المساعد الشخصي الرقمي

مشاهدة النسخة كاملة : عيد مسجات ... مب عيد الفطر


البدع
11-09-2010, 05:24 AM
حشى

عيد مسجات

مب عيد فطر الي نعرفه

الله يرحم ايام قبل

ما ادري وش رايكم ؟
إينشتاين
11-09-2010, 05:34 AM
اخوي هذا حال الزمن وهذا شي منطقي

الآن هناك تمدد سكاني

هل تقدر تروح لكل الناس الي تعرفهم والي جاتك منهم مسجات او دزيت لهم مسجات عشان تعايدهم شخصياً

حتى الاتصالات فيها صعوبه ماتقدر تقضي ساعتين أو ثلاث ليلة العيد أو نهار العيد تتصل في كل الي تعرفهم

هذي تكنلوجيا سهلت علينا تبادل التهاني مع الناس الي نعرفهم ،، ولكن الأقرباء مثل الاخوان الخوال والاعمام زيارتهم ومعايدتهم شخصيا واجبه
captin
11-09-2010, 06:12 AM
حظ كيوتل :playball:

البدع ابدعت باختيار وطرح الموضوع

صارت التهاني بالمسجات والتواصل بالمسجات والايميلات
ما يندرى هل هو تطور ولا تعقيد في نواحي الحياة

بالنسبة لي كانت التهاني خلال العيد على ثلاث مستويات

تهاني مباشرة وجه لوجه

تهاني بالإتصال الهاتفي

تهاني بالمسجات

انا على سبيل المثال ارسلت فوق 300 رسالة تهنئة بالعيد
لزملاء العمل والاقارب والأصدقاء والشركاء في بعض الاعمال
الخاصة من داخل الدولة وخارجها

وطبعا استقبلت مثلهم او اكثر.

وكانت المسجات فرصة للوصول لأشخاص كنت ادور ارقامهم من زمان والزين معظم اللي يرسلون يذيلون الرسالة بأسمائهم .

ووسائل الاتصال التكنولوجية سلاح ذو حدين

ايجايبية بالوصول لأشخاص اكثر وانجاز اعمال أكبر بوقت أقصر .

واما سلبية تسبب العزلة التامة بحيث ان الشخص يكتفي بالتواصل
مع الآخرين من خلال وسائل الاتصال الحديثة ويصبح غير اجتماعي
ويكون تعامله مع الأجهزة وليس الأشخاص مباشرة .

المطلوب الوسطية والاعتدال استخدام عند الحاجة الفعلية لمن يتعذر
الوصول لهم ومقابلتهم بالطرق العادية.
قطرية فذة
11-09-2010, 06:30 AM
اللي يعايد يتصل

عن نفسي ماستخدم هذه العاده
باسكن روبنز
11-09-2010, 07:20 AM
مشاغل الدنيا وترتيبات العيد تمنعك تتصل لكل شخص في نفس اليوم ،
مشاوير الآهل غير آنك بتجابل مجلسك وجماعتك القراب منك وتزاور مجالس ربعك ،

تخيل كم رفيج عندك؟ وكم موظف معاك بالدوام؟ كم واحد معرفتك فيه رسميه ومب صداقه؟ ،
بتتصل بمن ولا من! ماعندك وقت اصلاً ،






وهم بعد الله آعلم بظروفهم جايز حد مسافر آو مريض آو مسجون ههههه والامثله كثيره ،
على الآقل بالمسجات آضعف الآيمان تتذكرهم ويذكرونك بكل خير ،


وكل سنه وآنت طيب يالبدع ،:strong2:
باسكن روبنز
11-09-2010, 07:21 AM
اللي يعايد يتصل

عن نفسي ماستخدم هذه العاده

آذكري الناس بيذكرونج ،:yes:
ناصر30
11-09-2010, 11:13 AM
اخوى البدع

صحيح افتقدنا التواصل السابق بما فيه من محبه واحساس

اكبر بفرحه العيد ولكن المسجات تؤدى الغرض مع الاغلبيه

بحكم المشاغل وزحمه الحياه لكن مثل ماتفضلوا الاخوان

فيه ناس ماعتقد مسج يكفى عشان توصل له مشاعرك




كل عام وانت بخير
Doha Sun
12-09-2010, 02:35 AM
ارسل مسج حق الناس العادية اما الربع لازم اسمع صوتهم في العيد لان المسج مايوصل الاحساس ..
وعساك من عواده
زقرتي ومزاجي
12-09-2010, 03:19 AM
حشى

عيد مسجات

مب عيد فطر الي نعرفه

الله يرحم ايام قبل

ما ادري وش رايكم ؟




للأسف هذا واقعنا توافرت التكنولوجيا .. وتنافرت القلوب وبعدت المسافات



فاصل

سيف: وينك مامريت علينا في العيد مب عادتك ؟؟
على : ارسلت لك مسج ليكون ماوصل !!


سؤال واقعي .. وجواب واقعي
هذا حالنا للأسف

البدع .. يعطيك العافيه
البدع
12-09-2010, 03:22 AM
للأسف هذا واقعنا توافرت التكنولوجيا .. وتنافرت القلوب وبعدت المسافات




هذا رايي انا ايضا ... وياليت احد يغلطنا
زقرتي ومزاجي
12-09-2010, 03:24 AM
هذا رايي انا ايضا ... ويالين احد يغلطنا


ننتظر ؟؟
تحداني
12-09-2010, 03:47 AM
ما أتنازل عن الإتصالات أبدا .. أبدا .. أبدا .. أمام الأحباب والأصدقاء والأعزاء
مهما كانت الأعذار بحجمها .. بوقعها .. بأي طريقه كانت
ومجرد أن تصلني على طول دليت ..مع إتصال يسبقني إليهم
حلوه هاذي يرسلون لي مسج وقتها ياويلهم يا سواد ليلهم
شيفكهم من العتاب :)



أما الرسائل مقبوله لدى " الزملاء " و تلك العلاقات السطحيه



جملك الله برضى الرحمن
بوحارب
12-09-2010, 05:12 AM
اي والله مسجات

حتى انا هالعيد طرشت مسجات بالهبل :(

كل عام وانت بخير خالي البدع