لاهل الخبره..... مشكله في تشغيل السياره

[fahadvx97]

السلام عليكم

شباب عندي مشكله واتمنى ان عندكم حل لها

عندي جي أكس موديل 2001 و قيره تماتيك.... الموتر كل شي فيه زين...وكل يوم اطلع فيه ويشتغل على طول بمفتاحه الاصلي مال الوكاله .... بس بين فتره وفتره اكون في مكان والا مسيد وأدق سلف ما يدق مع ان البطاريه زينه والليتات تشتغل وما يطلع اي صوت ...وعقب ساعه اشغله يشتغل عادي .....يعني كل 4 او 5 ايام يسوي فيني هالحركه واضطر اخلي الموتر وارد اشغله عقب ساعتين والا ثلاث ويشتغل ومللني صراحه

وديته عند اكثر من كهربائي .... اللي يقولي السلف واللي يقولي في سنسر في القير واللي يقولي وايرات .....

رجاءا اللي يعرف شسالفه والا يعرف كهربائي ممتاز لهالمشاكل يدلني عليه وله الاجر

شكرا

[الزلزال]

على ماعتقد هذا المشكلة بتكون في القطعه الي بدخل المفتاح فيها

يا تبدلها او تفتحها اتشوف شنو فيها

والله اعلم

تحياتي

[الخارجية]

أخوي في كهربائي خطير في الغرافة اسم المحل بن عياش المنصوري لعبته هذي السوالف

[أبو بكر سالم]

موفق اخوي ونفس الى قال لك الخارجية

[الزجاجي]

اذا السلف يدور لكن ما تشتغل السياره .. اكيد دينمه السلف
اذا المفتاح ما يدور لازم تبدل السلندر مال المفتاح

شوف لك كهربائي شاطر اكيد بحل لك المشكله

[الـخـور]

شوف اذا اثناء التشغيل يطلع طق
هذا اما البطارية
او السلف خربان يعني مرة يشتغل ومرة مايشتغل على الحظ

انا كانت عندي مشكله شبيه بشمكلتك ضنتيه البداية من البطارية
وبعد مابدلت البطارية نفس الشي .. طلع بالاخير السلف خربان

[فريج البدر]

روح يا الشيخ كهربائي بن عياش

[جعران]

بدل صوفات السلف فقط

دعواتك

[simota uae]

اختلف مع الشباب.......عزيزي اول ما تروح عند الكهربائي خبره باللي يحصل معاك بالضبط بس اعتقد الرجال قال ما يدق سلف نهائي معناته لا من البطاريه ولا من السلف المشكلة مشكلة كهربه لا اكثر ولا اقل واعتقد ان اول شي يفحص الفيوزات لان اذا شي من الفيزات مب راكب صح يسوي الشغلة هذي وصادفتني في اكثر من سياره والله اعلم

[فقط قطر]

يا اخوي هذي صارت معاي من قبل...والسالفة دقمة المفتاح....خلهم يفكون السويج بيلقون فيه مثل الشحم....يتنظف تمام ويتصنفر ويحطون عليه المادة المزيلة للكربون....وابشر بسعدك...

[=المريخي=]

اخوي اليوم الي السياره ماتشتغل في علامه حمره عند الساعه ؟
اذا موجوده يعني القطعه الي داخل المفتاح خربانه

[khaleeji]

والله توني مصلح نفس الخراب عقب مازهقني

عندك اسطنبول كهربائي في صفة ميزانية دبي

كانت الوايرات هي المشكلة

[fahadvx97]

رحم الله والديكم جميع يا الربع

باجر باوديه الكهربائي اللي بالغرافه اللي دليتوني عليه وان شاء الله يضبط لي الموتر

وشكرا جزيلا لردودكم

[mok]

شيكت مضخة البترول.........

[new investor]

المشكل مو فالبطارية
المشكلة 100% في السلف ولازم تشيك عليه ضروري والله أعلم
بالتوفيق أخوي