يقطع الجوال ..... وسنين الجوال

[مناحي السادس عشر]

بسم الله الرحمن الرحيم
مع اني ماحب اكتب شي بس لان الموضوع اعجبني بصراحه وخصوصا ازدياد هالظاهره بالسنوات الاخيره الله يكافينا شرها
صحيح الموبايل سهل كل شيء ، وأصبح
الخبر يصلك في أقل من ثانية ... مكالمة ... رسالة
أو كميات من الـ miss call
و للأسف بالرغم من إنه الجوالات سهلت أصعب سبل الإتصال و لكنها سلبت كل الود و الحنان في لقاءاتنا
خصوصا العيد
من ثلاث او اربع ايام بدت مسجات العيد تجي
الناس قامت تعيد على بعض بمسج ويعتبر نفسه بالمسج هذا ادى الواجب الاجتماعي المطلوب منه.
و إذا كان ذلك يحصل في زمننا هذا و في جيلنا هذا
فالسؤال :
ماهي الطرق المتبعة في الأجيال القادمة ؟؟ و ما ذا سيحل بهم ؟؟
الجوال سلب مننا اشياء كثيرة منها الدفء العائلي
والحنية ولهفة التلاقي .
ياليت الزمن القديم يرجع يوم كانوا اهل الحي الواحد يجتمعون ويعيدون على بعض والاقارب كذلك
ومن هنا دعوه للكل خلونا نتجنب المسجات ونعيد على جيرانا واقاربنا وجه لوجه
بدون جوال او مسج

وتقبل الله منا ومنك الصيام والقيام

[المرحب]

عيدكم مبارك

الله المستعان

[بوخالد911]

كلامك صحيح والله

يا خوووفي حتى بالأعرااس ؛ الناس بتكتفي بارسال مسجات وبس

[عابر سبيل]

كلام واقعي يا مناحي..
بس ..شتسوي..
يعني..لو شفت رجال..هومطرش
لك رسالة تهنئة/معايدة..
وانت..ما طرشت له..
و حتى لو واجهته..
يمكن..يعني..تحس
(بينك و بين نفسك) بملامه!

اعتقد...ان الجمع..ماامكن..بين الثنتين..
هو احد الحلول..
تهنئة بالمسج..
و تهنئة مباشرة..بالزيارة
و لا في المصلى و لا باي وسيله..
ان ما جاك قصيرك/ولد عمك...
تتعنى له!
*
*
،،
اما الاجيال القادمه..
فخلهم يامناحي..يدبرون اعمارهم
و يشترون ملابس العيد حق ارواحهم..
بدل ما يبهلون ابهاتهم..
و لا اتحصل في سوق واقف..الام..
اتدابج مع الاصبيان (موب البنات)
عند راعي الغتر..و الفنايل و وو
من كثر الدلع واللامسؤوولية
اللي معيشيينهم بها..


بعدين..يوم الواحد منهم يعدي ال30..
يتعلم..السنع و العادات الاجتماعية
و هلم جرا!

وييييين..لوّل..الواحد من الاعداية..
يروح ينقي الذباح في سوق الغنم
و يكاسر القصاب بعد!

[مناحي السادس عشر]

المرحب
عيدكم مبارك

الله المستعان

وعيدك يالمرحب

بوخالد911

كلامك صحيح والله

يا خوووفي حتى بالأعرااس ؛ الناس بتكتفي بارسال مسجات وبس


والله ما تدري يبو خالد يمكن الاجيال الجايه تسويها
شاكر مرورك الحلو يالحلو


عابر سبيل
،،
اما الاجيال القادمه..
فخلهم يامناحي..يدبرون اعمارهم
و يشترون ملابس العيد حق ارواحهم..
بدل ما يبهلون ابهاتهم..
و لا اتحصل في سوق واقف..الام..
اتدابج مع الاصبيان (موب البنات)
عند راعي الغتر..و الفنايل و وو
من كثر الدلع واللامسؤوولية
اللي معيشيينهم بها..


ايوالله هذي شفناها من سنين قريبه
الام مع الاصبيان تتشرى لهم :(
او تحلق لهم عند الحلاق

لكن الخير موجود الى يوم الدين
مرورك شرفنا يا عابر

[غزلان]

المسجات باعدت بين الأهل والناس جميعا حتى زيارة المريض يكفى عنها مسج

[qqaattaarr]

كلامك صحيح ياأخوي مناحي
الله يستر من اللي جاي
ياليت ياأخ مناحي ماتحرمنا من كتاباتك ,ادري انك ماتكتب كثير بس اكثر كتاباتك ومواضيعك مهمه وفي العضل
يعطيك العافيه

[ابو ضمير]

كلامك صحيح والله

يا خوووفي حتى بالأعرااس ؛ الناس بتكتفي بارسال مسجات وبس

كان زين ونفتك من مصاريف العرس وخسايره

[Bu Rashid]

بارك الله فيك اخوي مناحي على التذكيرررر
سنحاول قدر المستطاع زيارة جميع الاهل والاقارب والاصدقاء والزملاء لنبارك لهم بالعيد السعيد
والله يتقبل منا ومنك صالح الاعمال

وانا خايف ان الجيل الجديد يعايدوووون على بعض بالفيديووو كول

[بصمة قطرية]

والله صدقت أخوي في كل كلمة كتبتها ..
المسجات صارت تغني عن الاتصال ..
مرات تحس اوكي مسج يكفي ..
لكن مش مع الكل بالذات القراب وكبار السن مستحيل ارسل لهم مسج لازم اتصال وزيارة ..
احس المسج للي العلاقة بيهم رسمية يعني زمالة عمل مثلاً ..

[طرفه]

كلامك صحيح ياأخوي مناحي
الله يستر من اللي جاي
ياليت ياأخ مناحي ماتحرمنا من كتاباتك ,ادري انك ماتكتب كثير بس اكثر كتاباتك ومواضيعك مهمه وفي العضل
يعطيك العافيه



أميين .. كلمات صادقه
تخرج من القلب وتدخل القلب
لانه صادق مع نفسه وصادق مع الاخرين
عيدك مبارك

[مناحي السادس عشر]

طرفه و بنوته قطريه
وبو راشـــد وبو ضمير و qqaattaarr
مرور طيب
وتعليقات اطيب

[بوحارب]

حتى الكرك صار بالمسجات

واحد يطرش لي مسج بوحارب زهب الكرك انه في الطريق <<< مادري اشتغل عنده انا ههههههههه

والثاني يطرش مسج بوحارب اشرايك ناخذ لفة ونروح انكرك ’,,,<<< ياخي اتصل ووفر علي الكتابة

تسلم على الطرح مناحي وكل عام وانت بخير

[الصريحه]

للاسف حقيقه مره

[مناحي السادس عشر]

ابو حارب والصريحه
شاكر لكم المرور الطيب
بس لا نتاسف على اللي مضى نبدا بانفسنا
مثل ماقال بوراشد

وعيدكم مبارك