طالب مدرسه انجليزيه ( ابي توجيهكم )

[latty]

اعزائي رواد المنتدى

الحين طالب مدرسه ثانويه إنجليزيه انهى 12 صف بالمدرسه بتفوق

اخذ as بمادتين لكن ما توفقك

اذا اراد معادله شهادته الثانويه لـــ 12 سنه هل تعتبر شهاده ثانويه او لا

ارجوكم ابي رد سريع

[الـآنسـہ]

مرحبا عزيزتي
انا طلعت من عيني هالسوالف ..

اولاً اتوقع تعرفين انه فيه ثلاث مراحل عندهم ,
IGCSE و AS و A LEVEL

لكنه اذا ما توفق على الأقل فالمرحلتين الأولى مافيه مجال انه يدخل الجامعه الا بالواسطه
و هذا بعد شي صعب لانه الشهاده ما تتعادل بدرجه اقل من D

انصحج اختي خليه يروح البرتش و يقدر امتحان
AS عربي لانه وايد سهل
و يسوي جغرافيا او إنجليزي او General Paper

هذي المواد سهله و يقدر ينجح فيها بسهوله و يقدر يطلع اوراق امتحانات سابقه عن طريق هذا الرابط

http://www.freeexampapers.com/

و لتعم الفائده على الجميع هذا الموقع فيه اوراق امتحانات لكل الإمتحانات الأجنبيه يعني توفل و أيلز .. :yes:

و فيه اوراق توضيحيه عن شلون يحطون العلامات و اشياء تنتبهون لها

الله يوفق اخوج و ييسر له امره
خليه يتوكل على الله و يسجل هالمواد اللي قلت لج عنها لانها اسهل شي
و لو هو حاب مواد ثانيه خليه ياخذ

و ان شاء الله على نص السنه يجيب علامات عاليه و يدخل الجامعه

الله يوفقنا جميعا وياكم

[latty]

الغاليه شكرا لج

هو انقبل بالبرج بالتعليميه على نتايج نص العام لكن والله نفسيته زفت لما ما نجح بمادتين في as

والله كريم ويحاول يلحق بالمواد

شكرا لج على المعلومات القيمه


دمتي بفرح

[latty]

الله يوفقه يارب

[الـآنسـہ]

اسفه حبيبتي بس مشاركاتي ما تكفي عشان اتواصل معاج ع الخاص فـ بكتبه هني لو مافيه مانع .,

بالنسبه للمعادلات حبيبتي فـ هم بياخذون 4 مواد من الـIGCSE
و مادتين من الـAS او A level

اما العربي عزيزتي ماعرف شنو المنهج بالظبط بس بشرح لج طريقة الإمتحاان ..
بيعطونج نص و بقولونه اقريه عدل و عقب بيسألونج اسئله عن النص يعني اشياء بسيطه جدا.
و بيسألون عن مفردات او معاني بعض الكلمات مب صعبه ..
و بحطون نصين مختلفين .. و بقولون اقريه عدل و عقب بيسألونج عن شي بكون عن النصين و يطلب مقارنه بينهم .. ما يبي له الصراحه حد شاطر او ممتاز فالعربي اي حد ممكن يعدي

و احسن مواد هم اللي قلت لج عنهم قبل ,
و هم ترا اسهل المواد و ممكن يعديهم بسهوله من دون دراسه مكثفه عشان جي نصحتج فيهم.
ما يباله خلفيه سابقه مع هالمواد بس المهم يعرف الأساسيات..
اما الجغرافيا فـ عليه ياخذ كتاب جغرافيا من مكتبه او شي و يدرس منه و المناهج ترا بتكون مطروحه على الموقع اللي ذكرته لج هذا الحلوو فيه انه يقول شنو الأشياء اللي لازم يدرسها و يركز عليه و في شنو بينسأل..

الله يوفقه ان شاء الله و ييسر له الإمتحانات

بس انا سمعت انه الجسر يقبل الطلاب اللي ما جابو علامات زينه فالـAS
شوفيه يمكن ربي يسخرهم له و يساعدونه و يقدر يدش الجامعات من دون مشاكل

بالتوفيق ان شاء الله

[latty]

شكرا الغاليه ماقصرتي

هو الحين بعيد المادتين بشهر 11 بمدرسته وهو الحين بالجسر الاكادمي وما شاء الله اخر اختبار ماخذ فيه a

لكن ما كان مهتم بتلك المادتين ويارب يوفقه الله لانه فاجئني بالنتيجه

ومعادله الشهاده شئ مهم كثير حتى يتبناه المجلس الاعلى بالجسر اما الحين الوالد بيدفع له التيرم الاول

الله يعين

شكرا لج يالغااااااااليه والله يعطيج العافيه

[الـآنسـہ]

العفو حبيبتي و بالتوفيق ان شاء الله