عيب والله عيب

[برزان1]

الفنان المبدع محمد عبد اللطيف أبدع في هذا الكاريكاتير

أبلغ تعبير لما يحدث في من تجاوزات ومخالفة شرعية صريحة من بعض الإخوة العرب هداهم الله في بيوت الله خاصة في هذا الشهر الفضيل وفي صلاة التروايح تحديدا.

هل يعقل بالمسلم الذي يجب عليه أن يظهر بأجمل الثياب عند ذهابه للمسجد وهو يعلم أنه يقف بين يدي الله سبحانه وتعالى أن يدخل إلى بيت الله بهذه الملابس المقززة؟

لا أدري هل يعلم هؤلاء أنهم مخالفون لقول الله تعالى ( يا بني آدم خذوا زينتكم عند كل مسجد) ؟
وهل يعلمون أنه من العيب أن يخرج الرجل بملابس النوم للشارع أو حتى إلى باب بيته فما بالكم ببيوت الله!!

أم هم يعلمون أنهم مخالفون ويقولون بداخلهم ( ما يهمنيش حد )


عيب والله عيب


http://i741.photobucket.com/albums/xx57/lliill_photo/333.jpg

[AL-Qatariah]

هههههه اجدا فيهم

وشكرا عالموضوع

[الماريّة]

النظافه بعد اهم شئ النظافه

بعضهم يفتي ويعصب لشاف الوحده متعطره بريحه شويه

ومايشوفون ريح الثوم والباط والحلج
قسم بالله استغرب لما اشوف حد فيه مثل هالروائح ليش جايين تصلون

وانتوا اذيتوا الناس


استغفر الله العظيم يارب شئ بخاطري وقلته

[الـعــضــيـد]

والله صدقت هي جات حتى على الريحة بعد

بس شكلك خطير في النغزات ماشاءالله عليك

[الميزان 1969]

هذا الرابط يحتوي على التفسير البسيط لقوله تعالى ( خذوا زينتكم )
http://www.nabulsi.com/text/03quran/1friday/007aaraf/araaf-14.php

[مشتاقة لقطر]

الله يهديهم

[بوحارب]

اللي يصلوون بالبجايم والجلابيات 99% اجانب من جنسيات عربية

وتراهم قلييييييييييل ونتمنى ان يزول هذا المنظر في بيوت الله :)

وفي مسجدنا فيه اخوان كثير من دول عربية ومافيهم الا واحد يجي بجلابية والصراحة لما اشوفه اتضايق :(

على العموم

راعي الكركتير ما عنده سالفة وفاضي عمل :) يعني ما لقى يعلق الا على اخوانا المصلين

ياخي يمكن الجلابية اللي لابسها هذا انظف من ثوب اللي يصلي جمبه !!

كفاية انه جى يصلي سواء بجلابية او ب برمودا:eek2::yes:

[برزان1]

النظافه بعد اهم شئ النظافه

بعضهم يفتي ويعصب لشاف الوحده متعطره بريحه شويه

ومايشوفون ريح الثوم والباط والحلج
قسم بالله استغرب لما اشوف حد فيه مثل هالروائح ليش جايين تصلون

وانتوا اذيتوا الناس


استغفر الله العظيم يارب شئ بخاطري وقلته

صدقت هذا الشيء نعاني منه في المساجد من بعض الجنسيات لا أريد ذكرهم

الرسول صلى الله وسلم نهى عن دخول المسجد لمن أكل الثوم أو البصل .. قال صلى الله عليه وسلم ( من أكل من هاتين الشجرتين فلا يقربن مصلانا)

[مهل]

والله اشوف انهم يفكون المسلمين من اذى عيالهم الصغار و يخلون خلق الله يخشعون بصلاتهم بدال ماهم معتبرين المسجد ملاهي و الصلاه فرصه للام تفتك من ازعاج العيال في البيت هذا اهم من انه شخص يجي المسجد بالبجامه ،، على الاقل جيته بالبجامه شي في نفسه مايضر غيره بشكل مباشر
لكن العيال من يكبر خذ انواع الركيض و الصراخ

[برزان1]

اللي يصلوون بالبجايم والجلابيات 99% اجانب من جنسيات عربية

وتراهم قلييييييييييل ونتمنى ان يزول هذا المنظر في بيوت الله :)

وفي مسجدنا فيه اخوان كثير من دول عربية ومافيهم الا واحد يجي بجلابية والصراحة لما اشوفه اتضايق :(

على العموم

راعي الكركتير ما عنده سالفة وفاضي عمل :) يعني ما لقى يعلق الا على اخوانا المصلين

ياخي يمكن الجلابية اللي لابسها هذا انظف من ثوب اللي يصلي جمبه !!

كفاية انه جى يصلي سواء بجلابية او ب برمودا:eek2::yes:

سؤال بما أنك تدافع عن أصحاب بجامات النوم

لو أنك رايح تقابل مسئول كبير بتلبس بجامة نوم ولا تلبس أحسن ما عندك من الثياب؟!

[بوحارب]

سؤال بما أنك تدافع عن أصحاب بجامات النوم

لو أنك رايح تقابل مسئول كبير بتلبس بجامة نوم ولا تلبس أحسن ما عندك من الثياب؟!

من اللي قال اني ادافع عنهم

انا ادفع عن زوار بيت الله وبس

اما راعيين البجامة الله يهديهم هذا رايي فيهم شوف عدل خالي :(



اللي يصلوون بالبجايم والجلابيات 99% اجانب من جنسيات عربية

وتراهم قلييييييييييل ونتمنى ان يزول هذا المنظر في بيوت الله :)

وفي مسجدنا فيه اخوان كثير من دول عربية ومافيهم الا واحد يجي بجلابية والصراحة لما اشوفه اتضايق :(

:eek2::yes:

:strong2:

[<اضرب واشرد>]

بعضهم يفتي ويعصب لشاف الوحده متعطره بريحه شويه

ومايشوفون ريح الثوم والباط والحلج
قسم بالله استغرب لما اشوف حد فيه مثل هالروائح ليش جايين تصلون

أختي من حقه يفتي ( ويعصب ) لشاف وحده متعطرة بريحة ( شوية )

شلون شوية يعني شوية حلال ووايد حرام ؟

العبرة في الشم ، إذا شمها رجل فهي آثمة.

كلامج مثل اللي يقول له ابوه قوم صل ، يقول ليش اخوي مايصلي ؟ ليش ماتكلمه ؟

الأمر أمر.

ثانيا : الفتاوى في الثوم والبصل والروائح والملابس موجودة وبكثرة!!

[برزان1]

من اللي قال اني ادافع عنهم

انا ادفع عن زوار بيت الله وبس

اما راعيين البجامة الله يهديهم هذا رايي فيهم شوف عدل خالي :(




:strong2:




راعي الكركتير ما عنده سالفة وفاضي عمل يعني ما لقى يعلق الا على اخوانا المصلين

ياخي يمكن الجلابية اللي لابسها هذا انظف من ثوب اللي يصلي جمبه !!

كفاية انه جى يصلي سواء بجلابية او ب برمودا(


strong2:


يمكن كلامك هذا هو اللي خلاني أفهم أنك تدافع عنهم

[captin]

جزاك الله خير على الطرح والتنبيه في نفس الوقت

الصلاة في بيوت الله لها شأن عظيم فالإنسان يقف بين يدي العزيز الجبار
ملك ملوك السموات والأرض والمفروض انه يكون في انظف وابهى لبس
وحلة وهيئة وخشوع وسكينة .

وما نشوفه في المساجد من بعض الاخوة هداهم الله شيء لايليق بأطهر بقعة
وفي بيت من بيوت الله خصوصا لبس الملابس المنزلية مثل البيجامت والجلابيات
وبعض لبس الرياضة اللي مايليق بالمكان .

تلقى الواحد منهم لابس جلابية معفسة وريحتة حمسة بصل ولا عرق وطول وقته يتحكك وكل شوي نصل صرواله وقام يرفعه في كل ركعة وحالته حاله يخلي المصلين مايركزون ما كثر مايتحرك. والمصيبة الكبرى مدخل الجوال معاه وكل شوي رن وقام يدخل يده في مخباه يبي يسكره ونغمات مادري شلون شكلها مالت روبي ولا سعد الصغير .

الله يهدي الجميع

[Qa10]

الجلابية والفانوس سنة في رمضان




عند أحدى الجنسيات العربية

[احمد1]

الله يهديهم بصراحه الموضوع بوقته في القيام وايد القاهم لابسين لبس مب مناسب للمكان الي هم فيه جايين لملك الملوك والبعض بالجلابيه والبعض ريحت الحمسه تشتت تفكيرك والادهى والامر واحد شكله خايف الله لكن اول ما كبر الامام وطبعا يخففون الاضواء عشان الواحد يندمج قد مايقدر من الامام الا واشوف ليت كل دقيقه يلفت انتباهي من يميني لا ومن ورى الغتره بعد ..... طلع الاخ يتابع القراءه مع الامام بالجوال بصراحه مااشوف انه الوقت المناسب عشان تحفظ تبي تحفظ وتراجع ومسوي متدين احفظ بالبيت على العموم الحمدلله انه في ركعت الوتر ما شغل جواله بعد خفت يراجع الدعاء مع الامام بس تصرفه سلبي .... الله يهدي الجميع

[بوحارب]

يمكن كلامك هذا هو اللي خلاني أفهم أنك تدافع عنهم

لا لا الشيخ غلطان مادافعت عنهم ولا شي :)


اللي قاهرني في صلاة القيام والتروايح منظر البزران في اواخر المسجد وهم يطقطقون على ال بي بي :( :anger3:

[feva qatar]

ايي والله صدقت وياكثرهم في مسجدنااا

من كم يوم كنت اصلي الا احذاي واحد شايب من جنسية عربية

وريحة الثوووم تفوووح من حلقة قسم انيي ماقدرت اتحمل

يوم خلص الامام من الصلاة بدلة مكاني

[<اضرب واشرد>]

الجلابية والفانوس سنة في رمضان

عند أحدى الجنسيات العربية


هذي نقطة مهمة ، وهي اختلاف العادات والثقافات ، هناك ملابس تكون محترمة في بلدان وتكون غير محترمة في بلدان أخرى ، ياريت نلقى صور للجلابيات المذكورة حتى نعرفها.

[ليلة]

اللي يصلوون بالبجايم والجلابيات 99% اجانب من جنسيات عربية

وتراهم قلييييييييييل ونتمنى ان يزول هذا المنظر في بيوت الله :)

وفي مسجدنا فيه اخوان كثير من دول عربية ومافيهم الا واحد يجي بجلابية والصراحة لما اشوفه اتضايق :(

على العموم

راعي الكركتير ما عنده سالفة وفاضي عمل :) يعني ما لقى يعلق الا على اخوانا المصلين

ياخي يمكن الجلابية اللي لابسها هذا انظف من ثوب اللي يصلي جمبه !!

كفاية انه جى يصلي سواء بجلابية او ب برمودا:eek2::yes:


أضحك الله سنك يابوحارب . والله ضحكت من قلب :yes:




بس اخوي كلامك اللي لونته لك بالازرق :nono:

(( يَمُنُّونَ عَلَيْكَ أَنْ أَسْلَمُوا قُل لَّا تَمُنُّوا عَلَيَّ إِسْلَامَكُم بَلِ اللَّـهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ ))

﴿الحجرات -١٧﴾
.

[بوحارب]

أضحك الله سنك يابوحارب . والله ضحكت من قلب :yes:




بس اخوي كلامك اللي لونته لك بالازرق :nono:

(( يَمُنُّونَ عَلَيْكَ أَنْ أَسْلَمُوا قُل لَّا تَمُنُّوا عَلَيَّ إِسْلَامَكُم بَلِ اللَّـهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ ))

﴿الحجرات -١٧﴾
.
وياك ^^

جزاك الله خير شيخي ليلة على التوضيح

ومنكم نستفيد :) والكلام كان على سبيل المثال فقط :(

[عنوووود]

لو كل واحد قدم النصيحة لمثل هولاء كان خفت الظاهرة ،،،لكن هل قطر بس يشتكون في المنتديات او في مجالسهم الخاصة " يستحوووون واااايد " من النصيحة في الويه

وااايد يشتكون من منظر البنات في المجمعات ولا نشووووف نصيحة
ومن الشباب والمعاكسات ولا حد ينصح في الواقع بس يكتفي انه يشوووف الموقف ويروح يسولف فيه في بيته او يكتبه في المنتدى

مجتمع اتكااااااااااااااااااااااااااااالي في كل شي " حتى في التغييير " مدري متى بتغييير

[بوخالد85]

ياجماعه بقولك سالفه تميت افكر فيها ايام

من حوالي كم شهر وانا اشوف شخص في صلاه الجمعه يجي بدله "اديداس" الي التيشيرت والبنطلون نفس اللون

ومن النوع النيلون مادري شيسمونه بس نفس الاسترج ..

المهم في البدايه كنت احسبه اجنبي وتخيلوا كل جمعه بنفس اللبسه .. وعقب فتره قمت اشوفه يجي مع اولاد صغار بس يلبسون ثياب وغتر .. استغربت وقلت يمكن شغال عندهم

لكن في الاخير اكتشفت ان الرجال قطري ويطلع ابو الاولاد

تخيلوا الاولاد يجون بثياب واغتر والابو بنفس البدله من شهوووووور ..

[Doha Sun]

الله يهديهم ويفتح بصيرتهم ..
اذا طلع لبس احسن الثياب وريحة العود والعطر تعج ، واذا راح المسجد اي شي لبس وريحته (كيماوي) اللهم يا كافي ..

[فلتة زمانها]

زين منهم يصلون فالمسجد