لمن لديه الخبرة في شركات الشحن ان يفيدنا ...

[dell]

السلام عليكم

اخواني الكرام تقبل الله منكم الصيام والقيام .... وكل عام وانتم بخير

كثر الكلام عن شركات الشحن من امريكا الى قطر من سلبي الى اجابي الى محايد وطبعا تختلف الاراء على حسب الخبرات ومن ذلك اطرح هذه الشركات لمعرفة ايهم الافضل من ناحية الاسعار والخدمة وارجو من لديه الخبرة ان يفيدنا في عمل مقارنة بينهم ليستفد الكل منها ونكون مرجع لنا وله كل الشكر والتقدير للمساعدة ...والشركات هي :
1- aramex

2- washington Movers

3- DHL

4- UPS


وجزاكم الله كل خير

[هذلان]

اقدر اقولك ابعد عن ارامكس و دي اتش ال

ups يمدحونها و انا شخصيا شفت برنامج عنها في الوثائقيه خلاني احترم هذي الشركه العملاقه

[الحجاجي]

السلام عليكم ورحمه الله وبركاته ..

مرحبا أخـــوي ..

اشحالك ..

من خلال تجربتي البسيطة وتتبع اخبار هذه الشركات
وتجارب الأعضاء .. وعلى حسب ما شفت في أمريكا ..

بالنسبة للشحـن من قطر إلى أمريكا ..

ترتيبي للشركات يكون كالتالي

UPS

DHL

Aramex

Washinton Movies


عندي حساب صندوق بريد خاص ب DHL
يسمونه بوردر لينكس ..

يعطيك عنوان هناك في امريكا تقدر تشتري من امريكا له
ومن ثم ينقلونه لك للدوحــة ..

ياخذون عليك 13 دولار مرة وحدة مدى الحياة

والشحن اول نص كيلو بـ 59 ريال ..
وعقب كل كيلو بـ 39 ريال

على ما اظن ..

//

نفس الشيء
عندي حساب ارامكس
بريطانيا وامريكا .. تفتحه بقيمة 127 ريال مدى الحياة ..
والشحن اول نص كيلو بـ 39 ريال ..
وعقب كل كيلو اعتقد بـ 30 ريال ..

وتقريبا نفس الفكرة بالضبط ..

واعضاء كثير طلبو عليه الأيفون الجديد من بريطانيا
وخدمتهم ممتازة ..

وجربته مرة شريت اغراض من امريكا ..
وخدمته ممتازة ..

وهذي الميزة الي تحسب لشركة ارامكس
انها توفر عليك الشحن الداخلي دخل بريطانيا وامريكا ببلاش ..


ولكن ..

أذا نااااوي تشحن اشياء من امريكا
استخدم DHL

لان ارامكس تشحن شحناتها عن طريق بريطانيا
بالتالي اذا شريت غرض على امريكا
ارامكس تشحنه من حسابك هناك بامريكا لمقرهم ببريطانيا ومن ثم الدوحة
وانت احسب التأخير ..

عكس DHL مباشرة للدوحـــة ..

وفيه ميزة تحسب لشركــة DHL عكس ارامكس
حيث انها تقوم بنظام تجميع الشحنات ..
يعني مثلاً تقدر تشتري طول الشهر لين يصير عندك شيء يستاهل الشحن للدوحة
وتقوم من خلال حسابك باعطاء أمر شحــن لكل محتوى صندوقك للدوحـــة ..

عكس ارامكس اللي ينشحن كل شيء مباشرة يعني لو حتى شاري قلم
يشحنوه على طول بدون ماياخذون رأيك لحسابك بالدوحة وانت احسب التكلفة ..


/
/

طيب UPS

ما يعطونك عنوان في امريكا
بالتالي ماراح تحصل على ميزة الشحن المجاني لما تشتري اغراض
داخل امريكا ..
وتضطر تدفع قيمة مضاعفة ..

لكن كخدمة ماعليها كلام .. من أقوى الشركات بامريكا ..
وفي العالم كامل ..

/

اما الشركة الأخيرة واشنطن موفيز
هي نفس حركـة DHL وارامكس
تعطيك عنوان بريد هناك .. تشحن عليه ومن ثم ترسل لك الأغراض
للدوحـــــة ..
لكن ما يمدحونها الأعضاء
لانها شركـة مب بروفيشنال في شحن الأغراض
وللأمانه ما شفت اسمها لما كنت في امريكا ..

/

هنا موضوع يمكن يفيدك ..

http://www.qatarshares.com/vb/showthread.php?p=6239322#post6239322


وحياك الله

[dell]

جزاكم الله كل خير على هذا الشرح
اخي الكريم الحجاجي اشكرك على هذا التوضيح الممتاز وبما انك ترجح DHL هل فتح الحساب عندهم مجاني ؟ وكيف الطريقة ؟ واسعلر الشحنات تختلف عن المكتوب هنا الا اذا انا كنت مخطئ في الفهم .. انظر الصوره
http://img225.imageshack.us/img225/2671/capturemj.png


لك كل الشكر والتقدير

[dell]

للرفع

[Bin qatar]

انا تعاملت مع ups وتعاملهم ممتاز

[Bo Turky]

السلام عليكم

انا انصحك في ارامكس

انا صار لي كم شهر اتعامل وياهم ولا مره تاخرت علي اي طلبيه
وثاني شي سعرهم اقل من باقي الشركات

واذا تشحن شي وزنه فوق 10 كيلو يعطونك خصم 30%
واذا بتدفع لهم عن طريق بطاقة بنك قطر الوطني العاديه atm او الفيزا بعد بيعطونك خصم لانهم مسوين اتفاقيه وياهم
واذا عندك حساب في بنك قطر يفتحون لك بريد في امريكا ولندن مجاني ويتم وياك طول الحياه ولا عليه رسوم
واذا بتفتح على حسابك ب 128 ريال ويتم عندك مدى الحياه

وسعر اول نص كيلو ب 39 ريال والباقي كل نص كيلو ب 30 ريال هذا غير الخصم اللي يعطونك اياه
ومافي شي شريته من بريطانيا او من امريكا تاخر اكثر من 8 ايام

ومن خلال موقعهم تقدر تتابع الشحنه وين اوصلت
لان طيارات الشحن يا تطلع من امريكا على لندن وبعدين قطر او تطلع من امريكا على دبي وبعدين قطر
وتعرف وين اوصلت الشحنه وفي نفس اليوم اللي توصل لندن او دبي توصل قطر واذا تاخرت ثاني يوم

اخر مره شريت اغراض من امازون من امريكا وكان تاريخ الشراء 16\8 وتاريخ استلامي لهم من ارامكس 22\8

روح اسال باقي الشركات بكم سعر ال 10 كيلو او ال 5 كيلو وبتعرف ان ارامكس ارخصهم وافضلهم ويسوون لك تامين على اغراضك لين توصل

هالكلام كله من واقع تجربه
بس الشي اللي مب شي ان حزات لين اروح استلم الاغراض من ارامكس القى زحمه واتم نص ساعه لين يجي دوري لان وايد اللي يتعاملون مع هالشركه
اذا بتروح لهم الصبح ماتلقى زحمه والزحمه دوم من بعد الساعه 4 لين يصكون الساعه 7

[dell]

جزاكم الله كل خير على هذا الشرح الوافي وتقبل الله صيامكم......

[mr_unknowns]

انا مع كلام اخوي الحجاجي.. بس تعديل لأسعار اخوي


والشحن اول نص كيلو بـ 59 ريال ..
وعقب كل كيلو بـ 39 ريال

على ما اظن ..

//

نفس الشيء
عندي حساب ارامكس
بريطانيا وامريكا .. تفتحه بقيمة 127 ريال مدى الحياة ..
والشحن اول نص كيلو بـ 39 ريال ..
وعقب كل كيلو اعتقد بـ 30 ريال ..

dhl

اول نص كيلو 59 ريال .. وكل نص كيلو 30 ريال

و ارامكس

اول نص كيلو 39 ريال.. وكل نص كيلو 31 ريال

فإذا بتحسبها واتفضل السعر على السرعه.. لأقل من 10 كيلوات ارامكس بيكون ارخص.. ومن 10 كيلوات dhl بيكون ارخص

واذا بتفضل السرعه على السعر.. طبعا dhl


ارامكس تشحنه من حسابك هناك بامريكا لمقرهم ببريطانيا ومن ثم الدوحة
وانت احسب التأخير ..

اعتقد انهم يشحنون من امريكا للامارات.. ومن الامارات لقطر

سرعة الوصول من 4 الى 6 ايام

بالتوفيييييييق

[dell]

اخي الكريم mr_unknowns اضافة مفيده جداااا
جزاك الله كل خير

[Searchon]

انا مع كلام اخوي الحجاجي.. بس تعديل لأسعار اخوي



dhl

اول نص كيلو 59 ريال .. وكل نص كيلو 30 ريال

و ارامكس

اول نص كيلو 39 ريال.. وكل نص كيلو 31 ريال

فإذا بتحسبها واتفضل السعر على السرعه.. لأقل من 10 كيلوات ارامكس بيكون ارخص.. ومن 10 كيلوات dhl بيكون ارخص

واذا بتفضل السرعه على السعر.. طبعا dhl



اعتقد انهم يشحنون من امريكا للامارات.. ومن الامارات لقطر

سرعة الوصول من 4 الى 6 ايام

بالتوفيييييييق

صحيح ، ارامكس يشحنون لـ دبي وعقب لـ قطر وتاخذ 6 ايام ،
بس اخر مره طلبت من عندهم حولها بريطانيا عقب قطر ،

[dell]

صحيح ، ارامكس يشحنون لـ دبي وعقب لـ قطر وتاخذ 6 ايام ،
بس اخر مره طلبت من عندهم حولها بريطانيا عقب قطر ،


جزاك الله كل خير

[fristauto]

ياخوي انا اشحن عن طريق واشنطن موفس من فترة واللة ماشفت منهم إلا كل خير شحنهم ما يطول و الأقراض توصل سليمة و أسعارهم مناسبة و يهتمون بالكستمر (الزبون) وقاعدين يطورون نفسهم
يعطونك عنوان في امريكا بلاش و على خبري يتعاملون مع القطرية في الشحن يعني سيدة لين الدوحة

[bo_Oof]

انا اتعامل مع ارامكس احسن شركه يشحنون اغراضك اقل من اسبوع واسعارهم ممتازه