بيطري الثروه الحيوانيه - الحكومي -

[NoooN]

السلام عليكم

اخواني انا عندي قطوه :shy: بتولد قريب وابي اهتم فيها وفي عيالهـا :shy::shy::shy:
وانتوا اتعرفون ان العيادات البيطريه الخاصه وايد غاليه الأبره ب ٣٠٠ ريال وهذا غير الادويه اللي الواحد فوق ال١٠٠ ..:no:

فأنا ابي استفتر عن البيطري الحكومي اللي في المطار عندهم خبره في القطط ؟ وانا خذيت رقمهم ابي اكلمهم بس المشكله انهم مايردون علي :telephone: عشان اعرف اوقات العمل و لازم موعد او لا .. وابي اعرف وين مكانهم بالضبط ..

ياليت اللي عنده فكره يقولي .. :victory:

تسلمـون

[@north_star@]

ان شاء الله تقوم بالسلامة

[<اضرب واشرد>]

مكانهم لاصق في تقاطع اشارات أحمد آل أحمد ( اخذي اشارات مطار الدوحة الدولي وروحي صوب الوكرة ، بعدها تحصلين اشارات شارع المطار التجاري ، وبعدها اشارات أحمد آل أحمد )

هاي اذا مانتقلوا من المطار وراحوا مكان ثاني ( مادري عنهم )

[القمه]

السلام عليكم

اخواني انا عندي قطوه :shy: بتولد قريب وابي اهتم فيها وفي عيالهـا :shy::shy::shy:
وانتوا اتعرفون ان العيادات البيطريه الخاصه وايد غاليه الأبره ب ٣٠٠ ريال وهذا غير الادويه اللي الواحد فوق ال١٠٠ ..:no:

فأنا ابي استفتر عن البيطري الحكومي اللي في المطار عندهم خبره في القطط ؟ وانا خذيت رقمهم ابي اكلمهم بس المشكله انهم مايردون علي :telephone: عشان اعرف اوقات العمل و لازم موعد او لا .. وابي اعرف وين مكانهم بالضبط ..

ياليت اللي عنده فكره يقولي .. :victory:

تسلمـون

نووون أنا عند عيالي ولد نمر إذا صاده
أي شيئ مباشره أعالجه في دبي:eek2:بس
جواز سفر حقه منتهي:eek2:

[ســـهم]

نون

الابره هذي حقت الولاده يعني الدكتور يولدها !!

[تحداني]

بالفعل الحاله جدا صعبه
والتكاليف مرتفعه

الله يعينكم .. يامن شراله من حلاله عله


للأسف الشديد ما عندي فكره



جملك الله برضى الرحمن

[seeyou55]

الصراحة انا مرة وديت القطو مالي عند البيطري الحكومي
ومستحييييييييل اوديه مرة ثانية

هذيل ما يفهمون شي

دمرو القطو مالي
عطوه ابرتين مخدر خلوه يومين ما يقدر ياكل

انا انصح بالدكتور اللي في سوق واقف عند الحيوانات

اسالي عنه ويقولون لج وين

[بو الطيب]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه

[barod]

حطيها بالحوش وهي بتربي طبيعي وبتعيش عيالها

[النادرة]

نفس استفسارج يالغاليه لأن فعلآ حرقت تلفوناتهم ومايردون ويقولج في فرع في السوق المركزي قريب منه بشوف باجر شالسالفه

[NoooN]

<اضرب واشرد>
مشكور اخوي على الشرح

٠٠

seeyou55
يعني اروح حق محل الحيوانات اللي هناك واسأله ؟
ياليت لو عندك رقمهم تطرشينه لي ..
وشكرا حبيبتـي ..

٠٠

السهمـ
الابره حق عيالها .. فمابالك لو جابت ٥ بيكون الواحد ابرته ب ٣٠٠ :(

٠٠

barod
لا ماقدر انا مخليتها داخل البيت الحوش قطاوه شرسين بيظربونهـا :(

٠٠

النادرة
فديتج والله ياليت تقولين لي شسالفتهمـ ..
وترا انا عندي رقم المركزي بس بعد مايردون نفس الحاله :(
هذا رقمهم ٤٤٦٨٧٦٤٥

٠٠

القمه
ماقدر اطرشها دبي وارجعها هذي فيها مشاوير وايد

[البرونزي]

ترا العياده البيطريه الحكوميه نفس مستشفى حمد
لكن للحيوانات اللي يدخل مايطلع
هههههههههههههههههههههههههههه

[مهل]

القطو ماعليه خوف

ليش ماتكفلين لج يتيم ابرك :playball:

[NoooN]

مهل

يحدث رسول الله صلى الله عليه وسلم أصحابه عن رجل وجد كلبا يلهث من العطش، فنزل بئرا فملأ خفه منها ماء فسقى الكلب حتى روي.. قال الرسول صلى الله عليه وسلم: فشكر الله له فغفر له. فقال الصحابة: أإن لنا في البهائم لأجرا يا رسول الله؟ قال: "في كل كبد رطبة أجر".

[بوحارب]

http://www.7mmlbs.com/img/KIh28234.jpg (http://www.7mmlbs.com/)


وقطوتي المسكينة صارلها 4 شهور تكح وللحين ما وديتها للتختور :(

[faisalqatar]

افضل بيطري للقطط اسمه
Doha Vets
مكانه ورى صالون باربي اللي في شارع الريان
الدكاتره اجانب و متخصصين في هالسوالف

بس اسعارهم وايد وايد غاليه .. اذا القطوة عزيزة عليج انا انصحج اتروحين هالبيطري لانه ممتاز
و بطرش لج رقم تلفونهم ع الخاص عشان تستفسرين
وللعلم الساعه 8 في الليل يسكرون (لا تسئليني ليش يسكرون من وقت .. انجليز و كيفهم خخخ)

تحياتي

[ANONYMOUS]

على قولة احد الاعضاء..

وديها الحوش وبتربي طبيعي بالسلامه ماتحتاج ابرة ظهر ولا بخشيش حق النيرسات ولا علاجات ونطره قدام الصيدليه

ويتربون الكتاكيت بعزها مقدما

[القمه]

http://www.7mmlbs.com/img/KIh28234.jpg (http://www.7mmlbs.com/)


وقطوتي المسكينة صارلها 4 شهور تكح وللحين ما وديتها للتختور :(
شحلات قطوتك يابوحارب:eek2:
سموحه خذيت كوبي عشان يشوفون العيال

[ديابلو]

تحملي تودين قطوتج المستشفى البيطري الحكومي لانهم بيذبوحونها :nono:

[العقل الحر]

اشكرك على اهتمامك بالحيوان وانا سعيد انه في ناس تهتم بكل نفس

واجرا في النهاية

[Ussop]

شيكي بالمرة على مركز البستان، ما أعطي قرنتي على الدكتور، لكن يبين إنه جيد وقديم، وأسعاره أظن معقولة، إنتي استفسري عنه وقارني من بين الأسعار...

مركز البستان البيطري - بالقرب من دوار خميس العبيدلي - الدكتور نادر.

وكل عام وإنتم بخير.

[مهل]

مهل

يحدث رسول الله صلى الله عليه وسلم أصحابه عن رجل وجد كلبا يلهث من العطش، فنزل بئرا فملأ خفه منها ماء فسقى الكلب حتى روي.. قال الرسول صلى الله عليه وسلم: فشكر الله له فغفر له. فقال الصحابة: أإن لنا في البهائم لأجرا يا رسول الله؟ قال: "في كل كبد رطبة أجر".

عليه افضل الصلاه و التسليم .. بارك الله فيج و شي طيب انج استشهدتي بحديث للرسول .
الشيخه انا ما استنكر عليج تربيتج لقطوه و اهتمامج فيها ، ولكن الحديث يتكلم عن اجلكم الله كلب ضال
و احنا بفضل الله قطاوه الشوارع عندنا شبعانه و كل بيت لارمى الزباله طلع الي ياكلونه القطاوه و الحيوانات الاخرى .
ربي القطوه و اهتمي فيها ولكن الصرف الزايد لو يوظف في انسان افضل من حيوان .

كفالة اليتيم من أعظم أبواب الخير التي حثت عليها الشريعة الإسلامية قال الله تعالى: ( يَسْأَلُونَكَ مَاذَا يُنْفِقُونَ قُلْ مَا أَنْفَقْتُمْ مِنْ خَيْرٍ فَلِلْوَالِدَيْنِ وَالْأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُوا مِنْ خَيْرٍ فَإِنَّ اللَّهَ بِهِ عَلِيمٌ ) سورة البقرة الآية 215

قال رسول الله صلى الله عليه وسلم :( أنا وكافل اليتيم في الجنة هكذا وأشار بالسبابة والوسطى وفرج بينهما ) رواه البخاري

و في عيد الخيريه الله يجزيهم عنا كل خير فيه ايتام كفالتهم على 150 و 250 في الشهر

و كل عام و انتي بخير بمناسبه العيد اعاده الله علينا و عليكم باليمن و البركات
.