المساعد الشخصي الرقمي

مشاهدة النسخة كاملة : الجو حاررررررر اليوم شرايح يعملون مفتشين الفيفا لما يشوفون هالجو؟


بالول
10-09-2010, 01:57 PM
كنا انعيد اليوم ونلف على الاهل من بيت لي بيت لكن صراحة الحرارة اليوم كانت عالية والواحد لم ينزل من السيارة يتصبب عرق من الجو لدرجة ان يخلي مكيف السيارة شغال من غير اطفاء المحرك ..

لكن خطر في بالي سؤال بما ان مفتشين الفيفا جايين الاسبوع الجاي لتقييم ملف قطر كيف رايح يهضمون سالفة ارتفاع الحرارة خاصة وان احنا في شهر تسعة والبطولة ماتصير الا شهر 7 ؟؟؟
بس الجماعة عندنا متفائلين بالفوز اشلون ما ادري !!
khaldoon
10-09-2010, 02:08 PM
والله معاك حق....دايما اسأل نفس السؤال

الله يكون في العون....شهر البطوله بيمر على خير ان شاء الله

كل عام و انت بخير
كاشف الغطاء
10-09-2010, 02:09 PM
شكلهم مابيخلونهم يطلعون الظهر
وافق شنن طبقة
10-09-2010, 02:30 PM
بيقلبون مكيفات اهل قطر على برى

عشان الفيفا
مخطط قطري
10-09-2010, 02:35 PM
انا اشل شنبي كامل مب نصه لا كامل اذا صارت البطوله عندنا
يكفينا بس شرف المحاوله والصيت الي خذيناة بس نبي ربعنا مايشتطون ويصدقون الكذبه انه صج بناخذ الاستضافه وحتى تصريحهم لاسحب للاراضي مبين عليه استخفاف بالعقول
monatee
10-09-2010, 02:37 PM
زين خل يجوون اليوم قبل باجر ويصفقهم الحر

ويحطوون علينا اكس بالاحمر العريض

خير وبركه من البطولة
ابن السادة
10-09-2010, 02:40 PM
اعتقد الجو لايشكل عائق حيث سبق ان تم استضافة الاسياد وكانت بطولة ناجحة بكل المقاييس
airbus
10-09-2010, 02:48 PM
اعتقد الجو لايشكل عائق حيث سبق ان تم استضافة الاسياد وكانت بطولة ناجحة بكل المقاييس

الاسياد كان في شهر ١٢ مب شهر ٦
شبعان
10-09-2010, 03:12 PM
الفساد منتشر في الفيفا ..واللي يبي يتأكد يدش على قوقل ويكتب:"الفساد في الفيفا" او "FIFA Corruption "!!
اهم شي من اللي يدفع اكثر!! وما عليكم من هالجولات التفتيشيه..
عاشق ميونخ
10-09-2010, 03:21 PM
ان شاء ماتصير البطولة عندنا
ومشكلة اذا صارت بس من تحت الطاولة اعتقد الكل فهم اللي اقصدة لان هذا هو الحل الوحيد في اقامت هذي البطولة في قطر
M007
10-09-2010, 03:28 PM
احسن ان شالله مايختارون قطر

في اشياء اهم تحتاج تمويل في قطر بدل الكورة والتفاهات والخرابيط والمصخرة.
إينشتاين
10-09-2010, 03:37 PM
معقولة يبون يبنون ملاعب جديدة واحنا ماعندنا في الدوحة غير مستشفى عام واحد ؟؟؟!!!
الثاقب
10-09-2010, 04:57 PM
انشاء الله بنفوز بها والبركه في محمد بن حمد راح يكون يوم من ايام العرب
<اضرب واشرد>
10-09-2010, 05:04 PM
ياجماااااعة مسسسسسويييين الملاعب مغلقة ومكيفه وأمور وتقنيات فريدة من نوعها في العالم

لا تحاتون ، يعني عبالكم أنها غفلت عليهم واحنا المساكين صدناها ؟

أما بخصوووووص الموافقة فاللي يدفع أكثثثثثثثر ياخذها مثل مايقولووووون والله أعلم


معقولة يبون يبنون ملاعب جديدة واحنا ماعندنا في الدوحة غير مستشفى عام واحد ؟؟؟!!!


انتظر افتتاح مستشفىىىىى المشــــاف قريبا إن شاء الله
هتـان قطر
10-09-2010, 05:11 PM
الفلوس تنزل الروس.. وتسوي المستحيل
بوعبدالله779
10-09-2010, 05:14 PM
انا اشل شنبي كامل مب نصه لا كامل اذا صارت البطوله عندنا
يكفينا بس شرف المحاوله والصيت الي خذيناة بس نبي ربعنا مايشتطون ويصدقون الكذبه انه صج بناخذ الاستضافه وحتى تصريحهم لاسحب للاراضي مبين عليه استخفاف بالعقول

والله اخوي حطيت شنبك في خطر من غير داعي وانت تشوف الكل يقول اللي يدفع اكثر ياخذ شرف استضافة البطولة وانت شكلك راح تشيل الشنب يا غالي
الخير كله
10-09-2010, 05:40 PM
الرشاوي بتبرد عليهم ...
اللهم اسالك بنور وجهك وعرشك ان لا تعطي قطر هالملف بعزتك بعزتك بعزتك يا الله
captin
10-09-2010, 05:52 PM
لفلوس اللي من تحت الطاولة تسوي كل شي
تخلي كل شي يصير تخلي جوزيف بلاتر ولجنتة
يقول للحر برد وللبرد حر
Bu Rashid
10-09-2010, 06:30 PM
تعليقات حلووووووووه :yes:
ما عليك راح يسافرووون من عندنا وراح يكتبوووون قطر فيها امطار وبردي
رياني qtr
10-09-2010, 07:05 PM
يارب نكسب البطولة ان شاءالله الصراحة استغرب من الي يدعون انه مانكسبها
يالربع هاذي بطولة دول العالم تتنافس عليها لمتى وانتو تحندون والله دول العالم يحسدونا انه بنكسبها
M007
10-09-2010, 07:53 PM
يارب نكسب البطولة ان شاءالله الصراحة استغرب من الي يدعون انه مانكسبها
يالربع هاذي بطولة دول العالم تتنافس عليها لمتى وانتو تحندون والله دول العالم يحسدونا انه بنكسبها

مالت على الدول الثانية الي تتنافس عليها

شنو البطولة ؟؟؟ مجدرة لعبة تافهه لا اكثر ولا اقل يصرف عليها مبالغ كبيرة غير سلبياتها بدون اي مرجع مفيد.

الكورة رياضة اذا صارت اكبر من ذي يقطعونها
al-sadd
10-09-2010, 08:56 PM
^^^^^^^
اخوي اذكر الله بس
لاتنسى اسم الدوله هاي واحد
ولاتنسى اقتصاد الدوله
والبووووورصه بترتفع <<< هاي الي يهمكم
وقطر الي تشوفها اليوم بتصير احلى واحلى بعد ١٠ سنين !
وبتروح اوربى وامريكا وبتقول انا من قطـــر عاد ذيج الساعه محد بيقولك وين قطر !!
بتكبر المنافسات بين التجار = اشياء جديده وبضاعه غريبه !
والكثيييير الكثيييير

وانت اتقولي لعبه تافهه
بس رد على سوؤالي اخوي.!
الحين لو هاللعبه او هاللبطوله تافهه
ليش كل سنه يتقدمون لها الكثيييير من الدول ؟
بما انها تافهه يعني ! المفروض مايكون في تنافس ولا انا غلطان !
وعيدك مبارك
بومتعب
10-09-2010, 10:43 PM
سيصل فريق الفيفا يوم 14 سبتمبر القادم اي بعد اسبوع فقط من الان ... وسيقف على استعدادات الدولة وامكانياتها لاستضافة حدث كأس العالم .....

وهناك ملصقات و اعلام سيتم توزيعها في فيلاجيا والاندمارك ليقوم الجمهور بوضعها على سياراتهم ..

بشكل عام ملف قطر يعتبر الافضل من ناحية الامكانيات والتجهيزات وهو منافس قوي لملف استراليا وامريكا .......

ولكن للاسف العائق الوحيد هو الطقس ثم الطقس ثم الطقس ..... فهل ياترى ستقض لجنة الفيفا النظر عن هذه المشكلة ام لا !!!! خاصة وان الدولة قد تعهدت بتكيف كافة الملاعب التي ستستضيف مباريات كأس العالم .....

ننتظر ونشوف وش رايح يصير !!!
بوحارب
10-09-2010, 11:08 PM
لا اتمنى ان تصير البطولة في قطر :(
al-sadd
10-09-2010, 11:15 PM
افا يابوحارب
وانا اقول الحين بوحارب اول الفارحيين
الابلاد بتكبر وبتصير على مسامع الجميع
بوحارب
10-09-2010, 11:19 PM
افا يابوحارب
وانا اقول الحين بوحارب اول الفارحيين
الابلاد بتكبر وبتصير على مسامع الجميع

الأجانب اللي بيجون من برع بيجونا بقذارتهم وبتقاليدهم اللي مخالفة 100% عن تقاليدنا !

هالشي اللي مش مشجعني للبطولة

بعدين انت صارلك شهر كاتب في التوقيع باقيلك 15 سبوع !! ليكون الأسبوع عندك 40 يوم هههههه

وكل عام وانت بخير خالي :pioneer:
Radnes
10-09-2010, 11:25 PM
سيصل فريق الفيفا يوم 14 سبتمبر القادم اي بعد اسبوع فقط من الان ... وسيقف على استعدادات الدولة وامكانياتها لاستضافة حدث كأس العالم .....

وهناك ملصقات و اعلام سيتم توزيعها في فيلاجيا والاندمارك ليقوم الجمهور بوضعها على سياراتهم ..

بشكل عام ملف قطر يعتبر الافضل من ناحية الامكانيات والتجهيزات وهو منافس قوي لملف استراليا وامريكا .......

ولكن للاسف العائق الوحيد هو الطقس ثم الطقس ثم الطقس ..... فهل ياترى ستقض لجنة الفيفا النظر عن هذه المشكلة ام لا !!!! خاصة وان الدولة قد تعهدت بتكيف كافة الملاعب التي ستستضيف مباريات كأس العالم .....

ننتظر ونشوف وش رايح يصير !!!




يوم الثلاثاء القادم بعد اربعة ايام وليس اسبوع
شاهيناز
10-09-2010, 11:30 PM
الله يوفق قطر
اهم شي قطر تنجح

في كل ماتنوى تعمله

والله يوفق الريان يوم
14 سبتمبر

اللجنه بتجي والريان بيقابل السد في استاد السد

يبون يكشخون بجمهورنا لك الله يا الريان:no:


كلنا قطر

وكلنا الريان

اوبس:no:
ســـهم
10-09-2010, 11:52 PM
الله يستر

من نظرت بلاتر للوفد القطري عند تسليمه لملف قطر وانا خايف من نظرته وكأنه يقول انتم اللي راح تفوزون :(
LionFish
10-09-2010, 11:54 PM
افا يابوحارب
وانا اقول الحين بوحارب اول الفارحيين
الابلاد بتكبر وبتصير على مسامع الجميع
عندك مشكلة مع مستوى سمعتنا الحالي؟؟ :confused:
واللي للحين ماسمع عن قطر مب مهم يسمع خصوصا عن طريق الرياضة
وعندك مثال دبي ، مدينة اشهر من نار على علم حول الكرة الارضية ومااستضافت كاس العالم ولااسياد...
واذا على ان البلاد بتكبر هي بتكبر في كلتا الحالتين وانا اقول تكبر بشكل طبيعي افضل من هالطفرات اللي كلها تخبطXتخبط خصوصا على حساب الشعب

خلوا اللعبه لاهلها واحنا كفاية علينا نستمتع باحداثها على الجزيرة الرياضية القطرية :thumbup:
مشتاقة لقطر
11-09-2010, 12:24 AM
الله يكتب اللي فيه الخير لقطر واهل قطر يارررررررب
واحد 11
11-09-2010, 01:54 AM
نعم عندنا طموح كبيييييييييير وكل المسائل لها حل ...والمشاريع بحجم البطولة واكثر

لكن جونا القاسي .. لانستطيع نحن تحمله فكيف بمن سيأتون من دول باردة
نعم الجو مشكلة .. حتى وان استطعنا تكييف الملاعب فمن سيكيف الجو في قطر كلها ويبرده على هوؤلاء في الشوارع واماكن تجمهر المتفرجين ... والنشاطات الكثيرة خارج اسوار ملعب المباراة ... كيف سيعيش هؤلاء الالوف من الجماهير


الاسياد وبطولة اسيا جيدة بالنسبة لنا وارى غير ذلك صعب
ســـهم
11-09-2010, 02:05 AM
على فكره

السياح الغربيين لاينظرون الى كأس العالم انها كرة قدم فقـــط ومؤازره

بل يعتبره موسما سياحيا فماهي السياحه التي سيراها السياح في قطر

1 - على طول الريس وركوب الهجن في الرطوبه اللي تصلخ جلد الناقه قبل تصلخ جلودهم

2- المتحف الأسلامي وهو من افضل الاماكن السياحيه ( للأسف )

3 - سوق واقف اللي مافيه مواقف !!

4 - الكورنيش وهو ماشاء الله منبع الرطوبه والاماكن اللي يبون يصورون فيها السياح تكون محجوزه

للجاليه الهنديه وهي ... الدله اللي صوب الشيراتون ... واللؤلؤه صوب الفرضه وهي محجوزه من الجاليه النيباليه


الأهم من ذلك كله

هل قوات الأمن هنا كافيه لمثل هذه البطوله التي تحتاج ل 10,000 رجل أمن على أقل تقدير !!!
al-sadd
11-09-2010, 02:07 AM
يابوحارب يا حبيب قلبي انت
حتى لو ماستضفنا الدوله فيها اجانب ! ولاكن محد تعدا حدوده
يعني صحيح ان في امور شاذه ولاكن ترى كل شي وله ثمنه
يعني ماتبي تمشيهم بغتره وعقال وكروزر 96 فكسار ^ـ* ولا انا غلطان
هالامور لاهل الدوحه... واذا جاو اضن الدوله احسبت الف حساب حتى لاهال الامور
=) وبخصوص التوقيع زين ذكرتني الحين اغيره هههه ^^



عندك مشكلة مع مستوى سمعتنا الحالي؟؟ :confused:
واللي للحين ماسمع عن قطر مب مهم يسمع خصوصا عن طريق الرياضة
وعندك مثال دبي ، مدينة اشهر من نار على علم حول الكرة الارضية ومااستضافت كاس العالم ولااسياد...
واذا على ان البلاد بتكبر هي بتكبر في كلتا الحالتين وانا اقول تكبر بشكل طبيعي افضل من هالطفرات اللي كلها تخبطxتخبط خصوصا على حساب الشعب

خلوا اللعبه لاهلها واحنا كفاية علينا نستمتع باحداثها على الجزيرة الرياضية القطرية :thumbup:

عندك وجهة نظر اخوي وتقنع الواحد وماقصرت
لاكن فكر فيها فزاويه مختلفه دبي كانت الاوله يوم طلعت وكبرت
فكانت وجهه الاجانب الاولا
وبعد اخوي مايصير مايعرفونا بالعكس حلو يوم يعرفون عنا ويشوفوت تقاليدنا
al-sadd
11-09-2010, 02:09 AM
على فكره

السياح الغربيين لاينظرون الى كأس العالم انها كرة قدم فقـــط ومؤازره

بل يعتبره موسما سياحيا فماهي السياحه التي سيراها السياح في قطر

1 - على طول الريس وركوب الهجن في الرطوبه اللي تصلخ جلد الناقه قبل تصلخ جلودهم

2- المتحف الأسلامي وهو من افضل الاماكن السياحيه ( للأسف )

3 - سوق واقف اللي مافيه مواقف !!

4 - الكورنيش وهو ماشاء الله منبع الرطوبه والاماكن اللي يبون يصورون فيها السياح تكون محجوزه

للجاليه الهنديه وهي ... الدله اللي صوب الشيراتون ... واللؤلؤه صوب الفرضه وهي محجوزه من الجاليه النيباليه


الأهم من ذلك كله

هل قوات الأمن هنا كافيه لمثل هذه البطوله التي تحتاج ل 10,000 رجل أمن على أقل تقدير !!!

نتفأل خير اخوي :eek2:
ليش مانقول ان شاءالله راح تصير كل هالاماكن حلوه بعد الموافقه
هو صحيح ان كله الحالتين وافقو او ماوفقو علينا لازم يرتبون هالاماكن
لاكن مع البطوله بتزيد همة بعض المسوؤلين وبيرتبون هالاماكن بسرعه :looking:
ســـهم
11-09-2010, 02:18 AM
نتفأل خير اخوي :eek2:
ليش مانقول ان شاءالله راح تصير كل هالاماكن حلوه بعد الموافقه
هو صحيح ان كله الحالتين وافقو او ماوفقو علينا لازم يرتبون هالاماكن
لاكن مع البطوله بتزيد همة بعض المسوؤلين وبيرتبون هالاماكن بسرعه :looking:

مانبيها

ماليزيا لم تطالب بكأس العالم وهي افضل من الدول الاوربيه في التنظيم

هل تعتقد اننا كشعب صغير لن نتأثر بما سيأتينا من عادات

وهل تعتقد أنه سيكون رجال الأمن سيلبون طلب المستنجد من دخول سكارى أخر الليل منزله
في وقت كأس العالم والذي لن ولم يكون سوى بشرب البيره في اثناء متابعة المباراه وبعد انتهائها الى البارات وبعد البارات لايعلم توجه هؤلاء السكارى وتصرفاتهم سوى الله تعالى

هذا غير مثيري الشغب أثناء المباريات والتي توجد لهم سفارات يحسب لها حساب ولن

يستطيع رجال الأمن هنا السيطره عليهم مثل الأنجليز .

حفظنا الله وأياكم ..
صوت الضمير
11-09-2010, 02:18 AM
سؤال في بالي شالفائده من هالبطولة؟؟؟؟؟

هل هو صرف المليارات من غير داعي

ترا حنا أولى .. بمستشفيات عدله وبجامعات واماكن ترفيهيه والاهم صالات افراح بأسعار منخفضه

واهم من ذلك تسديد ديون المواطن ..

الله كريم
toomi9
11-09-2010, 02:24 AM
يمكن يسونه فاشتا الجو يكون عدل شوي
ســـهم
11-09-2010, 02:26 AM
يمكن يسونه فاشتا الجو يكون عدل شوي

مايصير :yes:

موعدها ثابت شهر 6

يعني عندما تكون الشمس عاموديه في قطر

يعني من السماء الى الرأس :looking:
al-sadd
11-09-2010, 02:27 AM
انا معاك اخوي سهم وكلامك فوق الراس
ولاكن تتوقع الدوله تنسى مثل هالامور واتحط نفسها فموقف قوي مع الشعب ؟؟
Ussop
11-09-2010, 09:28 AM
أتوقع يوم يجون لجنة التفتيش، بنشوف ربعنا شايلين مكيفات على رووسهم ويلاحقون هاللجنة.

يارب يكون الجو في قمة حرارته وتوهجه ورطوبته خلال أيام تواجد اللجنة، قولو آمين.
باسكن روبنز
11-09-2010, 10:17 AM
http://farm4.static.flickr.com/3346/3421174196_aa7237e59a_z.jpg?zz=1

بيعجبهم غصبن عنهم ،:p
ارين
11-09-2010, 12:58 PM
خاطري أبي أعرف .. لين متى بيستمر تفكيرنا سطحي وتفكيرنا منحصر في الكوررررة

وأغلب منافساتنا ما تكون إلا في الرياضة .. لماذا لا تكون هناك مجالات للتنافس غير الرياضة .. أو بالإضافة إليها كأن تصبح في

العلم والاكتشافات العلمية والطب والهندسة والاقتصاد ... الخ والا احنا مب فالحين إلا في الرياضة ..

وبعدين انتو خايفين على الأجانب من الحر .. عيل اش راح يسوون في نار جهنم ..

اللي حر الدنيا هو جزء من سبعين جزء من نار جهنم .. الله يكفينا عذابها ..

وسلامتكم
مهل
11-09-2010, 01:07 PM
اتمنى يودونهم العديد في هذا الجو الزين و يغرزون تغريزه مالها حل :)
الصريحه
11-09-2010, 04:12 PM
انا اشل شنبي كامل مب نصه لا كامل اذا صارت البطوله عندنا
يكفينا بس شرف المحاوله والصيت الي خذيناة بس نبي ربعنا مايشتطون ويصدقون الكذبه انه صج بناخذ الاستضافه وحتى تصريحهم لاسحب للاراضي مبين عليه استخفاف بالعقول

....................
شمعة الدوحه
11-09-2010, 04:29 PM
باسكن روبنز رده عجيب :thumbup:
هههههههههههههههههههه

يحلمون يحلمون اللي في الفيفا يفكرون :eek2:

بتطبخهم شمسنا عدل وخبركم الاجانب مو مال تمشيه في سيارات يحبون المشي وايد

خل يمشون في جونا دقيقه بس اذا ماصاروا دجاجه مقليه مااكون شمعوه :strong2:
toomi9
11-09-2010, 04:44 PM
لايسون ولا يفشلونا
بصراحه احنا الشعب متمللين مافي اماكان عدله سياحيه
غير كذا مكان وياااابلفيت وتجي صفررر فالسياحه عند باقي البلدان
لو انهم مخططين يسون اماكن سياحيه ومدن اللعاب عدله مثل العالم والناس ومجمعات اكثر وحدايق وافكار ثانيه تبهر السياح ذيكي الحزه بقول سووا وانا مفتخره مب يجونا الاجانب يتطنزون ويروحون
MoneyMaker
11-09-2010, 05:23 PM
انا اشل شنبي كامل مب نصه لا كامل اذا صارت البطوله عندنا
يكفينا بس شرف المحاوله والصيت الي خذيناة بس نبي ربعنا مايشتطون ويصدقون الكذبه انه صج بناخذ الاستضافه وحتى تصريحهم لاسحب للاراضي مبين عليه استخفاف بالعقول

شنب في مهب الريح
عنوووود
11-09-2010, 06:37 PM
معقولة يبون يبنون ملاعب جديدة واحنا ماعندنا في الدوحة غير مستشفى عام واحد ؟؟؟!!!

إي والله محتااااااااااااجين على الأقل جهااااز رنين مغناطيسي ثاني


تعبنا من الإنتظار ، تعبنا من الأطباء الي ما يشخصون بالجهاز الا بعد ماتتفاقم الحالة والسبب الزحمة على الجهااااااااااااااااز

، والله مب محتاجين شهرة يا قطر على حساب إستقرارنا النفسي والصحي في بلادنا

محتاجين أماكن ترفيهية حق عيالنا ، أماكن تستاهل كل ريال يندفع فيها ، مب هالخيم والألعاب المتنقلة

محتااجين صاااالااات أفراح ، وكفاية هذا الي معطينه حق الإحتكار الصالات ، ماشبع من الفلووووس ، مايخاف من دعاااوي النااااس

محتااااجين صالات جيم رياضة للنساء ويكون فيها مدربات وسباحة متوزعة في مناطق قطر ، تعبنا كل شي خاص ودفع فلووووس

وياااااااا عالم كم بيوت بتنزع ملكياتها وكم اراضي بيتم تأجيل صرفها عشان الرياضة ، وكم أراضي إنصرفت ومافيها أي خدمات
بومتعب
11-09-2010, 10:51 PM
مافي اي مشكلة ...
باز top vip ... وفيه مكيف ينفخ سعة 10 طن ... ياخذ اعضاء لجنة الفيفا ويدور فيهم في جميع الملاعب من غير ماينزلون .... مع توفير رحلة بحرية في افخم انواع اليخوت من وجبات محترمة .... وشوف الاستضافة اذا ماجاتك
ألعب بعيد
11-09-2010, 11:09 PM
كاس عالم هاه

شفتو جنوب افريقيا كيف ؟ سكارى في الملاعب وتحذيف غراش

بكرة بيجونا وبيخلون قطر ديسكو كاس العالم القطري .. ( حبتيــن ) كل واحد لاكها ...اعوذ بالله

طبعا الزنا بينتشر بشكل رهيب وهذه شي ماحسبتوا حسابه ابد .. الزنا بيزيد بسبب العاهرات اللي بيجون واللواط الله يعزكم بسبب الشواذ اللي بيوصلون .. تعوذوا من الشيطان ياللجنة الاولمبية القطرية وخلو كاس العالم ترا ماحن ناقصين مشاكل ... وبلاوي .. نادي الريان فديته هع يوم فاز في كاس الامير الشوارع تسكرت من الزحمة عجل تخيلو كاس العالم ! لا والله وصلنا خير
القانوني2
11-09-2010, 11:15 PM
المفروض كل قطري يفتخر انه بلدنا قطر تحمل بطولة كأس العالم انا بنفسي افتخر بلدي قطر بلد الخير و الحمدالله أكبر مثل الاسياد 2006 نشاءالله تطور قطر خلال سنوات القادمة أكثر خاصة في مجال طب و رياضة و الاعلام

قطري و أفتخر
بواردي
11-09-2010, 11:32 PM
الجو بعد العصر تغير
وان شاء الله يتم جي
المخباط
12-09-2010, 12:14 AM
سهالات انشالله
اهم شىء يكثرون من المستشفيات للجماهير حتى ما يسير نفوق جماعي من ضربة الشمس

ويقولون عن سنة استضافتنا للبطولة( تايم اوف دراوت)اذا بغوا يذكرونها
بنت ابوها 19
12-09-2010, 12:29 AM
انتو مصدقين القرعه واللجنه التفتيشيه يابابا ذوله دافعين بالهبل صدقني بس عشان يفوزووون


بس عسي دعوااااائي بالعشر الاواخر مستجاب


عسانا مانفوووز يارب
al-sadd
12-09-2010, 12:43 AM
الي يقول دافعين فلوس
ترى انت جالس تتهم بلادك بالرشوه !!!
اتعرف يعني شنو رشوه !! الله اكبر عليكم !!
بواردي
12-09-2010, 01:57 AM
الي يقول دافعين فلوس
ترى انت جالس تتهم بلادك بالرشوه !!!
اتعرف يعني شنو رشوه !! الله اكبر عليكم !!

صدقت والله

نص الردود اللي تشوفها ويقولون ما نبي البطولة ترى والله مب قطريين

ما نبي نكشف اوراق بعض

وانتم حدكم بطولة الخليج
اللي فضحتونا فيها

والله لو يبون متطوعين انا اول واحد

هاي كاس العالم ياااااعالم
al-sadd
12-09-2010, 01:59 AM
صدقتي والله

نص الردود اللي تشوفينها ويقولون ما نبي البطولة ترى والله مب قطريين

ما نبي نكشف اوراق بعض

وانتم حدكم بطولة الخليج
اللي فضحتونا فيها

والله لو يبون متطوعين انا اول واحد

هاي كاس العالم ياااااعالم

والله صدقت اخوي اشك انه الي يقول مثل هالكلام عن بلاده يكون قطري
:looking:

بس للتوضيح اني ذكر وليس نثيى :eek2:
بواردي
12-09-2010, 02:18 AM
اخوي السد تم التعديل

يكفينا فخر اننا الوحيدين اللي نافس دول عظمى بحجم امريكا واليابان وغيرهم


ولاعزاء للجح
M007
12-09-2010, 02:21 AM
الي يقول دافعين فلوس
ترى انت جالس تتهم بلادك بالرشوه !!!
اتعرف يعني شنو رشوه !! الله اكبر عليكم !!

هههه

في قطر؟ عادي...
M007
12-09-2010, 02:22 AM
صدقت والله

نص الردود اللي تشوفها ويقولون ما نبي البطولة ترى والله مب قطريين

ما نبي نكشف اوراق بعض

وانتم حدكم بطولة الخليج
اللي فضحتونا فيها

والله لو يبون متطوعين انا اول واحد

هاي كاس العالم ياااااعالم

على كيفك..

الي ضدها يشوفون ان الفلوس ممكن تصرف في شي له قيمة ومعني غير كورة تافهه.
(الفلوس الي بيدفعونها اكيد من دخل الدولة مب من جيوب المنظمين)
بواردي
12-09-2010, 02:41 AM
على كيفك..

الي ضدها يشوفون ان الفلوس ممكن تصرف في شي له قيمة ومعني غير كورة تافهه.
(الفلوس الي بيدفعونها اكيد من دخل الدولة مب من جيوب المنظمين)

لا على كيفك

يعني انت فاهم ان الفلوس اللي بتندفع في ملف الاستضافة بيشترون فيها كور وتيشرتات؟؟؟؟؟؟؟؟؟؟؟؟

واللي تدفعه الحكومة بيرد وزيادة ولاتنسى الخدمات والمستشفيات والطرق والبنية التحتية والمواصلات والسياحة والفنادق ...؟

والحكومة والفيفا ما بينطرون ردي وردك عشان يرفضون او يوافقون
ابن قطر
12-09-2010, 02:53 AM
ناااااااااااامل استضااااااااافة 2022

نستاااااااااااهل

وعموماااااااااااا الحر عادي في كل مكااااااااان صار

وجنوب افريقيا كان استثناء وبرد لان المعتاد تنظيم كاس العالم بالصيف ولا نسيتوا 94 في امريكا

حر وموت ونظموااااااا

الله يوفقنا ..
al-sadd
12-09-2010, 02:55 AM
هههه

في قطر؟ عادي...

صبر ايوب على بلواه
ترا انت ماخذها بسهوله كلمه رشوه !!!
ياخي وقسم بالله الكلمه صارت عاديه بالنسبه لكم والطامه انها لبلادكم ...!!!
ياوجه استح بلادك ذي انت وياه تتهمها بالرشوه !
استغفرالله العلي العظيم !
الحين انا الي متغرب برى البلاد ماقول ولا افكر اتكلم عنها جي وانتو يالي فيها تقولون مثل هالاكلام !!!!!!!
لا حول ولا قوة الا بالله العلي العظيم
M007
12-09-2010, 03:12 AM
صبر ايوب على بلواه
ترا انت ماخذها بسهوله كلمه رشوه !!!
ياخي وقسم بالله الكلمه صارت عاديه بالنسبه لكم والطامه انها لبلادكم ...!!!
ياوجه استح بلادك ذي انت وياه تتهمها بالرشوه !
استغفرالله العلي العظيم !
الحين انا الي متغرب برى البلاد ماقول ولا افكر اتكلم عنها جي وانتو يالي فيها تقولون مثل هالاكلام !!!!!!!
لا حول ولا قوة الا بالله العلي العظيم

مادام الخمور تنباع بكثرة، وفي فساد في التعليم، وجزء كبير من الشباب مجنون وكل همه سيارته واخرته ينقلب ويموت...الخ

انت ادرى بالباقي
عنيــــد
12-09-2010, 03:29 AM
الامور محسومه و منتهيه

و ربعنا خذوا الاستضافه و الموضوع مخلصينه

اللي يصير الحين ديكور و بس
al-sadd
12-09-2010, 03:42 AM
مادام الخمور تنباع بكثرة، وفي فساد في التعليم، وجزء كبير من الشباب مجنون وكل همه سيارته واخرته ينقلب ويموت...الخ

انت ادرى بالباقي

اولا عمري ماشفت خمور تنباع في الدوحه ولله الحمد لو تنباع ماعرف اماكنها لاني ماتردد عليها !! ومادري شلون اتعرف انها تنباع بكثره لانها هاذي اول مره ادري !!! صحيح الفنادق تبيع ولاكن هاي فكل مكان !

الفساد في التعليم من اي ناحيه ؟ يوم طلعت النتايج قلتو فساد !!
هذا انا نجحت وانا ادرس برى ! وغيري جاب فوق الــ ٩٠ كنا نسهر الليل واحنا ندرس ولله الحمد جبنا النتايج الحلوه وكلنا ندرس بره ولله الحمد وين الفساد !!

وجزء اكبير من الشباب فاسدين !!! يعني يوم يستعرض يعتبر فاسد
انزين اعطيك اياها على بلاطه انا استعرض واروح طيب الرقده وخط النقيان
وكل اسبوعين سيلين ! واعرف شباب كثااار نفسي لاكن مش فاسدين !
هذا انا ادرس جامعه وغيري داشين جامعه قطر وكلنا ندرس ونخاف ربنا ولله الحمد !! والشباب فيهم الخير والبركه ! ولو اعتزت واحد قالك لبيه !!!!!!

وبخصوص انت ادرى بالباقي لا يبى مادري بشي !
لان العرفه ان قطر تاج فوق روس الكل ودوم بتبقى شريفه ومافيها هالكلام الي تقولونه !!!!! وعمري ماني مصدق وبعيش فيها وانا مرتاح !
وخلكم انتو مع كلامكم الي اهم شي عندكم اتشوهون السمعه !! خذ كلامي بعين الاعتبار اخوي وفكر فيه تراها بلادك في الاخير وبدال ماتذهم فيها حاول تصلح الي تقدر عليه ولله الحمد عندنا مسوؤلين يصلحون الي خترب هذا اذا فيه خراب !



الامور محسومه و منتهيه

و ربعنا خذوا الاستضافه و الموضوع مخلصينه

اللي يصير الحين ديكور و بس

من وين جايب هــ الكلام اخوي من البلاك بيري ؟
مصدر موثوق ١٠٠٪ هالابلاك بيري والله !!!
M007
12-09-2010, 03:50 AM
اولا عمري ماشفت خمور تنباع في الدوحه ولله الحمد لو تنباع ماعرف اماكنها لاني ماتردد عليها !! ومادري شلون اتعرف انها تنباع بكثره لانها هاذي اول مره ادري !!! صحيح الفنادق تبيع ولاكن هاي فكل مكان !

الفساد في التعليم من اي ناحيه ؟ يوم طلعت النتايج قلتو فساد !!
هذا انا نجحت وانا ادرس برى ! وغيري جاب فوق الــ ٩٠ كنا نسهر الليل واحنا ندرس ولله الحمد جبنا النتايج الحلوه وكلنا ندرس بره ولله الحمد وين الفساد !!

وجزء اكبير من الشباب فاسدين !!! يعني يوم يستعرض يعتبر فاسد
انزين اعطيك اياها على بلاطه انا استعرض واروح طيب الرقده وخط النقيان
وكل اسبوعين سيلين ! واعرف شباب كثااار نفسي لاكن مش فاسدين !
هذا انا ادرس جامعه وغيري داشين جامعه قطر وكلنا ندرس ونخاف ربنا ولله الحمد !! والشباب فيهم الخير والبركه ! ولو اعتزت واحد قالك لبيه !!!!!!

وبخصوص انت ادرى بالباقي لا يبى مادري بشي !
لان العرفه ان قطر تاج فوق روس الكل ودوم بتبقى شريفه ومافيها هالكلام الي تقولونه !!!!! وعمري ماني مصدق وبعيش فيها وانا مرتاح !
وخلكم انتو مع كلامكم الي اهم شي عندكم اتشوهون السمعه !! خذ كلامي بعين الاعتبار اخوي وفكر فيه تراها بلادك في الاخير وبدال ماتذهم فيها حاول تصلح الي تقدر عليه ولله الحمد عندنا مسوؤلين يصلحون الي خترب هذا اذا فيه خراب !




من وين جايب هــ الكلام اخوي من البلاك بيري ؟
مصدر موثوق ١٠٠٪ هالابلاك بيري والله !!!

شدخل الدرجات، انا توني متخرج بنسبة 85% هندسة، للاسف ماقدر ادخل الجامعة بسبب قصة طويل وانا في الجسر لاني ارفض اني ادخل جامعة قطر.
ومابي ادرس برع. وان شالله ماتكون اكثر من 4 شهور وادخل الجامعة الي ابيهها

اعتقد الكل عارف شكبر الفساد في التعليم عندنا اما انت عايش في احلامك...
al-sadd
12-09-2010, 03:57 AM
شدخل الدرجات، انا توني متخرج بنسبة 85% هندسة، للاسف ماقدر ادخل الجامعة بسبب قصة طويل وانا في الجسر لاني ارفض اني ادخل جامعة قطر.
ومابي ادرس برع. وان شالله ماتكون اكثر من 4 شهور وادخل الجامعة الي ابيهها

اعتقد الكل عارف شكبر الفساد في التعليم عندنا اما انت عايش في احلامك...

لا والله اخوي لا اني عايش فاحلامي ولاهم يحزنون !
لاكن في ناس ماتعجبهم العجب !!
والله لو يسون الي ماستوى بعد مايعجبهم !!!!!!!!!!!!!!!!
انزين بدال ماتقول اعتقد الكل عارف شكبر الفساد في التعليم ياخي
شبتخسر لو تقول لنا ! اوكي انا عايش فاحلامي ! ماعندي مشكله اتقبلها
يلا ياخي قولي وين الفساد !!! لاني ماعمري شفت الفساد !!
صحيح كانت في نقاط سوده ع المجلس الاعلى ولاكن مش لدرجه الفساد ...!!
وبعدين دقيقه وحده ابي توضيح !!! شجاب التعليم لــ موضوع الرشوه!!
شمدخل كل النقاط الي انت طرحتها فوق والي اسمحلي بس مالها اي اساس !
فموضوع الرشوه ! صدقني اخوي ان قطر ارفع من مستوى انها تعطي رشاوي !! لو يبون الاستضافه بيجيبونها بتعبهم ! مش بفلوسهم
qdalwatan
12-09-2010, 04:09 AM
البطولة عندنا إن شاء الله .. دعواتكم .. ودعوات اهل قطر الصالحين
بسنا خرابيط
12-09-2010, 04:47 AM
لو يبنون بالفلوس جامعات لعيالنا وايد ابرك

مساكين عيالنا كل شي بالانجليزي يجبرون عيالنا يسافرون مصر وعجمان يدرسون فيها ويتغربون عن بلادهم

وعقب ما يتخرجون يعتمدون شهاداتهم

طيب ليش من الاساس بالفلوس هذي اللي بتندفع حق كاس العالم ما تبنون فيها جامعات لعيالنا بالعربي بجميع التخصصات واتكون معتمدة بدال الغربه

اتمنى من سمو الامير يشوفون حل لعيالنا في التعليم بالفلوس اللي بتندفع حق كاس العالم

والله فيها أجــر عظيم

وما ورى كاس العالم الا الخربطه وصااااااروا الناس الحين يشككون بوطنية المعارض لكاس العالم

ربما لو تبحث في الشخص المدافع لإستضافه كاس العالم في المنتدى تلقااااه يا مراهق أو ما يهمه مصلحة بلده ويعتقد أنه يدعم وطنه بكأس عالم ما وراه الا الأثااااام والخربطه

ولو يتبرعون بالفلوس هذي حق باكستان ابرك من كاس العالم
بومتعب
12-09-2010, 10:02 PM
غدا الاثنين الموافق 13/9/2010 سيصل اعضاء من الفيفا للدوحة وسيبدؤون جولتهم التفتيشية يوم بعد غدا الثلاثاء وهناك جدول تم اعداده لهذه الزيارة يتضمن زيارة ملعب السد واستاد خليفة واسبيار اضافة الى زيارة مواقع الملاعب الجديدة التي سيتم انشاءها في حالة ماتمت الموافقة على الاستضافة ....
هذا ويتطلع الوفد لمعرفة مدى رضا وقبول الشارع القطري لاستضافة مثل هذا الحدث من خلال الالتقاء بعامة الشعب اثناء جولتهم التفقدية .. حيث يعتبر ذلك احد اهم شروط استضافة مثل هذا الحدث
a7med0_0
13-09-2010, 07:09 AM
يا الله يارب لو فيها لاهل قطر ومن فيها فالندعو جميعا ان الله يوفقنا لها
واذا ما فيها خير فالله يبعدها عنا
XXX
13-09-2010, 10:24 AM
سوال موجه لك يااخي ويااختي المواطنه

عطوني سبب واحد يخليك تفرح او تازر الملف

طبعا الكل يدري ان المكسب الاول والاهم للاستظافه هو سمعت قطر

هل بيتعدل وظعك المعيشي ؟

هل بتامن مستقبل عيالك؟

هل بتستفيد من الملاعب ؟( من زين لعبك ) المنتخب كله مجنسين استريح انت ف البيت

هل هل هل

اساله كثيره تدور في كل بيت ومجلس



تحياتي
الصريحه
13-09-2010, 02:43 PM
....................

عنيت انك واثق من نفسك انشاءالله ماتصير لاسباب الكل عارفها واولها الفلوس البلد احق بها في تحديث وزياده المرافق للدوله اللي تعبانه ومنتهيه
بس اخاف الفلوس تخليهم يوافقون