تقنية النتيروجين

[السد]

مساكم الله بالخير اعضاء المنتدى المحترمين
في احد جرب تقنية النتروجين لنفخ اطارات السيارات
ما هي عيوبها ومميزاتها
افيدونا جزاكم الله خيرا

[الرايــق]

انا مجربها والى الان
تقنية حلوة جدا
تخلي الاطار بارد نسبيا ويفيد خاصة بفصل الصيف
عيوبها عند التنسيم .. (مش متواجدة هالتقنية في كل بنشري) !!

[السد]

انا مجربها والى الان
تقنية حلوة جدا
تخلي الاطار بارد نسبيا ويفيد خاصة بفصل الصيف
عيوبها عند التنسيم .. (مش متواجدة هالتقنية في كل بنشري) !!

بس اللي سمعته اخوي ان النيتروجين مش صافي
بمعنى ان مخلوط مع الهواء الخارجي
فليس هناك عيب من ان تنفخ التاير عند اي بنشري

[الرايــق]

بس اللي سمعته اخوي ان النيتروجين مش صافي
بمعنى ان مخلوط مع الهواء الخارجي
فليس هناك عيب من ان تنفخ التاير عند اي بنشري

اها .. معلومة جديدة بالنسبة لي ..
ومنكم نستفيد :)

[كنترول]

والله اعلم ان مشكلته في البريك المفاجئ مايمسك الموتر

[Qtr95]

كلام فاضي وماله داعي

مجرد دعاية

الهوى اصلا 80% منه نايتروجين

[الـخـور]

عادي ماشوف فرق انا نفخت بالنايتروجين وماشوي اي فرق عن العادي

بس اتوقع فيه مميزات احسن لكن انا ماحسيتها

[السندان]

مميزاته ان مايتسبب في ارتفاع درجة حرارة الاطار ومن ثم الانفجار
خاصة بالصيف وانت على خط طويل او مسفر

الحقيقه انا ماجربته ولاكن هذي معلومتي عنه

[أبو بكر سالم]

شي عجيب ومنكم نستفيد

[السد]

والله اعلم ان مشكلته في البريك المفاجئ مايمسك الموتر

البريك اذا ما يمسك اذا كان خلل في نظام البريك
ولكن هناك abs نظام البريك

[$$كلنا قطر$$]

ألي اعرفه انه اخف من الهوا بوايد
ومع الحركه يسير أبرد
ويستعملوونه للطيارات وسيارات السبااق

[السد]

ألي اعرفه انه اخف من الهوا بوايد
ومع الحركه يسير أبرد
ويستعملوونه للطيارات وسيارات السبااق

مشكور علىالمعلومة

[البيرق]

ألي اعرفه انه اخف من الهوا بوايد
ومع الحركه يسير أبرد
ويستعملوونه للطيارات وسيارات السبااق

معذرة
المعلومة غير صحيحة والنيتروجين غاز خامل وغير خفيف ومخلوط بالغازات الاخرى ونسبته اعلى
اما عن استخدامة في الطائرات وسيارات السباق فممكن ذلك لخمول النيتروجين

[سعادة الوزير]

الرجاء التحقق من المعلومات قبل نشرها.

سبب استخدام النتروجين هو انه غير قابل للتأثر بالحرارة مثل الهواء العادي لانعدام وجود بخار الماء ضمن مكوناته ، لذلك هو مايتمدد بالحرارة ومايتأثر بعوامل الضغط الجوي مثل الهواء العادي ، بل بدرجة اقل بكثير.

[سهيمان]

الاطار مايسخن بسرعة مع النتروجين

ويكفي ان السيارات الجديدة تنزل من الوكالة بنتروجين

[Al-Saady]

اسأل مجرب ولا تسأل طبيب

أنا جربته واعوذ بالله من كلمة انا

وبالنسبة لي ما فرق شي عن الهواء العادي لا حرارة ولا خرابيط

بتلاقيه موجود في التيسير اللي بالمطار

بس مثل ما قلت لك لا تبريد ولا خرطي كله كلام بكلام

كل عام وانتم بخير

[مهل]

السلام عليكم


بالنسبه للشباب الي جربوه و يقولون مانشوف فيه فرق .. فهذا يعني شيء ايجابي

اطارات ميشلان اذا شريتها من الوكيل مايعبونها لك الا نايتروجين .

و بالنسبه للاستخدام انا ما استخدمت بس واحد من ربعي في العمل عنده جي اكس 2007 مركب عليه بالون وهو شخص عاقل مش راعي لعبه .
يقول ملاحظتي على النايتروجين والله اعلم ان تاير البالون عندي مانحل و طول على السياره غير العاده ولا اتذكر المده الي قالها لي بصراحه .

هذا والله اعلم

[sos 12]

الفرق بين الهواء العادي والهواء المشبع بالنيتروجين هو أن مايزيد الضغط التاير عند زيادة درجة الحرارة والحركة فقط ... يعني لما تكون ماشي مسافة طويلة مع الحرارة يزيد الضغط التاير مثلا اذا كان ضغط التاير 30 psi يسير 50 psi لكن مع الهواء النيتروجين يبقى كما هو لان غاز خامل ... لكن ابرد فهذي المعلومة خاطئة لان النيتروجين موجود في الجو سواء حار او بارد ... والمكينة الخاصة لتعبئة التاير تقوم بسحب الهواء الخارجي وازالة الغازات وتركيز الاوكسجين مع النيتروجين بنسبة كبيرة وتعبئة التاير به.

[باسكن روبنز]

بس اللي سمعته اخوي ان النيتروجين مش صافي
بمعنى ان مخلوط مع الهواء الخارجي
فليس هناك عيب من ان تنفخ التاير عند اي بنشري

:yes:

[الرادار]

النيتروجين في الأطارات أصبح بديلا شعبيا للهواء العادي. النيتروجين هو كل شيء من حولنا... الهواء الذي نتنفسه هو نيتروجين 78 ٪ والأكسجين 21 ٪ والباقي كميات صغيرة من الغازات الأخرى. عندما يتعلق الأمر التضخم الاطارات والنيتروجين والعديد من المزايا أكثر من الأوكسجين. مع التضخم تتعب النيتروجين ، ويمكن ملاحظة التحسن في التعامل مع السيارة ، والكفاءة في استخدام الوقود ، وحياة أفضل من خلال الاطارات الاطارات الاحتفاظ الضغط ، وتحسين الاقتصاد في استهلاك الوقود وانخفاض درجات الحرارة تشغيل الاطارات. هنا في الحصول على النيتروجين المعهد هدفنا هو تزويد المستهلكين ، وسائقي الشاحنات على الطريق ، ، ، ومديري أسطول وغيرها من المعلومات حول فوائد استخدام النيتروجين في اطارات السيارات.
(ترجمة قوقل)
المصدر
http://www.getnitrogen.org/

[السد]

للرفع

[باسكن روبنز]

ياجماعه آن ماخاب ظني ترا الفرق بالنتروجين والهوا العادي هو شي واحد بس ،
النتروجين هوا بارد بس وهو آلي مايتغير مع ضغط الممشى ويحافظ على كفاءة التاير بشكل آكثر من الهوا الحار وهو آلي يعبونه البنجرجيه بو ريالين ،



يعني هو نفسه الهوا العادي لكن الفرق ذي بارد وذاك حار ،
لكن دبل السعر 1000000000 في الـ100% ! ،:looking:

[بورغد]

يعطيك العافيه

[الرايــق]

السلام عليكم


بالنسبه للشباب الي جربوه و يقولون مانشوف فيه فرق .. فهذا يعني شيء ايجابي

اطارات ميشلان اذا شريتها من الوكيل مايعبونها لك الا نايتروجين .

و بالنسبه للاستخدام انا ما استخدمت بس واحد من ربعي في العمل عنده جي اكس 2007 مركب عليه بالون وهو شخص عاقل مش راعي لعبه .
يقول ملاحظتي على النايتروجين والله اعلم ان تاير البالون عندي مانحل و طول على السياره غير العاده ولا اتذكر المده الي قالها لي بصراحه .

هذا والله اعلم

كلام سليم وانا شريت ميشلان من الوكيل وركبولي النيتروجين
بس ملاحظتي عليه بصراحة ومقارنته مع سيارات اخرى بالبيت .. النيتروجين فعلا ما يغير من ضغط التاير الا بعد مرور وقت طويل ..

[العضو الماسي]

طيب الحين الى عنده سيارات وماركب لهم نيتروجين وجيت ابغي اركب نتروجين وين يركبون لي وهل يفشون التواير وبعدها يعبونها ولا كيف لن أول مره اعلم عنها منكم . ووين يسونه لى وبكم حتى محد يقصبنا بالسعر .

[السامـي]

طيب الحين الى عنده سيارات وماركب لهم نيتروجين وجيت ابغي اركب نتروجين وين يركبون لي وهل يفشون التواير وبعدها يعبونها ولا كيف لن أول مره اعلم عنها منكم . ووين يسونه لى وبكم حتى محد يقصبنا بالسعر .

طبعاً لازم يفرغون التواير من الهوا،وتحصله في محطات(وقود) وفي التيسير اللي
في محطة الوعب،وايضاً في(ميشلان) اللي في شارع سلوى،وخابر تعبئته في محطات
وقود التاير بعشرة ريال.:)

[مالي ومال الناس]

انا جربته من سنتين تقريبا رفعوا الموتر مثل مايرفعون المواتر في الفحص وفشو التواير وعبوها نيتروجين

خذ علي 40 ريال المحل في الدمام , وماحسيت فرق في الاستخدام

البداية شعورياً حسيت الموتر اخف واسبق وفي الواقع نفس الشي :)

[السد]

طيب الحين الى عنده سيارات وماركب لهم نيتروجين وجيت ابغي اركب نتروجين وين يركبون لي وهل يفشون التواير وبعدها يعبونها ولا كيف لن أول مره اعلم عنها منكم . ووين يسونه لى وبكم حتى محد يقصبنا بالسعر .

التركيب في محل Q-Tire وفروعهم كثيرة عندك بالمطار - الصناعية - طريق سلوى .. اماكن اخرى
طبعا يفشون التواير وبعدها يعبونها
السعر كل تاير 25 ريال
4 تواير ب 100 ريال
وعندك بعد محطة بترول وقود عندهم نتيروجين
وبالتوفيق

[mE mYself & i]

التركيب في محل q-tire وفروعهم كثيرة عندك بالمطار - الصناعية - طريق سلوى .. اماكن اخرى
طبعا يفشون التواير وبعدها يعبونها
السعر كل تاير 25 ريال
4 تواير ب 100 ريال
وعندك بعد محطة بترول وقود عندهم نتيروجين
وبالتوفيق

أبصراحه هالمحل وايد مبالغ باسعارة

روح بريلي ولا التيسير ارخص وشغلهم أحسن

[طموح2020]

بالتوفيق

[العضو الماسي]

بنروح نركب اليوم انشاله ونشوف الفرق

[عابد]

من اهم مميزات النتروجين
1- التاير ماينسم بسرعه لو فيه مسمار او اي شي
2- مايحتاج تشيك على ضغط التواير كل اسبوعين لانه ماينسم مثل الهوى العادي بسرعه
3- في السفر مايسخن التاير مثل الهوى العادي
4- يقلل من صرف البترول بنسبه قليله لان احتكاك التاير يقل
وهالمميزات عن تجربه شخصيه من اكثر من سنتين

[Rayane]

التركيب في محل q-tire وفروعهم كثيرة عندك بالمطار - الصناعية - طريق سلوى .. اماكن اخرى
طبعا يفشون التواير وبعدها يعبونها
السعر كل تاير 25 ريال
4 تواير ب 100 ريال
وعندك بعد محطة بترول وقود عندهم نتيروجين
وبالتوفيق

لابو النيتروجين على أبو اللي اخترعه يا شيخ.....

هذا حنا كم سنه وشيباننا قدامنا بسياراتهم على الهوا العادي... ولله الحمد والنعمه ما صار الا كل خير...

اعبي بريالين مدري ب 5 ريآل ولا أعبي بـ 100 ريآل...

اللي يبي يقبض خط في الصيف يخلي ضغط الهوا 30 الى 35 حتى مع الخط يصير 40 الى 45... حركه معروفه من الأزل... وبلا هالحركات اللي تآكل فلوسكم على الفآضي.

في أمان الله

[سعادة الوزير]

في عمري ماشفت مشاركة في هالمنتدى فيها هالكم الهائل من المعلومات المغلوطه!!!

الله لا يهينكم ، روحوا ويكيبيديا وسووا بحث عن غاز النتروجين وسبب استخدامه لاطارات السيارة وفكوا عمركم.

[عزيز المقام]

من اهم مميزات النتروجين
1- التاير ماينسم بسرعه لو فيه مسمار او اي شي
2- مايحتاج تشيك على ضغط التواير كل اسبوعين لانه ماينسم مثل الهوى العادي بسرعه
3- في السفر مايسخن التاير مثل الهوى العادي
4- يقلل من صرف البترول بنسبه قليله لان احتكاك التاير يقل
وهالمميزات عن تجربه شخصيه من اكثر من سنتين

كل كلامك صحيح
وتقدر اتجرب النيتروجين بعد ماتمسك خط نسم واحد من التواير يجيك الهواء بارد
بس ترا ماينصحونبه في الشتاء او الاماكن الباردة