لابس شورت في مكان عام وفي الشهر الفضيل

[alizz]

السلام عليكم ورحمة الله
يا اخوان لهالدرجة وصل بعض الناس الى عدم احترام الاخرين
اليوم وانا قدام احد المصارف المزحومة بالرجال والنساء دخل هذا الشخص بشورت فوق الركبة وكأنه داش شاليه
وهذي صورته بس علشان تحكمون بأنفسكم
http://www.qatarshares.com/vb/attachment.php?attachmentid=66901&stc=1&d=1283717800
يعني المكان فيه حريم المفروض يراعي شعورهم
ليش ما يعاقبون امثال هالحثالى حسبي الله عليه في رمضان ولابس هالشكل

[الجووري]

احنا في شهر فضيل وبدال ماندعي عليه نقول له الله يهديه

[القمه]

اخخخ لو بلغتي العضيد او دخلتي نت ودزيتي ع خاص كان انا براويه شغله عدل نفس الموقف صار مباشره طقطقت حق الفزعه وقفت دوريه على جنب وقلت له انظر من جانبك الأيمن قال شنو طل عدل ع طول كلابش بدون تراجع
ولا الأخ يدخن وهو يتمشى

[al-sadd]

يمكن لو كلمته سمع بكلامك...

[alizz]

احنا في شهر فضيل وبدال ماندعي عليه نقول له الله يهديه

الله يهداج يعني هالاشكال ليش ما يخافون الله في عباده علشان الواحد يدعي لهم وبعدين هو مب ياهل علشان يطلع وهو عاري هالشكل لايكون ما يعرف ان عورة الرجل من الركبة الى السرة

[alizz]

اخخخ لو بلغتي العضيد او دخلتي نت ودزيتي ع خاص كان انا براويه شغله عدل نفس الموقف صار مباشره طقطقت حق الفزعه وقفت دوريه على جنب وقلت له انظر من جانبك الأيمن قال شنو طل عدل ع طول كلابش بدون تراجع
ولا الأخ يدخن وهو يتمشى

حياك الله اخوي وكثر الله من امثالك الغيورين على دينهم وارضهم وعرضهم
وترا انا اخوك في الله بس يمكن اسمي لخبطك :thumbup:
بالنسبه للعضيد ماعندي رقمهم وبعدين احسهم باردين في مثل هالمواقف
والله ما صورت هالحقير الا لما شفت اخوات محتشمات بعبيهم وامهات كبار كانوا متواجدات في نفس المكان قلت هالحقير بأي حق يخدش حيائهم

[alizz]

يمكن لو كلمته سمع بكلامك...


حياك الله اخوي لكن هالاشكال ماضنيت وراهم خير شوف شكبره يعني مايعرف اهو شلابس ولا قاصدها

[عليان قطر]

شفنا الاكثر من هذا
الله يهدي الجميع
في ناس ما ........... ت ل ب س
لا حول ولا قوة الا بالله

[بوعلى 1]

الحين بس هذا الي لابس شورت ليش انت مارحت المجمعات التجارية في نهار رمضان بشوف العجب !!!

[روح الاطلس]

موضوع ونرفزك ونقدر هذا الشيء

لكن لا تقول حثالي وتكون بهالطريقة ضيعت اجرك بأنك اغتبته

قول استغفر الله قبل ان تكتب عليك سيئة وبالنسبة لهالشخص شكله اجنبي ويمكن جديد على قطر ومايعرف او جاهل ببعض الامور فالأولى مناصحته بالحسنى وبأسلوب جميل وبابتسامه حتى يقبل منك النصيحه

[التيما]

انا اشوف لبسه مافيه شي ومب شورت قصير وايد و بعدين ريال و شدخل رمضان في اللبس !

[La Bella]

الله يهديه أن شاالله
بس عندي سؤال بسيط
هل لك حق أنك تصور خلق الله ؟؟ ممكن تجاوبني على هذا السؤال طال عمرك

[alizz]

انا اشوف لبسه مافيه شي ومب شورت قصير وايد و بعدين ريال و شدخل رمضان في اللبس !


الله يهداك شلون مافيه شي يعني بالله عليك لو كنت انت وحد من هلك معاك في نفس المكان كنت بتقول عادي
وبعدين ادري انه ريال وهل الريال ماله عوره ؟؟؟
وبعدين اللي دخل رمضان باللبس هو ان الشهر الفضيل له مكانه عالية في نفوس المسلمين وله احترامه واحترام هله مب يجي واحد مثل هذا بهاللبس ووسط مكان فيه حريم
وحياك البارئ اخوي

[فلتة زمانها]

باااااال مصور الريال بعد والله لو شايفك جان كسر التلفون علي راسك وبعدين لبسه عادي هذا ريال حدود عورته غير عن المره الله يهدينا ويهديه

[gxr o.z]

مسكين خله على راحته

[التيما]

لحظه اخوي .. اللي يسمعك يقول الريال مفصخ .. الريال لابس شورت وهالشي نشوفه بكل مكان في المجمعات وبعدين مو ذاك الشورت القصير اللي بيخليني اعصب وازعل اسمح لي شورت عن شورت يفرق .. وللعلم انا أخت مب اخو .. يعني لو انا شفت هالريال في البنك مب شاد انتباهي اصلا لان الللبس عادي جان انا حولا وماشوف ..

[alizz]

الله يهديه أن شاالله
بس عندي سؤال بسيط
هل لك حق أنك تصور خلق الله ؟؟ ممكن تجاوبني على هذا السؤال طال عمرك

ماشاء الله عليج دعيتي له بالهداية وذميتيني على تصويري له
نعم لي الحق لان الله تعالى من وراء القصد وصد هالفئه وردعها وتطبيقا لسنة نبيه صلى الله عليه وسلم
وهل له الحق انه يدخل مكان عام وفي شهر الله الفضيل ووسط نساء بلادنا واخواتنا المسلمات وهو بهاللبس
وحديث الحبيب صلى الله عليه وسلم خير ما استشهد به :

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

وحياج الله

[طرفه]

شوف اخوي لا تعطي الموضوع اكبر من حجمه لانه لايستاهل ولكن نشكرك عليه

ولكن هنا سيتحول الموضوع ويتشعب بين المرضى كالتالي
هل هذى اجنبي ام مواطن ؟؟ وخذ سب في الاجانب
هل هذه عوره ام لا ؟؟ وخذ الهجوم في العلماء
هل هذى مسلم ام لا ؟؟ وخذ التلعن بالديانات

[£عبدالعزيز£]

الحين جات على اللي لابس شورت ؟

خليتوا الفلبينيات والانجليزيات وبعض الجنسيات العربية وبعض (غير المحسوبات من البنات) على قطر

وجيتوا حق واحد لابس شورت ؟

وشورت عادي نشوفه حتى في مباريات كرة القدم ؟

مابلي افتي من عندي .. لكن على ما اذكر من فترة شفت برنامج للشيخ وجدي غنيم الله يحفظه

وقال انه في علماء قالوا ان الركبة بحد ذاتها مب عورة !!



..

على العموم .. ماقول غير الله يصلح حالنا

[alizz]

لحظه اخوي .. اللي يسمعك يقول الريال مفصخ .. الريال لابس شورت وهالشي نشوفه بكل مكان في المجمعات وبعدين مو ذاك الشورت القصير اللي بيخليني اعصب وازعل اسمح لي شورت عن شورت يفرق .. وللعلم انا أخت مب اخو .. يعني لو انا شفت هالريال في البنك مب شاد انتباهي اصلا لان الللبس عادي جان انا حولا وماشوف ..


الشورت كان فوق الركبه وانا تعمدت اصوره لما عطاني ظهره بس علشان اقدر ارفع الصوره وبصراحه واسمحولي الشورت كان مجسد عورته ..سامحوني بس للاسف ان في ناس تعودت على هالمناظر وصار شي عادي ولو شفتي الاخوات شلون اصابهم الخجل والضيق كان بيكون ردج اقوى من هذا
وحياج البارئ

[alizz]

الحين جات على اللي لابس شورت ؟

خليتوا الفلبينيات والانجليزيات وبعض الجنسيات العربية وبعض (غير المحسوبات من البنات) على قطر

وجيتوا حق واحد لابس شورت ؟

وشورت عادي نشوفه حتى في مباريات كرة القدم ؟

مابلي افتي من عندي .. لكن على ما اذكر من فترة شفت برنامج للشيخ وجدي غنيم الله يحفظه

وقال انه في علماء قالوا ان الركبة بحد ذاتها مب عورة !!



..

على العموم .. ماقول غير الله يصلح حالنا

اولا حياك البارئ اخوي

ثانيا انا حدثت بما رئيت ولو شفت شي العن ما راح اسكت

وبعدين انا قلت الشورت فووووووووووووووق الركبة وفي مكان فيه قطريات وعربيات محتشمات اعتقد ما فيه انسان عاقل يرضى بالهشي وخصوصا لما يشوف اخواته تضايقوا من هالشي .

امين الله يصلح حالنا

[ابو محمد7]

موضوع كامل علشان واحد لابس شورت !!!

ماعرف شقول ......

دام انه رمضان انا اقول كل واحد يقوم يصلي له ركعتين ويدعي ولا يقرا له جزء قرءان ابرك

الفراغ ومايسوي

لاحول ولاقوة الا بالله

[alizz]

باااااال مصور الريال بعد والله لو شايفك جان كسر التلفون علي راسك وبعدين لبسه عادي هذا ريال حدود عورته غير عن المره الله يهدينا ويهديه


اي نعم اصوره هو والي اكبر منه اذا مايحترم نفسه ولا غيره ليش تبوني احترمه وابشرج شافني و مب كفو يسوي شي :nono:
والله يهديج

[alizz]

موضوع كامل علشان واحد لابس شورت !!!

ماعرف شقول ......

دام انه رمضان انا اقول كل واحد يقوم يصلي له ركعتين ويدعي ولا يقرا له جزء قرءان ابرك

الفراغ ومايسوي

لاحول ولاقوة الا بالله

اي والله الفراغ مثل ماخلاني احط موضوع خلاك ترد عليه

[qatar.up]

لازم نقيم حد الرجم بسرعة

[بوعلى 1]

اي نعم اصوره هو والي اكبر منه اذا مايحترم نفسه ولا غيره ليش تبوني احترمه وابشرج شافني و مب كفو يسوي شي :nono:
والله يهديج


كفوا ماعليك منهم لازم اشوية الكلاب العريانين في البلد ينشاف لهم حل هم وغيرهم ممن يتشبة بهم ويا كثرهم !!!

[alizz]

شوف اخوي لا تعطي الموضوع اكبر من حجمه لانه لايستاهل ولكن نشكرك عليه

ولكن هنا سيتحول الموضوع ويتشعب بين المرضى كالتالي
هل هذى اجنبي ام مواطن ؟؟ وخذ سب في الاجانب
هل هذه عوره ام لا ؟؟ وخذ الهجوم في العلماء
هل هذى مسلم ام لا ؟؟ وخذ التلعن بالديانات



وانا اشكرك واقول جزاك الله تعالى كل خير على ردك الطيب

[ابو محمد7]

اي والله الفراغ مثل ماخلاني احط موضوع خلاك ترد عليه


في فرق الغالي مب مثل مثل !

انا دشيت 5 دقايق وطالع

لكن انت كان عندك وقت تدقق وتصور وتنزل عالكمبيوتر وتفتح موضوع وترد على كل مشاركة وكل هذا لان واحد لبس شورت !

وعلى فكرة انا كلامي كان عام واقصد فيه المواضيع اللي من هالنوع

والفراغ اللي اقصده مب بس في الوقت بس بعد فراغ التفكير الانسان المفروض ماتشغله التوافه

لاتاخذ كلامي بشكل شخصي

[alizz]

كفوا ماعليك منهم لازم اشوية الكلاب العريانين في البلد ينشاف لهم حل هم وغيرهم ممن يتشبة بهم ويا كثرهم !!!

حياك البارئ يا بوعلي 1 وتسلم على ردك
الله يهدى البعض على ردودهم عيل شلون لو ضاربه وطارده من المكان ؟؟

[طرفه]

وانا اشكرك واقول جزاك الله تعالى كل خير على ردك الطيب



عزيز وغالي
وكاد ما نزلت الموضوع الا سبب غيرتك على دينك ووطنك

[alizz]

لازم نقيم حد الرجم بسرعة

الله يشفيك

[بـــــــنت النوخـّــــذه]

بالنسبه للمشاعر والغيره الي بداخلك اقولك بارك الله فيك وكثر الله من امثالك

وبالنسبه للتصوير والشخص بغفله مادري عندي تحفظ:nono:


ولكن السؤال الاهم ياجماعه ؟؟
من المسؤول ومن سمح للعامه في الشوارع يمشون بهذا اللبس سواء كان مواطن او اجنبي ؟؟؟؟؟؟هل فيه قانون يمنع ذلك ؟؟؟

خصوصا" اذا كان الشخص بلاقيم ولا مبادئ من يمنعه ؟؟؟
مانقول غير الله يستر بس على المسلمين اجمع والله تبغي الصج لبسه اشوفه اهون من وحده برمضان شفتها مبطله العباه لي فوق ولابسه بنطلون جينز ولا تقولون لي مهب قطريه 00:looking:0

انا اطالب بوجود قانون صارم للحد من هذه الظاهره الي اهي ظاهره الانحلال الاخلاقي في اللبس ويالله التسر يارب 00بعد مشكله لي حطو قانون والشخص مهب مقتنع بذلك يستر عمره في الديره ويوسع صدره بره الديره ^_^ الله يهدي الجميع يارب مانبغي انعيب وايد عليهم لان مشكله الي حاصل يخلينا انقول شي افضل من شي

[بو الطيب]

يعطيك العافيه والله ياخوي ذاك اليوم في محطة وقود واحد دلخ علينا لابس بس هاف سباااحه من دون فنيله ومن دون شي وكان راااكب لكزس

[alizz]

بنت النوخذه حياج البارئ وبارك الله فيج

بو الطيب يعطيك العافيه وحياك البارئ

[La Bella]

ماشاء الله عليج دعيتي له بالهداية وذميتيني على تصويري له
نعم لي الحق لان الله تعالى من وراء القصد وصد هالفئه وردعها وتطبيقا لسنة نبيه صلى الله عليه وسلم
وهل له الحق انه يدخل مكان عام وفي شهر الله الفضيل ووسط نساء بلادنا واخواتنا المسلمات وهو بهاللبس
وحديث الحبيب صلى الله عليه وسلم خير ما استشهد به :

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

وحياج الله

عفوا أخوي أنا ماذميت تصرفك أنا سألتك سؤال وكنت أنطر الأجابه هل لك حق تصور خلق الله
وليتك صورة الرجال وهو على علم
تحب حد يصورك بدون ماتدري .؟؟
وهذا أخر تعليق لي بالموضوع

[فلتة زمانها]

كفوا ماعليك منهم لازم اشوية الكلاب العريانين في البلد ينشاف لهم حل هم وغيرهم ممن يتشبة بهم ويا كثرهم !!!

وياريت لو تشوي القطريات المتبرجات تبرج سافر في فيلاجيو لابسين بناطلين شفافه والعبايه مفتوحه لين السر في هالشهر الفضيل

[OREO]

لحظه اخوي .. اللي يسمعك يقول الريال مفصخ .. الريال لابس شورت وهالشي نشوفه بكل مكان في المجمعات وبعدين مو ذاك الشورت القصير اللي بيخليني اعصب وازعل اسمح لي شورت عن شورت يفرق .. وللعلم انا أخت مب اخو .. يعني لو انا شفت هالريال في البنك مب شاد انتباهي اصلا لان الللبس عادي جان انا حولا وماشوف ..



عزالله الجيل فلح يا استاذه التيما ,, اظاهر نسيتي ديننا ايش يقول!!

ديننا الله يسلمج يقول إن عورة الرجل ما بين السرة والركبة ..

اما مقولتج تقول ..

شورت عن شورت يفرق ... مهب كل شورت في السما يبرق

[qatari 111]

يعني انتوا سبحان الله قمتوا تعاتبون الرجال اللي فالصوره ولعيبتنا ما عاتبتوهم والله امركم غريب حرام عليه وعلى اللعيبه حرام عليهم ويظهرون فالتلفزيون بعد وعلى الهوا مباشره ليش ما عاتبتوهم

سبحان الله

[بوحارب]

اللي اشوفه لابس شورت يطيح من عيني بسرعة لأنه دام طلع من بيته بهذا اللباس !! اكيد ما راح يفتكر بالصلاة وهو لابس فوق الركبة !

الا اذا كان حاط بنطلون فالسيارة هذا شي ثاني

مشكور اخوي على الطرح والله يهدي هالمفاصيخ :)

[" روح قطر "]

الله يهديه

[بدون]

جزاك الله خير ، و نتمنى أن كل شخص يفكر انه يفتي في موضوع أنه يرجع إلى الفتاوي الموجودة على موقع الفتاوي قبل لا يكتب شي يتحاسب عليه يوم الدين
عورة الرجل معروفة و الأجانب يعرفون هذا الشيء و عندهم كتيبات من أول ما يوصلون البلد و حتى من قبل لا يجون لكنهم شافوا التراخي من المسئولين فقاموا يلبسون على كيفهم و اختلط الحابل بالنابل و قاموا العرب و المسلمين يقلدونهم.
اللهم إنا نسألك العفو و العافية في الدنيا و الآخرة

[NOORA2008]

انا شفت هندي طالع من ناندوز الستي لابس وزار ابيض لا ورافعه لين الركبه .. وربي

[المتألم]

ماشاء الله عليج دعيتي له بالهداية وذميتيني على تصويري له
نعم لي الحق لان الله تعالى من وراء القصد وصد هالفئه وردعها وتطبيقا لسنة نبيه صلى الله عليه وسلم
وهل له الحق انه يدخل مكان عام وفي شهر الله الفضيل ووسط نساء بلادنا واخواتنا المسلمات وهو بهاللبس
وحديث الحبيب صلى الله عليه وسلم خير ما استشهد به :

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

وحياج الله


عسى ما شر أخوي وشو منكر وبغيره
أنت وين داش الله يسلمك
الكلام اللي قلته فيه أشد نكرانا وأشد غيبه
ياريال كان نصحته مع إن لبسه ما به شئ

وبعدين البنك ما فيه قرارات ولا إعلان يمنع لبس الشورت
إحنا بمكان عملنا في إعلان يبط العين عن اللي يلبسون شورتات أو ملابس غير محتشمه

وبعدين لشفنا ريال سوينا سالفه ولا الحريم لبسهن ألعن بمية مره ..
ما أقول هالشئ من باب المقارنه بس لبسه عادي

ولا صج تبي الخير ما جبت الموضوع بهالطريقه وبهالسب تقول الريال ذابح واحد

كان الأجدر بك تحافظ على صيامك من الكلام اللي قلته وخصوصا لما نصح أحد الأخوه
بالدعوه له بالهداية طبيت طبه تقول ما عندك صبر ولا نفس للدعوه
يا خوي ترى الرسول صلى الله عليه وسلم رجمه بالطايف لين أدميت قدماه
وبالآخر قال اللهم أهد قومي فإنهم لا يعلمون
الدعوه بالهداية أفضل وأجمل من الدعوه على الشخص حتى لو عاصي وهو عالم

والواحد يقول الحمد لله عسى ربنا ما يحطنا بأماكنهم وياما ناس تطنزوا على ناس
وحسوا في نفوسهم الكبر أنهم لا يفعلون مثل ما يفعل الآخرون فبلاهم الله بما كانوا
يضحكون عليه ..

الله يهدينا جميع

[بوغزلان28]

ممكن اقولك كلمتين اخوي ولا تزعل مني انا مواطن حالي حالك دام رديت على الاخت التيما يوم اسئلتك اذا كان لك الحق انك اتصوره , وقلت لها اي نعم لي الحق كان صورته وجهاً لوجه دامه حق من حقوقك اللي تدعيها !!

بس اذا الريال صورته ويجوز يكون اجنبي يدييد على البلاد , الغلط مب منه الغلط من الجهات اللي في المطار لازم يكون في توجيه اول ما يوصل ارض مطار دولتنا الحبيبه قطر بطريقه حلوه ولبغه مثل المنشورات الصغيره والمبينه باللغات الاخرى والصور

وعشان ما نتطرق من لب الموضوع الى مواضيع جانبيه انا مرات اروح مع الاهل واستحي بصراحه من البنات وما اقدر احدد الجنسيه بالضبط للبنات بس لابسين عبايات مفتوحه ومن تحت برمودا والا استرج لفوق الركبه يبين العصاقيل والركب الملحا الشلحا , هذا الكلام مب عشان يشنوون علي حرب الاخوات الفاضلات بس بالمقابل في اخوات والله لو اتشوفهم تستحي اتطل في ويهها من كثر ما اهييه محتشمه ومتستره

[£عبدالعزيز£]

دامنه وايد اعضاء قاموا يفتون من عندهم

خلنا نقطع الشك باليقين

http://www.************/watch?v=bJQvZv7_kME

يو تيوب دوت كوم مكان النجوم

وشوفوا الدقيقة 5:30

[الميزان 1969]

بصراحه تصوير الرجل هو العيب والخطأ الأكبر..
أمة محمد أمة امر بالمعروف وليس نشر للمنكر ......
باختصار : ما الفائدة التي سيتم جنيها من هذا الموضوووووووووووووووع ؟؟؟
ولاشئ

[Qa10]

الحين مصورة الرجال ... ومضيعة وقتك ... وحارقة اعصابك

عشان شخص لابس شورت جاي على ركبته ؟

انتي استأثمتي اكثر منه ... صورتية دون علمه ، ومنزلة تقرير هالكبر

شوفي الحريم اللي تارسين المجمعات والشوارع فاصخين الحيا لاحجاب ولا ستر

[Qa10]

اتمنى قفل الموضوع
لانه في ذمة المشرفين ، اتقوا الله

[Rashid554]

الحمدالله والشكر ، والله انا الي اشوفه غلط انت شلون تسمح لنفسك تصور شخص في مكان عام دون اذنه وتنزله بالانترنت !!
صدقني بيجيك يوم واحد يصورك في بركه سباحه !!
الحمدالله والشكر على نعمة العقل

[حليتان*]

ههههههههههههه صراااحه مالك حل


عيدك مبارك مقدما


على فكرة انا البس شورتات واايد تحمل تصورني :)

[toomi9]

شنو يعني شورت
اشوف عادي هو ريال مب حرمه
وعاااد الله والريول الي مطلعهم عصاقيل ومشعره ولوعة جبد وتخرع وقرف
ويمكن مب قطري ،، عادي عنده متعود

[@north_star@]

سبحان الله وبحمده سبحان الله العظيم

[القمه]

حياك الله اخوي وكثر الله من امثالك الغيورين على دينهم وارضهم وعرضهم
وترا انا اخوك في الله بس يمكن اسمي لخبطك :thumbup:
بالنسبه للعضيد ماعندي رقمهم وبعدين احسهم باردين في مثل هالمواقف
والله ما صورت هالحقير الا لما شفت اخوات محتشمات بعبيهم وامهات كبار كانوا متواجدات في نفس المكان قلت هالحقير بأي حق يخدش حيائهم
أعتذر عزيزي

[بوحارب]

ههههههههههههه صراااحه مالك حل


عيدك مبارك مقدما


على فكرة انا البس شورتات واايد تحمل تصورني :)

انا بصورك :looking:

[الصريحه]

الله يهديه ويهدينا
جهل بالدين واضح

[Doha Sun]

الله يهديهم ويصلحهم

[شبح الصمت]

الحين جاءت على ذيه الي لابس اخوي الشورت

خلنا نتكلم عن واقع

والحريم الي لابسين مزلط ومفصـخ شنو الحل معاهم !!!

سؤال لو هالموقف كان مر عليك كنت راح الله يجزاك الف خير تروح تنزل الموضوع وتصورها !!!

يمكن الرجال عنده ظرف طارئ جاي من البحر ما يقدر يتاخر عنده موضوع

لا ياخوك لا تظلم الناس

كان كلمته والا عطيته صروال يلبسه ويدش فيه البنك

[qatari911]

الحين جاءت على ذيه الي لابس اخوي الشورت

خلنا نتكلم عن واقع

والحريم الي لابسين مزلط ومفصـخ شنو الحل معاهم !!!

سؤال لو هالموقف كان مر عليك كنت راح الله يجزاك الف خير تروح تنزل الموضوع وتصورها !!!

يمكن الرجال عنده ظرف طارئ جاي من البحر ما يقدر يتاخر عنده موضوع

لا ياخوك لا تظلم الناس

كان كلمته والا عطيته صروال يلبسه ويدش فيه البنك

اي والله يمكن عنده ظرف خاص او شي
بس اشوف مواضيع تنفتح مالها معنى
بعدين اذا جين للقانون مالك حق انك تصوره الا برضاه
اذا عندك غيره
عندك المجمعات الي بعض البنات الله لا يبلانا لبسين العبي وكنهم مفاصيخ روح صورهم وافتح موضوع في المنتدى انتقدهم :yes: شراايك؟؟
والرجل ما ارتكب جريمه كله الا شورت مالك وماله ياخي؟؟
ارجو ان محد يزعل بس قمت اشوف اشياء في المنتدى تااااافه<<<<<ارجو المعذره بس الي بالخاطرomen
في حفظ الرحمن

[بوخالد911]

بل

والله تذكررت بعض الجاليات العربية والآسيوية لما يجوون المسجد
وشووفا كييف ملابسهم

اللي لا بس رياضة
واللي بيجامة وكأنه داش غرفة نوومه

يبطون الجبد والله

[Abu Deeb]

شكلك لست من مشجعي كرة القدم أو الرياضه أعتقد أن الرجال فيها كلهم بشورتات
إلا إذا غيروا اللبس وصار بنطلون طويل وأنا مادري

بعدين عنوانك غريب لابس شورت في مكان عام وبرمضان
يعني لو ماكان رمضان كان عادي بس رمضان حرام

صراحه مكبر الموضوع واعتقد كلام الاعضاء اكبر دليل انك مكبر الموضوع

[المخفي]

جزاك الله خير اخوي

[A l i]

والله زهقناااااااااااااااااااا من هلاشكال الي تنشاف كل يوم في المجمعات

[alizz]

اتمنى منكم قراءة ردودي كاملة قبل لا تردون
سبحان الله بعض الناس ماتت الغيره عندهم ...المفروض ان هالاشكال توقف عند حدها واعراض الناس مب لعبه له ولامثاله داش في مكان فيه حريم وامهات محتشمات وبينهم قطريات ولو شفتوهم شلون تضايقوا كان بعضكم ماردواهالردود الي ما تدل الا على انعدام الغيره ما احترامي لكم
واللي يقولون لاعبين الكوره يلبسون هاللبس ....شنو علاقة موضوعي بلعيبة الكوره
هذا في مكان عام وبين قطريات محتشمات وهذولاك في ملعب ...


لكن ما اقول الا :

اللهم لاتؤخذنا بما فعل السفهاء منا

[ROCK]

يجوز مو مسلم !!

[ابو محمد7]

اتمنى منكم قراءة ردودي كاملة قبل لا تردون
سبحان الله بعض الناس ماتت الغيره عندهم ...المفروض ان هالاشكال توقف عند حدها واعراض الناس مب لعبه له ولامثاله داش في مكان فيه حريم وامهات محتشمات وبينهم قطريات ولو شفتوهم شلون تضايقوا كان بعضكم ماردواهالردود الي ما تدل الا على انعدام الغيره ما احترامي لكم
واللي يقولون لاعبين الكوره يلبسون هاللبس ....شنو علاقة موضوعي بلعيبة الكوره
هذا في مكان عام وبين قطريات محتشمات وهذولاك في ملعب ...


لكن ما اقول الا :

اللهم لاتؤخذنا بما فعل السفهاء منا


انا اقول هدي اعصابك ولاتقعد تغلط وتقط خيط وخيط والناس لهم الحق في الاختلاف معاك

ومب لان احنا اختلفنا معاك ونشوف انك مكبر الموضوع يعني احنا ماتت عندنا الغيرة وان احنا سفهاء ,
وما اشوف ان الموضوع له علاقة باعراض الناس
انت يوم كتبت اعراض الناس مب لعبه حسستني ان صاحب الصورة كان يتحرش في البنات ويضايقهم !

اولا عورة الرجل اللي انا اعرفها من السرة لين الركبة والله اعلم والصورة مب واضحة واللي يبين فيها ان الرجال شورته فوق الركبة بشي بسيط ويمكن هو اصلا مب مسلم

ثانيا مب من حقك تصور انسان بدون علمه وتنزل موضوع وتنشر الصورة

ثالثا تعلم ادب الحوار واقبل الاختلاف

صراحة عنوان موضوعك مضحك شنو علاقة الشورت بالشهر الفضيل !

[التيما]

عزالله الجيل فلح يا استاذه التيما ,, اظاهر نسيتي ديننا ايش يقول!!

ديننا الله يسلمج يقول إن عورة الرجل ما بين السرة والركبة ..

اما مقولتج تقول ..

شورت عن شورت يفرق ... مهب كل شورت في السما يبرق

مب حلوة انك تعلق على تربيتنا للاجيال لأننا احنا في المدارس اللي نربي بعد ما الأهالي خلوا التربية علينا .. غيركذا اخوي الفاضل احنا نخاف الله قبل ماخاف من اي حد ثاني في هالجيل .. ثالث شي ما اسمح لأي كان انه يشكك في اهدافنا وتربيتنا واخلاقياتنا ..

نرجع للموضوع .. اي شورت عن شورت يفرق .. احنا متربيين ومتعلمين من دينا الوسطيه يعني بالعربي عورة الرجل معروفه مسوين سالفه ومكبرين الموضوع شولا ؟ غير كذا لازم ابجل الموضوع واتفق معاه واقول اي انت كفوا وصج ما يستحي و و و عشان اكون كفو لتربية الجيل ؟؟

كل واحد يتحاسب على كلامه ورايه .. وانا اتحاسب امام الله على رايي وكلامي والريال لابس للركبه واهون من لبس كثير .. وغير كذا ماهو عيب ولا حرام .. يمكن انا اصدق الاخ صاحب الموضوع لمن قال ان شكله من الامام محرج بس انا ماراح احكم على صورة امامي للريال من ورا انا حكم على اللي شفته والصورة ابلغ دليل ..

[alizz]

انا اقول هدي اعصابك ولاتقعد تغلط وتقط خيط وخيط والناس لهم الحق في الاختلاف معاك

ومب لان احنا اختلفنا معاك ونشوف انك مكبر الموضوع يعني احنا ماتت عندنا الغيرة وان احنا سفهاء ,
وما اشوف ان الموضوع له علاقة باعراض الناس
انت يوم كتبت اعراض الناس مب لعبه حسستني ان صاحب الصورة كان يتحرش في البنات ويضايقهم !

اولا عورة الرجل اللي انا اعرفها من السرة لين الركبة والله اعلم والصورة مب واضحة واللي يبين فيها ان الرجال شورته فوق الركبة بشي بسيط ويمكن هو اصلا مب مسلم

ثانيا مب من حقك تصور انسان بدون علمه وتنزل موضوع وتنشر الصورة

ثالثا تعلم ادب الحوار واقبل الاختلاف

صراحة عنوان موضوعك مضحك شنو علاقة الشورت بالشهر الفضيل !

لا تعال انت علمني ادب الحوار
هل راح ترضى ان حد من نسواكم يتواجد في مكان فيه هالاشكال بهاللبس
نصيحه لك اقرء قبل لا تكتب

[qatari 111]

اتمنى منكم قراءة ردودي كاملة قبل لا تردون
سبحان الله بعض الناس ماتت الغيره عندهم ...المفروض ان هالاشكال توقف عند حدها واعراض الناس مب لعبه له ولامثاله داش في مكان فيه حريم وامهات محتشمات وبينهم قطريات ولو شفتوهم شلون تضايقوا كان بعضكم ماردواهالردود الي ما تدل الا على انعدام الغيره ما احترامي لكم
واللي يقولون لاعبين الكوره يلبسون هاللبس ....شنو علاقة موضوعي بلعيبة الكوره
هذا في مكان عام وبين قطريات محتشمات وهذولاك في ملعب ...


لكن ما اقول الا :

اللهم لاتؤخذنا بما فعل السفهاء منا
انت مثل ما تفضلت وقلت في مكان عاااااااااااااااااااااام مب خاص للحريم
وبعدين مب ردودنا معناته انا أحنا ماعندنا غيره بالعكس والحمدلله ربنا انعم علينا احنا المسلمين بالمييزه هاذي واحنا اللي قلناه ان الشخص اللي صورته هو نفس اللعيبه اللي فالملعب والسبب واحد.
انت عارف ايش معنات الكلام هذا اللي كتبته اللهم لاتؤخذنا بما فعل السفهاء منا
الكلام هذا ما ينقال لاي واحد
فلا تحكم علينا بالشي اللي انت فهمته في مقصد ردودنا ترى في ناس اكبر منك بالعمر وافهم فلازم تحترم وتقدر ردود الاعضاء الموقرين ويكون عندك حسن ادب الحوار مع الاعضاء ولا تتفاعل ولا تتسرع بالرد
واذا الحريم كانوا موجودين يغضون البصر وهذا الانسان مب مسلم علشان تلومه ولا هو عارف الحلال ولا الحرام وفي بلادهم يلبسون اخس والمفروض انت تروح وتكلمه وتفهمه بعاداتنا وتقاليدنا الاسلاميه وراح تكسب اجر عند الله


ما اقول الا الله يهديك ويصلحك والله يسامحك على الكلام اللي كتبته

[OREO]

مب حلوة انك تعلق على تربيتنا للاجيال لأننا احنا في المدارس اللي نربي بعد ما الأهالي خلوا التربية علينا .. غيركذا اخوي الفاضل احنا نخاف الله قبل ماخاف من اي حد ثاني في هالجيل .. ثالث شي ما اسمح لأي كان انه يشكك في اهدافنا وتربيتنا واخلاقياتنا ..

نرجع للموضوع .. اي شورت عن شورت يفرق .. احنا متربيين ومتعلمين من دينا الوسطيه يعني بالعربي عورة الرجل معروفه مسوين سالفه ومكبرين الموضوع شولا ؟ غير كذا لازم ابجل الموضوع واتفق معاه واقول اي انت كفوا وصج ما يستحي و و و عشان اكون كفو لتربية الجيل ؟؟

كل واحد يتحاسب على كلامه ورايه .. وانا اتحاسب امام الله على رايي وكلامي والريال لابس للركبه واهون من لبس كثير .. وغير كذا ماهو عيب ولا حرام .. يمكن انا اصدق الاخ صاحب الموضوع لمن قال ان شكله من الامام محرج بس انا ماراح احكم على صورة امامي للريال من ورا انا حكم على اللي شفته والصورة ابلغ دليل ..

مهما تكلمتي و مهما قلتي فأنتي غلطانه اختي ... لان الرجال لابس فوق الركبه و الصورة واضحة وضووح الشمس ..
فلذا لا تلفين و تدورين و اتدخلين مذهبج في السالفه ( الوسطيه ) ..الا لو في الوسطية حلال فهذا شي ثاني ..
ارجع و اقول الرجال لابس قصير و العورة عنده باينه و هذا حرااااام و هذا هو المقصد من الحوار .. فأرجو التركيز على جوهر الموضوع و الابتعاد عن شكله من الامام و من الخلف .. لان هذا رجال و مهب سيارة .. و اتمنى تسوين بحث سريع في جوجل و تشوفين اسلامنا ايش يقول عن العورة ..

[فلتة زمانها]

انتوا للحين طايحين فهالريال المسكين مايسوا عليه هالشورت اللي البسه

[برزان1]

السلام عليكم ورحمة الله
يا اخوان لهالدرجة وصل بعض الناس الى عدم احترام الاخرين
اليوم وانا قدام احد المصارف المزحومة بالرجال والنساء دخل هذا الشخص بشورت فوق الركبة وكأنه داش شاليه
وهذي صورته بس علشان تحكمون بأنفسكم
http://www.qatarshares.com/vb/attachment.php?attachmentid=66901&stc=1&d=1283717800
يعني المكان فيه حريم المفروض يراعي شعورهم
ليش ما يعاقبون امثال هالحثالى حسبي الله عليه في رمضان ولابس هالشكل

بعد يا ليت الحريم اللي يلبسون شورتات في المجمعات التجارية وغيرها يراعون شعورنا (: