مع ام ضد تواجد الخيم الرمضانيه

[مخطط قطري]

كل عام وانتم بخير وبما نه شهر رمضان المبارك شارف على الانتهاء لاحظت السنه هذي بالتحديد ازدياد وجود الخيم الرمضانيه والحفلات الي تصير فيها يمكن هذا الموضوع مكرر في السنوات السابقه بس السنه اشوف محد تطرق له وعندي كذا استفسار وعقبها بطرح وجهه نظري في الموضوع
1-هل انت مع وجودها ام لا؟
2-اذا نعم شلي عجبك فيها وشنهي احسن خيمه رمضانيه زرتها؟
3- اذا دخلت خيمه رمضانيه وشفت بنات يشيشون صار الموضوع عادي بنسبه لك وتعودت ولالا؟
الموضوع مفتوح ودعوه للنقاش سواء كان الراي ايجابي او سلبي
ملاحظه رجان لحد يطرق للاشياء خارج نطاق الموضوع المطروح خلونا في صلب الطرح
وشكرا لكم

[البدع]

انا شفت خيمة رمضانية في تلفزيون قطر قبل 4 ايام في مسلسل رمضانيات
كانت خيمة الدبلوماسي

شيشة وبنات بدون حجاب من جنسية معينة

والمذيع يصور

وااحظ ااقبال قل على الخيم الرمضانية مثل قبل

الآن المجالس هي الي مكتسحة

[قطر دزاين]

والله اخوي
انا ها السنه لم اطلع من البيت في رمضان

سؤالي
هل ما زالت الفنادق تحط خيام وتقدم خدماتها من شيش للعرب والخمور للاجانب

[الأصيلة]

الخيم الرمضانية
المفروض يكون عملها الرئيسي التوعيه والنصح والإرشاد وإقامة الندوات والمحاضرات
بما انها رمضانية ...لأن رمضان يرتبط اسمه بالعبادة والقرآن
لا الشيشة والبنات والفسق والفجور...
واحنا ايش مخرب الدنيا عندنا الا اللي من جنسيات معينة...
لاحول ولا قوة الا بالله...

[Bu Rashid]

اخووي المخطط انا ضد هذه الخيام

ولكن ما عندي اي مانع من وجووودها لانني ما فكرت اروووحها
مع ان هناك الكثير من الدعوووات الرسمية او الغير رسمية

[بصمة قطرية]

ضد وبقوة ..
كل اللي نشوفه في الخيم الرمضانية فساد ودمار ..

[طلعة الروح]

اعتقد انها اماكن مشبوهه

واللي فيها شبهه مابي احط بذمتي بس

كافي لما نعرف من اللي يتردد عليها

جنسيات معروفه بفصخ الحيا كل شهور السنة

وانا ضد تسميتها خيم رمضانيه ورمضان بريء منها

[شبعان]

عشان احكم لازم اعرف شيللي جالس ايصير داخل هالخيام؟؟
وهل هو مسموح او ممنوع(حسب القانون)؟؟
من اعطاهم التصاريح؟؟
وهل المسئولين على علم بما يحدث داخل هالخيام؟؟
وأذا في تجاوزات من المسئول عن مخالفتهم؟؟..

[latty]

ضد مليون مره

لو هي خيمة محاضرات دينيه مادخلها احد من هالنوعيه

الله يهديهم

[مناحي السادس عشر]

خيم رمضانيه
مافيها الا الشيشه ومزيكه وناس ملبسينهم طرابيش يعني انه تراثي خخخخخخخخ

استغرب من بعض الردود
كأن رمضان بس هو شهر الفضيله والاشهر الباقيه شهور التدخين والنظر للمتبرجات و و و و و

بالنهايه ضد هالخيم سواء برمضان ولا غير رمضان

وشاكر لك يا صاحب الموضوع

[ابن القدس]

ضد وبقوة ..

كل اللي نشوفه في الخيم الرمضانية فساد ودمار ..

[الصريحه]

ضدها
وانشاءالله مانشوفها السنه الجايه

[مضارب سريع]

كل الخيام كلام فاضي وماعندهم سالفه انا الصراحه طليت عليهم مره وجوهم تعبان

بس الاغلبيه العظمى اجاااااااااااااااانب هذا جوهم

[احمد1]

انه اقول انه الاشكال المنحله الي ترتاد الخيام الفجوريه مابي اقول رمضانيه رمضان بري منها وجدت لان الاشكال هاذي الي فيها انضغطت في هذا الشهر ومالقت مكان للفسق فيه الا هاذي الاماكن وبعد رمضان بتلقونهم منتشرين في باقي البلاد كما كنت واكثرهم كثل ماسلفو الي قبلي من جنسيه معينه لا يعرفون دين ولا شيء واعتقد انهم مخلفات بعض الاشخاص الي هداهم الله برمضان وصارو بروحهم يدقون صبع ويتمنون رمضان يخلص عشان يرجعون لوضعهم المعتاد

[مهل]

السلام عليكم


الي مايعرفها و يسمع اسم خيمه رمضانيه اول مايطرى في بالك خيمه فيها شيوخ دين و خطباء و بتدخل و بتشوف حلقه ذكر .


طبعا ضدها و ضد الي يروح لها

[بنت سيف]

ضد..

السبب : لا علاقة لها برمضان نهائياً .. فقط استغلال لاسم الشهر المبارك

[Abu Abdullah]

ضـــــــــــــــــــــــــــــــــــــــــــــــــ ـــــــد

ولكــــــــــن لو تم وضع مثل الخيمه الرمضانيه التابعه لعيد الخيرية وراف هذا مع وبقوه

ويوجد عندي عتب بسيط لعيد الخيريه وراف .
لماذا لم يتم تمديد فترة وجود الخيمه الرمضانيه ( نسائم الخير ) حتى نهاية شهر رمضان ؟؟؟؟؟؟؟؟؟؟؟؟؟؟؟؟

ارجوا الرد فيمن لديهم الخبرة او لهم الاختصاص بذالك .

نطالب وبقوه والميزانيه ليست كبيره عليكم ايضاً
والاجر اكبر ان شاء الله
والشي الحلو اني كنت كل يومين اروح مع الاهل , واشوف تجمع كبير والله ماكنت متوقع ان راح يكون هالتجمع .
وحتى مكان النساء علمت ان التجمع كبير ايضاً

للامانه اتقنتوا العمل في هذه الخيمه المباركة ولكن لم تكملوا المسيرة حتى نهاية الشهر

تحياتي للجميع

[Super Cool]

طبعاً مع....و بشدة

عندي زملاء فالعمل مسلمين متغربين عن بلادهم و عيالهم و يشتغلون في قطر و بما انهم أغلبهم مالهم فالطبخ يفتقدوم جو رمضان و (((أكل))) رمضان و التجمعات عالفطور و عالسحور....فأحياناً يروحون يفطرون مع بعض أو يتسحرون و يسولفون بدال المسلسلات و مسابقات و و و....أشوف هالشي إيجابي مب سلبي

أحسن من انهم يفطرون في Applebee's مثل بعض الناس!!!

إذا هلى الشيشة بسيطة....يمنعونها

و إذا عالأشكال و اللبس....فاللي يتحاسب عليها الشخص اللي لبس هاللبس مب راعي الخيمة!!!

[ريم المدينة]

الخيبة الرمضانية

[بوحارب]

اللعانه الرمضانية احسن اسم حق هالأماكن الكشره

[(بنت بلادي)]

أنا ضد الخيم الرمضابية ككل
على الأقل فترة الإفطار أفضل من فترة السحور و (كلاهما مرو)