كلية المجتمع [الأرشيف] - منتديات شبكة الأسهم القطرية

مشاهدة النسخة كاملة : كلية المجتمع

نايف قطر

11-09-2010, 07:01 AM

مافي اخبار عنها؟؟؟؟؟؟؟؟

من كم يوم حطو مقال عنها قالو ان المبنى بيكون في منطقة الخليج الغربي

حد شاف المبنى؟؟؟؟وين مكانه

وبخصوص اول دفعه متى قالو لهم الدوام؟؟؟

latty

11-09-2010, 08:34 AM

المبنى بالدفنه استفسر عن مكانه من كيوتل او المجلس الاعلى

الدفعه الصباحيه راح تبدا 26 هالشهر وهي للفئه الغير عامله اي مب موظفين

الدفعه المسائيه راح تبدا ان شاء الله يناير وهي للموظفين فقط

وهذه المعلومات حسب اطلاعي واهتمامي بالموضوع

بالتوفيق

basma222

11-09-2010, 06:16 PM

جأت بنتي رسالة على الايميل تقول الرساله

فيه لقاء تعريفي تاريخ19/9 وبيكون الصبح من الساعه 9 الى 11 في مبنى الكلية في الخليج الغربي قرب مدرسة البيان

basma222

11-09-2010, 06:32 PM

، أكد الدكتور إبراهيم النعيمي رئيس لجنة تسير مشروع كلية المجتمع في قطر اكتمال الاستعدادات والتحضيرات لاستقبال الدفعة الأولى التي تضم أكثر من 300 طالب وطالبة في مبني الكلية بالخليج الغربي، مشيراً إلى أن الكلية بصدد عقد لقاء تعريفي يبدأ في 19 سبتمبر الجاري ولمدة أسبوع ليغطي جميع المراحل والمستويات الدراسية بالإضافة إلى تنظيم برامج إرشادية مكثفة لتعريف الطلبة وأولياء أمورهم ببرامج الكلية والرد على تساؤلاتهم واستفساراتهم، مشيراً إلى أن الدراسة ستبدأ رسمياً في الكلية في 26 سبتمبر الجاري في الفترة الصباحية من الساعة الثامنة إلى الساعة الثالثة ظهراً.

نايف قطر

13-09-2010, 05:39 AM

تسلمون عالردود

latty

13-09-2010, 09:07 AM

انا سمعت والله اعلم انهم فصلوا البنات عن العيال مدري صح او اشاعه يارب صح

basma222

13-09-2010, 12:31 PM

مبنى الكلية خلف مدرسة التعاون

البنات من الساعه 9 الى 11

basma222

13-09-2010, 12:36 PM

المدرسة خلف مدرسة التعاون بالضبط و هذا اللينك فيه الخريطة من موقع ويكي مابيا
http://wikimapia.org/#lat=25.3390809...4&z=17&l=0&m=b
موفق ..

latty

14-09-2010, 01:11 AM

مبنى الكلية خلف مدرسة التعاون

البنات من الساعه 9 الى 11

هلا اختي

ايش قصدك البنات من 9 الى 11

؟؟

basma222

14-09-2010, 11:45 AM

هلا اختي

ايش قصدك البنات من 9 الى 11

؟؟

اللقاء التعريفي تاريخ19/9 وبيكون الصبح من الساعه 9 الى 11 في مبنى الكلية في الخليج الغربي للبنات والكلية خلف مدرسة التعاون

والله يوفق الجميع

ريم المدينة

20-09-2010, 02:21 PM

اشصار في اللقاء التعريفي؟؟ ياريت اللي راح يوافينا بالموجز...

toomi9

20-09-2010, 04:00 PM

اصدموووونااااا :| :|

تحداني

20-09-2010, 04:12 PM

http://www.sec.gov.qa/content/resources/detail/41678
هذا ما حصل في اللقاء التعريفي

أتمنى أن أسمع من أحد الاعضاء الذي حضر اللقاء التعريفي لنتأكد
هل ما تم كتابته والتطرق اليه صحيح ام لا
وهل هناك أمور أخرى لم يتم ذكرها لأني للأسف لم استطع الحضور

وما هي السلبيات ؟؟ والإيجابيات ؟؟

جملكم الله برضى الرحمن

ريم المدينة

20-09-2010, 04:27 PM

تومي..

افااا ليش انصدمتي؟؟

toomi9

20-09-2010, 05:01 PM

الحين هم لما تكلموا عن الكليه ولما سووا امتحان قاالوا بسسس تحدييد مستوى مب بيشوفون اذا بيحطوناا تخصص ولا لاء ؟؟؟
الحين احناا نفس الفونديشن وماندرس غير انقلش مافي ولا ماده ثانيه لازم نعدي الانقلش عشان نتخصص
في حد يدري عن هـ الكلام من قبل وانا مادري فـ الموضوع ؟؟؟
الحين انا وغيري شاردين من جامعة قطر مانبي فونديشن يجونا ويصدموناا ماندرس غير انقلش ،،، واالله اني انقهررت من قلب اليوم لما دريت ،، كنت حاطه فـ بالي شي ثاني
المفروض يفهمونا هم ليش مسوين الامتحان بالضبط بيحطونا تخصص ولا مب تخصص مب يقولون وفبين قوسين تحديد مستوى لا اكثر ولا اقل
يعني لو اني داشه جامعة قطر وتحملت الفونديشن وجبت الايليز ودخلت تخصص بكيليريوس ابرك لي ،، مب اتم مب على تخصص مادري كم سنه لين ماطيح الانقلش من علي عشان ادخل تخصص ولا دبلوم بعد
الحين انا ضيعت على نفسي تسجيل جامعة قطر عشان خاطر عيونهم وعشان الكلام الي عشمونا فيه .. ليش الحين تغير الكلام ؟؟ ولا كانوا يبون طلاب بالغش ،،، ايي واالله طيحوا مادة الانقلش عشان تدخلون تخصص

باسكن روبنز

20-09-2010, 06:03 PM

الله يعينكم ،
انا داخل كلية النورث أن شالله أكيد أهون منهم على الأقل أثبتت نفسها وعارفينها من سنين ،

يعني بنت ناس والنعم فيها ،:p

toomi9

21-09-2010, 08:35 AM

الله يعينكم ،
انا داخل كلية النورث أن شالله أكيد أهون منهم على الأقل أثبتت نفسها وعارفينها من سنين ،

يعني بنت ناس والنعم فيها ،:p

اي والله لو اني داشه النورث :weeping:
الحمدالله على كل حال وربنا كريم

بنت ابوها 19

21-09-2010, 09:13 AM

غريبه

شهل النظام اني اطيح الانجليزي لجل ادخل التخصص

وهو فاتحين الجامعه على قولتهم عشان تساعد الي ماقدر يكمل دراسته

هي بذمتهم يشوفنها مساعده

اليوم في لقاء تعريفي بالجامعه واختي راح تحظره وبشوف شراح يقولون لها

وبعطيكم خبر ..

بس الي ابي اعرفه في فتره مسائيه للموظفين ؟؟

basma222

21-09-2010, 09:55 AM

فرحة الكواري

21-09-2010, 11:04 AM

استفدت من المعلومات حق الاهل

جزاكم الله خير

toomi9

21-09-2010, 11:14 AM

فيه 3 تخصصات

الاول المسار العلمي اللى يبي دراسة الطب او الهندسة

والثاني الانسانيات مثل الانجليزي واللغة العربيه وادارة اعمال

والثالث حق اللى يبي يشتغل

هذا الكلام هم قالوا في اللقاء وحددوا كل يوم لمجموعه بنات وبيعطونهم كتاب يوضح لهم التخصصات ويشرحونها لهم

الكلية ممتازة والاستقبال ممتاز

والكلية مب خلط

والدوام من 8 الى 3 يتخللها ساعه ونص وقت الغدى
صح الي قلتيه ،، بس لازم نطيح الانقلش ولا مانقدر نختار شي من هالتخصصات:weeping:
وانا عطوني الجدول حق الدوام كله انقلش اقرامر ورايتنق وغيره مافي شي ثاني حتى ماث :weeping:

toomi9

21-09-2010, 11:16 AM

بنت ابوها 19

21-09-2010, 11:24 AM

الله يعينكم ،
انا داخل كلية النورث أن شالله أكيد أهون منهم على الأقل أثبتت نفسها وعارفينها من سنين ،

يعني بنت ناس والنعم فيها ،:p

نبي النورث

لكن شنسوي الجو الي هناك مهب جونا وانا اختك

بوحارب

21-09-2010, 11:26 AM

الله يعينكم ،
انا داخل كلية النورث أن شالله أكيد أهون منهم على الأقل أثبتت نفسها وعارفينها من سنين ،

يعني بنت ناس والنعم فيها ،:p

when will goine with us
?

toomi9

21-09-2010, 12:05 PM

when will goine with us
?
اووووب اووووب ثقافااتهم ماانستحمل:tease:

ممنوع اللمس

21-09-2010, 04:52 PM

رآحت علينا ههههههه
احس بالعربي كذا ما يبون حد يتعلم
لازم انجليزي
ياخي احنا عرب :@ هالانجليز نشبو لنا حتى بالدراسه

toomi9

21-09-2010, 05:35 PM

رآحت علينا ههههههه
احس بالعربي كذا ما يبون حد يتعلم
لازم انجليزي
ياخي احنا عرب :@ هالانجليز نشبو لنا حتى بالدراسه

شنسوي لهم والله الناس هجوا يدرسون برا وعلى حسابهم بعد :anger1:

ممنوع اللمس

21-09-2010, 05:57 PM

وانا اشتغلت وقلت بكمل دراسه وانا اشتغل احسب السالفه سهالات
قسم بالله لو ادري اني كملت دراسه ولا اشتغلت

امر من جنب الدوار المايل اشوف فندق تسعين طابق اخرتها طلع مدينه تعليميه واقول ما شاء الله الظاهر من كثر المدن التعليميه بحتار وين ادرس

هع هع دورني

basma222

21-09-2010, 06:35 PM

انتوا قدمتوا امتحان انجليزي ورياضيات وعلى حسب مستواكم تم توزيعكم على القروبات تتعلمون اللغة الابجليزية صح وبعدين كل طالب و طالبة تتخصص
هذا حق مصلحتكم

Rayane

21-09-2010, 07:05 PM

صح الي قلتيه ،، بس لازم نطيح الانقلش ولا مانقدر نختار شي من هالتخصصات:weeping:
وانا عطوني الجدول حق الدوام كله انقلش اقرامر ورايتنق وغيره مافي شي ثاني حتى ماث :weeping:

الله يبشركم بالخير ما اداني الماث ولا اطيقها...

ولكن اللي سجل اونلاين احد ناداهم ولا شلون.....؟

وهل في تسجيل عندهم...؟

ريم المدينة

21-09-2010, 10:35 PM

صح الي قلتيه ،، بس لازم نطيح الانقلش ولا مانقدر نختار شي من هالتخصصات:weeping:
وانا عطوني الجدول حق الدوام كله انقلش اقرامر ورايتنق وغيره مافي شي ثاني حتى ماث :weeping:

لان اللغة هي الاساس :rolleyes2:

اذا ما عرفتي شنو كلمة معادلة وزايد وناقص بالانجليزي اشلون بتمشين؟؟

وبعدين هم قاعدين يقوونكم ويساعدونكم عشان محد يقول احنا ضعاف مانفهم انجليزي :rolleyes2:

الشغل عليكم الحين...

اهتموا بالمادة وخزنوا اللي يعطونكم اياه في مخكم ولاتقولون هاي خذناه مادري اي صف وناسيينه... راجعوه واللغة مع الممارسة والاستخدام ماتنسي وهالشي هو اللي يخلي واحد قوي و واحد ضعيف في اللغة....

اي اييييييي اي اييي اي ونت تو اسك يو :p:p

OTOsan

21-09-2010, 10:40 PM

when will goine with us
?

بوحارب .. انت بهالجملة خمست بالانجليزي تخمس ههههههههههههه

ANONYMOUS

21-09-2010, 11:46 PM

بوحارب .. انت بهالجملة خمست بالانجليزي تخمس ههههههههههههه

بو ناجازاكي

اهم شي وصلت لك الفكره.. لاتدقق

بعدين حتى الانقليز عندهم اخطاء مالها حد

OTOsan

22-09-2010, 01:15 AM

بو ناجازاكي

اهم شي وصلت لك الفكره.. لاتدقق

بعدين حتى الانقليز عندهم اخطاء مالها حد

صل عالنبي ونا خوك ،، ترى قاعد اتغشمر معاه مب سالفة تصيد اخطاء :)

بوحارب ..لايكون زعلت :telephone:

بوحارب

22-09-2010, 04:59 AM

صل عالنبي ونا خوك ،، ترى قاعد اتغشمر معاه مب سالفة تصيد اخطاء :)

بوحارب ..لايكون زعلت :telephone:

يا رجال انتي للحين ما شفت التخمس عدل في ورقة الأمتحان

ال K اكتبها C

وال S اكتبها C

يعني تخمس على اصولها هههههههه

ومابه زعل بين الحبايب :nice:

ANONYMOUS

22-09-2010, 06:43 AM

toomi9

22-09-2010, 09:23 AM

الله يبشركم بالخير ما اداني الماث ولا اطيقها...

ولكن اللي سجل اونلاين احد ناداهم ولا شلون.....؟

وهل في تسجيل عندهم...؟
الي سجلو اون لاين بيبعثون لهم مسجات او ايميلات على شهر ١٠ اعتقد و ١١
مب متآكده من الوقت ،، بس ابشرك الماث محذوف بس هـ السمستر الي بعده اعتقد بيرجعونه
وانت بعد فترى سجل اون لاين مره ثانيه
وشد حيلك فالاختبار عشان تدخل التخصص مايحطونك تقويه انقلش
والله يوفقك

toomi9

22-09-2010, 09:46 AM

لان اللغة هي الاساس :rolleyes2:

اذا ما عرفتي شنو كلمة معادلة وزايد وناقص بالانجليزي اشلون بتمشين؟؟

وبعدين هم قاعدين يقوونكم ويساعدونكم عشان محد يقول احنا ضعاف مانفهم انجليزي :rolleyes2:

الشغل عليكم الحين...

اهتموا بالمادة وخزنوا اللي يعطونكم اياه في مخكم ولاتقولون هاي خذناه مادري اي صف وناسيينه... راجعوه واللغة مع الممارسة والاستخدام ماتنسي وهالشي هو اللي يخلي واحد قوي و واحد ضعيف في اللغة....

اي اييييييي اي اييي اي ونت تو اسك يو :p:p

مرحباا اختي
صحيح اللغه مهمه ومهمه جدا ،، ولابد من دراستها وتعلمها بشكل جيد
وهم لما سووا اعلانات عن الكليه واعتقد الي كلن عارف عنها ندرس فيها سنتين ونحصل على شهادة الدبلوم والساعات محسوبه اذا نبي نكمل سنتين زياده في اي جامعه فـ قطر او امريكا ،،، حلوو ؟؟؟
وهم فهمونا على هـ الاساس وهذا الي بيصير ،، وحتى الامتحان الي قدناه قالوا انه تحديد مستوى وعشان توزين الكلاسات ،، بـــس ماقالوا ان لازم نطيح مادة الانقلش عشان ندخل التحصص
الحين انا فـ لفل ٢ يعني اخلص لفل ٢ كورس كامل ٣و كورس و٤ كورس .. نحسبهم كلهم كم ؟؟؟ سسسسنه ونص عشان اخلص الانقلش وادخل تخصص

وهاي يسمونه تقوية انقلش والساعات مب محسووبه
عرفتي انا ليش محترقه اعصابي ؟؟؟
لاني بقعد سنه ونص فهـ الكليه ادرس انقلش والساعات مب محسوبه علي يعني اضيع ساعات ،، عشان ايش؟؟ عشان اخذ شهادة دبلوم بسس !!!
يعني لو كنت داشه جامعة قطر وقعدت سنه وجبت الايليز فالتاسيسي باخذ شهادة البكليريوس ،، يعني بضيع سنه واكثر عشان شهاده تسوا مب ماتسوى
واذا قلتوا انتي شمدخلج دام الشهاده ماتسوى ،، فـ انا دخلتها على اساس مافيه شي اسمه فونديشن واضيع على عمري سنه واكثر عشان الفونديشن ابي اتخصص بسرعه واكمل بعد الدبلوم يعني ماراح اتم على شهادة الدبلوم
وهم غلطانين
مافهمونا عن نظامهم من قبل هم قالوا راح تدرسون سنتين والساعات محسوبه ماقالوا ولا بطلوا حلجهم ان فيه تقويه انقلش للي ماقدر يعديه قبل التخصص والساعات مب محسوبه !! ،، بصراحه الومهم لاني ضيعت فرصة جامعة قطر
تي تي زي مارحتي زي ماقيتي

latty

22-09-2010, 07:08 PM

الله بيسهلها ان شاء الله