أي السيارات أفضل يوكن / تاهو / GX-r/ برمودا ولماذا؟

[الهدف]

أي السيارات أفضل

يوكن / تاهو / GX-r / برمودا

اللي عنده راي ياليت يذكر سبب رأيه مع توضح المميزات والمساوئ

[سعادة الوزير]

الارمادا (مب البرمودا) : سيارة شكلها حلو ومكينتها قويه ووسيعه، لكن في الاخير عيبها انها نيسان، وخاصة هالسيارة انا قريت عنها تجارب كثيره من مواقع متخصصه في لانترنت والكل يشتكي من الجودة الضعيفه في الصنع (قرقعه، اصوات، فيها شوية خرابات في الكهرباء).

اليوكن/ التاهو : سيارة ذات جوده عالية، سعرها جدا جدا مناسب، مكينتها قوية، مايعيبها شي بصراحة، بس عيبها ان شلكها تغير بامريكا وبينزل الشكل الجديد بعد كم شهر عندنا يعني اصبر شوي. واذا اخترت اليوكن بتحصل احسن خدمة بين كل الوكالات.

التيوتا : جوده عالية، بس هذي الميزه الوحيدة، ومساوؤها انه سعرها مبالغ فيه (سيارة سيتاتها خلق يعني حتى مب مخمل ب 170 الف!! عبدالغني يتغشمر الظاهر!!) وبعد شكلها بيتغير بعد سنه، يعني بتكون قيمتها فوق ال 200 الف بعد التغيير!

الخلاصة، وجهة نظري الشخصية هي لليوكن بس انطر الجديد.

[عضو قديم]

GX-r
والسبب لانه الافضل

[ولد قطــــــر]

وااللله انا اقوول الارمادا افضل بوااايد من اليوكن ,,, وانا اخالف الاخ سعاده الوزير بخصوص الارمادا انه قرقعه واصوات ومادري ايششش ,,, لانه موتر ما عليييه كلام ,, وسعره معقوووووووول جدا مقارنه مع غيره .. (مخمل فتحه ورنجات 143000ريال) ,,, .. وانا اقولك من تجربه .. لاني ماخذ حق البيت واااحد من اكثر من سنه .. وما صار معاي اي شي من اللي انت قلته الصراحه.

وبعدين الموتر ما تقارنه مع تويوتا Gx_r لانه من فئه ثانيه ... اول شي لان الارمادا 8سلندر 5.6 والجي اكس ار 6 سلندر 4.5 ... وثاني شي الارمادا اوسع بوايد من Gx-r .. وتقارنه باليوكن

[keep calm]

انصحك با اليوكن قوه سعه سعر مناسب شكل جميل صرفيه بترول قليله جدا بسبب نظام البخاخ الممتاز ضمان على طرق السفر وفي بلدان الخليج با الاضافه الى الاردن لبنان سوريا

وتحمل تاخذ تويوتا تراه يحرق آيل اذا وقفت فيه مدة والمكيف شغال وحركات شوف سحابه الدخان وراك وبعديين تركيب تايلاند غله بحر ولاتفكر فيه

[الهدف]

اخواني ( سعادة الوزير ، عضو قديم . ولد قطــــــر ، ابونورة )
شكراً على مروركم ونصايحكم

أنا بصراحة أميل لليوكن ، المشكلة إني محتاج الحين سيارة بشكل عاجل وافكر اروح المملكة ( الجميح) وأخاف أندم بعد ما ينزل الموديل الجديد 2007

أبي مشورتكم يا شباب ؟

[لمت داون111]

GX-r
والسبب لانه الافضل
:nice:

[لمت داون111]

انصحك با اليوكن قوه سعه سعر مناسب شكل جميل صرفيه بترول قليله جدا بسبب نظام البخاخ الممتاز ضمان على طرق السفر وفي بلدان الخليج با الاضافه الى الاردن لبنان سوريا

وتحمل تاخذ تويوتا تراه يحرق آيل اذا وقفت فيه مدة والمكيف شغال وحركات شوف سحابه الدخان وراك وبعديين تركيب تايلاند غله بحر ولاتفكر فيه
اخوي من قالك التويوتا يحرق آيل؟ اول مره اسمع والله طول مانت محافظ عليه مستحيل يحرق آيل يالغالي والكلام الي قلته مب صحيح ياما وقفت السياره حول الساعتين وهي شغاله ولا فيها الا كل خير والحمدلله بس الحراره بترتفع شي بسيط جدا بس بعد بتكون الحراره تحت النص واول ماتمشي بتنزل من نفسها

ومن قالك انها تجميع تايلاند ؟ انت الظاهر قصدك علي الفور ويل الجديد الي يشبهه البرادو لانه صحيح تجميع تايلاند وسمعت انه يقرقرع مع الاستعمال الخشن مب مثل الكروزر ما شاء الله لانه للحين ياباني×ياباني :nice: مب لقيط مثل ذاك الموتر :eek2:

وموفق يالهدف

[Qa6ar]

كلمه وحده التويوتا بس والسبب واضح

شيك بمخباك

وأي مكان بتلاقي صيانه بأي داعوس بأي بلد خليجي

[Fahad Alqahtani]

كلمه وحده التويوتا بس والسبب واضح

شيك بمخباك




تويوتا وبس :nice:

[BURBERRY]

انا اشوف اليوكن 2006 احلى من 2007

اللاند كروزر هو الاحسن لكن بصراحه لاعت جبدي من كثر ما اشوفه في الدوحة

الارمادا اشووووفه حلو و تقدر تقارنه باليوكن

[بو عبدالرحمن السهم]

لاسكاليد حلو وفخم عن تجربه لان عندي ومرتاح عليه

[سعادة الوزير]

لاسكاليد حلو وفخم عن تجربه لان عندي ومرتاح عليه

كلامك حلو، بالنسبة لي انا اشوف ان الاسكيليد هو انجح سيارة فور ويل لحد الآن.

[ولد قطــــــر]

كلامك حلو، بالنسبة لي انا اشوف ان الاسكيليد هو انجح سيارة فور ويل لحد الآن.


اذا الاسكليد احسن سياره فورويل لحد الان !!!! عيل وين راح الرنج وال X5 والكايين ,,, والمرسدس واللكزس الفورويل والانفنتي ؟؟؟؟؟؟؟؟ الصراحه مافي مقارنه للاسكاليد مع اي سياره من الي ذكرتهم

[انسان حساسي]

جكسار والسبب بتعرفه بعد ماتسوقه ............

[سعادة الوزير]

اذا الاسكليد احسن سياره فورويل لحد الان !!!! عيل وين راح الرنج وال X5 والكايين ,,, والمرسدس واللكزس الفورويل والانفنتي ؟؟؟؟؟؟؟؟ الصراحه مافي مقارنه للاسكاليد مع اي سياره من الي ذكرتهم


طويل العمر انا ما اقارن بالشهره بس، صحيح السيارات الي ذكرتها لها سوقها ومشهوره و من ماركات محترمه، بس اذا بتقارن الجوده فالاسكيليد افضل (ال x5 و الرنج والكايين والمرسدس الفورويل اذا صار عمرهم 7 ولا 8 سنوات شلون بيكون حالهم؟؟) والسعر بعد لصالح الاسكيليد (السيارات الثانية سعرها ضعف سعر الاسكيليد) وخدمة الوكالة (المناعي تودي سيارتك لهم يعطونك سيارة من عندهم تستخدمها ابلاش، تغير ايل وتسوي صيانه في اي مكان اي سي ديلكو، اسعار قطع الغيار لا تقارن باسعار قطع غيار السيارات الثانية، كفاية وكالة البورش عشان تغيير ايل المكينة السيارة تقعد عندهم ثلاث ايام!!!، اما عن خدمة عبدالغني فحدث ولا حرج، اكيد انتو عارفين الحال هناك!!) وفي الاخير باقول لك عن الحجم والوسع من داخل، ال X5 والكاين قرقور، ماينفع حق عايله ابدا.

وفي الاخير هي تفرق من واحد لين واحد، انا مقياسي على سيارة عمر، وفي ناس مقياسهم سيارة حق كشخة سنه وبعدين يبيعها، يعني في الاخير هي وجهة نظر شخصية.

[Aigner]

طويل العمر انا ما اقارن بالشهره بس، صحيح السيارات الي ذكرتها لها سوقها ومشهوره و من ماركات محترمه، بس اذا بتقارن الجوده فالاسكيليد افضل (ال x5 و الرنج والكايين والمرسدس الفورويل اذا صار عمرهم 7 ولا 8 سنوات شلون بيكون حالهم؟؟) والسعر بعد لصالح الاسكيليد (السيارات الثانية سعرها ضعف سعر الاسكيليد) وخدمة الوكالة (المناعي تودي سيارتك لهم يعطونك سيارة من عندهم تستخدمها ابلاش، تغير ايل وتسوي صيانه في اي مكان اي سي ديلكو، اسعار قطع الغيار لا تقارن باسعار قطع غيار السيارات الثانية، كفاية وكالة البورش عشان تغيير ايل المكينة السيارة تقعد عندهم ثلاث ايام!!!، اما عن خدمة عبدالغني فحدث ولا حرج، اكيد انتو عارفين الحال هناك!!) وفي الاخير باقول لك عن الحجم والوسع من داخل، ال X5 والكاين قرقور، ماينفع حق عايله ابدا.

وفي الاخير هي تفرق من واحد لين واحد، انا مقياسي على سيارة عمر، وفي ناس مقياسهم سيارة حق كشخة سنه وبعدين يبيعها، يعني في الاخير هي وجهة نظر شخصية.


كلام سليم 100% بس الاسكاليد بيتغير شكله بعد مع اليوكن :nice:

[s55]

اخوي خذ gx-r وانت مغمض والبرمودا نيسان ومعرف النيسان فصرف البترول

[حمد]

اخوي خذ gx-r وانت مغمض والبرمودا نيسان ومعرف النيسان فصرف البترول


اخوي

البرمودا .... بنطلون :funny:

اما الي تقصد الارمادا ... هذا نيسان :deal:

[ورقــة أمــل]

اخوي

البرمودا .... بنطلون :funny:

اما الي تقصد الارمادا ... هذا نيسان :deal:



ههههههههههههههههههههههههه :D :D

[لمت داون111]

اخوي وانت ليه محتارللحين ؟ الرغبه الاولي والاخيره ترجع لك ومستحيل تلقي رأي واحد بين الناس ولا جان الوكالات كلهم سكرو وتمينا علي وكاله وحده !!!!!!

بختصر لك الكلام .. لو تبي موتر يعيش معاك عمر وسعره مايطيح وايد وحق خطوط ويتحمل عليك باليوكن وبلا نقاش لانه فعلا موووووتر .. ولكن عن اذا تبي موتر كشخه ورزه ويتضبط ويعيش معاك ويعتبر شيك في مخباك عليك بالجي اكس ار

اليوكن اريح واوسع ولكن عيبه انه مب شبابي ..... وبالتوفيق اخوي ....... :)

[ماي الذهب]

اخوي نصيحه لوجه الله اسمع وانت حر انصحك في ال Vx-r و انا مجرب الgx-r من قبل والله العظيم فرق بين السما والارض وماعليك من صرفية البترول صرفيته اقل من ال6 سلندر وانصحك تاخذه بشاشه
ومافي فرق بينك وبين اللكزس

وهاي وجهة نظري
والله يوفقك وتختار اللي خاطرك فيه