بركاتك يا اتحاد الكرة : قاسم برهان يغيب عن لقاء الهلال

[£عبدالعزيز£]

السلام عليكم ورحمة الله وبركاته


في خبر فاجأ الجميع .. اثبتت الفحوصات التي خضع لها قاسم برهان حارس مرمى

العنابي ونادي الغرافة وجود تمزق في العضلة الخلفية لرجله .. مما سيمنعه من اللعب

لمدة تتراوح بين 3 و 4 اسابيع !!

..

اوكي ما تبون تاجلون مباراة لخويا مافيه اي مشاكل !!

لكن يا اتحادنا ويا عبدالكريم ميتسو .. شلون تاخذون خط دفاعنا كامل بالاضافة

الى حارسنا الاساسي وتطلعونهم من معسكر الفريق في لحظات مهمة

يستعد لها الفريق للقاء الهلال السعودي لمجرد المشاركة في مباراة ودية !!

وفعلا صار اللي ما كنا نتمناه وتعور قاسم برهان

..

احنا الحمدلله عندنا حارس بديل (عبدالعزيز علي)وهو يعتبر اساسي لانه مثل الفريق في مناسبات عديدة

وما شاء الله عليه يمتلك الخبرة الكافية اللي يمكن تفوق خبرة قاسم برهان

لكن ما تشوفون انه الاتحاد اخطأ لما استدعى لعيبتنا وخرب علينا المعسكر

والحين صنع نوع من الربكة بسبب اصابة قاسم برهان !!

..

ماقول غير الله يشفيه .. ويوفق الكابتن عبدالعزيز علي

وبوسعود قدها وقدود ان شاء الله

[دعوه]

اخوي خلها ع ربك من شاف الاتحاد ما اجل مباراة الخويا يعني احنا اتحاد قوي يعني صدقني يعني

وعبدالعزيز فيه الخير والبركه

وبخصوص المنتخب يعني صدقني بياخذون كاس الخليج واسيا مع هالمدرب والاتحاد ما اظن..؟؟؟؟؟؟؟


مدام اتحاادنا اتحاد مجاملات وحب خشوم خلها ع ربك

شوف السد الله يعينهم كم لاعب بيروح من عندهم

ويا اتحادنا الفاضل السالفه مو سالفة عناد ومو سالفة انكم اتحاد قوي اجلو مبارة الخويا ولا تبون الغرافه يلعب بالرديف والشباب ونخسر نقاط ....!!!!!!!!!!

[£عبدالعزيز£]

صدقني يا اخوي او اختي دعوة

بو سعود هو رجل المواقف الصعبة

والدليل انه ما شاء الله عليه الموسم اللي راح حتى وهو فالاحتياط ما فقد مستواه

ولعب مباريات حاسمة والحمدلله كان قدها

مباراة السد اللي حسمنا فيها الدوري

مباراة الاهلي السعودي في الدوحة وفي جدة

بو سعود ينطر الفرصة تجيه عشان يرجع اساسي

..

الهدف من الموضوع مب انه انحطينا في موقف سيء

الهدف من الموضوع هو ان كلامنا طلع صح لما اعترضنا على سحب لعيبتنا من المعسكر

عشان مباراة ودية لا راحت ولا جات !!

[شاهيناز]

الغرفاويين متضايقن من تصرفات اتحاد الكره وايد
والله يعينكم يبونكم تدفعون ثمن ال3 مواسم

بس مايعرف اتحادنا الموقر انكم بتلعبون باسم قطر
وانكم تمثلون قطر مب الغرافه

السنه بتشوفون العجب من اتحاد الكره والقادم مايسر
الا اذا
ويازييني ساكته:no:
والله يوفقكم يارب على الهلال كل الريانيين ان شاءالله خلفكم

[عاشق الشهادة]

عبدالعزيز علي بالنسبة لي أفضل من قاسم برهان بشرط ان يكون مركز وقت المباراة صدقوني سوف يكون سد منيع لدفاع الغرافة .

[£عبدالعزيز£]

الغرفاويين متضايقن من تصرفات اتحاد الكره وايد
والله يعينكم يبونكم تدفعون ثمن ال3 مواسم

بس مايعرف اتحادنا الموقر انكم بتلعبون باسم قطر
وانكم تمثلون قطر مب الغرافه

السنه بتشوفون العجب من اتحاد الكره والقادم مايسر
الا اذا
ويازييني ساكته:no:
والله يوفقكم يارب على الهلال كل الريانيين ان شاءالله خلفكم


الاتحاد يبي يبين ان قراراته تطبق على الكل وفي جميع الحالات

انهم يعني يبون يبينون انه الاتحاد محترف

انتوا اختاروا جوائز ختام الموسم الرياضي عدل وعقب حاولوا تمشون قراراتكم

واما عن موضوع ان جمهور الريان معانا

فاحنا متعودين على هالشي ودايما جمهور الريان يوقف معانا

واحنا بعد وقفنا معاهم العام في كاس الاتحاد الاسيوي

ومشكورة اختي على المرور





عبدالعزيز علي بالنسبة لي أفضل من قاسم برهان بشرط ان يكون مركز وقت المباراة صدقوني سوف يكون سد منيع لدفاع الغرافة .


صعب نقارن بين قاسم وعبدالعزيز لانه كل واحد فيهم له مميزات غير

بس احنا تضايقنا من اصابة قاسم لانه لاعبنا ونتمنى له الخير

بس نفس ما انت قلت عبدالعزيز ما شاء الله عليه لو ركز ما يدخل عليه قول بسهولة

ودايما تلاقيه في قمة تركيزه في نفس هالمباريات المصيرية

..

وعلى فكرة عبدالعزيز شارك في المباريات الودية اكثر من قاسم برهان

[البرونزي]

الله يعينكم
وعبدالعزيز علي بيكون قدها ان شاء الله
ومستواه مايقل عن قاسم برهان

وموفقين

[WhiteBerry]

وطلال وكاسولا وقبلهم ابراهيم ماجد وخلفان ...

تقولي برهان الله يهداك .. محد متضرر كثر الزعييييييييييييم ...