المعلومه :)

[رنج سبورت]

بوراشد شرايك نروح نتمشى لين ابوظبي :)

للحين ماسمعت عن احد راح مشي الا اذا كانوا شيبانا الاول الله يرحمهم راحوا ومحد درا عنهم هذا موضوع ثاني

[بويوسف]

الله يوفقك .. طيب ليش ماتروح مشي الى كل الدول العربية ؟ ومنها تكتب مذكراتك في هالرحلة .. بتكون عملت انجاز شخصي ورقم قياسي وانجزت كتاب مافي مثله .. والله يوفقك.

[Abdlaziz]

الله يوفقك يابوراشد الصراحه انا اشهد انك خطير 600 كيلو مشي
انزين ليش ماتفكر بسيكل احسن
الانجليز يقطعون مسافات بالسياكل وهاي هواية
اما المشي صعبه شوي المشي حلاته يكون بالجبال واماكن طبيعيه مثل الغابات وهاي السوالف
الموضوع يبيله دراسه بس ماقد سمعنا عن حد راح الامارات مشي او سيكل

[mohd89]

ما سمعنا عن حد راح الامارات مشي
وأهنيك على هالفكره صراحه .. الانجليز تسمع عندهم وايد ناس يسجلون ارقام قياسيه في مختلف المجالات
مع احترامي ولكن المشي لدولة الامارات لا يعتبر شئ تعجيزي
لا تنسى انه ايام اول كانوا يمشون من اليمن الى الشام مشي على الاقدام وتاخذهم بالشهور
اما الحين بالنسبه لك بتحصل استراحات ومطاعم ع الطريق والمسافه مش بعيده وايد
والانجاز ما يستاهل التعب.
انا اشوف فكرة الذهاب الى مكه مشياُ على الاقدام فكره جميله جدا من الناحيه المعنويه وأعتبرها انجاز كبير وفي نفس الوقت كم من الحسنات ستجني في طريقك الى بيت الله تعالى.

موفق ان شاء الله

[وافق شنن طبقة]

انا اتوقع

ولا تدري شلون خل اتوقع


شرايك تروح للعمره مشي ..ولا على ركاب (جمال)

ومنها تشوف كيف عيشه اجدادنا وابائنا ..

اهنا بيكون لك هدف محدد ..وتجربه ماحد جربها من قبل

اذا لك خاطر ..مستعد اوفر لك الركاب

[المعنى88]

في شباب من عمان طافوا دول الخليج بالسيكل ....... ايضا قي شاب من السعودية
الهدف منها رسالة السلام ........... وفي عربي طاف دول العالم مشي

[الماليه]

على مااذكر انه نعم في مجموعه شباب ومعاهم شايب بعد مشوا لين ابوظبي وعلى ماذكر كان في مناسبه رجوع الشيخ زايد الله يرحمه من العلاج ومعاهم سياره تلحقهم فيها الماء والاكل والفرش

[بدوي]

تحمل من التريلات ياخوي


تهقى السعودية بيدفعونك التأمين ؟

[ع.م]

الفكرة مميزة و لو ماعندك هدف إلا اللياقة بعد شي ممتاااز.

أهم شي تصور كل شي عشان تصير دوكيومينتاري حلوة..

بالتوفيق يارب..

[yousef545]

الله ايهدينا و ايهديك انشالله

[فــلان]

بوراشد شرايك نروح نتمشى لين ابوظبي :)

للحين ماسمعت عن احد راح مشي الا اذا كانوا شيبانا الاول الله يرحمهم راحوا ومحد درا عنهم هذا موضوع ثاني


مرحبا أخوي , أنا حاليا ً موجود في بوظبي عند الخوال , ولد خالي يذكر لي واحد من أخوانا الإماراتيين قطع من بوظبي إلى الربع الخالي وكانت المناسبه في عيد الإستقلال عندهم. إجمالي المسافه المقطوعه كانت فالـ600 كيلو بعد.

[فــلان]

الله يوفقك .. طيب ليش ماتروح مشي الى كل الدول العربية ؟ ومنها تكتب مذكراتك في هالرحلة .. بتكون عملت انجاز شخصي ورقم قياسي وانجزت كتاب مافي مثله .. والله يوفقك.


أخوي كم دوله عربيه بالضبط لووول :) ياخوي و رانا بيوت إنباريها و دوام :)

فكره حلوه لكن حق لعزوبي مع دعم يشمل الإجازه طبعا ً

[فــلان]

الله يوفقك يابوراشد الصراحه انا اشهد انك خطير 600 كيلو مشي
انزين ليش ماتفكر بسيكل احسن
الانجليز يقطعون مسافات بالسياكل وهاي هواية
اما المشي صعبه شوي المشي حلاته يكون بالجبال واماكن طبيعيه مثل الغابات وهاي السوالف
الموضوع يبيله دراسه بس ماقد سمعنا عن حد راح الامارات مشي او سيكل


يا بو سعود عقب سؤالي لقيت أكثر من واحد قطع هالمسافه مشي ومنهم أخونا الإماراتي اللي وصل الربع الخالي وهذا معناته إن مشى فالبر أنا أشد إنه بعير ذا الله يعطيه الصحه و العافيه:)

وهذا معناته التفكير بالسيكل غير وراد و مب مستاهل التعب لأنك مابتقدم جديد ولا شرايك :)

[فــلان]

ما سمعنا عن حد راح الامارات مشي
وأهنيك على هالفكره صراحه .. الانجليز تسمع عندهم وايد ناس يسجلون ارقام قياسيه في مختلف المجالات
مع احترامي ولكن المشي لدولة الامارات لا يعتبر شئ تعجيزي
لا تنسى انه ايام اول كانوا يمشون من اليمن الى الشام مشي على الاقدام وتاخذهم بالشهور
اما الحين بالنسبه لك بتحصل استراحات ومطاعم ع الطريق والمسافه مش بعيده وايد
والانجاز ما يستاهل التعب.
انا اشوف فكرة الذهاب الى مكه مشياُ على الاقدام فكره جميله جدا من الناحيه المعنويه وأعتبرها انجاز كبير وفي نفس الوقت كم من الحسنات ستجني في طريقك الى بيت الله تعالى.

موفق ان شاء الله


الله يحييك يا بوجاسم و جزاك الله خير على هالدعم المعنوي الطيب وكلامك صحيح 100%

وفكرتك أبرك فكره ... بشوف شلون ممكن إنسويها إن شاء الله واللي بيخاويني أبرك الساعات يبلغني عشان ندرس الفكره

[فــلان]

انا اتوقع

ولا تدري شلون خل اتوقع


شرايك تروح للعمره مشي ..ولا على ركاب (جمال)

ومنها تشوف كيف عيشه اجدادنا وابائنا ..

اهنا بيكون لك هدف محدد ..وتجربه ماحد جربها من قبل

اذا لك خاطر ..مستعد اوفر لك الركاب


فكرتك راجحه الله يبارك فيك ويجزاك كل خير على بادرتك الطيبه ياخوي , شي يسعدني الله يكثر من أمثالك .. إن شاء الله لين نويت بابلغك بآخر التفاصيل

لكن أخاف عمرتي تشوبها شائبه لأن الرحله أكيد فيه جهات إعلاميه بتتناولها و بالتالي أخاف أسوي شي يكون فيه شك من ناحية النيه و الإخلاص للعمره ,, أرجوا إنك فهمت قصدي ؟ و ش رايكم يا شباب ؟

بييض الله وجهك

[فــلان]

في شباب من عمان طافوا دول الخليج بالسيكل ....... ايضا قي شاب من السعودية
الهدف منها رسالة السلام ........... وفي عربي طاف دول العالم مشي


معلوماتك صحيحه أخوي بس اللي حالياً اللي قاعد يلف العالم مشي هو أجنبي على ما عرفت

[فــلان]

على مااذكر انه نعم في مجموعه شباب ومعاهم شايب بعد مشوا لين ابوظبي وعلى ماذكر كان في مناسبه رجوع الشيخ زايد الله يرحمه من العلاج ومعاهم سياره تلحقهم فيها الماء والاكل والفرش

صحيح أخوي :)

[فــلان]

تحمل من التريلات ياخوي


تهقى السعودية بيدفعونك التأمين ؟


أبشر أخوي لاتحاتي

إتصدق مادري ؟؟ :) لوووووووول :)

[فــلان]

الفكرة مميزة و لو ماعندك هدف إلا اللياقة بعد شي ممتاااز.

أهم شي تصور كل شي عشان تصير دوكيومينتاري حلوة..

بالتوفيق يارب..


بإذن الله :) و شاكر لك هالتواجد العطر :)

[فــلان]

الله ايهدينا و ايهديك انشالله


اللهم آمين أخوي بس ليش أحس إنك متضايق ؟ يا رب أمورك طيبه ؟

[سهم بن سهم]

بو راشد من زمان خاطري اشوف مغامر قطري في أي نوع من المغامرات وذكرتني بايام الكشافة والرحلات الخلوية اذكر مشينا من الماجده الى الزبارة على الاقدام .. راحت ايام الشباب .

بس تدري ياليت تكون رحلتك الى المملكة العربية السعودية ( مكة المكرمة ) رحلة حج على الأقدام من الدوحة أتصور وايد أحسن وفيها أجر من الله كبير وراح تكون أول قطري يوصل مكة المكرمة سيرا على الأقدام في رحلة حج للديار المقدسة الله يرزقك ويرزقنا زيارة بيته ... آآمين

تقبل تحيات اخوك وانا أول الداعمين لك بعد الله في هذه الرحلة المباركة .... الله يوفقك

[مهل]

السلام عليكم



بو راشد قواك الله قبل كل شي .. سبقوني الشباب على شور انك تروح لمكه .
و احب اني اشدد على روحه مكه و لاتحاتي النيه . الهدف سامي و كونك رايح لمكه و الاعلام بيطلع هالشي فا النيه هي خدمه الاسلام و نشر الاسلام و هدفك بيكون تقريبا حديث الرسول عليه الصلاه و السلام بما معناه و انت رايح المسجد خطواتك خطوه تحسب لك حسنه و خطوه تمحو عنك سيئه .

و بطرش لك رساله على الخاص لغرض معين

[فــلان]

بو راشد من زمان خاطري اشوف مغامر قطري في أي نوع من المغامرات وذكرتني بايام الكشافة والرحلات الخلوية اذكر مشينا من الماجده الى الزبارة على الاقدام .. راحت ايام الشباب .

بس تدري ياليت تكون رحلتك الى المملكة العربية السعودية ( مكة المكرمة ) رحلة حج على الأقدام من الدوحة أتصور وايد أحسن وفيها أجر من الله كبير وراح تكون أول قطري يوصل مكة المكرمة سيرا على الأقدام في رحلة حج للديار المقدسة الله يرزقك ويرزقنا زيارة بيته ... آآمين

تقبل تحيات اخوك وانا أول الداعمين لك بعد الله في هذه الرحلة المباركة .... الله يوفقك



أيام الكشافه احلى أيام ياخوي و الله ذكرتني الله يذكرك بالشهاده :)

بإذن الله بيتم تحويل الدراسه على بيت الله و نسأل لهاذي الرحله إن تمت القبول الله يرزقنا و إياكم إن شاء الله .. إن شاء الله لين عزمنا راح يتم الإعلان عن بدء الرحله المباركه بإذن الله.

[فــلان]

السلام عليكم



بو راشد قواك الله قبل كل شي .. سبقوني الشباب على شور انك تروح لمكه .
و احب اني اشدد على روحه مكه و لاتحاتي النيه . الهدف سامي و كونك رايح لمكه و الاعلام بيطلع هالشي فا النيه هي خدمه الاسلام و نشر الاسلام و هدفك بيكون تقريبا حديث الرسول عليه الصلاه و السلام بما معناه و انت رايح المسجد خطواتك خطوه تحسب لك حسنه و خطوه تمحو عنك سيئه .

و بطرش لك رساله على الخاص لغرض معين


عليك السلام و رحمة الله و بركاته

الله يسهل الأمور و يقدرنا نقدم على هالخطوه المباركه.تم إستلام رسالتك طال عمرك :)

[عاشق الشهادة]

انا اتوقع

ولا تدري شلون خل اتوقع


شرايك تروح للعمره مشي ..ولا على ركاب (جمال)

ومنها تشوف كيف عيشه اجدادنا وابائنا ..

اهنا بيكون لك هدف محدد ..وتجربه ماحد جربها من قبل

اذا لك خاطر ..مستعد اوفر لك الركاب



عملها الأخ صالح الشمري ومسجل هذا الانجاز باسمه في كتاب جينيس للأرقام القياسية العالمي , الله يطول بعمره على ركاب- جمل الانجاز الاول دول الخليج والثاني الوطن العربي ومنها دول افريقيا والثالث والأخير اسيا , انا اشوف ان فكره المشي افضل واول مره اسمع عنها خاصه بين قطر والامارات في عصرنا الحديث .

[simsim1963]

ذكرت فكرتك للواحد من الشباب ويقول يبي يشاركك الفكرة وبيروح وياك . ويش رايك بمكه كل يوم مشي 30 كيلو وبتوصل في 40 يوم

[فــلان]

عملها الأخ صالح الشمري ومسجل هذا الانجاز باسمه في كتاب جينيس للأرقام القياسية العالمي , الله يطول بعمره على ركاب- جمل الانجاز الاول دول الخليج والثاني الوطن العربي ومنها دول افريقيا والثالث والأخير اسيا , انا اشوف ان فكره المشي افضل واول مره اسمع عنها خاصه بين قطر والامارات في عصرنا الحديث .

ما شاءالله ,, الله يعطيه الصحه و العافيه بس أخونا صالح من وين ؟ وممكن تذكر لنا أكثر تفاصيل عن هذا الإنجاز إن أمكن ؟

[فــلان]

ذكرت فكرتك للواحد من الشباب ويقول يبي يشاركك الفكرة وبيروح وياك . ويش رايك بمكه كل يوم مشي 30 كيلو وبتوصل في 40 يوم


أبرك الساعات طال عمرك بس معدل 30 كيلو فاليوم وايد شوي :) :) ,, يعني بتكون بمعدل ساعه و نص
لكل 10 كيلو = 4 ساعات و نص فاليوم و المسافه يبيلها همه أكبر عشان الوصول
يكون في وقت لا باس به ولا وش قولك ؟

[عاشق الشهادة]

ما شاءالله ,, الله يعطيه الصحه و العافيه بس أخونا صالح من وين ؟ وممكن تذكر لنا أكثر تفاصيل عن هذا الإنجاز إن أمكن ؟



والله يـ بوراشد صالح من قبيله شمر العريقة ومن العراق بالتحديد تدري على كل هذه الانجازات الي دونها باسم قطر لم يحصل على جواز قطري والرجال انا داخل مجلسه وشفت صور له مع رؤساء وزعماء حكام دول والي اتذكره مع الشيخ زايد الله يرحمه ومع عيسى بن راشد الله يرحمه ومع العقيد معمر القذافي ومع رئيس تونس والمغرب , وانا لي أكثر من سنتين احاول فيه اني اكتب عنه في احدى الجرايد وهو رافض والسبب غامض بالنسبه لي , وعلى ما اعتقد العمل الي قام به كان في بدايه او وسط الثمانينات من القرن الماضي , والرجال صالح متزوج من قطرية واكبر اولاده يبلغ من العمر 22 سنه .

[البحار00]

والله يـ بوراشد صالح من قبيله شمر العريقة ومن العراق بالتحديد تدري على كل هذه الانجازات الي دونها باسم قطر لم يحصل على جواز قطري والرجال انا داخل مجلسه وشفت صور له مع رؤساء وزعماء حكام دول والي اتذكره مع الشيخ زايد الله يرحمه ومع عيسى بن راشد الله يرحمه ومع العقيد معمر القذافي ومع رئيس تونس والمغرب , وانا لي أكثر من سنتين احاول فيه اني اكتب عنه في احدى الجرايد وهو رافض والسبب غامض بالنسبه لي , وعلى ما اعتقد العمل الي قام به كان في بدايه او وسط الثمانينات من القرن الماضي , والرجال صالح متزوج من قطرية واكبر اولاده يبلغ من العمر 22 سنه .

عيسى بن راشد من ذيه

[ANONYMOUS]

لين الامارات ان ماخانتني ذاكرتي واحد قطري مشى من حول ١٣ سنه تقريبا

[بومحمد911]

بالتوفيق اخوي

ودربك ابيض

[عاشق الشهادة]

عيسى بن راشد من ذيه




السموحه لك ولكل الاعضاء عيسى بن سلمان رحمه الله .

[فــلان]

والله يـ بوراشد صالح من قبيله شمر العريقة ومن العراق بالتحديد تدري على كل هذه الانجازات الي دونها باسم قطر لم يحصل على جواز قطري والرجال انا داخل مجلسه وشفت صور له مع رؤساء وزعماء حكام دول والي اتذكره مع الشيخ زايد الله يرحمه ومع عيسى بن راشد الله يرحمه ومع العقيد معمر القذافي ومع رئيس تونس والمغرب , وانا لي أكثر من سنتين احاول فيه اني اكتب عنه في احدى الجرايد وهو رافض والسبب غامض بالنسبه لي , وعلى ما اعتقد العمل الي قام به كان في بدايه او وسط الثمانينات من القرن الماضي , والرجال صالح متزوج من قطرية واكبر اولاده يبلغ من العمر 22 سنه .

تسلم ياخوي على المعلومه الوافيه كفييت و وفيت

[فــلان]

لين الامارات ان ماخانتني ذاكرتي واحد قطري مشى من حول 13 سنه تقريبا

حتى لين الإمارات تفرق لأن لين لغويفات إنسميه وصل و لين لفجيره بعد وصل وفالحالتين بيكون وصل دولة الإمارات.لو إتقول لنا من هالرجال و لأي إماراه راح تفرق مع اللي بيسافر واجد

[فــلان]

بالتوفيق اخوي

ودربك ابيض

تسلم يا بومحمد جزاك الله خير ياخوي

[Mohammed.a]

بوراشد عندي لك فكره
برسلها على الخاص ان شاءالله

[musel999]

فكره حلوه انا شكلي بجرب امشي من معيذر للشحانيه
اذا شفت الوضع مناسب
جربت لي شغله ثانيه

الله يوفقك واذا بتمشي بالساعه اربع كيلو (معدل حلو ومش متعب )ممكن تكمل باليوم 40 كيلو
الله يوفقك وفكره ممتزه وتستحق الدعم

[Chambray]

جرب من سيلين لين العديد مشي إذا وصلت صاحي الله يحفظك فكر في مشوار 600 كيلو

اخاف في ربع الطريق توقف لك تريله توصلك لاقرب محطة بترول هههههههههه



الله يوفقك

[فــلان]

بوراشد عندي لك فكره
برسلها على الخاص ان شاءالله

على خير :)

[فــلان]

فكره حلوه انا شكلي بجرب امشي من معيذر للشحانيه
اذا شفت الوضع مناسب
جربت لي شغله ثانيه

الله يوفقك واذا بتمشي بالساعه اربع كيلو (معدل حلو ومش متعب )ممكن تكمل باليوم 40 كيلو
الله يوفقك وفكره ممتزه وتستحق الدعم

شاكر لك هالطله الحلوه أخوي وتسلم على الدعوه الطيبه :)

[فــلان]

جرب من سيلين لين العديد مشي إذا وصلت صاحي الله يحفظك فكر في مشوار 600 كيلو

اخاف في ربع الطريق توقف لك تريله توصلك لاقرب محطة بترول هههههههههه



الله يوفقك

بفضل الله قطعنا من دخان لين سيلين مواصل مابنتمشى من سيلين لين لعديد ؟ الله يسامحك بس ولاتفكر تستهين بأي أحدٍ كان عشان ما تجيك أيام تصدمك وخل آفاقك أعلى من هالشكل

[ولد الشحانية]

انا بخاويك لوتبي؟؟

[البحار00]

السموحه لك ولكل الاعضاء عيسى بن سلمان رحمه الله .

:yes: رحمة الله علية

[khaleeji]

يابوراشد ذيك السنه فيه واحد مسافر بالسيكل ومرينا عليه انا والوالد وكانت علينا حلبه ركبناه من البطحا ونزلناه عند مركز سلوى :eek2:

اذا عزمت وتبي خوي تراني حاضر بس قولي قبلها عشان اتمرن :strong3:

واذا مر علينا حد بنركب عبريه بس لاتعلم

وفالك التوفيق

[بورغد]

سبحان الله وبحمده

[Gh2o]

اخوي جرب ادق على سفارتنا في بوظبي لان اكيد المعلومات بتكون عندهم اذا وجدت

[فيصـــل]

الله يوفقك يابوراشد .. فكره طيبه وبتكون حافز لك في كل المحافل ان شاء الله

لكن لي نصيحه طال عمرك .. وخاصه اذا كنت ناوي انك تروح مكه او حتى الامارات .. ان تكلم احد المشايخ اللي لهم باع طويل في العلم امثال العريفي وغيره من المشايخ عن الرحله .. عشان يعطيك من النصايح ومن الامور اللي لازم تعملها والامور اللي تتجنبها .. ومثل منت عارف الدين جزء لايتجزء من الحياه اليوميه ..

الله يوفقك يالغالي وعطنا آخر علومك .. وعساك من عواده

[قلم محايد]

اخوي فكرتك ممتازة و ممكن تدخل موسوعة قينيس لكنها صعبة جدا جدا .. لان الاجواء في الخليج صحراوية حارة و المسافة طويلة جدا يعني ممكن تستغرق شهور .. و تحتاج مساندة معاك اكيد سيارة مرافقة و فيها حاجاتك من اكل و شرب

[بوعبدالعزيز999]

اذكر مره شخصيين من السعوديه جاو قطر مشي اذكر حتى شفتهم قبل اشارات فيلاجيو وجنبهم اسعاف يمشي وكانو حاطين على ضهورهم علم السعوديه عقب بيوم اكتبو عنهم فالجريده
وانا اقولك شد حيلك وعلى القوه

وبحثت عن موضوعه فالنت ولقيت واحد الضاهر ثاني
وهذا الخبر كما جا في المصدر

سعودي يقطع 45 ألف كيلومتر مشيا في 36 شهرا ويخطط للدخول في موسوعة غينيس

الرحالة الدوسري: سأكتب في مذكراتي عن طبيعة سلوكيات المجتمعات التي زرتها

الرياض: عبد الإله الخليفي
قطع رحالة سعودي أكثر من 45 ألف كيلومتر مشياً على الأقدام في رحلة برية متواصلة حول دول مجلس التعاون الخليجي وبعض الدول العربية، استغرقت أكثر من 36 شهرا، ولم تطأ قدم الرحالة أرض البلاد إلا منتصف العام الماضي، محملاً بالهدايا والدروع التذكارية التي حصل عليها من الدول المضيفة.
ويحزم الرحالة عبد المجيد الدوسري حقائبه المخصصة للرحلات، متجهاً إلى مكة المكرمة في رحلة استثنائية، حيث رشح مع 57 رحالة من دول مختلفة، لخوض غمار مسيرة السلام الأولمبية ضمن دورة ألعاب التضامن الإسلامي التي تنطلق في أبريل (نيسان) المقبل من مكة المكرمة غرب السعودية، مروراً بالطائف وانتهاء بمكة المكرمة مرة أخرى.

وكانت الانطلاقة الأولى للرحالة عبد المجيد الدوسري، في مطلع عام 2000 عندما بدأ من حي الملز، شرق العاصمة السعودية الرياض، متجهاً إلى دولة الكويت، حاملاً معه رسالة وطنية أطلق عليها، «كلنا فهد..»، رسالة سلام من أرض الحرمين، حيث مكث هناك 15 يوماً، توجه بعدها إلى مملكة البحرين، ومنها إلى دولة قطر، فالإمارات العربية المتحدة، ثم سلطنة عمان، ثم جمهورية اليمن.

وكشف الدوسري في حديث لـ«الشرق الأوسط»، عن نيته في استكمال هذه الرحلة قريباً، والتي تتطلب 8 سنوات سيراً على الأقدام حول مدن العالم، أنهى منها أكثر من 3 أعوام حول دول الخليج واليمن، متجولا في أرجاء وأحياء كل مدينة يدخلها، مشيراً إلى أنه يسعى لإدخال اسمه ضمن موسوعة غينيس للأرقام القياسية بعد تنفيذه كامل الخطة.

وحول هذه الهواية الشاقة، أكد الدوسري أنه في مرحلة الطفولة كان يتنافس مع بعض زملائه على الوصول إلى قرية تبعد عن مسقط رأسه (محافظة الخرج) 40 كيلومترا. مضيفاً أن هذه الهواية قد تطورت الآن وأخذت اتساعاً أكبر، فضلاً عن الدافع الوطني الذي يحفزه لاستكمال رحلاته التي يهواها بعد أن شهد ما يجري على أرض بلاده من الإرهاب والتفجير والتكفير من قبل بعض المتطرفين السعوديين، لافتاً إلى أنه يحاول المساهمة ولو بجزء بسيط في تصحيح الصورة المغلوطة عن السعودية والإسلام، ويسعى لتقديم صورة مشرقة عن دينه ووطنه، من خلال الرحلات التي يقوم بها. وعن الرحلة وخفاياها، أبان الدوسري أن رحلته كانت مليئة بالمتعة والإثارة والتشويق من جهة، والخوف والتعب والإرهاق من جهة أخرى، لا سيما أن الطرقات البرية تكتظ بألوان متعددة من الحشرات والزواحف السامة والحيوانات المفترسة والكلاب المسعورة، إلا أنه أشار إلى تمكنه حاليا وقدرته التامة للتعامل مع مثل هذه الأشياء، التي لم تعد تشكل له عائقاً في استكمال رحلاته، وبات من السهل أن يتعامل مع ما يواجهه من القوارض والزواحف السامة برش بعض المحاليل الكيميائية أو البترولية التي تنفر منها مثل هذه الكائنات، غير أن مواجهة الكلاب المسعورة والحيوانات المفترسة تكون بالسلاح الناري، وبعض التصرفات الذكية بالرموز وحركات الأيدي. وذكر الدوسري أنه يستعد لنقل وجمع مذكرات دونها حول بعض السلوكيات الإنسانية والاجتماعية لدى بعض المجتمعات الخليجية والعربية داخل القرى والهجر والبوادي، وكيفية تعاملهم وتعاطيهم مع الآخرين، وكيف يعيشون حياتهم اليومية، وما هي اللهجة التي يتحدثون بها، في كتاب واحد، إضافة إلى بعض المواقف والمفارقات المحرجة والطريفة التي واجهها خلال رحلته.

وحول المخاطر التي واجهته خلال الرحلة، أوضح الدوسري أن موقفا واحدا جعله في موقف لا يحسد عليه، حيث كان يسير في إحدى الطرق البرية الوعرة غرب السعودية، ليفاجأ بسيارة تقف أمامه ويترجل منها 3 شباب مدججين بالسلاح، ويطلبون منه ما في حوزته من المال، إلا أنه كان قد وضع لمثل هذه المواقف اعتباراً، حيث وضع نقوده في حفرة نبشها بيده أسفل الحذاء الذي يلبسه، وهو مكان يصعب على السارق الوصول إليه، إلا أن السارقون لم يكتفوا بإجابته فقاموا بتفتيش ملابسه وجيوبه من دون جدوى، وأبى السارقون إلا أن ينفذوا مهمتهم، فأنزلوا الحقيبة التي يحملها الدوسري وأخذوا جميع محتوياتها من أجهزة اتصال لاسلكي وكومبيوتر وأجهزة تسجيل وتصوير وبوصلة وعقارب استدلال خاصة بالرحالة.

وأمام مخاطر قطاع الطرق والحيوانات المفترسة، أبدى الدوسري استعداده التام وثقته الكبيرة في خوض المرحلة الأخرى من رحلته في الأشهر المقبلة، مؤكداً «أن مثل هذه المخاطر يتعرض لها المسافر والمقيم داخل المدينة على حد سواء، وكل شي بقضاء الله وقدره، وأنا واثق من نفسي وأتعامل بذكاء»، مبدياً سعادته الغامرة بالعلاقة المميزة التي كسبها في رحلته الأولى مع دبلوماسيين وشيوخ وأمراء وأعيان ورجال أعمال ورياضيين، أبدوا إعجابهم، به مصفقين لتلك الرسالة الوطنية التي يعلقها على صدره.

وعن سر قدرته على خوض تلك التجارب المضنية، أبدى الدوسري قلقه من عدم حصوله على الدعم المادي والمعنوي والإعلامي، مؤكداً أن جميع تكاليف المرحلة الأولى من رحلته التي حملت شعار «كلنا فهد..»، كانت على نفقته الخاصة، بل أن بعض السفارات والمكاتب أمدته بالدعم الذي لم يجده لدى انطلاقه من الرياض، في حين رفض عروض مالية مغرية من شركات تجارية للترويج لها خلال رحلته، مضيفاً بقوله: «لا أقبل أن أكون محتكراً من شركة أو جهة معينة. ما يهمني هو النجاح وتحقيق إنجاز سعودي جديد..»، مطالباً الجهات المعنية بالشباب والرياضة في البلاد باحتوائه ودعمه.

وتتضمن خطة الدوسري للمرحلة المقبلة، الانطلاق من غرب العاصمة الرياض إلى محافظة جدة، متجهاً إلى جمهورية مصر العربية، ثم إلى السودان، ثم المغرب، ثم إلى بوابة مضيق جبل طارق، فباقي الدول الأوروبية، متوقعاً أن تستغرق الرحلة منه 4 سنوات، مشدداً على وجوب تحفيز الشباب وتوجيههم نحو بعض الهوايات والمهارات التي اختص بها الشعب العربي والمسلم منذ زمن بعيد.

المصدر
http://www.aawsat.com/details.asp?section=43&article=283090&issueno=9576

بس نصيحتي لك بلغ الجهات المختصه
عشان اتصير لم مرافقه
اسعاف وغيره

[simsim1963]

ويش رايك نكون فريق قطري ونكون حمله شعارها من أجل أطفال الخليج وناخذ لفه على الامارات عمان اليمن السعوديه الكويت البحرين وتكون مدعومه من دوله قطر ونساعد بعض اطفال الدول المراد زيارتها ببناء مختبر في مدرسه وتكون عربون صداقه من آهل قطر الى أطفال البلد المزار وبهذا ننمي لدى الاطفال روح التعاون وتكون تغطيه يوميه من الجزيرة الرياضيه مثل تلفزيون الواقع ولمدة ساعتين على الهواء مباشرة او مباشر بشكل متقطع وتكون دعايه للجزيرة الرياضيه وتتحدث عن جميع المغامرات والأحداث اليوميه المصاحبه للرحله . ونتمنى دعم كامل من سمو الشيخ جاسم بن حمد ( ابو الشباب) لهذة الرحله. ولو فيها بعد من كل دوله واحد من الشباب يعني من قطر كذا واحد ومن البحرين كذا واحد والكويت والامارات ويكون على شكل تحدى من يقدر يتحمل مشوار الرحله بدون توقف . مجرد فكرة

[كركم]

فكرة حلوة وموفقة ان شاء الله يابو راشد..بس الأجمل يكون هناك شعار لهذي التجربة يعني مثلا..يكون عنوانها عمق العلاقات القطرية الأماراتيه ...او تشجيع الناس على رياضة المشي والقضاء على الكروش... :strong2:

[بنت قطر33]

:) يس يس سوو جي انا كله افكر اذا في حد سوى جي ولا لاء بعدين لو انت سويت بتسير مشهور و ونااسه بس فليل شلون بتنام فالبر ؟؟

[الـقـاسـي]

والله يابو راشد اذا انت عندك اللياقه والقدره على التحمل بالعكس رووح وعسى رب العالمين يوفقك بس لازم يكون لك هدف او شعار توضحه او تحمله عشان تكون ضربت عصفورين بحجر منها انك حققت انجاز لذاتك وفي نفس الوقت وصلت هدف او شعار معين ..

ماعليك وانا اخوك من اللي يحاولون يكسرون مجاديفك .. انت هالشي بتسويه حق نفسك قبل كل شي بتسوي شي يتسجل باسمك انت ان شاء الله تمشي من الدوحة للوكرة مدام هالشي في بالك سوه وتوكل على الله ..

بس طبعا لازم كل شي له تخطيط وتدبير وتجهيز واخذ مشورات وفحص ومن هالامور ..

واحنا مقبلين على الشتاء فـ لحق نفسك ورتب اموك وبلغنا بالاخبار اول بأول .. وممكن تسوي استفتاء في المنتدى عن خط سير الرحلة اذا كنت تبي تاخذ الاراء ..

من وجهة نظري اشوفها لين مكه افضل واحسن تمشي لين مكه وتعتمر وتكسي لين مطار جده وللدوحة بالسلامة ..

بالتوفيق يابوراشد وحلو ان الانسان يكون له هدف فالحياه سواء كبير او صغير والاحلى لما يحقق الهدف ..

[بازار]

توصلت حق !!

راح تمشي والا ؟

[QtrGate]

اذا على جمل انا معاك

الفكرة دخلت في راسي

اشرايكم نروح مكه على جمال

منها نحس بتعب اجدادنا ونعيد ماضينا

ومنها لنا الاجر

[شموخ-qtr]

الله يووووفقكم لما تسعون اليه ..

[AL ZUBARAH]

I heard about one guy tried to travel from UAE to Qatar by walking but unfortunately he died on in the way on desert This happened many years ago.
So be careful.

[الحره]

ليش تسافر مشي

سافر على ظهر ناقه صدقني بتكون تجربه فريده انك تسافر مثل الاوليين وتعيش تجربتهم واعتقد انها فريده اكثر من المشي

[تميم بن خالد]

الفكرة حلوة بس ياليت تربط بمطالبة مثل اطلاق المعتقل القطري في سجون امريكا ... او رفع الحصار عن اخوانا بغزة الخ.. مش لازم مشي ممكن بالسيككل او خيل .. ويكون من الفريق من عدة جنسيات ..

اهم شيء يكون هدف للمشروع.. فكرة حلوة تراودني بس بطريقة ثانية

[عنابي وابيض]

والله فكره حلوه

تسوي شي حق نفسك يكون مميز في حياتك

وتكتب مذكرات

الناس قبل كله تسلفر مشي

بس تخيل لو انك تروح مكه

يالله يكون شي رائع

الله يوفقك اخوي وييسر دربك

[فــلان]

تسلمون يالربع والله يبيض وجيهكم على التفاعل الطيب و لا خلى ولا عدم من حضوركم و تواجدكم
اللي شرفني.

حاليا ً جاتني دورة ترقيه ولله الحمد و المنِه ومب خالص غير في نص فبراير

خلال هالفتره إن شاءالله بنرتب لها ترتيب زين

جزاكم الله خير يالربع على هالدعم الكبير و إن شاءلله تسمعون أخبار زينه