فقط المستثمرين يدخلون

[صاحبة إمتياز]

السلام عليكم ورحمة الله وبركاتة

شلونكم . . شخباركم . . وكل عام وانتم بخير . .وعيدكم مبارك مقدماً


:playball:

أبي شوركم وهداية الله
أنا عندي مبلغ تقريبا 80 ألف وأبي استثمرة
بأيش تنصحوني ياأهل الخبرة
نوروني وجزاكم الله ألف خير:)

[qatari 111]

شوفي الاخوان والاخوات اللي في منتدى السوق العام
ان شاءالله راح يفيدونج وهم فيهم الخير وما يقصرون معاج

موفقه ان شاءالله

[خليفـة]

الله يزيدج من فضلة اختي صاحبة الامتياز
وجهة نظري والله اعلم :

الاسهم ما لها أمان .. وحسائرها اكثر من ارباحها .. واللعبه وعدم الاستقرار فيها بتجيب لج الصداع .

الوديعة البنكية زينه .. ولكن عائدها على المبلغ الي عندج بيكون هزيل وما راح يعجبج كثيرا .

الدخول في مشروع صغير .. يبي له راس مال أكبر شوي .. وفي كل الاحوال خطأ فادح انج تدشين بكامل راس المال في أي شغله تجارية .

تبين رايي :
خلي المبلغ في حسابج التوفير في البنك .. واصبري شوي لين يزيد راس مالج .. ومن هنيه لين يزيد راس المال بتطلع كل الفكار من تلقاء نفسها .

بالتوفيق ان شاء الله
:)

[مخطط قطري]

بما انج بنت يمكن فرصتج احسن وانا بقولج شلون
روحي مكتب منظمه الاجره الي في سوق العسيري من فتره طالبين باصات صغيره الي على 120 الف اعتقد وعقد 3 سنوات وكل شهر 6000 ريال ومالج خص وعقب 3 سنوات يرجعون سياراتج وبيعها عقب ان شالله ب50 الف حتى
واذا قالولج خلاص ماعاد نبي باصات شوفي شسياره الي يبونها كامري ولا هايلوكس ولا نيسان وان كنتج انصحج بالتويوتا افضل في البيع وحتى السيرفس وقطع الغيار ودخليها وعقد سنه وكل شهر بيعطونج من 3000 لين 4000 على حسب السياره
كل الي مطلوب سياره يديده يعني موديل السنه او العام والتامين شامل وبس
هذا انا اشوفه اصلح شي لمبلغج اذا ماعجبج هالمشروع
دشي البوصه واختاري شركه ماتحركت كلش يعني من العام سعرها ثابت وتكون رخيصه دوري الشركات الي سعرها تحت 15 ريال ودشي فيها عشان الكميه تكون كبيره وبعدين البورصه توافيق وايد ناس خسرو صح وبالمقابل الي خسرو هذولا في ناس ربحو من وراهم
ارشح لج مثلا الخليج القابضة سعرها معقول كمشتري حاليا استثماري
في مشاريع ثانيه بس يبلها طوله بال ومتابعه وعائدهم محترم
بس المشروعين الي ذكرتهم اشوفهم مناسبين لراس المال الي ذكرتيه
وبالتوفيق

[الفريق أول ركن]

راجعي بنك قطر الاول للاستثمار وقولي لهم انج تبين تدشين بمحافظ استثماريه معاهم

ولا اقولج راجعي شركة قطر لادارة المشاريع وهم بيفيدونج

[البدع]

بال 80 الف سويت محل كاااااااااامل قبل سنين

الحين ... 80 الف ماتكفي خلو لمحل

ماعندي لك نصيحتين:

1. اشتري اسهم وخاصة الريان واتركهيم للزمن (5 سنين وبيدبل المبلغ)

2. وديعة فب البنك ( استثمار هزيل ولكن مابتتبخر الفلوس على اقل تقدير)

وفي استثمار خارجي ولكن خشن ومخاطره عالية مع مرتبة الشرف بس يدخل 10% بالشهر

وبالتوفيق

[القمه]

الله يزيدج من فضلة اختي صاحبة الامتياز
وجهة نظري والله اعلم :

الاسهم ما لها أمان .. وحسائرها اكثر من ارباحها .. واللعبه وعدم الاستقرار فيها بتجيب لج الصداع .

الوديعة البنكية زينه .. ولكن عائدها على المبلغ الي عندج بيكون هزيل وما راح يعجبج كثيرا .

الدخول في مشروع صغير .. يبي له راس مال أكبر شوي .. وفي كل الاحوال خطأ فادح انج تدشين بكامل راس المال في أي شغله تجارية .

تبين رايي :
خلي المبلغ في حسابج التوفير في البنك .. واصبري شوي لين يزيد راس مالج .. ومن هنيه لين يزيد راس المال بتطلع كل الفكار من تلقاء نفسها .

بالتوفيق ان شاء الله
:)
وانا اتفق مع صاحب تعليق وبضيف شيئ واحد >>وديعه 3سنوات عشان بأمكانج
تدخلين في تجاره |او موقع ليش لا تجاري
بقد المبلغ والمسهل الله سبحانه،،والمبلغ لي
معاج ،،فقط حق الله يسلمج عطور بخور
حق تجاره صغيره كلش يعني على قد الحال

[jassimqtr]

الاستثمار مب شي سهل يبيله طولت بال وتركيز يعني اذا لج بارض في البزنس ادخل ياربح او خساره
انا انصحج اتشوفين نفسج شنو ميولج او شالشغله اللي انتي اتحبينها مثلا ديكورات حلويات تفصيل عبي من هالاشياء عقبها حددي فكره مشروعج وثبتي عليها وعقب سوي دراسه وافيه للمشروع من جميع النواحي الميزانيه الاداره الكادر الالتزامات عقب توكلي على الله
والاخوان والاخوات فالمنتدى بيساعدونج في اي استفسار تبينه

[captin]

مبلغ 80 الف يعتبر مبلغ بسيط وصغير للدخول في اي مشروع تجاري اليوم

النصيحة انج تدخلين مع احد من الناس اللي تعرفينهم وتزيدون راس المال
الى مبلغ 300 الف ريال على الاقل وتكون الشراكة بين 3 اطراف على الأكثر
وتكونون متفاهمين من البداية على الأدوار والمسئوليات عشان ماصير بينكم خلاف على امور بسيطة ماتستاهل لاسمح الله وماتستمر الشراكة

الأيام هاذي الشغلات اللي ماشية ومو متأثرة بالكساد والركود الاقتصادي
المواد اللي لها ارتباط باستهلاك الفرد اليومي المخابز الخضروات والفواكه
المواد الغذائية السوبرماركت المطاعم وايضا المطلوب اختيار موقع مناسب وفوق
ذيه كله إدارة وشخص متخصص في المجال
بالتوفيق ان شاء الله

[المليونير الفقير]

اختي اذا تبين مشروع بالقيمه الا عندج بعطيج رقم سوداني بيجيبلج باص بحدود 65الف وبيدخله لج ايجار تقريبا 7000 فالشهر والعقد سنه قابل هالكلام من ايام قاله السوداني وهو مدخل 3 سيارات معاهم وبنفس الطريقه وهو عنده علاقه معاهم والشركة اماراتيه وفالدوحه فاذا تبين بعطيج رقمه هاذا واتمنالج التوفيق

[seko]

بالتوفيق

[العضو الماسي]

انصحك بما أنك بنت حاولي تأجلين الموظوع لغايه مايكون عندك مبلغ قريب 200 ألف عالأقل وأفتحي فيه صالون نسائي وتديرينه أنتي بنفسك . أو ممكن تفتحين خياط نسائي وتجيبين لك فلبينيات 2 يخيطون لك ويسون لك تصاميم . وهذي في نظري مشاريع حريميه بحته وبتفلحين فيها أنشاله .