المساعد الشخصي الرقمي

مشاهدة النسخة كاملة : # :) # عـــطــــنـــا رايــــك .. وخـــل الكـــل يستفيـــد # :( #


الكواري8
06-09-2010, 04:44 AM
السلام عليكم ورحمة الله وبركاته

كـــل عـــام وانتــــوا بخــــير مقدمـــاً .... واللـــه يعوده علينا وعليكم كل سنــه.. والله يجعلنـــا من عتقائه من النـــــار...


ياخــــوان نبغي تفــــاعل منـــكم جزاكــم الله خيــــر ... عشان الكل يستفيد...


الموضوع هو .... عباره عن أربع اسئــــله مهـــمه جداً ... وياريت الي يشارك يذكر لنا تجربته الشخصيه للاستفاده.... وترى هذه الاسئله لازم الواحد يســـالها او تطـــري على بـــاله في يوم من الايام ... ليش ننطر.. نبي الجواب الحين .

الاسئله هي:

1- شنـــــو رايــــك في الرنقـــــات التجـــــاريه ..؟؟ وخصـــوصاً ان سعـــرهم وايد ارخص من الاصليه...؟؟؟ وهل تأثر على الموتر مع الوقت...؟؟؟ وشنهي تجربتك الشخصيه؟؟

2- وين احسن قراج في قطر يصبغ الرنقات؟؟

3- وين احسن مكان ممكن يصلــــح الرنق اذا انخدش خدش عميق ..؟؟

4- وكم بالميه (%) من وجهة نظرك.. ان الرنق يضيف جمال حق الموتر...


هذه الاسئـــله ... ونبي الاجوبــــه منكــــم.... والي عنده اي خلفيه عن الموضوع يبدي رايه ولو بالشي القليل...

نبي تفاعل عشــان الربع يستفيدون... وانــــا اولهــــم

والي يرفع الموضوع بدعوه... جعل ربي يرفع قدره دنيا واخره...

تحياتي
الكواري8
06-09-2010, 05:20 AM
لا اله الا الله
M___H____S
06-09-2010, 05:28 AM
صباح الخير اخوي


انا بجاوب على السؤال الاول انا اخوي الله يرحمه مات في حادث انقلاب سياره والسبب بنشر التاير والرنق كان تجاري واول مااعتنز الموتر على الرنق انكسر الرنق على وقام الموتر يتقلب ومات الرجال الله يرحمه (اخوي)

نصييييييحه لوجه الله ابعد عن التجاري حتى لو تبي تكشخ موترك
وشاكر لك طرحك
Al-Saady
06-09-2010, 05:31 AM
السلام عليكم ورحمة الله وبركاته

بالنسبة للرنقات...

أنا أقول لك ومن واقع مشاهدة فيلم عرض على التلفزيون ان الاصلي يجيك من الوكالة مصمم لوزن السيارة ومقاس التاير

واللووود يكون موزع على التاير بشكل كامل عند كل نقطة من التاير تلامس الارض
من يمين التاير الى يساره بنسبة 100%

أما التجاري فاللووود يكون عليه عشوائي ويسبب ضغط على مناطق معينة من التاير وبالتالي ما يتحمل السرعات العالية في درجات الحرارة المرتفعة خاصة في الخليج.

ونصيحتي لك خل عنك الرنقات التقليد وترى اللي من الشركة أأمن لك ولسيارتك

وان شاء الله اذا لقيت المقطع من الفيلم على النت بنزل لك رابطه

اسمح لي على الاطالة وكل عام والجميع بألف خير وعيدكم مبارك
الكواري8
06-09-2010, 05:42 AM
يعطيكم الف عافيه على المرور الطيب...

وعظم الله اجرك اخوي M___H____S .. وجعل ربي يكتب اخوك من سكان جنات النعيم ويغفر له ويرحمه...

واخوي Al-Saady جزاك الله الف خير ... وبيض الله وجوهكم
الكواري8
06-09-2010, 07:28 AM
فووووووووووووووووووووووووووق
الكواري8
07-09-2010, 03:34 AM
فوووووووووووووووووووووووووووووووق
fahad ..gh
07-09-2010, 04:53 PM
سبحان الله ..

انا طبعا مع الاصلى.. خذ الاصلى << ريح نفسك و ريح الى وياك

و انشالله بعد العيد تجارتى بتكون فى رنقات السيارات ..

بالتوفيق..
الكواري8
08-09-2010, 02:23 AM
يعطيك العافيه على المرور الطيب

والله يوفقك في تجارتك