تجآاربكم مع دوااء Roaccutane ..~

[الـآنسـہ]

السلام عليكم و رحمة الله و بركااته ..

تقبل الله صيامكم و قياامكم اخواني و اخواتي الأعزااء

من فيكم قد جرب دوااء Roaccutane لحب الشبااب او الأمراض الجلديه الأخرى ؟

من الدكتور اللي وصف لكم ايااه ؟

و كم المده اللي استمرييتو عليها و متى شفتوو النتاايج ؟

انا ان شاء الله يوم الأربعااء ببدأ فيه و حابه اشوف تجارب الناس
:yes:

انا رحت عند دكتووره عفة إليااس المعمااري في مركز حياة الطبي مدحووها لي

قالت ان شاء الله الكورس مالي راح يكون عباره عن 4 شهور
ان شاء الله اشووف نتايج سريعه :thumbup:

[maruuma]

الدكاترة يوصفونه لكل من في ويهه حبة .. حتى لو كانت غيرة
اكتبوا عنه تحذير في الجريدة ويسبب بلاوي وايد من اهمها تأثيرها على المبايض والاجنة والعقل
اوصفته لي الدكتورة عايدة الصالح مع ان ويهي ما كان فيه شي سواء حبوب بسيطة بسبة زيت الشعر
وعطتني اياها لمدة 4 شهور ... بس انا من شهرين يوم عرفته تأثيره الضار قطيته في الزبالة ،
عاد هي قالت لي لازم اتكملين الكورس قلت لها أسفة ، وهي ما اصرت لانها عارفة ان بشرتي ما تحتاج هالعلاج القوي

انصحج لا تاخذينه اذا مالج حاجة قوية به
عليج بالعناية ببشرتج بالاكل الزين الصحي والتنظيف الدوري على يد دكتور
واتركي عنج الادوية

اتمنى فدتج

[الـآنسـہ]

الدكاترة يوصفونه لكل من في ويهه حبة .. حتى لو كانت غيرة
اكتبوا عنه تحذير في الجريدة ويسبب بلاوي وايد من اهمها تأثيرها على المبايض والاجنة والعقل
اوصفته لي الدكتورة عايدة الصالح مع ان ويهي ما كان فيه شي سواء حبوب بسيطة بسبة زيت الشعر
وعطتني اياها لمدة 4 شهور ... بس انا من شهرين يوم عرفته تأثيره الضار قطيته في الزبالة ،
عاد هي قالت لي لازم اتكملين الكورس قلت لها أسفة ، وهي ما اصرت لانها عارفة ان بشرتي ما تحتاج هالعلاج القوي

انصحج لا تاخذينه اذا مالج حاجة قوية به
عليج بالعناية ببشرتج بالاكل الزين الصحي والتنظيف الدوري على يد دكتور
واتركي عنج الادوية

اتمنى فدتج




:looking:..!

مع انه ناس وايد اعرفهم استعملوه ,
و بنت عمي استخدمته لمدة 6 شهور و ما شاء الله ويهها صافي الحين ..!

انا ويههي حالته صعبه شوي تعاملت عند بهيج الحلته تحسنت شوي عقب ردت مره ثانيه و كلش مخرربه ويهي هالحبوب , بس ما وصف لي هالدواا بس سوا لي مقشرات و عطاني كريم ..

لكن هالدكتوره قالت لازم لي هالدواا لأنه مشكلته تحت الجلد تقول هاي كله عقب بيطلع لج حبووب منهم و لازم تاخذين الدواا ..

انا قلت بتوكل على الله وبشوف شصير معاي و حددت لي كل اسبوعين تقريبا تحاليل و قالت لي عن اعراااضه الجانبيه ..

لكن انتي اول ما بديتي فيه ما حسيتي بتحسن او شي قبل لا تقطيينه ؟

[bus3od]

هالدواء يوصفونه حق كل الي عندهم حب الشباب

تستعملينه 4 شهور و عقب تسوين تحليل دم واذا شافوا ان كل شي تمام بيخلونج تكملين العلاج

يعني لاتحاتين اذا في شي والا شي لا قدر الله هم بيعرفون و بيقولون لج وقفي مثلا شهر و ارجعي له يعني اضراره مب خطيره كلش وهم ليش يقولون لج وقفي شهر لان انزيمات الكبد تزيد و هاي شي عادي يروح بالمشي وممارسة الرياضه انا اخوي كل ماقالوا له الحمدلله يمشي كل يوم ساعه و تقل الانزيمات

اخذي العلاج وانتي متطمنه و هالعلاج احسن علاج حق الحبوب و بتشوفين نتايجه بسرعه ان شاء الله

[الجووري]

استخيري الله فيه والله يشفيج ان شاءالله

[maruuma]

في كل الاحوال

اطباء الجلد ادرى بالحالات اللي تحتاج هالعلاج مع ان البعض المادة اهم شي عندهم

وللاطمئنان انتي تقدرين اتسوين بحث في النت عن هالدواء بتكون عندج معلومات اكثر ووافية

تحياتي لج

[غابت الشمس~]

انا واختي وكم وحده اعرفهم استخدموووه وصفت وجيههم وماعاد يطلع الحب ابد

انا واختي الحمد الله ماعالجنا الا هالحبوب استخدمتها لمدة 4 شهور تقريبا
بس تجفف الجسم من قلب بس روووعه
وتجفف الوجه والشفايف حيل يخلي الوجه تطيح قشوره مثل التراب
لكن الله الشاهد انه احسن علاج لحب الشباب بس يبيله مداومه وشرب ماء كثير
بس خطـــــــر على المتزوجات

اختي راحت عيادة فهد الباكر وعطاها هالدواء بس اخذ منها تعهد انها ماتحمل..

بالتوفيق والله يعينج على سعررره الغالي

[Realistic]

اختي انا كنت آخذ هالدوا ايام الثانويه

وصفوه لي رميله .. بعد ما سووا لي تحليل دم ..

استمريت عليه 11 شهر ( كنت اخذه اسبوع وارييح 3 اسابيع)

الدوا يجفف البشره بشكل كبير .. ودايما تحسين انج عطشانه .. ومرات تصيدج حالات اكتئاب وعصبيه زايده بدون سبب ( العصبيه والاكتئاب في حالات نادره فقط)

انا بدت نتايجه تظهر بشكل ملحوظ بعد الاسبوع الخامس ..

والحمدلله لين الحين ويهي وجسمي مافيه حرار ( اوكي ممكن تطلع حراره وله حرارتين بين فتره والثانيه .. لكن بشكل عام الحرار راح)

[نتفـه]

لها تاثيرات سلبيه وايد والله يستر منها على المدى البعيد !!!

[الـآنسـہ]

مشكوورين و ماا قصرتوو بصراحه تشجعت لأنه ما خليت شي ما جربته ولا نفع

إن شاء الله هذا يكون حل مشكلتي بإذنه الواحد الأحد
و اللي ربي كاتبه بصير
:yes:

و انا الحمداله سويت ابحاث و ارتحت شوي و متحمسه اشوف النتايج
و قريت انه لازم مراقبه و متابعه من قبل الدكتوور عشان لو فيه شي لا سمح الله
و ترطيب الجسم و شرب الماااي و ان شاء الله اتبع النصيحه و امشي كل يوم ساعه
:thumbup:

ربي يووفقكم و يرزقكم
ريحتوووني حيييل

[الـآنسـہ]

لها تاثيرات سلبيه وايد والله يستر منها على المدى البعيد !!!


انا قالت لي الدكتوره انه اثارها السلبيه هي الجفااف فالعين و الوجه و الجسم , الام العضلات , لها تأثير على الكبد , الإكتئاب ( الله يستر ) و لو وحده متزوجه بكون شرط عليها ما تحمل لأنه يسبب تشوهات للجنين .. :con2:

[£عبدالعزيز£]

اختي اعتقد انه نفس هالمواضيع (غالبا وليس دائما) ما تجيب نتيجة

يعني مثلا لو الاعضاء قالوا ان الدوا كذا وكذا

وكان كلامهم غير عن الدكتور .. من بتصدقين

الدكتور ولا الاعضاء ؟

في طرق ثانية تقدرين تتاكدين فيها .. يعني مثلا تسئلين اكثر من دكتور عشان تتطمنين

الا لو كان الهدف من الموضوع مجرد معرفة اذا هالدواء ياخذونه وايد ناس ولا لا

..

بخصوص مب جني سويت تحقيق ؟ @@
..

والله يبعد عنا وعنج الامراض

[cartier]

ادوى عجيب

وصفه لي دكتوري

استعملته ست شهور