أبي رايكم يا جماعه

[قطريه فديتني]

السلام عليكم

في موضوع شاغل بالي من يومين ابي رايكم فيه .. أنا عندي اسهم في السلام والمخازن افكر اني ابيعهم واخذ في الناقلات .. ابي اعرف رايكم .. شنو تنصحوني فيه مع اني خسرانه في الشركتين بس خسارتي مب كبيره :)

اتمنى الكل يقول لي رايه .. ومشكورين :o

[الزقروطي]

السلام عليكم

انا اشور عليج باللي انا اشوفه جيد
يعني بكيفج مجرد راي
خلي السلام لأنه فيها اكتتاب وسعر السهم 15 ريال
يعني بتعدلين الافرج
وبتعوضين خسارتج فيها
بس اصبري عليها شوي لين تاريخ 28 / 4

اما مخازن مالي شغل :(
دبري حالج :)

[الزقروطي]

هاه صج وفيها اسهم مجانيه اذا كنتي ماخذه الاسهم قبل 17 / 4
عشره بالميه
10 %

يعني بتربعين :)

[قطريه فديتني]

مشكور اخوي يعطيك العافيه

[mubarak2006]

اختي واللة الراي ولا احسن تبيعين اللي عندك اذا تقولين مش خسرانة كثير ........ وتشترين في ناقلاات لانة يمكن في اي لحظة يختفي العرض وبعدين بتقولين ياليتني شريت ...... ولا بتصيدينة الا على سعر مرتفع ...... فهذي فرصة حتى لو نزل 40 ريال مردة بيرتفع .... زبدة الكلام اشتري الان لاني شريت اليوم على 49.80 واللة مش متحسف لاني ادري ومتاكد اني ربحان..... والشور لكي في النهاية....



النية اهم حاجة ولا عليك من كلام الغير صدقيني......

[الزقروطي]

السلام عليكم
مبارك اخوي اسمحلي اعقب
بالنسبه للمخازن بالحقيقه لم افتي بها ولم اعطي رأيي الرأي لصاحب الشأن لأنها لم تعلن اي اعلان مشجع
بس ياخوي السلام فيها اسهم مجانيه
وفيها اكتتاب بنسبة 58.7 % بسعر 15 ريال
يعني حرام تبيع الحين

هذا مجرد رأي

يعطيكم العافيه

[قطريه فديتني]

والله انا هذا اللي خايفه منه قلبي قارصني احس انه باجر ولا بعده بيطير في غمضة عين عشان جي افكر ابيع اللي عندي واعوض خسارتي في الناقلات :)

بس بعد يهمني رايكم لانكم أهل خبره وانا توني مبتدأه

يعطيك العافيه اخوي

[قطريه فديتني]

المشكله ماعندي سيوله حق الاكتتاب :(

[الزقروطي]

زين بيعي مخازن
وخلي جزء من الفلوس حق اكتتاب السلام
والباقي اشتري فيه ناقلات

هذا الحل الامثل

[boabdullah]

السلام عليكم

في موضوع شاغل بالي من يومين ابي رايكم فيه .. أنا عندي اسهم في السلام والمخازن افكر اني ابيعهم واخذ في الناقلات .. ابي اعرف رايكم .. شنو تنصحوني فيه مع اني خسرانه في الشركتين بس خسارتي مب كبيره :)

اتمنى الكل يقول لي رايه .. ومشكورين :o

هلا أختي

أنا ماأعرف كم شريتي السلام بس عندك فرصة للبيع حتى تاريخ 28/4 وأعتقد لو أستمر الأرتفاع طوال

هذ الأسبوع والأسبوع الجاي بيكون سعر بيدخل 60 ريال

التاقلات سعرها حاليا" ممتاز ومع النزول هذا راح تكون فرصة الشراء ممتازه جدا" ومع الأستقرار في

تدولها بأمكانك الشراء فيها وأنصحك بالأستثمار كطويل الأجل

والأمر متروك لك

وتحياتي :) :)

[سهم طايش]

السلام لا تبيعينه

المخازن بصرج معاه

صرفيه في اقرب فرصه و انتظري يقل العرض في الناقلات و اشتري

[المدير]

انا قبل لا اقول رايي لاز م اعرف كميه الاسهم الي عندج
بعدين بعطيج رايي
و الله يوفقج في جميع الاحوال

[mubarak2006]

انزين بيعي المخازن .......... وبيعي بعد النص من السلام وجذية تضربين عصفورين بحجر ........




اتمنى اني ساعدتك ...... وتحياتي


النصيحة لاتفوتين الناقلات هاليومين باي حال من الاحوال رجاء

[قطريه فديتني]

مشكورين والله ماقصرتوا يعطيكم العافيه

[قطريه فديتني]

المدير انا عندي 500 سهم في السلام و 200 في المخازن

السلام ب 48

المخازن ب 62 وماعتقد يرجع يووصل 62 مره ثانيه :(

[المدير]

انا اقول لا تبيعين اي شي لانه السوق بيرتفع والمخازن في طلب عليها اليوم 43333 سهم يعني بترتفع و كل حاجه بترتفع في السوق ماعدا النقالات حاليا .
لكن اذا تفكيرج بعيد بيعي الي عندج واشتري الناقلات الي الله اعلم متى بتنفذ الكميه الي عند الي مو عارفين قدرها للحين لانهم هم الي منزلين سعرها الى هذا الحد .
والله المستعان

[قطريه فديتني]

صدقني بتنفذ في غمضة عين الناس حاطين عينهم عليها واللي عارضينها ناس مايعرفون شي في الاسهم المهم انهم يربحون لانهم ماكتتبوا الا ب 5 ريال يعني مب خسرانين سواء باعوها ب 40 ولا 50 ولا حتى 20

[المدير]

عارف هالشي لكن لاتنسين انه في 230 مليون سهم الي بيشترونهم اشكثر

[صراف]

السلام سهم لايفرط فيه بسبب الاكتتاب والاخبار الممتازه للشركه....



اختي لاتفرطين بالسلام .

[قطريه فديتني]

مشكور اخوي صراف على النصيحه

[بيل جيتس]

هذا راى والله اعلم ...

لا تفرطى فى السلام وسعر شرائك له ممتاز وخصوصا بد الاسهم المجانيه والاكتتاب ب 15 ريال صيصبح لك افرج محترم .

معظم الناس متوقعه للناقلات انها ستصبح مثل الصناعات انا اختلف معهم فى هذا الرأى صحيح ان السهم ذهبى ومدعوم لكن لن تظهر نتائجه ولا قيمته الان ربما فى 2008 سيبدا السهم فى الانطلاق هذا على اقرب وقت وتوقعى انه سيبدأ الانطلاق بعد عمل الشركه بعام .

توقعى لهذا السهم ان سعره سيتذبذب بين 30 -40 ريال وربما اقل حتى 2008 وذلك نتيجة المضاربات التى ستكون عليه . ولذلك انصحك بعدم الاستعجال فى شراء الناقلات الان وابقى على السلام ...

وهذا رأى الشخصي وما كنت سافعله اذا كنت مكانك

والقرار الاخير متروك لك