((صور)) توضيح بخصوص وضع رادار في شارع طوله اقل من 800 متر ؟؟؟

[عاشق الشهادة]

السلام عليكم




اخواني كلمني صديقي الصدوق:yes: الساعة 12,40 مساء اليوم يطلب مني ان اضع الصور لكم بالمنتدى وعنده استفسار واحد فقط وهو ( مصلحة من يضع جهاز رادار متحرك في شارع لايزيد طوله عن 800 متر؟ وآخر الليل ؟ والشارع المقصود هو من اشارات محطه بترول الحديقه الى اشارات حياه بلازا , هل هو في صالح المواطن والمقيم او ماذا بالضبط ؟؟ اترك لكم مشاهده الصور واتمنى من عنده دراية او علم يسدحه في هذا الموضوع علشان صديقي الصدوق يشوف الاجابه ويرتاح :playball:

.






http://center.jeddahbikers.com/uploads/jb12837267631.jpg (http://pic.jeddahbikers.com/)


http://center.jeddahbikers.com/uploads/jb12837267632.jpg (http://pic.jeddahbikers.com/)

[الفورتك]

وين المشكله .. يعني الشارع اللي طوله اقل من 800 متر مايسير حد يسرع فيه ..؟

[عاشق الشهادة]

وين المشكله .. يعني الشارع اللي طوله اقل من 800 متر مايسير حد يسرع فيه ..؟




ومن قال لاتسرع وتقدر تسرع في شارع عشرين متر :playball: بس كان السؤال هل هذا في صالح السائق اما ماذا بالضبط ؟

[بوعلى 1]

بلضبط في صالح خزينة المرور!!

[إنسان عادي]

لا تسرع ولاتخاف .

[الخير كله]

يعلهم يسيرون مليون رادار ...
رووح يا الخرجي والقلب داعي لك

[سداوي&مدريدي]

انا اشوف ان الهدف من الرادارات مادي بحت :looking:

[بوعلي2]

الله المستعان

[هذلان]

السلام عليكم


هذا محطوط طال عمرك لمصلحتنا

عيديه ... حابين يعايدون فينا اداره المرور بهالمناسبه الجميله :thumbup:

سحقاً للرادار :eek2:

[CH Engineer]

اخوي اعتقد لان الشوارع الطويله غير صالحه للمخالفه
ندري على ايام اول كانت السرعه فالشوارع الطويله 80

لانه اعتقد بمجرد ماتحط رجلك على الريس الموتر يوصل 80 بدون ماتلاحظ

بعد تفكير طويل من ادارة المرور قرروا يحطون الرادار فشارع قصير 800 متر مثل ماذكرت
لانه لو حد احتج على انه السرعه 80 او 60 بيقولون الشارع قصير وين طايرين
وبعدين الرادار المتحرك ماعتقد يعطي 10 كيلو زياده
لانه مرتين صادني على 80 بالضبط..
هذا قبل سنه قدام دحل الحمام

[مالي ومال الناس]

جبااااايه , ياخذون فلوووس بس

[سبشل]

عيدية حق المرور

[شنب]

السلام عليكم


هذا محطوط طال عمرك لمصلحتنا

عيديه ... حابين يعايدون فينا اداره المرور بهالمناسبه الجميله :thumbup:

سحقاً للرادار :eek2:

هههههههههه
عشان يشترون فيها الورود اللي بيوزعونها رجال المرور فـ يوم العيد على الأشارات و الدواوير

و طابعاً بيعطونك الورده مع مخالفه هالمره هههههههههه:funny:

[أبورودي]

انا مش فاهم انتم فى ايام مفترجه ووجب طاعه اولى الامر
الطريق سرعته 80 ليه السرعه
اذا كانت السرعه ستاذيك وتضر بالاخرين لماذا سؤال محير
كل الاعضاء يصرخون من الرادار ويلمون المرور وجمعهم للمال
وانتم اين موقعكم من تلك المنظومه انتم من تتجاوزون السرعه لحد قتل انفسكم
يارب يارب
الناس تتعقل قبل ان تتكلم
وحاسبوا انفسكم
لان ارواحكم غاليه على من يحبونكم

[شقردي]

للاسف ان هاذا الرادار صادني اليوم

الصراحه اصبح وضع الرادار لا يطاق الهدف من وضع الرادار مادي بحت ماهمهم مصلحة المواطن

الوضع زاد عن حده الواحد اصبح مايدري يكد على عياله او على الرادار:anger3:

[أبورودي]

نسيت ابلغكم واعرفكم
انا احد ضحايا جنون السرعه
اثناء عبوري للاشاره الموجوده فى منصف شارع المرقاب
دراجه ناريه مسرعه فوق 100 كيلو صدمتنى
والنتيجه كسر وتهشم المرفق
الايمن
ووضع شرائح و6 مسامير وعلاج 4 اشهر
وفقد 5% من قدره الذراع الايمن
والحمدلله

[هذلان]

هههههههههه
عشان يشترون فيها الورود اللي بيوزعونها رجال المرور فـ يوم العيد على الأشارات و الدواوير

و طابعاً بيعطونك الورده مع مخالفه هالمره هههههههههه:funny:

من صجك بيوزعون ورد في الدوارات ؟؟

والله لو اني اشتغل في المرور ما اسويها لو على استقالتي
وين عايشين في مصر .

ورد يا بيه ... و اذا ماخذت يقولون لك للاموره الي معاك :thumbup:

[سيف العشق]

بصراحه اللي يستخدم رادار ويخشه ورى عمود انارة او ورى شجره قصده واضح وهو المال فقط

احنا في العشر الاواخر والمرور همهم الوحيد المخالفات لغرض المخالفه وليس لغرض التوعيه

والدليل ان حتى لخويا صاروا يخالفون من غير مايوقفونك بس ياخذون رقم السياره وتتفاجأ بالمخالفه

من مطراش

اتمنى ان يرحموا الناس وان كان قصدهم توعوي وحياة الناس الله لايهينهم يحطون جهاز رادار ثابت

وماراح يكلفهم شي

[شقردي]

انا مش فاهم انتم فى ايام مفترجه ووجب طاعه اولى الامر
الطريق سرعته 80 ليه السرعه
اذا كانت السرعه ستاذيك وتضر بالاخرين لماذا سؤال محير
كل الاعضاء يصرخون من الرادار ويلمون المرور وجمعهم للمال
وانتم اين موقعكم من تلك المنظومه انتم من تتجاوزون السرعه لحد قتل انفسكم
يارب يارب
الناس تتعقل قبل ان تتكلم
وحاسبوا انفسكم
لان ارواحكم غاليه على من يحبونكم

تبي تعرف ليش يصرخون اخوي لان غرامة الرادار عاليه جدا المفروض 300 وعلى كل عشره كيلو زياده

[هذلان]

نسيت ابلغكم واعرفكم
انا احد ضحايا جنون السرعه
اثناء عبوري للاشاره الموجوده فى منصف شارع المرقاب
دراجه ناريه مسرعه فوق 100 كيلو صدمتنى
والنتيجه كسر وتهشم المرفق
الايمن
ووضع شرائح و6 مسامير وعلاج 4 اشهر
وفقد 5% من قدره الذراع الايمن
والحمدلله

ماعليك شر ان شاءالله .. و اصر ياخوي ترى حديث الرسول فيما معناه يقول مايشك المسلم بشوكه الا كتب الله له الاجر .

[La Bella]

الرادار يجيب فلووووووووووس
جان زين عندي بس رادارين والله لاطلع منهم ذهب :thumbup::thumbup:
ترى الرادار صار يدخل أكثر من بير البترووول:eek2: ماعندكم خبر

[عاشق الشهادة]

للاسف ان هاذا الرادار صادني اليوم

الصراحه اصبح وضع الرادار لا يطاق الهدف من وضع الرادار مادي بحت ماهمهم مصلحة المواطن

الوضع زاد عن حده الواحد اصبح مايدري يكد على عياله او على الرادار:anger3:




ههههههههههههههههه وانت معاي انا يوم شفت فلاشه قلت الا اصورة والف له من لفه بيت الوزير بن تركي واعطيه كمن صورة من القهر

[نورالهدى]

الحمد لله انك صورته

[شقردي]

ههههههههههههههههه وانت معاي انا يوم شفت فلاشه قلت الا اصورة والف له من لفه بيت الوزير بن تركي واعطيه كمن صورة من القهر

هههههههههههه شفت شلون والله الرادار قاهرني المصيبه يتم تكثيف الرادار على اخر الشهر او اواخر رمضان انا كل رمضان يصيدني الرادار وياليت يصيدني بسرعه جنونيه

[بوحارب]

السلام عليكم

مستغرب من ادارة المرور يعني حتى وقت صلاة القيام حاطين

اليوم على الساعة 11.40 حاطين رادار متحرك وانت متجة من دوار الدحل الى دوار المرخية

والله غريب امرهم :nono:

[bus3od]

السلام عليكم

مستغرب من ادارة المرور يعني حتى وقت صلاة القيام حاطين

اليوم على الساعة 11.40 حاطين رادار متحرك وانت متجة من دوار الدحل الى دوار المرخية

والله غريب امرهم :nono:

بوحارب هم يخالفون العالم وقت الصلاه جات على الرادار

الي يبط الجبد اذا صادك الرادار وانت ماشي 87 و سرعة الشارع 80 زدت 7 كيلو راحت عليك 500 ريال و فوق هذا يخشووونه و يتفننون بعد و عقب يطلع لنا واحد من المرور يقول لك لا هذا الكلام غير صحيح احنا مانخشه

الله كريم

[M O H A D]

امش عدل يحتار عدوك فيك ;)

[المحبووووب]

السلام عليكم

مستغرب من ادارة المرور يعني حتى وقت صلاة القيام حاطين

اليوم على الساعة 11.40 حاطين رادار متحرك وانت متجة من دوار الدحل الى دوار المرخية

والله غريب امرهم :nono:


صادني وانا ماشي اقل من 85 وهو ثالث رادار في رمضان يصيدني

بس دعيت عليهم في صلاة القيام واتمني من كل قلبي يتقبلها ربي الدعوة

[Realistic]

الخرجي يقول ان الرادار لازم يكون واضح للعيان ..
والخرجي ايضا يدعو المواطنين للتبليغ عن اي رادار غير واضح للعيان

ولما تبلغ وتحتج ان الرادار كان مخشوش ورا عامود وله ورا سدره .. يقول لك هذا الرادار تابع للخويا مب للمرور ..

اول مره اشوف دوله الكل عنده الصلاحيه انه يخالف فيها !!

الواحد ما يعرف من الجهه المسؤوله عن ايش .. كل جهه مسؤوله عن كل شي !!

[ساحر برشلونة]

الله المستعان

[limited]

انا اشوف ان الهدف من الرادارات مادي بحت :looking:






كفك
:thumbup:

[شبح الصمت]

800 متر

ياخي اخاف وانا امشي يصيدني الرادار

اخوي عاشق

لو فرضا سدحني الرادار الحلو الي ما طلعت صوره لي وانا امشي فوق 80 كيلو بحبتين بس

هل يصير اني اشل المخالفه والا بيسدحونها في صفحتي

انا اتوقع ياخوك انه حاطينه للشباب الي يركبون القواري مالت المخازن الكبرى يبون يصيدون واحد مار عليهم فلت ومسوي حبـتين
:no:

[كلاسيك قطر]

الله المستعان واالله

ويعطيك ربي الف عافيه

[كازانوفا]

ادارة المرور ادور مصلحتنا برضانا او غصبا عنا
ليش زعلانين :( مثلي

[شبح الصمت]

يالربع اش رايكم نسوي صندوق فالمنتدى

اسمه صندوق اعانة المخالف لقوانين المرور

طبعا هالصندوق يدرس حالة الشخص ومن ثم يشوف اذا اهو غلطان

نقوم بحط قطيه له ونساعده

خبركم بيجي يوم بنحسب سلفيات عشان نسدد ديون المرور


اخ راسي قمت اخاف تصدقون ذاك اليوم

وانا ابي ارقد على السرير

احسب اني يالس على الكرسي قاعد ادور وين حزام الامان

وتلومون المسكين الي حط له خط اسود على قميصه

قام يلبسه وهو قاعد وهو راقد


ههههههههههههاي

:no:


اش رايكم في الشعار للمرور

لا تخلاف ولا تخاف

[ابو محمد7]

السالفة مايبي لها ذكاء احنا نعاني من حوادث و وفيات وسببها السرعة الجنونية 160 وفوق داخل الدوحة

يعني محتاجين رادارات على سرعة 120

ليش يحطون رادار 60 او 80 !!!

صراحة شيء مضحك لما واحد رايح يدفع مخالفة سرعة زائدة وهو ماشي 90 !!!
يعني بو 90 هو سبب المشاكل بالدوحة !!!

واذا حبيت تخالف انسان ماشي اقل من 120 المفروض المخالفة تكون اقل بوايد من 500 ريال

يعني مجرد مثال اللي ماشي 70 مخالفته 100
80 مخالفته 150
90 مخالفته 200
100 مخالفته 250
110 مخالفته 300

[ســـهم]

غريبه ياعاشق!

محد قال لك شي اذكر مره صورة الرادار المخفي وحشروني اللي يقول مالك حق تصوره الخ

وحسيت اني مصوّر مفاعل ديمونة الأسرائيلي

مادري شلون طريقتهم في الحفاظ على ارواح الناس !!

حطوا رادار ثابت وزيدوا المخالفه او خلوها سجن بس لاتغشون الناس بأخفاء اجهزتكم .

[مطيع الله]

هذا الرادار عند الإشارة الضوئية، إن لم أخطئ؟
والمقصود منه السيارات الأخيرة قبل إضائة الإشارة الحمرا والتي غالباً تكون سريعة الحركة خشية الانتظار مرة أخرى،

يعني إشارة، وتأخير، فإذا حاولت التهرب من التأخير بالسرعة فلك الرادار يعطيك 500 ريال وانت تضحك:cry:



يعلهم يسيرون مليون رادار ...
رووح يا الخرجي والقلب داعي لك

المجتمع لا يستحق هذه القسوة:nono:

[The Emperor]

وانا من المؤيدين لذلك
احسن من الخسائر البشرية والأرواح .. وتأديب للمتهورين .
صارت قطر من أعلى نسب وفيات الحوادث في (العالم) بسبب الاستهتار وعدم احترام قوانين المرور.

كفاية خسائر مادية وبشرية .. كفاية خسائر في الأرواح.
بالله عليك .. كم قريب أو كم صديق أو كم عزيز فقدت بسبب جنون السرعة وحوادث المرور !!

ان شاءالله تنترس شوارع قطر كلها رادارات

[ابو محمد7]

وانا من المؤيدين لذلك
احسن من الخسائر البشرية والأرواح .. وتأديب للمتهورين .
صارت قطر من أعلى نسب وفيات الحوادث في (العالم) بسبب الاستهتار وعدم احترام قوانين المرور.

كفاية خسائر مادية وبشرية .. كفاية خسائر في الأرواح.
بالله عليك .. كم قريب أو كم صديق أو كم عزيز فقدت بسبب جنون السرعة وحوادث المرور !!

ان شاءالله تنترس شوارع قطر كلها رادارات


جنون السرعة انك تمشي اقل من 100 !

انا اخبر جنون السرعه انك تمشي فوق ال 120

[The Emperor]

جنون السرعة انك تمشي اقل من 100 !

انا اخبر جنون السرعه انك تمشي فوق ال 120


كل شارع وفيه (حدود) للسرعة تم وضعها بعد دراستها بحيث لاتشكل خطر على (حياتك) و (حياة الآخرين) ، وفي حال تعديها تسمى (جنون).
لان يمكن المتضرر يكون أخ لك أو قريب أو عزيز.

[المشرفي التم]

تسائل مشروع :
هل يمكن اعتبار الرادار المخفي نوع من انواع التجسس والتجسس مخالف للشرع والقانون
وهل يعتبر هذا جمع ادلة على جريمة بصورة غير قانونية وهذه الادلة مرفوضة قانونيا"

خاطرة :
اختيار مكان ووقت وضع الردار المخفي اصبح مجال للتفاخر والتحدي بين رجال المرور والهدف معروف للجميع

سؤال على الطاير:

هل لدى رجال المرور والخويا سلطة الضبطية القضائية بحيث يعتمد عليها لاثبات المخالفات وخاصة التي تتم عن بعد مثل التحدث بالجوال او ربط الحزام وغيرها ؟

وسلامتكم وسلامة رجال المرور

[ابو محمد7]

كل شارع وفيه (حدود) للسرعة تم وضعها بعد دراستها بحيث لاتشكل خطر على (حياتك) و (حياة الآخرين) ، وفي حال تعديها تسمى (جنون).
لان يمكن المتضرر يكون أخ لك أو قريب أو عزيز.

كلام جميل ونسمعه دايما نظري فقط

تعال الى الواقع انت في بلد فيه جنون سرعه حقيقي المفروض تركز على سرعات فوق ال 120 ولما تحل هالمشكلة ممكن تشوف موضوع اللي ماشي اقل من 100 اذا انت تشوف انه ايضا سرعه جنونية

ممكن تفهمني شنو الشارع اللي اذا مشيت فيه 90 بيكون تصرفك جنون سرعه !

وانا مستعد اتحداك ونروح لشوارع حددوا سرعتها ب 80 وحطوا عليها رادار ثابت او مخفي ونمشي انا وانت 90 واي عاقل ممكن يكون معانا وقول لي اذا حسيت ان احنا مجانين سرعه

يارجال شارع طويل حاطين سرعته 60 !!! انا ما اقول حطوا 120 ممكن 80 او 100

والسؤال المهم ليش التركيز على سرعة 60 و 80 !!!

[The Emperor]

كلام جميل ونسمعه دايما نظري فقط

تعال الى الواقع انت في بلد فيه جنون سرعه حقيقي المفروض تركز على سرعات فوق ال 120 ولما تحل هالمشكلة ممكن تشوف موضوع اللي ماشي اقل من 100 اذا انت تشوف انه ايضا سرعه جنونية

ممكن تفهمني شنو الشارع اللي اذا مشيت فيه 90 بيكون تصرفك جنون سرعه !

وانا مستعد اتحداك ونروح لشوارع حددوا سرعتها ب 80 وحطوا عليها رادار ثابت او مخفي ونمشي انا وانت 90 واي عاقل ممكن يكون معانا وقول لي اذا حسيت ان احنا مجانين سرعه

يارجال شارع طويل حاطين سرعته 60 !!! انا ما اقول حطوا 120 ممكن 80 او 100

والسؤال المهم ليش التركيز على سرعة 60 و 80 !!!




هلا اخوي

ترضى حد يسوق سيارته (قدام باب بيتكم)بسرعة 90 كم؟
على العموم .. احيانا سرعة 60 تعتبر جنونية في الشوارع الضيقة وخصوصا اللي بالفرجان وامام التجمعات السكانية .

[ابو محمد7]

هلا اخوي

ترضى حد يسوق سيارته (قدام باب بيتكم)بسرعة 90 كم؟
على العموم .. احيانا سرعة 60 تعتبر جنونية في الشوارع الضيقة وخصوصا اللي بالفرجان وامام التجمعات السكانية .

في هذي معاك حق وما اعتقد حد يختلف عليها بس هل الرادارات وموضوع حديثنا عن الرقابة في الفرجان والاحياء السكنية !

انا ماذكرت الفرجان لان الطبيعي الانسان يمشي 40 واقل داخل الفرجان ولو في رقابة على الناس اللي تمشي 80 داخل الفريج انا مؤيد ماعندي اعتراض

نرجع حق التشديد على 60 و 80 ووضع الكاميرات في غير الفرجان والاحياء السكنية !

الحين لو سمحت رد على باقي ماجاء في مشاركتي اللي قبل هذي اذا حاب ولك الميكروفون

[The Emperor]

بخصوص الشوارع اللي تقول ان حدودها 80 ، فتم تحديدها بناء على المعايير والمواصفات العالمية للسرعة . طبعا بالنسبة لك 80 شوية (اذا الشارع فاضي) لكن مثل مالكل شايف زحمة شوارع الدوحة .. وماعتقد انك تقدر تسوق 80 كيلو في الشوارع المزدحمه وخصوصا اذا كان الشارع مسافته قصيرة.

انت تقول ان 80 كم شوي .. وغيرك اللي يسوق بسرعة تتجاوز 120 يقول نفس كلامك ان حدود السرعة بـ 100 شوي . ولكن في النهاية يبقى الالتزام بمعايير السلامه لك ولغيرك.
والله يحفظنا وياكم من كل شر

[السندان]

يقولون انهم يلمون الفائض من الراتب بعد الاجازه الصيفيه ماحد سافر ورمضان كلهم تسوقوا في الحسا بنصف السعر والقرقيعان الناس شالوها من الرزنامه وقالوا مب من دينا والعيد الناس راقده الى الظهر ومافيه عيد والمدارس ماعاد فيه رسوم وطلبات مثل اول .. ليش خاشين فلوسكم احنا اولى بها ورانا مصاريف ورواتب الوزاره من وين لنا .. ونسيت بعد كيوتل مسويه عروض ههههههههههههه

عيش من جيب الفقير

[Rayane]

يعلهم يسيرون مليون رادار ...
رووح يا الخرجي والقلب داعي لك

خخخخـــ

رووووح يالخرجي والقلب داعي عليك

[Rayane]

هلا اخوي

ترضى حد يسوق سيارته (قدام باب بيتكم)بسرعة 90 كم؟
على العموم .. احيانا سرعة 60 تعتبر جنونية في الشوارع الضيقة وخصوصا اللي بالفرجان وامام التجمعات السكانية .


قلتها بنفسك.... انا معاك....

ولكن تحط لي رادار بسرررعة 80 على شارع عآآآآم وتقول هذا لمصلحة سائقين الطريق. لا سلآآآآآمتك هذا لمصلحة مآديه.

[ابو محمد7]

بخصوص الشوارع اللي تقول ان حدودها 80 ، فتم تحديدها بناء على المعايير والمواصفات العالمية للسرعة . طبعا بالنسبة لك 80 شوية (اذا الشارع فاضي) لكن مثل مالكل شايف زحمة شوارع الدوحة .. وماعتقد انك تقدر تسوق 80 كيلو في الشوارع المزدحمه وخصوصا اذا كان الشارع مسافته قصيرة.

انت تقول ان 80 كم شوي .. وغيرك اللي يسوق بسرعة تتجاوز 120 يقول نفس كلامك ان حدود السرعة بـ 100 شوي . ولكن في النهاية يبقى الالتزام بمعايير السلامه لك ولغيرك.
والله يحفظنا وياكم من كل شر

خلك شوي من كلمة معايير ومواصفات عالمية ترى عندنا عقل وكل شي واضح ونقدر نحكم

اذا الشارع مزدحم اكيد محد بيقدر يمشي 80 تلاقي الواحد يمشي بالبريك ولو كان مزدحم ماكانوا ربكوا هالكاميرات وجمعوا الاف الريالات

ومرة اخرى كل شي بالعقل 80 شوية

يعني مب معقولة يجي واحد يقول 40 وايد ! او يجي واحد يقول 160 شوية !

[مستثمر تحت التعليم]

أنا مؤيد تأييد مطلق للمرور ولتكثيف الرادارات حتى في الفرجان

بسنا خرابيط من تهور الشباب


التوقيع : مواطن صالح يستخدم الطريق ويخاف من المتهورين الطائشين

[سلمان_1]

وهذي صورة رادار على شارع الشمال

الشارع سرعته 100 و فجأة تشوف لافته مكتوب عليها السرعة 40 و حاطين رادار بعد الافته بأقل من 20 متر.
حتى مبين اثار البريكات ...



http://qatarshares.com/vb/attachment.php?attachmentid=66921&stc=1&d=1283848645

[kka]

يبون فلوووووس وبس انا عاني من الرادار واالمشكلة اني مش من النوع الي اسرع اكبر سرعه سرعتها 90 في الدوحة وكله انصاد على هل سالفه الله المستعان بس ابي اعرف شي واحد كم مدخول المرور في الشهر