رسالة من الكويت الى قطر بخصوص بخصوص حلقة بوقتادة وبونبيل

[AHMEDAS91]

السلام عليكم ورحمة الله وبركاته

طبعا الاغلبية يعرف عن حلقة بوقتادة وبونبيل بدون الشقيقة, وانا ما عرفتها الا لما سمعت بعظ الشباب يسولفون عنها فرحت اشوف شنو قالو بالحلقة بالظبط.
وبعظكم يعرف هم عن الي قاله مذيع عن كاتب قطري

ما قدرت اكمل الحلقة وماراح اتكلم او اناقش عن الكلام الي بالحلقة ومحشومين يا اهل قطر عن الكلام الي انقال بس الي ابي اقوله والي سجلت بالمنتدى علشانه انه قناة الوطن قناة خاصة لا تمثل الكويت ويعتبر عار علينا اذا مثلت الكويت, وايد صار عندنا قنوات خاصة (كل من هب ودب وصار عنده فليسات قام يحطله قناة) ووبعظهم هابطة وتدعو الى الفتنة

كمثال: قناة سكوب وقناة فلاش والوطن
والاغلبية تكره هذي القنوات وخاصة سكوب وقناة سكوب صاحبتها كاتبة ومعاها شريك تحاول توصل رايها السياسي عن طريق قناتها
وما الومكم على ردة فعلكم لانه هذا شي طبيعي وكل واحد يغار على بلده

كلنا الكويتيين نرفظ ما صدر من حلقة بوقتادة وبوبيل وما صدر عن قناة سكوب والي بقوله لكم انه هذي القنوات ما تمثل شعبنا الكويت نهائيا وهذي قنوات وجرائد خاصة مالت شخصيات سياسية هابطة
وحتى ما سوف يصدر من قناتي سكوب والوطن لن يمثلنا
و احنا كلنا رافظيم نهائيا الي صار

وحنا اخوان ولا نخلي شي تافه وناس تافهة تفرق بينا

[كلاسيك قطر]

السلام عليكم ورحمة الله وبركاته

طبعا الاغلبية يعرف عن حلقة بوقتادة وبونبيل بدون الشقيقة, وانا ما عرفتها الا لما سمعت بعظ الشباب يسولفون عنها فرحت اشوف شنو قالو بالحلقة بالظبط.
وبعظكم يعرف هم عن الي قاله مذيع عن كاتب قطري

ما قدرت اكمل الحلقة وماراح اتكلم او اناقش عن الكلام الي بالحلقة ومحشومين يا اهل قطر عن الكلام الي انقال بس الي ابي اقوله والي سجلت بالمنتدى علشانه انه قناة الوطن قناة خاصة لا تمثل الكويت ويعتبر عار علينا اذا مثلت الكويت, وايد صار عندنا قنوات خاصة (كل من هب ودب وصار عنده فليسات قام يحطله قناة) ووبعظهم هابطة وتدعو الى الفتنة

كمثال: قناة سكوب وقناة فلاش والوطن
والاغلبية تكره هذي القنوات وخاصة سكوب وقناة سكوب صاحبتها كاتبة ومعاها شريك تحاول توصل رايها السياسي عن طريق قناتها
وما الومكم على ردة فعلكم لانه هذا شي طبيعي وكل واحد يغار على بلده

كلنا الكويتيين نرفظ ما صدر من حلقة بوقتادة وبوبيل وما صدر عن قناة سكوب والي بقوله لكم انه هذي القنوات ما تمثل شعبنا الكويت نهائيا وهذي قنوات وجرائد خاصة مالت شخصيات سياسية هابطة
وحتى ما سوف يصدر من قناتي سكوب والوطن لن يمثلنا
و احنا كلنا رافظيم نهائيا الي صار

وحنا اخوان ولا نخلي شي تافه وناس تافهة تفرق بينا


اول شي اشكرك اخوي

ع دخولك في المنتدى يالغالي

واحنى اهل قطر نعتذر منكم والي امخرب المسلسل المخرج

[hamoor4ever]

يااخوي لاتحاتي كلنا اخوان وحبايب واحنا عارفين هالشي والحكومات والشعوب بخير ومابينهم الا كل خير اما قنوات الجزيره والوطن هاذي قنوات ماتمثل الا نفسها اما الشعوب مالهم خص وسوالف المبزره اللي صارت من اغاني راب وغيره هاذي من اشخاص مايدرون شنو السالفه ولا الكويت وقطر كلهم بلاد وحده وبين شعوبها معارف وعلاقات نسب وغيره ماراح يأثرعليهم مسلسل او قناه مافيها الا كم واحد مرتزق وناس حقوده

[البرونزي]

على عينى وراسنا اهل الكويت
والاشياء التافهه والهابطه ماتفرق الاخوان ان شاء الله

تحياتي لك ولشعب الكويت

[كلاسيك قطر]

يااخوي لاتحاتي كلنا اخوان وحبايب واحنا عارفين هالشي والحكومات والشعوب بخير ومابينهم الا كل خير اما قنوات الجزيره والوطن هاذي قنوات ماتمثل الا نفسها اما الشعوب مالهم خص وسوالف المبزره اللي صارت من اغاني راب وغيره هاذي من اشخاص مايدرون شنو السالفه ولا الكويت وقطر كلهم بلاد وحده وبين شعوبها معارف وعلاقات نسب وغيره ماراح يأثرعليهم مسلسل او قناه مافيها الا كم واحد مرتزق وناس حقوده

وانا معاك يالغالي كلنا يد وحده

[الجنوبي 11]

السلام عليكم ورحمة الله وبركاته

طبعا الاغلبية يعرف عن حلقة بوقتادة وبونبيل بدون الشقيقة, وانا ما عرفتها الا لما سمعت بعظ الشباب يسولفون عنها فرحت اشوف شنو قالو بالحلقة بالظبط.
وبعظكم يعرف هم عن الي قاله مذيع عن كاتب قطري

ما قدرت اكمل الحلقة وماراح اتكلم او اناقش عن الكلام الي بالحلقة ومحشومين يا اهل قطر عن الكلام الي انقال بس الي ابي اقوله والي سجلت بالمنتدى علشانه انه قناة الوطن قناة خاصة لا تمثل الكويت ويعتبر عار علينا اذا مثلت الكويت, وايد صار عندنا قنوات خاصة (كل من هب ودب وصار عنده فليسات قام يحطله قناة) ووبعظهم هابطة وتدعو الى الفتنة

كمثال: قناة سكوب وقناة فلاش والوطن
والاغلبية تكره هذي القنوات وخاصة سكوب وقناة سكوب صاحبتها كاتبة ومعاها شريك تحاول توصل رايها السياسي عن طريق قناتها
وما الومكم على ردة فعلكم لانه هذا شي طبيعي وكل واحد يغار على بلده

كلنا الكويتيين نرفظ ما صدر من حلقة بوقتادة وبوبيل وما صدر عن قناة سكوب والي بقوله لكم انه هذي القنوات ما تمثل شعبنا الكويت نهائيا وهذي قنوات وجرائد خاصة مالت شخصيات سياسية هابطة
وحتى ما سوف يصدر من قناتي سكوب والوطن لن يمثلنا
و احنا كلنا رافظيم نهائيا الي صار

وحنا اخوان ولا نخلي شي تافه وناس تافهة تفرق بينا

ماقصرت و طال عمرك وكلنا اهل والعاقل فينا ما ينظر لما تنقله وتقوله هذي القنوات والتي نتمني ان تكون قنوات تقريب لا تفريق،وهذا الوقت محتاج لوقفتنا مع بعض :thumbup:

[بوخالد الذيب]

ابشرك أهل قطر صدورهم وسيعه وقلوبهم نظيفه ولاتظمر لالكم ولالغيركم أي شر أو كره وذلك من فضل الله

ماخطيته يااخي العزيز تأكد أنه مكان احترام وتقدير 0

ونبدي اعتذارنا منك على مابدر من بعض ردود الافعال المتشنجه التي لانرغب بها ولاترضينا 0

بالتالي هذا الكلام من طيب أصلك يااخي العزيز وصداه تأكد أنه في النفوس ولن يذهب سدى فمن تخاطب يااخي قوم أخيار ولانزكي على الله أحد0

فشكرا جزيلا يردون عليك أهل قطر

[وهم قطر]

حللت اهلا ووطأت سهلا على هذا المنتدى المبروك الي جمعنا وياك

رسالتك مايبيلها تأكيد احنا لانرضى على الشعب الكويتي ولاعلى أي دوله مسلمه كانت المشاده الكتابيه فقط على القناه وصاحبها

لعل مشاركتك وتسجيلك في المنتدى سبب بأن نتعرف على الاخوه الكرام مثلك في احزانهم وافراحهم

ومرحبا بك بين اخوانك وأهلك

[ابوسعود]

اهلاااااااااااااابك اخي بيننا

نحييك ونحي ابنا الكويت الشرفااااااااا امثالك

ومهماااا حصل فالرب واحد والدين واحد واللغه واحده

وخليجنا واااحد

ومن يصتاد في الماء العكر لن يصل الى مبتغاااه

اهل قطر اكبر من هولا واهل الكويت امثالك الكرما

اكبر من اصحاب التفاهات

ومره اخرى اهلاااااااااااااااابك في قطر وبين اهل قطر

[ولد النواخذه]

لك جزيل الشكر على هالمبادرة الراقيه من امثالك من أهل الكويت الكرماء الي عرفناهم بالنخوة والشيمة والاصالة وبعض الشوائب البسيطة التي لاتذكر لن تعكر صفو علاقات ممتدة لتاريخ طويل لن تهتز بسبب بعض البرامج الاعلامية, يعطيك العافية عزيزي وتأكد أن أهل قطر صدورهم وسيعه ولا يكنون أي ضغينه على أحد خصوصا أخوتنا في مجلس التعاون كلنا أهل ولحمه مالنا بد من بعض.....

[مالي ومال الناس]

يا مرحبا بك يا احمد , وشعب قطر والكويت اهل وحبايب بلا شك , مهما وصلوا السياسيين من هبوط في المستوى

[Rayane]

يا مرررحبا فيك...

قناة الوطن معروفه ومعروف رآعيها ومعروف ايش سبب هجومه على السياسات الأخرى.

وما أقدر أقول الا للأمام يا حكومة قطر - الكويت ولا يهمكم نبح كلآب المـسعى.

[aljaber1]

ههههه هذا حال الاعلام وكتابه عمرهم مازرعوا ود بين الشعوب حروفهم تزرع الشوك
والقطري والكويتي اشقاء وعينين براس ويكفي مرورك الي ينم عن طيب مكتسباتك ومعدنك
كثر خيرك والله يحفظ قطرنا واميرها المفدى ويحفظ لكم الكويت ويحفظ ابوناصر

[هذلان]

السلام عليكم


اذا كل حلقه او مسلسل او برنامج يصدر من قنوات في الكويت راح ينتج عنه شخص يسجل معانا في المنتدى من اهل الكويت اوصيك بهم كل يوم خل يسوون مسلسل غير .

حياك الله ياخوي بين هلك و ربعك و ابشر اننا فاهمين الوضع و هذه الامور ماتحدث الا من شخص مغرض حاقد و لو ماتكلم عن قطر بيتكلم عن اي دوله اخرى او موضوع اخر ليحدث الفتنه ولكن بعيده عنهم بحول الله .

حياك الله بينا في منتدانا و حياك الله في بلدك الثاني قطر كان ماشالتكم الارض نشيلكم على روسنا ،، احنا اخوان و جيران و عيال عم و انساب . اهل الكويت اهلنا

[حمد بن سعد]

ذهب يالشيخ يا ولد الشيخ الله ايحفظك

[AHMEDAS91]

اشكر اهل قطر كلهم وبصراحه الواحد ينحرج لما يقرا ردوودكم وترحيبكم وكبر وسع قلووبكم
وقرات كل الردود ومع كل رد اقراه اطمأن انه برامج تافهة ما قدرت تخرب العلاقة بينا
وانشالله مهما يصدر من هذه القنوات لن تتفكك العلاقة بين الكويت وقطر والبحرين وجميع الخليج
و ممكن فرصة حلوة انها عرفتني على منتداكم الطيب
وانشالله يحطون حدود في حرية هذي القنوات الخاصة فتفكيك الوحدة والترابط وزرع الفتن لا تسمى حرية

وكلنا الكويتيين نعتذر عما صدر من قناة الوطن وسكوب

[khaleeji]

حياك الله ياولد الكويت

الله يكثر من امثالك

[نتفـه]

رحم الله والديك على الكلام الطيب يا ولد الاجاويد
وانت و اهل الكويت اهلنا اكيد ,, ومافي شي يخرب بينا بارك الله فيك :)
وشرفتنا بتواجدك معانا بالمنتدى اخوي ,,

[سهم مديون]

حياك الله يا ابن الكويت ونتشرف بك عضو في منتدانا بين اخوانك وفي بلدك الثاني ونحن نعرف اخلاق الكويتيين الاصيلة وانت نموذج

[Index Signal]

إللي سبقوني جزاهم الله خير ما خلولي شي أقوله ..

والعلاقه بين قطر و الكويت و بين كل شعوب و قيادات دول الخليج (العربي) أكبر و أعمق من إنه يأثر فيها مسلسل كرتوني أو أغنية راب ..

المهم إنا نكون واعيين للخطر القادم من الضفه الشرقيه لخليجنا (العربي) لأنها مصدر الفتن الحاليه و القادمه ..

و أيضا الحذر من بعض الجنسيات الحسوده المسيطره على بعض القنوات وإللي يحلالها الصيد في الماء العكر و تأجيج هالفتنه بيننا .

[بو الطيب]

يااخوي ربعك مصخوها ترى

مهب سنع اسمحلي اخوي الحكومه وينهي اشدعوه ماتعرف تصلب قناه عدد مشاهدينه مايعدي ال 5 الف نفر

يااخوي هذي قاعدين يتمسخرون علينا تعرف كيف يتمسخرون علينا مهب يشوفون مشكله ذولا قااعدين يطنزوووون علنياً يضحكون علينا وشو

قسم بالله لو اشوفه اللي مسوي الفلم لااسوقه بسلوقه وااللي فيها فيها

[الأصيلة]

هذه القنوات أهلها ما اسلموا منها...
فكيف بـ قطر..
فما عليها شرهه ولا ملام...
والكويت وقطر روحين في جسد ...
والله يديم المحبة والمودة ويرد كيد الحاسدين في نحرهم...

[aljaber1]

السلام عليكم


اذا كل حلقه او مسلسل او برنامج يصدر من قنوات في الكويت راح ينتج عنه شخص يسجل معانا في المنتدى من اهل الكويت اوصيك بهم كل يوم خل يسوون مسلسل غير .



هذلان انت مذهل .. وتستحق الاشاده
اجمل تعليق اعجبني بساطه متناهيه الى ابعد حدود الجمال

[غرفاوي قطري]

على راسي انت وهل الكويت يالغالي ..
محد بيزعل عشآن كلام قنآه تبي تشتهر مآتعرف شلون .. :tomato:

كفآيه تسجيلك عندنا بالمنتدى .. وانشالله دووم تنورنآ .. :thumbup:

[الميزان 1969]

ماعندنا أي مشكلة اذا اخواننا بوقتادة وبونبيل بيضربونا من الخلف ......... لأن هذا شئ يثبت لنا ان احنا بالمقدمة ..
ونحن على يقين أن أبناء الكويت الحقيقيين أمثالك بريئون من هذا كبراءة الذيب من دم يوسف
وشكرا على المبادرة لكن ثق أن أهل قطر أكبر بكثييييييييييييييييييييييييييييييير

[JN000N]

حيااك الله.. اسفرت وانورت.. واستلهت وامطرت


خليجنا وااحد .. وفي كل ديره في الصالح والطالح
وماعلينا من كلام العذال دام احنا اخوان ويجمعنا الخير

[@السفير@]

يامرحبا ومسهلا بأهل لكويت لكم جزيل الشكر والأمتنان والتقدير والأحترام واهدي اخونا احمد اكبر باقة ورد وهي على شكل خريطة دولة العز قطر

[السندان]

مرحبا فيك اخونا احمد من الكويت .. والساعه المباركه اللي انضميت لنا بالمنتدى

لاتحاتى الاغلبيه عندهم قناعه ان من يخطئ بحق دولتنا ليس من اصول كويتيه ولا خليجيه
والاغلبيه ايضا اصبحت لديه مناعه من مثل هذه التفاهات التي تصدر من جماعة ( فرق تسد )
وايضا لدينا ثقه كبيره في حكومتنا ان تتخذ الاجراءات المناسبه ضد من يتطاول على رموزنا
وايضا لدينا الثقافه الكافيه للتفريق بين الشعوب الصديقة والشرذمه المنبوذه المتغلغله في تلك الشعوب

حياك الله اخوي ومشكور على المبادره
ولاتنسى ان سمو الامير افرج عن البحاره لعيون ال صباح ( تمونون يامعود)

[الصريحه]

جزيت خير على دخولك وانضمامك لاخوانك في قطر
نحن اخوه في الدين والعادات والاعراق
مايهمنا من يحاول يزرع الفتن والشر هنا وهناك
الحلقه ماشفتها واكيد ماتمثل الا كل حاقد على العلاقه القويه بين البلدين
الله يوفقنا ويوفقكم ويرضى عنا وعنكم

[toomi9]

الله حيه
مسموحين ومعذورين
وصج هاذي القنوات تنرفر وماعندهم ذوق
بس انا عندي سؤال
القنوات الخاصه مافي حد يحاسبها؟؟؟؟؟
ولا يسرحون ويمرحون على كيفهم ؟؟؟
ترا مايصير جي لازم ينحط لهم خط احمر ويحترمونه
لازم حد يحاسبهم مب عشان القناه خاصه اقول الي ابي اقوله واغلط واقط خيط وخيط
وعشان محد يكره شعب الكويت ،،، لازم تحطون حد لهاذي المهزله الي تصير فبلدكم ترا الي صار ماضرنا ولا شي بالعكس واثقين من نفسنا وكفايه مفتخرين احنا قطرين
بس ضركم انتو من حقد وكراهيه اتجاهكم مب منا بس لا من شعب الخليج بعد والي يحبون ويعزون اهل قطر
والله ماقصرت ياخوي وانت اخونا وجارنا وحياك الله فـ المنتدى يامعوود:thumbup:

[سالم بن]

في البداية نرحب بكل أخ احمد من الكويت أو من دولنا الشقيقة الخليجية .
النقد الهادف والذي يصب في المصلحه لا يزعل أو يغب أحد منه . وعندما يكون النقد ليس له هدف غير مرض نفسي هذي مصيبه يقع بها صاحبها المريض !!!!
ولكن تظل قطر والشعب القطري وأقول الشعب القطري رايتهم عالية طال عمرك ,,,,,,,,,,,,,

[الفولاذ]

يامرحبا بك وبأهل لكويت
والله يرحم الشيخ جابر ويديم عزكم , انتوا اخوان واهل ونسابه وجيران
واهم شي الشعب الكويتي مايصدق هلكلام ولا يرضا به , وهذا يبيله وقفه في الاعلام باكمله
والا ترا الناس البسطاء بيصدقون خصوصاً انهم مايدرون بالي خلف الكواليس من صداقه حميمة
وفي الحقيقة من خلال ماسوف يتخذ من اجراأت وتدابير ضد هؤلاء هو الي بيبين النية الصادقة في عدم الرضا
وليس الاعتذار من طرف شخصي
وبارك الله فيك

[بنت قطريه]

أشــــــــــــــــــــــــــكرك يا أخوي ولاتخاف مـــــــــــصـــــــــًيرنا واحد وشعبنا واحـــــــــــــــــــــــــــــــــد ومايهمنا السفهاء والناس للي يحاولون يفرقونا وراية الاسلام وترابطنا فوق كل شي

[هبوب الشمال]

السلام عليكم
اولا: اهلا وسهلا فيك اخ احمد وباهل الكويت كلهم ، وهم اهل واحباب وما يفرق بينا شي .
ثانيا: ولو انا احنا اهل واحباب ، بس هذا ما يمنع الاعتذار وبيان الخطاء .
ثالثا: لما تم الحديث في المسلسل الكرتوني عن (المغرب) تم الاعتذار من قبل اداره القناه ، ومن قبل الجهات الرسميه بالدوله للمغرب!!!!!!!!!!!!!!!!!!!!!!!!!
=== يعني عشان اعتذار شخص واحد ننسى الي ينقال فينا ، وين الجهات الرسميه عن الاعتذار ، مثل ما تم الاعتذار من المغرب ، احنا اولى انهم يعتذرون لنا ، لان احنا اهلهم وجماعتهم ، مثل ما يقولون ومثل ما احنا مصدقين ====
هذي مو اول مره
واحنا في الاخير ما نشيل في قلوبنا بس نحب ان الناس تعاملنا بالمثل
تحياتي

[Arab!an]

السلام عليكم
اولا: اهلا وسهلا فيك اخ احمد وباهل الكويت كلهم ، وهم اهل واحباب وما يفرق بينا شي .
ثانيا: ولو انا احنا اهل واحباب ، بس هذا ما يمنع الاعتذار وبيان الخطاء .
ثالثا: لما تم الحديث في المسلسل الكرتوني عن (المغرب) تم الاعتذار من قبل اداره القناه ، ومن قبل الجهات الرسميه بالدوله للمغرب!!!!!!!!!!!!!!!!!!!!!!!!!
=== يعني عشان اعتذار شخص واحد ننسى الي ينقال فينا ، وين الجهات الرسميه عن الاعتذار ، مثل ما تم الاعتذار من المغرب ، احنا اولى انهم يعتذرون لنا ، لان احنا اهلهم وجماعتهم ، مثل ما يقولون ومثل ما احنا مصدقين ====
هذي مو اول مره
واحنا في الاخير ما نشيل في قلوبنا بس نحب ان الناس تعاملنا بالمثل
تحياتي

اذا المغرب اعتذرت لهم القناة .. احنا احرجونا اهل الكويت باعتذارهم لنا وهم لا في بطنها ولا في ظهرها

ومثل هالظروف اتلم اهل الخليج على بعضهم ويطلع الاصيل والطيب .. ويطلع بعد الخبيث والحاقد

عموما الكلام اللي انقال في قناة الوطن الكويتية كان يخص حمد بن جاسم وهو أقدر منا على رد الخطا .. ولكن اعتقد والله أعلم انه ماعبّرهم .. وانا لو مكانه والله ما يطلع مني أكثر من ( ضحكة) لأني اشوف أن صراخهم على قدر الألم

اما ما حصل من تشويه لصورة بنات المغرب فهو أمر يخص كل المغاربة وفيه تشويه للحقيقة وقذف وطعن لشعب كامل في كرامته وأمر جد يستحق الحرب في مقاييس العرب .. أفلا يستحق الاعتذار ؟

..

اخوي أحمد حللت أهلا ووطئت سهلا ومرحبا بك وبأهل الكويت الاصيلين الطيبين ..

نورت المنتدى وابتديت بموضوع طيب .. لا يهمك ولا تحاتي

ما يفرقنا أكبر من هذي

[h9466]

السلام عليكم ورحمة الله وبركاته

طبعا الاغلبية يعرف عن حلقة بوقتادة وبونبيل بدون الشقيقة, وانا ما عرفتها الا لما سمعت بعظ الشباب يسولفون عنها فرحت اشوف شنو قالو بالحلقة بالظبط.
وبعظكم يعرف هم عن الي قاله مذيع عن كاتب قطري

ما قدرت اكمل الحلقة وماراح اتكلم او اناقش عن الكلام الي بالحلقة ومحشومين يا اهل قطر عن الكلام الي انقال بس الي ابي اقوله والي سجلت بالمنتدى علشانه انه قناة الوطن قناة خاصة لا تمثل الكويت ويعتبر عار علينا اذا مثلت الكويت, وايد صار عندنا قنوات خاصة (كل من هب ودب وصار عنده فليسات قام يحطله قناة) ووبعظهم هابطة وتدعو الى الفتنة

كمثال: قناة سكوب وقناة فلاش والوطن
والاغلبية تكره هذي القنوات وخاصة سكوب وقناة سكوب صاحبتها كاتبة ومعاها شريك تحاول توصل رايها السياسي عن طريق قناتها
وما الومكم على ردة فعلكم لانه هذا شي طبيعي وكل واحد يغار على بلده

كلنا الكويتيين نرفظ ما صدر من حلقة بوقتادة وبوبيل وما صدر عن قناة سكوب والي بقوله لكم انه هذي القنوات ما تمثل شعبنا الكويت نهائيا وهذي قنوات وجرائد خاصة مالت شخصيات سياسية هابطة
وحتى ما سوف يصدر من قناتي سكوب والوطن لن يمثلنا
و احنا كلنا رافظيم نهائيا الي صار

وحنا اخوان ولا نخلي شي تافه وناس تافهة تفرق بينا

تخيل انه هناك قناة قطرية خاصة ولنفرض اسمها قناة الوطن,,يعني قطر ماتمتلك فيها حاجة من راس المال.جات في يوم من الايام تجرأت على شخصية كويتية هامة ولها وزنها ومن الاسرة الحاكمة تتوقع حكومة قطر بتخلي القناة تشطح على كيفها وتدخل دولة قطر في مشاكل مع دول ثانية ؟؟؟
ياليت الاقي جواب منك...؟

[فلتة زمانها]

شكلك ماشفت الراب الوقح اللي سووه هالحيوانات اللي مايشرفون الكويت حتا وصلت فيهم يتطالولون عالامير الله يحفظه بصوره قذرة جدا وناشرينها من يومين فاليوتيوب هالشي ماينسكت عنه الله يرد كيد هالحاقدين ويحفظ شيوخنا وديرتنا

[ParadEyes]

والله سالفة هالكرتون تافهه مادري ليش هالحساسيه الزايده عند البعض
وفديت اهل الكويت مهما صار بيننا نظل اخوان :thumbup:

[ريــــــــان]

اولا مسلسل تافه ماله اي فايده
اول مره اشوفه ويكفي استهزائههم بفئة المطاوعه
راسمين واحد ثوبه قصير وملتحي ويرقص ؟؟؟؟؟؟؟؟؟؟؟؟؟؟؟؟

وبخصوص كلامك انها قناة خاصه مب لازم نعمم الاراء
عيل ليش انتو متحاملين على اهل قطر بسبب اراء قناة الجزيره وهي قناة خاصه لاتمثل رأي الشعب القطري ؟؟؟

:nono:

[طرفه]

مسلسل سخيف ولا يستحق ان الشخص يضيع وقته مع المسلسل
والي بين الكويت وقطر اكبر من هذى الشيئ والدليل على ذلك قبول امير دولة قطر حفظه الله
وساطة امير دولة الكويت واخلاء سبيل البحاره البحرنيين باعفاء اميري

[هذلان]

هذلان انت مذهل .. وتستحق الاشاده
اجمل تعليق اعجبني بساطه متناهيه الى ابعد حدود الجمال

بارك الله فيك :shy:

[alhadi4u2]

لاتحاتي مثل ماقالو هالقطر الامور سهالات والامور التافهه الطبقه الواعيه ماتلتفت لها
مع تحياتي

[SHARKE]

اهلاااااااااااااااابك في قطر وبين اهل قطر

[تربوي]

حتى مصارين البطن تختلف ( مثل شعبي)

الأهم ان الشعب الخليجي بالذات ما يتبع اهل الفتنه وهذا عشمنا في كل خليجي سواء كان قطري او كويتي او بحريني او سعودي او عماني او اماراتي ......

لنلقي خلف ظهورنا ما حدث وما سيحدث فالمسيرة لا توقفها ابدا نباح الكلاب

فنحن شعب واحد رغم كل ما يحدث ونحن نبض واحد رغم انف من لا يريد

وتقبل الله طاعاتكم جميعا

[روضه الجنة]

اشكرك اخوي على كتابة الموضووع
وبالعكس احنا ندري انا كلنا على يد وحدة وحد يقدر يفرق بينا ولا حتى الاشيااء التافهة واهل الكوييت مو راضيين على اللي يصيير .. ولا احنا لكن العتب على الممثليين والمخرج
ونيابتا عن اهل قطر احنا بعد نعتذر على الكلام اللي نقال في حقكم
وخليجنا واحد :)

[سيف العشق]

اخوي

اهل قطر هم اهل الكويت واهل الكويت هم اهل قطر والاصوات النشار التي تغرد خارج السرب

مكانها دائمآ خارج السرب

واقول لك شي واحد (( خليجنا واااحد ودربنا واااحد ))

[بوخالد2]

جزاك الله خير اصيل يااحمد

وهذا العشم بارك الله فيك

[بدون]

جزاك الله خير و جعله في ميزان حسناتك

[" روح قطر "]

الله يجزيك خير بادرة طيبة من أهلنا في الكويت

وموب غريبة عليكم ياعيال الصباح

واللي سار من تفاهات بعض القنوات مايهز فينا شعره

وأهل القنوات الهابطه لو فيهم خير ماذمو في الكويت بكبرها ديره ربتهم وعزتهم وكلو من خيرها وهذولا هم يتكلمون عنها بكل وقاحة

فمابالك الخير اللى بيجي لباقي الدول منها ( ناس مالها هذف في الحياه الا الدمار والفساد )

وأحنا بدورنا نعتذر لكم يا أهل الكويت عن مابدر من رده فعل القطريين

والكويت وقطر بلد واحد أهل وربع ونسابة

الله يعز الأمة الأسلامية ويحفظ الاسلام وشعبة من كل مكروة

وياهلا ومرحبا بك بينا

[فزالخفوق]

قـــــــــــــطــــــــــر.. تآآآآآآآآآآآآآج على رؤوس الاوطآآآن


افهمها يافهيييم..

بتم قطر بشيوخها وشعبها فوووق الراس

والله هاالاشياء ماتهز شعره مناااا

ربي يحفظك ياابو بومشعل
ويحفظ حمد بن جاسم


سلمت يااخوي ع الموضوع
بس للاسف ياليت شعب دولتك نفس اخلاقك

[مستثمر تحت التعليم]

أخي أحمد عليك بالتأكد أن مابين الشعبين اكبر بكثير من هالتفاهات ولك في تجربة غزو الكويت أكبر دليل فقد كان العديد من أهلنا الكويتيين يحلون ضيوفاً بيننا وهم من قبل أهل الدار وقد أكلنا وشربنا وفرحنا وزعلنا معاً وعندما تحررت الكويت بكينا معهم من شدة الفرح فلا تحاتي وصدقني مصير مثل هؤلاء القله القليله للفشل لكن مايحزنني ليس تطاولهم على قطر فقط ..... بل تطاولهم على رموزهم وبالذات الرموز الدينيه مثل وليد الطبطبائي وغيره من أعضاء مجلس الأمه وأخراجه بأبشع صور وذلك للضحك والتسليه !!!!!! عزيزي أن قناة الوطن وقناة سكوب وفلاش ذوو توجه غريب ومريب فعسى الله يهدي المسلمين ويهدي كل ضال اللهم آمين

أخي العزيز حللت أهلا في منتداك وبين أخوانك وربعك
والسلام عليك ورحمة الله

[عين قطر]

ابشرك أهل قطر صدورهم وسيعه وقلوبهم نظيفه ولاتظمر لالكم ولالغيركم أي شر أو كره وذلك من فضل الله

ماخطيته يااخي العزيز تأكد أنه مكان احترام وتقدير 0

ونبدي اعتذارنا منك على مابدر من بعض ردود الافعال المتشنجه التي لانرغب بها ولاترضينا 0

بالتالي هذا الكلام من طيب أصلك يااخي العزيز وصداه تأكد أنه في النفوس ولن يذهب سدى فمن تخاطب يااخي قوم أخيار ولانزكي على الله أحد0

فشكرا جزيلا يردون عليك أهل قطر



نعم شكرا جزيلا ..

[The MooN]

:):):):) الله يديم المحبة بين كل الدول العربية يا رب،، ويبعد عنا الفتنة :):):):)

[ام السعف]

ما بينما وبين اخواننا الكويتيين الا كل خير

على الزوبعة المثارة الا ان كل كويتي اقابل هفي النت يعاملنا قطريين بكل أدب واحترام
ومالهم من صوبنا الا بما يتساوى مع مكانتهم عندنا ،،

فلا اتشل هم اخوي سوالف الراهقين الاعلامية ان شاءالله تنرد في نحور مثيريها ،،