المساعد الشخصي الرقمي

مشاهدة النسخة كاملة : حلم حياتي



qatar_moon
17-02-2005, 08:01 AM
اكيد كل الي داخلين بالاسهم عندهم حلم وطموح يبغون يحققونه :D

يعني انتي مضارب ولا مستثمر ايش هدفك من الربح

ايش ناوي او ايش تبغي تسوي بالفلوس الي ربحتها

يالله نبي نشوف احلامنا وكل يكتب طموحه ويمكن حد يوصل وحد لا :rolleyes:

نبغي نسجل احلامنا ( حصة تاريخ) ونرجع للموضوع بعد سنه او سنتين او عشر وكل وحظه

ونشوف هل قدرنا نوصل ولا لا :cool:

يالله من يبدى

بيـــزات
17-02-2005, 09:57 AM
السلام عليكم qatar_moon

والله الحلم وردي الحين.. بالأول كان الواحد ينوع مصادر
دخله بس الحين :rolleyes: بس الحين..........
حلمي اصير هاموووووووور :rolleyes: ولا مو بس هاامووور

الا يريووور بو ساطووور :D

qatar_moon
17-02-2005, 10:11 AM
ههههههههههههههههههه اخوي بيزات والله دمك خفيف :D

زين يعني علشان تصير يريور بوساطور ايش الخطوات الي بتسويها علشان توصل :cool:

sulai6i
17-02-2005, 10:20 AM
انا حلمي أأمن مستقبل لعيالي

وأخلي لهم شي

الواحد ما يدري متى بيفنقش

بيـــزات
17-02-2005, 10:38 AM
اما الخطوات اختي qatar_moon

انا انشاء الله حاليا انا مهتم بالتنوع في البنز :cool:

غير البورصه طبعا..انا حاليا مهتم بألاطلاع على عدة استثمارات

منها الاراضي .. والواحد ما يبي يروح مع السالفه وفي الاخر يطلع كابوووووووووس :eek:

ولين الحين نتعلم من الدنيا.. وانشاء لله حتى لو بعد عشر سنوات مو مشكله ((مكه ما اعمرت في يوم))

بس دعواتكم لي :cool: بكره اصير معروف وافيدكم :D

qatar_moon
17-02-2005, 10:56 AM
مشكور اخوي واحد في حاله على الرد وان شاء الله تأمن مستقبل عيالك يارب

بس اكيد في شي حاطه جدام عينك ولا لا :confused:



اخوي بيزات مشكور على الرد بس ماقلت لي ماعندك حلم معين


ياجماعه ابغي شي محدد عاد :mad:


انزين ماسألتوني شنو حلمي :p

بيـــزات
17-02-2005, 11:06 AM
هههههههههههههههههه :D
المشكله الواحد في بطن حلمه حلم
اشوى ان صايد الاساس بس :cool:
انا اهم شي الحين اصير هاموووور وبعدين الحلم يجيني يركض :D

المهم ما قلتي لنا شنهو حلمج يمكن نغير :p

qatar_moon
17-02-2005, 11:17 AM
سألتني عن حلمي :D

حلمي ياولد الناس بعد ماكون نفسي بأذن الله واذا الله رزقني ان شاء الله

تكون عندي اقطاعيه في بريطانيا او فرنسا

وتكون فخمه ويكون فيها ساونا وصالة رياضه وغرفه مساج

وحديقه ضخمه مزروعه بكبرها فواكهه

وطماط وبصل ههههههه امزح

بس ويكون فيها ماء عذب ;)

علشان اروح هالاقطاعيه كل ماحسيت اني بحاجه للاسترخاء

اه ادري انه مستحيل بس الله كريم :rolleyes:

ROMA
17-02-2005, 12:01 PM
السلام عليكم

انا بصراحه حلمي بسيط جدا

هو اني افتح لي فرع ثاني للكراج

واتزوج واكون لي اسره

طبعا خبركم مافي بنت تبي واحد الحين :) عنده محلات لازم وظيفه عشان توافق

تحياتي لكم

بيـــزات
17-02-2005, 05:28 PM
qatar_moon :eek: qatar_moon

هههههههههههههههههه عاد اقطاعيه مره وحده :D

يالله انشاء الله.. بعدين عاد نصيف عندكم بلاش :D

انشاء الله تتحقق احلامك جميعا..ليش لا..
الصعود الى القمر كان حلم :rolleyes:

بورصة مان
17-02-2005, 07:03 PM
السلام عليكم



وحلمي يمكن تضحكون لنة مستحيل بس هذا حلمي واسعالتحقيقة
والله كريم









ان اكون من اغنى ستة في العالم...انشاء الله يتحقق من مال حلاك


هاه كنة حد طحك


سلام

رحال
17-02-2005, 08:14 PM
وما نيل المطالب بالتمني

ولكن تأخذ الدنيا غلا با

وأقسم بالله العظيم أتمنى راحة البال ، واذا ضلينه على هل الحال مشاهد ين الا رقام
نصف عمرنه بيروح ، أ غنى اغنياء العالم لا يحضرني أسمه الآ ن مات منتحر
لأ نه يملك طياره خاصه وجميع الا شياء فوق ماتتخيلون لأ نه حقق جميع أ حلا مه
وفي النهاية يأس من الحياة وكانت الفاجعة الكبرى وهي الا نتحار من أحد أبراجه !!!

المخلب
17-02-2005, 08:40 PM
انا حلمي ان الله يرضى عني وعن كل ذنوبي ويغفرلي ويغفر لكم

وامي وابي يحفظهم لي واخواني بعد اووووووو :confused:

وحلمي ان بعد مااجمع قروووش اتزوج وحده من 7 سنين وانا افكر فيها الله يحفظها انشاء الله

وا كون اسره واعيش في ثبات ونبات واخلف صبيان وبنات ..

وفي احلام بس كلها في الحلم تجي وتروح :)

بورصة مان
17-02-2005, 09:32 PM
انا كتبت حلمي ليش ما طلع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ ظ

بورصة مان
17-02-2005, 09:41 PM
عفوا
الحظا مش مني الحين شفت الي كتبتة
على العموم تصير في احسن العائلات المهم
المخلب الله يكتبها لك لو هي تستاهلك وانت تستاهلها
ترى الدنيا صعبة
وممكن تفرق
بس من صادق في الحب ويستحمل .....صج هنا الفرق ...رح يلقى خير الحين ولا بعدين

بورصة مان
17-02-2005, 09:51 PM
بو عبد الرحمن اخوي هذا شي بديهي انا كلنا نحب ولدينا ونقوم بواجباتنا تجاهم نحلم بشي بلنا بعد ما نحقق كل شي طيب للاهل كافة والجماعة والقبيله ... يبقى شي لك حلمك هذا ...كان القصد من كلام الاخت ...حلم حياتك.....((((((حلم حياتك))))

Spread Trader
17-02-2005, 09:55 PM
شاليه في اي مكان على البحر ويأي مساحه وفرضه خاصه وهندي يساعدني حق التنور للصافي

وكراوي
17-02-2005, 11:41 PM
السلام عليكم

حلمي اني ابني فيلا كبيره

و أأمن مستقبل عيالي

roadrunner
17-02-2005, 11:47 PM
السلام عليكم.
انا حلمي على قدي .. الي ابيه من البورصة .. إني اقدر ابني بيتي انشالله الي خرايطه على وشك انها تخلص بدون ديون وما احتاج حق البنك بشي وإني اقدر اوعيش عيالي واعلمهم وازوجهم.. وبسسسس .... والله تعبنا من السلفيات.

ولكم سلامي.

قناص قطر
18-02-2005, 12:26 AM
السلام عليكم

موضوع حلووووووووووووووو

ارضي ربي واهلي

و اصل للخمسين فقط

(تعبت اكتب بالورد وارجع اللصق هني)
( ماشي عربي بالكمبيوتر الظاهر خبط)



وبالله التوفيق

رحال
18-02-2005, 02:14 AM
ولا يهمك يابورصة مان أمنيتي أقفل العشرين مليون وعمارة وأشتغل عليها بواب !!!

qatar_moon
18-02-2005, 07:29 AM
اخوي Roma

ان شاء الله تفتح الفرع الثاني وتحقق حلمك ترى بنرجع حق هالموضوع بعد فتره طويله وبنشوف لين وينوصلنا

***********

اخوي بيزات عاد شفت الطمع شسوي هذا حلمي

ترى ان وصلت وشريت هالاقطاعيه لعزمكم كلكم على مجبوس لحم ههههههه وعصيد :D

ولايهمكم بس ان شاء الله اوصل

************
اخوي بورصه مان اه منك طلعت طماع عاد بيكون كم مليار عندك :eek:

زين زين حق السلف ههههههههههههه

ان شاء الله توصل

*******************************************

اخوي بوعبدالرحمن الله يعطيك راحة البال ان شاء الله

بس تدري اخوي الحياه لازم فيها كفاح واليوم الدنيا كلها ماشيه بالفلوس خلنا واقعيين

وهذا الي انتحر اخاف الا حد من هله دزه من فوق البرج علشان يورثه ههههههه :D

بس انا امنياتي مش لهدرجه ان تكون عندي مليارات ضخمه

ادري ان الفلوس الي بالهبل تزهق بصاحبها وخاصة ان كل شي في متناول يده وهالشي يذبح

*****************************************
اخوي المخلب الله على الرومانسيه والحلم الجميل

الله يحفظ هلك وربي ان شاء الله يغفر ذنوبك وتزوج الي في بالك

ويرزقك بالعيال :rolleyes:

******************************

qatar_moon
18-02-2005, 07:35 AM
اخوي spread trader

الله يعطيك الشاليه مع الهندي جميع ههههههههه

بس الله الله بالصافي

*************
اخوي وكراوي

الله يعطيك الفله الكبيره وتأمن مستقبل عيالك يارب

***************

اخوي roadrunner

ان شاء الله تبني البيت بدون ديون ولا سلفيات وتزوج عيالك

*****************

اخوي قناص قطر

ان شاء ترضي ربك وهلك

************************************

ومشكورين على مروركم كلكم

ترى بنرجع حق هالموضوع بعدين بنشوف وين وصلنا

نوكيا
18-02-2005, 04:26 PM
انا حلمي اللي افكر فيه
هو التوسع في التجاره
يعني مابغي اعتمد على الراتب في كل آخر شهر
الواحد لو يشغل مخه بيطلع كثر راتبه 20 مره
بس نتمنى التوفيق
والحمدلله بديت اول خطوه وشبه ناجحه
ومشوار الألف ميل يبتدي بخطوه

qatar_moon
19-02-2005, 10:57 AM
ان شاء الله تتوسع في تجارتك

وياهلا فيك ياخوي نوكيا

المخلب
20-02-2005, 01:16 PM
مشكور ومااتقصريين

بس مااادري خااايف يااخذها غيري واتم عزابي طول حياتي ! :(

qatar_moon
20-02-2005, 01:21 PM
يابرودك يالمخلب روح اخطبها الحين وتوكل على الله :D

وهي لوتبغيك بتصبر :p

إنتعاش
21-02-2005, 06:01 AM
حلم حياتي

اني اشوف الشعب القطري يعيش

بنعمة دائمه وبرخاء وإستقرار وأمان

لا يعكره عليهم احد اللهم آمين

بنت قطر
21-02-2005, 10:43 AM
حلمي كبير.. وتحقيقه مستحيل..إلا بإرادة العالمين

حلمي تنتهي الحروب.. ويعم السلام...
حلمي اساعد كل محتاج.. ولا يصير فيه فقير

حلمي اني املك الكنوز الأرض لوزعها ..على سكان الأرض

.. آه حلمي كبير..

ومهما ربحت من فلوس ما اقدر احققه كله

بس الأهم اني احقق جزء منه

لأجل ربي يرضى عني.. ويساعدني في آخرتي ويغنيني بكرمه وعطفه ورحمته

الفلوس اتروح وتجي ويبقى الأنسان انسان

لا تجعلو الفلوس غايتكم بالدنيا بلا وسيلتكم

والحمدالله عمر الفلوس ما كانت غايتي

وحلمي انها ابد ما اتكون غايتي

اتمنى اني اموت ولا اكون فقيره ولا اكون غنيه
ما اكون فقيره.. وعلي ديون
ولا غنيه ويتهاوشون ورثتي من بعدي على افلوسي

القناعه كنز لا يفنى

مهندس
21-02-2005, 03:30 PM
حلمي إني
ارضي ربي واهلي
أشوف المذيع يبتسم أول ما يطلع في الأخبار (عشان لا يخرعنى)
و إني أرتقي بمعلوماتي و عملي
و ألقى بنت الحلال اللي تفكر عدل بمستقبلها
:d

ملكة الأسهم
21-02-2005, 11:10 PM
انا حلمي مشابه لحلم أختي بنت قطر وانتعاش

مشكورة حبوبة على الموضوع الرائع

وأن شاءالله اتحقق كل أمانيكم

:)

qatar_moon
22-02-2005, 01:13 AM
ان شاء الله ياخوي انتعاش يتحقق حلمك وهذا الي احنا نبيه

بس اكيد في حلم خاص في بالك :rolleyes:


************
اختي بنت قطر

اه والله انا بعد اتمنى تكون عندي ماليه ضخمه علشان اسوي مثل ماتقولين

لكنها احلام صعبه وخلنا نسوي على قدنا

بس يالله عاد كلكم تقولون اشياء عامه انا ابي شي خاص فيكم ولا هو سر


***********************

اخوي مهندس ان شاء الله ترضي ربك وهلك وتتزوج بنت الحلال

بس ليش تبيها تفكر عدل بمستقبلها هاه تراك مانت بسهل :eek:

*************
اختي ملكة الاسهم

انتي وانتعاش وبنت قطر شكلي بحطكم وبذبحكم جميع :mad:

انا ابي احلام خاصه

يالله عاد قولوا لاتستحون :D

ملكة الأسهم
22-02-2005, 02:04 PM
:p


اممممممممممم


بشوف اذا راح الحيا جيت وقلت لج حلمي

:D

المخلب
25-02-2005, 03:33 PM
يابرودك يالمخلب روح اخطبها الحين وتوكل على الله :D

وهي لوتبغيك بتصبر :p

زين هي ثانويه تهقيين ترضى !

الشقيان
26-02-2005, 03:18 PM
والله الفلووووووس ملل ومرض

(((اشفيه الي مايحب الفلووووس))) ;)

هههههههههههههههه :D

qatar_moon
26-02-2005, 06:02 PM
اختي ملكة الاسهم بننتظر حلمج لاتأخرين :)


**************************

هلا اخوي المخلب


اكيد اهقى انها بتوافق الحين البنات اشوفهم يبون يتزوجون من الابتدائيه :D


**************************
هلا اخوي الشقيان

على قولتهم الفلوس وصخ دنيا والكل يموت في هالوصخ :confused:

ضايق الصدر
27-02-2005, 12:58 PM
حلمي
ان
يكون رب العالمين راضي علي
وابوي وامي راضين علي








وابي فلوووووووووووووووووووووووووووووووووووس واااااااااااااااااااااايد
هههههههههه مصختها

بنت قطر
27-02-2005, 01:11 PM
حلمي اني ادخل الجنه
وربي يغفر لي ذنوبي

حلمي اني ما أخطي

حلمي ان امي ترضى عني
وخواتي واخواني يعشون احسن عيشه

حلمي ان اربي اعيالي احسن تربية و أؤفر لهم عيشه هنيه(يارب يرزقني ياهم).أمممم
وزوجي يرضى عني فكل خطوه

حلمي وادري مستحيل.. ان ام زوجي ترضى عني..وأتحطني فوق راسها
ولا تعقر فيني يوم من الأيام

حلمي اني اكمل درستي العليا

حلمي اني أعيش في قطر مدى عمري وتعيش بلادي في سلام تام

حلمي اني ادور بلاد العالم كله.. ما اخلي بلد ما اسافر له
هو باقي وايد من الدول لسه ما رحت لها لحد الحين

(حش مب حلم ..صاروو احلام)

وانتي شنو احلامج؟
الخاصه؟
وروحي اعترفي في اعترفووو وقولي لنا...ام؟!؟

سهم ضايع
27-02-2005, 11:20 PM
ان شاء الله الليله اذا شفت شي في الحلم


بقول لكم شنو حلمي


:D

qatar_moon
28-02-2005, 05:10 PM
بنت قطر حشا خلصتي الاحلام :D

هههههههههههههه امزح ان شاء الله تحققين احلامج كلها وخصوصا حلمج عن ام ريلج

*****************
اخوي سهم ضايع

بننتظر حلمك روح احلم وقولنا عنه :confused:

ضايق الصدر
28-02-2005, 09:55 PM
بنت قطر ليش حلمتي نفس حلمي
وقطر مون انتي شكلج ما اتحلمين ابد لانج ما تنامين ابد
هههههههههاي

ضايق الصدر
28-02-2005, 09:55 PM
قطر مووون روحي نامي ربع ساعة وقولي لنا شنو حلمتي