أفضل أنواع الصبغ الخارجي

[فتى الدوحة]

السلام عليكم ورحمة الله وبركاته

بغيت إستشارتكم أخواني الأعزاء عن أفضل أنواع الصبغ الخارجي للفل ..

من ناحية الأفضل والصبغ اللي يدوم ما يتقشر مع الوقت ولا يمسك الغبار أو الرطوبة مثلاً

وتحياتي للجميع ..

[فتى الدوحة]

؟؟؟؟؟

للرفع

[x5_qatar_x5]

مرحبا اخوي ياريت حد من الاخوان يفيدنا

[المزواج]

هلا أخوي عندك تدمر في صبغ ألماني جديد المتر على 25
وبعد عندك جاسم للديكور عندهم أنواااع كثيرة للصبغ الخارجي وبالتوفيق

[بوغزلان28]

اخوي اصباغ شركة جوتن وهنبل لا يعلى عليها من حيث الجوده

[RaaaaKaN]

والله مثل ما قال ااخوي الصبغ الخارجي افضل شي
عندي جوتن وسيجما وهمبل

[ZURICH]

عندك جوتن انجليزي.. ممتاز
في نوع اسمه جولتا شيل مع الماي يرد جديد
واحد من الربع صبغ بيته سنة 2003 وكانه جديد الحين

[بوحارب]

الرملي :)

[ماجد]

شنو الرملي؟؟؟

هذا ماركة صبغ ولا لون؟؟؟؟

[أحمد الأحمد]

اخوي الكريم
قبل اختيار نوعية الصبغ يجب اختيار نوعية الطلاء الأساسي(برايمر) وهذا الطلاء يطلى به الجدار قبل المباشرة في الصبغ ولديك عدة اخيارات في صبغ الجدار :
أولا : الصبغ المائي من جوتن اختر برايمر نوع أكريلك والصبغ" ديروسان" أو "سيلك" وسعر السيلك تقريبا ضعف الديروسان والسيلك من أفضل وأجود الأنواع في صباغة الغرف الداخلية حيث ورغم أنه مائي ولكن يمكن تنظيف الأوساخ عليه بواسطة الماء والصابون أي أنه بمواصفات الأصباغ الزيتية ورائحته سريعة التبخر من الفيلا أي أنك سوف تتخلص من الرائحة في أسرع وقت بعكس الزيتية التي تأخذ فتره لكي تتبخر وتجيب حساسية في الأنف .
ثانيا : الصبغ الزيتي من جوتن اختر برايمر نوع "أويل برايمر " والصبغ نوع" قلاص" وهناك ثلاثة درجات لهذا النوع : مطفي - نصف لمعة - لماع.

[أم وضحى]

ممكن احد يفيدنا اكثر عن الشركات الخاصه بالصبغ الخارجي ,, ويتميز شغلها بالجوده + مع السعر المناسب ..



بالعربي نبي صبغ يعمر :shy:
مب بعد سنه يتقشر :rolleyes2:



ملاحظة
نبي تجارب من الاخوان اللي انتهوا من تشطيب بيوتهم
واذا في شركات ماتمدحونها ياليت تذكرونها
مانبي انتوهق :weeping:



ولكم جزيل الشكر

[غايه الطواش]

ان شاء الله يوم الاحد اجيب لكم اسامي شركات تعمالت معاها في عدد من المناقصات ومن ضمنا الصبغ
وراح اشوف لكم تقييم المهندسين وافضل الشركات راح احطها لكم بالاسامي وارقام التلفون ...

[ماجد]

ان شاء الله يوم الاحد اجيب لكم اسامي شركات تعمالت معاها في عدد من المناقصات ومن ضمنا الصبغ
وراح اشوف لكم تقييم المهندسين وافضل الشركات راح احطها لكم بالاسامي وارقام التلفون ...

والله تسوي خير

فيه صبغ نوعة جوتن اسمة ايبوكسي يجيك فيه مثل الرش مترة بحوالي 28 ريال
مريت على كذا محل وكلهم يقولون ان هالنوع زين وميزتة يغطي عيوب البلاستر ويتحمل الرطوبة والحرارة وسعرة مناسب

[LOLOO]

والله تسوي خير

فيه صبغ نوعة جوتن اسمة ايبوكسي يجيك فيه مثل الرش مترة بحوالي 28 ريال
مريت على كذا محل وكلهم يقولون ان هالنوع زين وميزتة يغطي عيوب البلاستر ويتحمل الرطوبة والحرارة وسعرة مناسب

لا اخوي بالعكس انا صبغت فيه البيت وكانت عندي عيوب في البلاستر طلعها زياده لانه لمعه ومب سميك..
الا اذا كان النوع الي تقصده مافيه لمعة يمكن....ورجعت صبغت فوقه رملي من جوتن فيه مناطق قشرت بس مااعرف اذا كان السبب البلاستر او الاوبكسي او الرملي....


اذا تبي غالي عندك الجوتشلد عند جوتن شكله زين سميك وفيه انواع محبب وتشميخ
واذا سعر معقول عندك الرملي من جوتن مثل ماقال اخوي بوحارب
وبالتوفيق

[ماجد]

لا اخوي بالعكس انا صبغت فيه البيت وكانت عندي عيوب في البلاستر طلعها زياده لانه لمعه ومب سميك..
الا اذا كان النوع الي تقصده مافيه لمعة يمكن....ورجعت صبغت فوقه رملي من جوتن فيه مناطق قشرت بس مااعرف اذا كان السبب البلاستر او الاوبكسي او الرملي....


اذا تبي غالي عندك الجوتشلد عند جوتن شكله زين سميك وفيه انواع محبب وتشميخ
واذا سعر معقول عندك الرملي من جوتن مثل ماقال اخوي بوحارب
وبالتوفيق

اخوي اللي تقصدة انت اللي يجيك تشميخ وسميك شفتة واسمة بروفايل من شركة جوتن

[المنسى]

ياجماعه الخير فيه صبغ تشوفه تقول تعتيق ومع الغسيل يلمع الى يعرف اسمه يقول لنا لانه رهيب

[naklan]

الجوتشلد من جوتن هو افضل صبغ خارجي

وسعره غالي الجالون الكبير اعتقد في حدود 370 ريال

اجمل طريقه له في الصبغ وهي رش البيت بمكينه اولا وبعده يصبغ البيت

سعره بالسوق المتر مع المواد في حدود 27 ريال ويعطي شكل جميل

ويخفي الكثير من عيوب البلاستر

مميزاته انيق ويعطي شكل التعتيق على المسكن ويضهر هيبه المبنى

ويتحمل الجو لسنوات طويله ويحمي المسكن من الرطوبه




تحياتي للجمـــــــــــــــــــــــــــــــــــــــــيع

اخوكم/ naklan

:)

[بوعلي-Qtr]

مالك الا صبغ بيتنا
كل ما طق مطر تلقى الصبغ على الأرض ههههههه

[بوعيسى1]

والله ياخوي كل ما حبيت اصبغ البيت جبت الجالون الكبير من الهندي راجو ولا اخوه شنكر باي
واشتغلت عليه بنفسي والحمدلله الامور ماشية وما يكلفني اكثر من 200 ريال مع كل الاكسسوارات هههههههههههه

[naklan]

الجوتشلد من جوتن هو افضل صبغ خارجي

وسعره غالي الجالون الكبير اعتقد في حدود 370 ريال

اخوكم/ naklan

:)

اسمحولي على الخطا المطبعي بخصوص سعر الجوتشلد

السعرالصحيح هو 270 ريال للجالون الكبيرفقط

:)

[أم وضحى]

اسمحولي على الخطا المطبعي بخصوص سعر الجوتشلد

السعرالصحيح هو 270 ريال للجالون الكبيرفقط

:)



الله يعطيك العافيه اخوي

اللي فهمته من مداخلتك .. بأن هالنوع من الصبغ يعيش اطول من الصبغ العادي ..

هل تعتقد اخوي لو جبت لي عمال يصبغون ( شغل يد فقط )

وانا اوفر لهم جالونات الصبغ .. بيكون أرخص ؟

وهل هالنوع من الصبغ يحتاج عمال محترفين .. أو اي صباغ يعرف له ؟


وجزاك الله خير

[naklan]

الله يعطيك العافيه اخوي

اللي فهمته من مداخلتك .. بأن هالنوع من الصبغ يعيش اطول من الصبغ العادي ..

هل تعتقد اخوي لو جبت لي عمال يصبغون ( شغل يد فقط )

وانا اوفر لهم جالونات الصبغ .. بيكون أرخص ؟

وهل هالنوع من الصبغ يحتاج عمال محترفين .. أو اي صباغ يعرف له ؟


وجزاك الله خير


الله يعافيك اختي ام وضحى

نعم اختي يعيش اطول وهو الان افخم انواع الصبغ الخارجي

ممكن تجيبين عمال وتصبغين لبيت قديم يمشي الحال لكن للفلل الجديده

ما ينفع الى محترفين للزوم عمل رش طرطشه تاسيس بمكينه قبل الصبغ

وبعد ذالك يصبغ فوقها اختي من الاخر ومع الاغراض يكلف

حوالى 27 ريال للمتر وكل شي عليه وريحي راسك


موفقه اختي الكريمه

اخوك/naklan

:)

[naklan]

احسن انواع اصباغ جوتن الخارجيه

الصبغ جوتاشيلد (ثيرمو ، MATT، HB، سوبر ديوربل، تيكسو تايل)

بس من ناحية الاسعار ف ثيرمو و سوبر ديوربل وتيكسو تايل (غالي)

اما باقي الاصباغ فاسعارهم مناسبة وتعتمد

على حسب الون المطلوب...

منقول لتعم الفائده للجميــــــــــــــــــــيع

موفقين باذن الله

اخوكم / naklan

[أم وضحى]

شكراً اخوي naklan على سرعة التجاوب ..

في الحقيقة الفيلا جديدة ع التشطيب ..

تنصحني اخوي بأي شركه تجيد هالنوع من الصبغ ..


واسمحلنا تعبناك معنا :)

[naklan]

اختي ام وضحى جميع محلات الديكور والصبغ المحترمه

تعمل هاذا الصبغ زياره واحده وتتفرجين على النماذج ويصبغون لك

افضل سعر له هو 25 ريال جيبي 3 شركات وارسي على افضل

سعر واقصر مده وخليهم ال 3 شركات يعملون قياسهم

وبتعرفين كم متر قياس المبنى واي شركه تتفقين

معاهم الزميه يعمل نموذج بالرش والصبغ

واللون على احد الجدران وبعدها

اتخذي القرار ورسي على

الافضل والانضف

موفقه اختي واعفيني عن ترشيح شركه معينه

وسعيد بخدمتك وخدمه جميع الاعضاء

اخوكم/naklan

:)

[غايه الطواش]

في شركه اسمها امواج لللتجاره والمقاولات
عندهم وكاله لاصباغ استاراليه ضمان عشرين سنه على الضبغ بالاضافه الى معالجات الصبغ هذا على كلام المهندسين الي معاي
وبعد اذكرولي اصباغ
جوتاشيلد ثيرمو

[Chambray]

احسن انواع اصباغ جوتن الخارجيه

الصبغ جوتاشيلد (ثيرمو ، matt، hb، سوبر ديوربل، تيكسو تايل)

بس من ناحية الاسعار ف ثيرمو و سوبر ديوربل وتيكسو تايل (غالي)

اما باقي الاصباغ فاسعارهم مناسبة وتعتمد

على حسب الون المطلوب...

منقول لتعم الفائده للجميــــــــــــــــــــيع

موفقين باذن الله

اخوكم / naklan

ممكن شرح على هالانواع ويش الفرق بينهم؟
الصبغ جوتاشيلد (ثيرمو ، matt، hb، سوبر ديوربل، تيكسو تايل)

[PGR]

للرفع لانه محتاجين معلومات اكثر ونبي ناس شطبوا بيوتهم واستخدموا نوع وكان فخم وزين

[PGR]

للرفع لزيادة المعلومات ,, كم سعر متر الجوتن جوتاشيلد مع شغل اليد (المواد+شغل اليد) ؟

واذا في حد يقدر يفيدني في نوع صبغ (في بيت الشيخ الانصاري عند نفق الوعب توه جديد على الشارع العام صابغه لون رملي وفيه لمعه عجبني) هل حد يقدر يفيدني ابنوع الصبغ ؟

وشكرا للجميع

[الســـهم]

للرفع لزيادة المعلومات ,, كم سعر متر الجوتن جوتاشيلد مع شغل اليد (المواد+شغل اليد) ؟

واذا في حد يقدر يفيدني في نوع صبغ (في بيت الشيخ الانصاري عند نفق الوعب توه جديد على الشارع العام صابغه لون رملي وفيه لمعه عجبني) هل حد يقدر يفيدني ابنوع الصبغ ؟

وشكرا للجميع

هلا اخوي pgr ..

مثل ماعجبك عجبني وسألت الموجودين فالموقع , قالوا انه وكيله تدمر وهم اللي مشتغلين عليه , وسألت عن سعره وقالوا ان المتر المربع يكلف اكثر من 70 ريال ..

انا مثلك محتار بنوعية الصبغ والشركات الموجودة , شفت جوتن عند شركة محمد بونجوم فطريق سلوى وهم اللي مشتغلين بجامع الدولة , ومريت اصباغ رغدان واصباغ الجزيرة وباين ان شغلهم نظيف , وخصوصا رغدان لانه ماسك مشاريع من ضمنها مكتبة الشيخ عبدالله الانصاري ( يرحمه الله ) مشتغلين بالصبغ الداخلي وكذلك مشروع ميدان الفروسية ( المباني الجديدة ) بس ما ادري اذا داخلي او خارجي ..

اذا انك مريت شركات ثانية ياليت تذكرهم لتعم الفائده عالجميع ..