ابي ابيع جوالي ، بس !!!!

[مسك روز]

السلام عليكم رحمة الله وبركاته

اخواني / خواتي .. اعضاء منتدى شبكة الاسهم المحترمين ..

محتاجه مساعدتكم ورايكم

ابي ابيع جوالي نوكيا e72

جديد وماستعمله الا نادر

وحابه ابيعه بس عندي مشكله بخصوص لأن

كان في صور للاهل وخايفه لو بعته ان في

حد يقدر يرجع هالصور ..

فا انتوا شنو تنصحوني هل عندكم طريقه تخلي الصور ماترجع كلش او تنصحوني مابيعه ؟

و حرام الجوال يديد وقاطته ماستعمله

لان عندي سوني اريكسون ومرتاحه عليه

وتحسفت ان شريت نوكيا لاني مب متعوده

على استخدامه خلاص تعودت على السوني

ابي رايكم في الموضوع

[الرحال74]

بيعي الجهاز بدون كارت الميموري اختي
وهفتح السومة 700 ريال لو معاه كامل اغراضه
تحياتي

[أصغر مستثمر]

مرحبا اختي ..
اول شي انصحج تسوين فورمات للجهاز ... وثاني شي تشيلين الميموري يعني ماتبيعينه مع الجوال
خليه عندج .. لان الاسترجاع يكون للميموري والله يحفظكم ويستر عليكم دنيا وآخره
هاي حسب معلوماتي المتواضعه نشوف راي الباقي
:)

[مسك روز]

هلا والله

مشكورين وجزاكم الله الف خير

انزين لو كانت الصور مخزنه بالجهاز مش الميموري

شنو الحل ؟؟ لاني سمعت ان الصور ساعات تتخزن بالجهاز

هل هالكلام صحيح ؟

بيني وبينكم ترى انا معلوماتي جدا متواضعه في هالسوالف

وماقصرتوا يعطيكم العافيه

[Almossafer]

هلا اختي

انا افضل انج ماتبيعينه لانه احتمال توجد صور ماكانت محفوظه بالميموري بالجهاز تنزل بالاول وبعديت تترحل الميموري

وان افضل انج ماتبيعينه

واسالي اهل التلفونات

[qtr9]

مرحبا

بصراحه مافي شي اسمه مايرجع كل شي يرجع
الاجهزه الحين مكونه من ذاكرتين ذاكره داخليه وخارجيه

الداخليه بالجهاز وتسترجع عن طريق استخدام برامج وتشبك واير يو اس بي من الجوال للكمبيوتر
والممري نفس مافادوج الناس يسترجع

يفضل لاتبيعنه وماتسوى السالفه تجازفين علشان مبلغ اقل من الف ريال عطي اختج او اي احد من اهلج يستخدمه واخذي الممري

وموفق الشيخه

[أبو بكر سالم]

اختي روحي شركة النوكيا دام اهو عليه ضمان وقولي لهم سوو للجهاز فورمات وابي امسح كل شي ونتي بالمرة اساليهم عن هل الموضوع بيفيدونج واعتقد ترجيع الصور بعد الفورمات اشاعه ونتشرت
والله يحفظ كل المسلمين

[Almossafer]

الصور ترجع حتى لو سوت فورمات

لاتجازفين وخلي التلفون عندج

[أصغر مستثمر]

كلام اخوي ابوبكر صحيح .. ممكن تسوين الفورمات فالشركه يغيرون لج السوفت وير من باب الاحتياط ..
وانا افضل انج ماتبيعينه .. ولله يوفقج

[مسك روز]

خواتي كلهم عندهم بلاك بيري ونوكيا

مب محتاجين الجهاز

قلت بدال مايطيح بجبدي وانا دافعه فيه الف وثلاثميه وشي

ابيعه استفيد منه ويمكن حد يكون يبي هالجهاز..

ع العموم دام فيها احتمال ترجع الصور لاخلاص عيل

يطيح بجبدي ولا حد يرجع الصور

ومشكورين :(

[OMG]

لاتبيعينه نصيحه من اخت لاختها ..

هالايام البلاوي تتحذف ع الناس من كل صووب اكسريه سوي نفسي احطه تحت تاير سياره بيتنا واكسره ههههه

ولا ان ينباع وتنشاف الصور الي فيه ..

^_^ مووفقه

[مسك روز]

هههههههههه


تهقين !!


تسلمين حبوبه


لاخلاص مابي ابيعه

[ali8.1]

الله يوفق الجميع ويستر علينا

[@فارس@]

انصحج بطريقة سهلة وحلوة

حطيه مع كوب تايد وماي في غسالة بيتكم واغسليه عدل

وعقب نص ساعة تنمسح كل الصور الي فيه خخخخخ

وبالتوفيق

[aldahnoon]

اختي فرمتي الجهاز و بعدين صوري فيه الجدار اكثر من 60 صوره و بهيك الصور الي بالذاكره و الصور الي بالجهاز نفسه صوري فيديو طويل و انسخيه داخل الذاكره الي بالجهاز لحد ما تنترس و كرري الحركه هادي
و بعدين بيعيه و ان شاء الله خير .

[A-Alansari]

اختي اذا الصور موجودين فيه اشبكيه بالكمبيوتر

وافتحي الصور ببرنامج notepad

الي بالكمبيوتر بتشوفين الصور تفتح فيه بس يطلع لج كلام وايد ومخربط امسحي الكلام وسوي سيف

عقب افتحي الصوره بتلقينا ماتفتح وحتى لو احد حاول يرجعها بترجع له هالصوره الي ماتفتح لانج عفستيها

[رمادي]

لو لونه اسود انا اشتريه اختي وبدون ميموري اما شغلة الصور الامر مبالغ فيه

النت والفضائيات مليانه صور محد مهتم يطلع على بنات الناس والله يستر

[حليتان*]

شيلي الممري بعد ما تمسحين كل شي

وعقب تاكدي ان الجوال ما فيه شي <<< كل شي ممسوح


وصوري الطوفه لين ينترس التلفون وبعدين امسحي الصور وبيعيه وانتي متطمنه