كم المبلغ الي المفروض يودي في اوروبا

[فـــــواز]

السلام عليكم ورحمه الله وبركاته


كم المبلغ الي الواحد المفروض انه يبلغ الجمارك يعلمه يعني كل الواحد كم اللميت الي معه بالكثير
لو المفروض معاي ٢ او ١٠ اشخاص كل شخص كم المفروض اللميت حقه باليورو


الي اخبره او سمعت مايعادل ١٠٠٠٠ الف يوروواكثر لازم يخبر الموظف اضن كل شخص صح او انا غلطان
يعني لو معي ١٠ اشخاص كل شخص لازم يودي اقل من ١٠٠٠٠ الاف يورو علشان ماتجمرك فلوسه صح

[Zekreet]

أخوي فواز
شوف محد بيفتشك وبيقول كم عندك كاااش وبتمر من الكاونتر ولا حد سائل...بس ما أنصحك
والله الأزمه لاعبه لعب في الناس في أوروبا وخصوصا فرنسا يعني متسولين كثار وناس بدون وظايف ...يعني الحذر واجب وخصوصا 10,000 يورو كبيره
تجربه شخصيه: وديت معاي كاش وجيت ادفع حق الشيك اوت 2000 يورو ...الله يشهد انها بطلت عيونها وقالت لي تعال داخل ما يصير تشيل كل هالكاش في فرنسا

الحذر والواجب....والله يوفقك انشالله

[Chambray]

اخوي في فرنسا للشخص الواحد 10 آلاف يورو بس مب اكثر
اذا اكثر ياخذونها منك ههههههه

يعني شخصين 20 الف
3
30 الف وهشكل

اعتقد اوروبا كلها هشكل



أخوي فواز
شوف محد بيفتشك وبيقول كم عندك كاااش وبتمر من الكاونتر ولا حد سائل...بس ما أنصحك
والله الأزمه لاعبه لعب في الناس في أوروبا وخصوصا فرنسا يعني متسولين كثار وناس بدون وظايف ...يعني الحذر واجب وخصوصا 10,000 يورو كبيره
تجربه شخصيه: وديت معاي كاش وجيت ادفع حق الشيك اوت 2000 يورو ...الله يشهد انها بطلت عيونها وقالت لي تعال داخل ما يصير تشيل كل هالكاش في فرنسا

الحذر والواجب....والله يوفقك انشالله

يارجال انا مرة اجرت سيارة ورحت مدينة تور دايركت من شارديغول
اول محطه وقفت فيها اصب بترول
طلع المبلغ 68 يورو
الكاش ماعندي إلا امهات 500
وعندي في البطاقه بس ما ابي اصرف الي في البطاقه
عطيتها ال 500 بطلت عيونها
قالت لي ماعندك عمله اصغر قلت لها لا
قالت لي احنا ما نقبل هالمبلغ
قلت لها عاد كيفكم تبون ولا بادق سلف حق سيارتي وباحرك
عطيتكم الفلوس ماتبون
تبون تشيكون عليها مزوره او لا عندكم من احين لين 10 دقايق دققوا فيها كثر ماتحبون

والله من مسؤول لين مسؤول ربع ساعه مسؤول رايح مسؤول جاي علشان ال 500 هههههههههههههه
اخر شئ عطوني الخرده وحركت
والله مشكلة هالدول :)

[خالي مشاعر]

اخوي لو اتبلغهم بالمبلغ احسن لان اذا مابلغتهم بياخذون 10 في المية ضريبه

وبعدين الفلوس لازم اتكون موزعه بينكم مايصير واحد يشيل مثلا عشرين الف ويقول هذا المبلغ لي وللي معاي

[التيما]

انا ماسألوني كلش بس ريلي واختي اسالوهم وقالوا لهم عادي انا ماخذت معاي الا ١٠٠٠ وكل واحد منا نفس المبلغ يورو ولمن احتاج اسحب بس مخليتها حق الضرورة كاش واجرنا سياره وتمشينا فيها في اوروبا وعادي يصرفونها صج يستغربون المبلغ بس شنسوي ونصيحه لا تطلع الفلوس عيني عينك والله وايد محذرينا لان ريلي ربي يحفظه ماكان يهتم والموظفين هناك يحذرونه .. *

[وحيد-الشوق]

اذا ماخاب ظني ممنوع تدخل اي مطار في اوروبا ومعاك اكثر من 10000 يورو كاش حتى لو معاك 20 الف وبتقولهم هذا فلوسي وفلوس اخوي مثلا اتوقع عادي ياخذون فلوسك هههههههه

امشي في السليم يحتار عدوك فيك :looking: