المجمعات التجاريه

[feva qatar]

السلام عليكم ورحمة الله

بخصوص المجمعات التجارية والمكتظة بما زان وشان من الاشكال والالوان

لفت نظري ان فيه بعض الدول تخصص يوم محدد للنساء مايدخل المجمع غيرهم

فلماذا لانحذو حذوهم !!

وهذا تصرف صحيح وافضل من الي نشوفة عندنا

حددو يوم للعائلات وشفنا الشباب كيف يتحايلون ويدخلون

انا اعرف ناس يمنعون اهلهم يروحون للمجمعات لخوفهم من تحرش الشباب فيهم

او ماشابه من الافعال المشينة

لا الشباب يغضون نظر ولا البنات يحشمون انفسهم ..

اتمنى كلامي يوصل للهيئاات الرسمية والمسوءلة لاتخاذ القرار المناسب

[روح الاطلس]

فكرة ممتازة جداااا

[ابو محمد7]

هي صراحة فكرة طيبة ولكن ما اعتقد تحل المشكلة حل كامل

في دولة من الدول اللي تقول عنها انا شفت بعيني اول ما البنت تنزل من السيارة وتبي تدخل المجمع تلاقي اصوات بعض الحيوانات ولكم الكرامة والحشيمة ترتفع وصراخ ومضايقات بطريقة همجية !
هذا صراحة حتى مب مغازل مادري شيسمونه !

يعني طريقة المنع والكبت احيانا يكون لها نتائج عكسية

الحل يكون في التربية وفي الثقافة وفي طريقة التفكير

ليش عندنا الولد (طبعا البعض) مايدخل الابتدائية الا تلاقيه يمشي على رجوله ويحفص ويستعرض ويطلع اصوات استعراض بحلجه ! يعني هذا بالله عليك اذا ساق شبيسوي !

نرجع لموضوعنا ومن الولد يدخل الاعدادية يقوم يلبس الغترة والعقال بطريقة معينة (مابي اذكرها اخاف حد هني يكشخها ويزعل مني) ويدخن سجاير ويكشخ ويعلق سماعة تلفون على اذنه ويروح يدور في المجمع يعني مغازلجي وطبعا هالكلمة يفتخرون فيها !!! وعندهم هذي الرجولة وطبعا بعد فوقها تصرخ على السايق بحق وبدون حق مع انه يمكن اكبر منك بالسن وكبر ابوك علشان تكمل رجولته

واذا بتسألني شنو الحل ماعندي حل لان تغيير العقول يحتاج الى وقت

الشي اللي احسه غير مناسب في الاقتراح هو ان الواحد مشغول طوال الاسبوع وغصب لين يلقى وقت يودي اهله مجمع يتقضون وما احب اني اذا رحت يقول لي يوم نساء !

او اروح انا ابي اخذ لي غرض لي ولا للبيت ويقولون لي يوم نساء !

احس اني مظلوم لاني انا مب من المتخلفين ولا من المؤذين انا ادش اخذ الغرض اللي ابيه واطلع وحت ما اتمشى مثل البعض مروق ويتلفت تلاقيني امشي بسرعه ومب فاضي

[feva qatar]

كلامك على عيني وراسي بس لو نحسبها صح بيمشي الحال

كلنا عندنا اهل نخاف عليهم ومانرضى لهم بالغلط

لو صار طوال ايام الاسبوع عام اما الجمعه عائلاات.. والسبت نساءي اشوف انه حل افضل

[بطل الفريج]

كلامك على عيني وراسي بس لو نحسبها صح بيمشي الحال

كلنا عندنا اهل نخاف عليهم ومانرضى لهم بالغلط

لو صار طوال ايام الاسبوع عام اما الجمعه عائلاات.. والسبت نساءي اشوف انه حل افضل

حل معقول :yes:

[feva qatar]

شلون اقدر اوووصل كلامي للمسوءلين ؟؟

هل فيه ايميل رسمي اراسلهم عليه ؟

او حتى لو رقم تلفون