طراروة العيد،، صارت لحد فيكم؟

[JN000N]

السلام عليكم ورحمة الله وبركاته


كل عام وانتو بخير ،،


البارحة حصل موقف غريب اول مره يمر علي فالعيد..
الموقع فالخور بالتحديد
الطرارات اللي يدخلون البيت ويسوون روحهم ضيوف ويقعدون يتقهون ويعاينون البيت وعقب تقعد تتشكا وتطلب بيزات
تطوروا!!!!


صارو يعيدون مع اليهال،،
حد مر عليه مره كبيره بنقاب وعباة وتطر
مسكينه يدتي ماقبضتهم عدل،،
اول فال دشو بنتين صغار وامهم وراهم .. يدتي تحسبها خدامتهم تقول حق البنات هاج العيديه عطيها خدامتكم.. الا تقول هذي امي الخدامه الحين بتيي :omg:
شوي وخدامتهم دشت عقب كانت متاخره

طلعو تمينا شوي ودشت مره بروحها طول بعرض وبعباية ونقاب ووقفت عند راس يدتي تقول لها عيدج مبارك وتمت واقفه تنطر العيديه
< هلمره يدتي حسبتها وحده من الحريم اللي يسيرون عليها الصبح دقيقتين ويروحون
بس هذي ماقعدت ويدتي تنطرها تقعد الا عقب قلنالها يمه هذي تبي عيديه !!!!!!

وخذت عيديتها وراحت
ونفس الشي تكرر الموقف


مع هالحالات هل نقول العيد وبركته وكل عام وانتو بخير،، او وجب الحذر منهم ؟ او نسكر بيبان بيوتنا ونسوي بويب صغير ع جنب حق اليهال يدشون بس ونكتب لصغار القامه فقط :con2:



موقف غريب بصراحه
منها قلت يمكن من الحاجه،، لو مب الحاجه ما يات تعيد:(
ومنها خفت.. منظرهم كلش مب مريح

[الحزين4800]

والله اول مره اسمع عن هالشي :(

طريقه جديده

[AL_MUTAEM]

الله يكفينا شرهم والمشكله يلبسون ملابس تبين انهم قطريات ..

[ابن مانع]

هذي من زمااااااااااااااااان موجوده هالحركة
وخاصه في رمضان يتكاثرون اذكر مرة دخلت وحده على الوالده الله يطول بعمرها وانا مقلطه بعد احسبها من وحده تعرفنا ومسيرة ومارضة تطلع الا لين تاخذ المقسوم الي هي محددته بعد

[نورالهدى]

لاحول ولاقوة الا بالله العلي العظيم
الله يرزق الجميع

[JN000N]

والله اول مره اسمع عن هالشي :(

طريقه جديده


انا بعد اول مره تمر علي نفس هالحاله:(

[القمه]

السلام عليكم ورحمة الله وبركاته


كل عام وانتو بخير ،،


البارحة حصل موقف غريب اول مره يمر علي فالعيد..
الموقع فالخور بالتحديد
الطرارات اللي يدخلون البيت ويسوون روحهم ضيوف ويقعدون يتقهون ويعاينون البيت وعقب تقعد تتشكا وتطلب بيزات
تطوروا!!!!


صارو يعيدون مع اليهال،،
حد مر عليه مره كبيره بنقاب وعباة وتطر
مسكينه يدتي ماقبضتهم عدل،،
اول فال دشو بنتين صغار وامهم وراهم .. يدتي تحسبها خدامتهم تقول حق البنات هاج العيديه عطيها خدامتكم.. الا تقول هذي امي الخدامه الحين بتيي :omg:
شوي وخدامتهم دشت عقب كانت متاخره

طلعو تمينا شوي ودشت مره بروحها طول بعرض وبعباية ونقاب ووقفت عند راس يدتي تقول لها عيدج مبارك وتمت واقفه تنطر العيديه
< هلمره يدتي حسبتها وحده من الحريم اللي يسيرون عليها الصبح دقيقتين ويروحون
بس هذي ماقعدت ويدتي تنطرها تقعد الا عقب قلنالها يمه هذي تبي عيديه !!!!!!

وخذت عيديتها وراحت
ونفس الشي تكرر الموقف


مع هالحالات هل نقول العيد وبركته وكل عام وانتو بخير،، او وجب الحذر منهم ؟ او نسكر بيبان بيوتنا ونسوي بويب صغير ع جنب حق اليهال يدشون بس ونكتب لصغار القامه فقط :con2:



موقف غريب بصراحه
منها قلت يمكن من الحاجه،، لو مب الحاجه ما يات تعيد:(
ومنها خفت.. منظرهم كلش مب مريح
جنون ترى دنيا مابها أمان مب شكل اول
تغيرت الاحوال لادششون حد بالبيت:anger3:موووووليه انصحج أحنا شنسوي بكل عيد نحطي دريول يم الباب
بس حق يهالوه يدشون وبينا وبين معرفنا وقربانا تيلفونات ،،والله يسلمنا من شر دنيا وبلااويها

[باسكن روبنز]

آول مره آسمع مادري عن حريمنا آتوقع مرت عليهم هالحركات ،
الله يحفظ يدتج ياجنون ويفكها من بلاووي هالطرارووه المتطورين هههههه ،

[صدى الحق]

السلام عليكم ورحمة الله وبركاته

اتمنى توجيههم للجمعيات الخيريه وهي بتتصرف أفضل من تعويدهم على الطراره

الحمدلله على نعمه وفضله.

[JN000N]

الله يكفينا شرهم والمشكله يلبسون ملابس تبين انهم قطريات ..


بالضبط:yes:

[JN000N]

هذي من زمااااااااااااااااان موجوده هالحركة
وخاصه في رمضان يتكاثرون اذكر مرة دخلت وحده على الوالده الله يطول بعمرها وانا مقلطه بعد احسبها من وحده تعرفنا ومسيرة ومارضة تطلع الا لين تاخذ المقسوم الي هي محددته بعد



اي حركة انها تدش البيت وتقدع وتسولف جنها تعرفك وعقب تتشكا
لكن انهم يعيدون مع اليهال هاي اول مره تصير لنا:looking:

[JN000N]

لاحول ولاقوة الا بالله العلي العظيم
الله يرزق الجميع



امين..

[JN000N]

جنون ترى دنيا مابها أمان مب شكل اول
تغيرت الاحوال لادششون حد بالبيت:anger3:موووووليه انصحج أحنا شنسوي بكل عيد نحطي دريول يم الباب
بس حق يهالوه يدشون وبينا وبين معرفنا وقربانا تيلفونات ،،والله يسلمنا من شر دنيا وبلااويها

القمه البيت مفتوح
وبعدنا عايشين فامان واحنا مع جيرانا والفريج بكبره اهل محد غريب ومن سنييين وبنين ف عشان جذي الباب كله مفتوح خاصه بيت يدتي مايتسكر
وهاي فالايام العاديه

لكن فالعيد مايصير نسكر البيبان وحتا الدريول وعليه يبي يعيد على ربعه اللي فالفريج.. مب معقوله بخليه يراقب من داش ومن طالع
تخيل لو وحده يايه تسير بيسوي معاها تحقيق مثلا :(

بس هذول مادري شلون بعد طالعين لنا بهالطلعه

[شيزكيك]

امس بالضبط رحنا بيت خالة زوجي الا وحده مع بنتها دشت الصاله توقعت ان راعية البيت تعرفها بس حتى

هي مستغربه وطلعت شحاته

[مسفر2]

انا صارلـــي الموقف في شارع السد

دخلت كذا محل والمره وراي وتطــــر وتقول ابي عيديه العيال ومادري شتقول

المره مقيــــــمه .:anger3::anger3:

[Gh2o]

اي امس طول اليوم على هالحاله وقبل ساعتين بعد نفس الحاله
الشيخ سلميان الحجيلان بالبرنامج الي يطلع بقطر قال المفروض مانعطيهم لانهم مب محتاجين والافضل الاعطاء للجمعيات الخيريه

[<اضرب واشرد>]

يـــــا اخـــــوان هالأمـــــور مـــــاكـــــنـــــا نـــــشـــــوفـــــهـــــا فـــــي الـــــســـــابـــــق ، لازم نـــــفـــــكـــــر بـــــشـــــكـــــل أوســـــع ، ونـــــتـــــدبـــــر أكـــــثـــــر ، الأغـــــنـــــيـــــاء فـــــي الـــــمـــــجـــــتـــــمـــــع يـــــزيـــــد غـــــنـــــاهـــــم والـــــفـــــقـــــراء يـــــزيـــــد فـــــقـــــرهـــــم.

أخـــــرجـــــوا الـــــزكـــــاة يـــــالـــــلـــــي مـــــاتـــــخـــــرجـــــونـــــهـــــا ، واتـــــركـــــوا الـــــربـــــا يـــــالـــــلـــــي تـــــتـــــعـــــامـــــلـــــون بـــــه ، واتـــــركـــــوا الـــــحـــــرام بـــــأنـــــواعـــــه.

بدال ماتتشرهون على مثل هالناس ، تخيلوا لو كنتوا مكانهم ، يمكن تسوون اللي يسوونه وأكثر ، ترى الفقر صعب جدا ، ويضطر الانسان أنه يسوي أمور مايتصور أنه يسويها يوم كان الله مغنيه ، الحمدلله رب العالمين على النعمة ، والله ييسر الحال.

لا حـــــول ولا قـــــوة إلا بـــــالـــــلـــــه الـــــعـــــلـــــي الـــــعـــــظـــــيـــــم

[JN000N]

آول مره آسمع مادري عن حريمنا آتوقع مرت عليهم هالحركات ،
الله يحفظ يدتج ياجنون ويفكها من بلاووي هالطرارووه المتطورين هههههه ،



امين،،

اي عادي اسال حريمكم وجوف شبيطلع معاهم:looking:

[JN000N]

السلام عليكم ورحمة الله وبركاته

اتمنى توجيههم للجمعيات الخيريه وهي بتتصرف أفضل من تعويدهم على الطراره

الحمدلله على نعمه وفضله.


عليكم السلام ورحمة الله وبركاته

اكيد يدرون عن الجمعيات وحافظين اماكنهم عدل
والا بس يدلون يدشون البيوت؟:looking:

واللهم لك الحمد كما ينبغي لجلال وجهك وعظيم سلطانك

[صدى الحق]

القصد بارك الله فيك ات احنا مانتعامل معاهم ، نوجههم للجمعيات الخيريه حتى ما يتعودون على الناس والسؤال.

[الصريحه]

لاحول ولاقوة الا بالله العلي العظيم

[JN000N]

امس بالضبط رحنا بيت خالة زوجي الا وحده مع بنتها دشت الصاله توقعت ان راعية البيت تعرفها بس حتى

هي مستغربه وطلعت شحاته



الظاهر يوم جافو محد يدخلهم بيتوهم.. دشو وقت العيد ويعيدون مع اليهال
شكلنا جم سنه وبنصك بيبانا ومحد بيعيد بسبتهم

[JN000N]

انا صارلـــي الموقف في شارع السد

دخلت كذا محل والمره وراي وتطــــر وتقول ابي عيديه العيال ومادري شتقول

المره مقيــــــمه .:anger3::anger3:


في سوق العسيري ف رمضان كان ف وحده تطر
ومثل ما فلت مقيمات.. لكن لبسهم لبس قطريات

[الحره]

انا سمعت من وحده اعرفها

ان في رمضان هذي دشت عليهم وحده عقب الاذان جدهم متفطرين وقالت لهم انا ماتفطرت ابي فطور ماقصروا حطو لها فطور شافوها وهي ترفع شوي من نقابها وهي تاكل والا يشوفون لحيه

اطلعت ريال ، فاسكتو عنه خلوه يزحر ويذلف لان خافو يقولون له شي يمكن إيذبحهم

[حياة]

مش غريبه هالحركه وحتى في القرنقعوه يدشون بعد في البيوت ومثل ماقلتوا مقيمات لابسين عبايه ونقاب او لثمه
الله يستر منهم ياااااارب

[هبوب الشمال]

اي نعم صارت للاهل والشمال عموما وايد فيها من هالسوالف لان المقيمين اكثر من المواطنين فيها

[ضوى]

لا ماقد صارت لنا

[قاسي بطبعي]

طرارة و عندها خدامة !!!!!!!!!!!!!!!!!!!!!!!

سؤال وجيه .. يالربع محد يعطيهم ويه .. عندهم الجمعيات الخيرية

لاهنتوا ~

[قاسي بطبعي]

على فكرة .. انا جفتهم في النصر و بسوق العلي يمرون على السيارات

اما سالفة البيوت لا ما مرت علي ~

[بوعلي-Qtr]

والله اللي اعرفه انه في رجال يجون المجلس ويقعد يتشكى واخرتها يبغي فلوس
واللي يبي يعطيه فلوس جزاه الله خير
واذا محد(ن) يبي يعطيه فلوس .. يتقهوى عندنا وعلى العين والراس
ويكثرون وقت الاعياد ورمضان

[captin]

انا معيد في الخور اول الصبح بعد وشفت حريم معاهم يهال
في بعض الفرجان في شرق الخور يدورون قلت هاذول شمطلعهم من الصبح اخبر
الحريم لكبار يزورون بعض من المغرب وطالع

والادهى والأمر الهنود والبنغال والنيبال اللي يدرعمون
اكثرهم مب مسلمين حتى لابس قحفية ويوزع ابتسامات
من الصبح حق العيديات يسلمون ويتمون واقفين ينطرون العيدية
والخوف منهم على اليهال لصغار

[eimadi]

صج ترى لا تدخلون حد بيوتكم البلاد مب مثل اول

[احمد1]

بصراحه يا تحطون جلب بوليسي ولا الدخول يكون بالبصمه او كرت خخخخخخ ولا شلون بنعرف الاشكال ذي

[toomi9]

اييه
جات وحده فارسيه قبل العيد بيوم ومحد فالبيت كنا كلنا بنات
جات وقالت وين يدتكم قلنا محد قالت امهاتكم قلنا محد قالت انتو بروحكم بنات هني قلنا اي << نبي نصرفها
شوي الا هي قاعده تنطر تقول انا جايه بتكسي والطريق بعيد ابي اخذ (( الـمـقـسـووم ))
نطرناها تروح ماراحت شكلها تنطر اخر شي عطينها عشان تروح وناخذ راحتنا
بس مشكله يعني غصب طيب ياخذون (( الـمـقـسـوم )) هع

[halah]

انا سمعت من وحده اعرفها

ان في رمضان هذي دشت عليهم وحده عقب الاذان جدهم متفطرين وقالت لهم انا ماتفطرت ابي فطور ماقصروا حطو لها فطور شافوها وهي ترفع شوي من نقابها وهي تاكل والا يشوفون لحيه

اطلعت ريال ، فاسكتو عنه خلوه يزحر ويذلف لان خافو يقولون له شي يمكن إيذبحهم

الوحدة لازم تحاسب

أعرف ناس دشوا عليهم حريم يوم العيد يطرون لابسين عبي ونقابات

والحريم والبنات أصحاب البيت طبعا كانوا كاشخين كشخة العيد من لبس ومكياج وشعر وماخذين راحتهم في بيتهم

ووحدة من البنات انتبهت لوحدة من الطرارات وعلى نظراتها المريبة والمخيفة البنت خافت وقالت لأمها والأم بلغت الأب في المجلس

يوم أخذوا المقسوم وجاو بيطلعون وقفهم راعي البيت وكلهم وقفوا ما عدا أم نظرات مريبة شردت وركض وراها ويوم صادها اكتشف انها رجال مب مرة ولابس عباية ونقاب علشان يدش على أهله وقام وذبحه من الضرب

[JN000N]

اي امس طول اليوم على هالحاله وقبل ساعتين بعد نفس الحاله
الشيخ سلميان الحجيلان بالبرنامج الي يطلع بقطر قال المفروض مانعطيهم لانهم مب محتاجين والافضل الاعطاء للجمعيات الخيريه



وهذا تاكيد عيل من المشايخ.. وصح الديره منترسه جمعيات خيريه

[JN000N]

يـــــا اخـــــوان هالأمـــــور مـــــاكـــــنـــــا نـــــشـــــوفـــــهـــــا فـــــي الـــــســـــابـــــق ، لازم نـــــفـــــكـــــر بـــــشـــــكـــــل أوســـــع ، ونـــــتـــــدبـــــر أكـــــثـــــر ، الأغـــــنـــــيـــــاء فـــــي الـــــمـــــجـــــتـــــمـــــع يـــــزيـــــد غـــــنـــــاهـــــم والـــــفـــــقـــــراء يـــــزيـــــد فـــــقـــــرهـــــم.

أخـــــرجـــــوا الـــــزكـــــاة يـــــالـــــلـــــي مـــــاتـــــخـــــرجـــــونـــــهـــــا ، واتـــــركـــــوا الـــــربـــــا يـــــالـــــلـــــي تـــــتـــــعـــــامـــــلـــــون بـــــه ، واتـــــركـــــوا الـــــحـــــرام بـــــأنـــــواعـــــه.

بدال ماتتشرهون على مثل هالناس ، تخيلوا لو كنتوا مكانهم ، يمكن تسوون اللي يسوونه وأكثر ، ترى الفقر صعب جدا ، ويضطر الانسان أنه يسوي أمور مايتصور أنه يسويها يوم كان الله مغنيه ، الحمدلله رب العالمين على النعمة ، والله ييسر الحال.

لا حـــــول ولا قـــــوة إلا بـــــالـــــلـــــه الـــــعـــــلـــــي الـــــعـــــظـــــيـــــم



مب شرط اخوي.. ولا تعمم اكيد
بالعكس الجمعيات الخيريه تارسه البلاد والناس تزكي وتتصدق وفي جمعيات تصير بين الحريم.. وفي مجهودلت شخصيه وانا بعيني جفت محد قالي ناس تروح تدور الفقاره دواره وتساعدهم ولا من شاف ولا من دري

لكن في جماعه مثل هالناس حلت لهم السالفه،، يجوفون انها تدخل عليهم بيزات غير الجمعيات وغير معاشاتهم
اخوي اللي عنده معاش ياكله وياكل عياله اكيد الجمعيه ما راح تعطيه وبتعطي اللي افقر منه
لكن الحل انهم يدورون بيوت الناس بثياب حتره وتمد يدها للاولي والتالي واكيد انت ماعندك دليل ع مصداقيتها ف من باب الرحمه تعطيها وترحم حالها
وزادت نسبتهم..

قبل كان في وحده تدور في فريجنا جافها ابوي سياره تنزلها من بعيد وتلف الفريج تطلع منه بجم بيزه وترد تركب السياره تروح فريج ثاني

هذا غير اللي من فتره قبل رمضان دشت علي فنص الصاله تنادي هل البيت وتسالني عن الحوه وعروقها
وقلتلها امي محد قالت انا حارتكم،، وللعلم جيرانا نعرفهم ونعرف اللي توه سكن واللي من زمان ساكن ف كانت تكذب
ما كان مني الا ناديت لها اخوي وانا شردت



هذول مشاكلهم وايد.. وتسببو ع ناس وايد*

[شاهيناز]

صارت وايد معانا


المشكله يجون الصبح اول يوم في العيد تونا والصبح بيتنا مايستقبل حريم
لان الوقت مخصص لرجال

يجون هم وعيالهم عيالهم يعايدون وهم يطرون نقول لهم تعالو العصر ولا المسا لان الوقت الحين مب لكم ...رجال بيجون مايستحون يتمون جالسين


والمشكله مب قطرييات لابسيين عبايات بس لهجاتهم بعضهم اسيوي وشامي
بدون تحديد جنسيات حتى محد يزعل

[اعالي الجنان]

القصد بارك الله فيك ات احنا مانتعامل معاهم ، نوجههم للجمعيات الخيريه حتى ما يتعودون على الناس والسؤال.

المصيبه انهم تعدود عالشي هذا
ولي سفهتهم وجيهم طابوقه مايمشون حتى لو تنهرهم
مع اني ماحب انهر حد

[seeyou55]

انا اقول

اول شي لازم ما تخليهم يدشون البيت
وبعدين عطهم عيادي عند الباب وفقط

[ام بدر]

استغفر الله العظيم
والحمدللة الذي لا يحمد سواه
الصراحة هالشي مب غريب لان الحاجة ام الاختراع
صاروا يبتكرون طرق للطرارة شوف عالاقل هي جات فالعيد وتطر لها ولعيالها
لكن اللي تجيب لك صور امة محمد من كل دولة صورة وتعدد لك اعيال ولدها وعيال اختها ونسايبهم شتقول عنها (غاسلة ويها بمرقة)

اللهم عافنا واعفوا عنا

[miss cute]

الله يعين

[JN000N]

القصد بارك الله فيك ات احنا مانتعامل معاهم ، نوجههم للجمعيات الخيريه حتى ما يتعودون على الناس والسؤال.


تم توجيههم بلا فائده،، لكن فالعيد يايين يعيدون مع عيالهم شتسوي بهم

[JN000N]

انا معيد في الخور اول الصبح بعد وشفت حريم معاهم يهال
في بعض الفرجان في شرق الخور يدورون قلت هاذول شمطلعهم من الصبح اخبر
الحريم لكبار يزورون بعض من المغرب وطالع

والادهى والأمر الهنود والبنغال والنيبال اللي يدرعمون
اكثرهم مب مسلمين حتى لابس قحفية ويوزع ابتسامات
من الصبح حق العيديات يسلمون ويتمون واقفين ينطرون العيدية
والخوف منهم على اليهال لصغار



لا عيل جد خلصو شرق لان يوم ياوونا كانت عالساعه 9 تقريبا

والهنود والنيبال اللي فالخور اي ينخاف منهم لان صارت الخور هيدراباد،، اما فالشمال والا فالدوحه فالفريج ماتخاف منهم لانهم من نفس الفريج مب اغراب
ومعظمهم صبيان البيت والطبابيخ.. وفالشمال نفس الشي البحاحير والصبيان

ولو ان بعد نقول الشيطان ما نات.. والخوف الاكبر عالبنات يوم العيد لكن الله الحافظ مع الدريول والخدامه يدورون بهم ان شاء الله ما عليهم شر ومعاهم اخوانهم ولو انهم صغار بس هم كثره

[JN000N]

صج ترى لا تدخلون حد بيوتكم البلاد مب مثل اول

شالحل نصك بيبانا؟؟

يوم العيد باب السكه مفتوح واليهال رايحين رادين والرياييل ايون يسلمون والخوال والعمام وعيالهم
مب معقوله بنحط لنا ناطور يراقب الداش والطالع
ولو يات طراره بيوقفها بيقولها من انتي مثلا؟ بيدخلها حشمه فيها وفعباتها ويمكن ما تطلع طراره وحزنها يكون خبصها الدريول وياب العيد

[JN000N]

بصراحه يا تحطون جلب بوليسي ولا الدخول يكون بالبصمه او كرت خخخخخخ ولا شلون بنعرف الاشكال ذي

عفيه عليك خووش حل:eek5::eek5:

[JN000N]

اييه
جات وحده فارسيه قبل العيد بيوم ومحد فالبيت كنا كلنا بنات
جات وقالت وين يدتكم قلنا محد قالت امهاتكم قلنا محد قالت انتو بروحكم بنات هني قلنا اي << نبي نصرفها
شوي الا هي قاعده تنطر تقول انا جايه بتكسي والطريق بعيد ابي اخذ (( الـمـقـسـووم ))
نطرناها تروح ماراحت شكلها تنطر اخر شي عطينها عشان تروح وناخذ راحتنا
بس مشكله يعني غصب طيب ياخذون (( الـمـقـسـوم )) هع

:eek5::omg:

تومي.، هذول تتحملون منهم ترا بعضهم يسوون روحهم فقاره يدشون البيت عشان يجوفونه من داخل
احيانا يكونون ناوينها بوقه مثلا او اي شي ثاني وايي يسوي روحه مره فقيره ويعاين البيت
ولا تقولين ما صارت.. ترا صارت لناس تعرفهم امي وكان مجموعه مب شخص واحد بس طرشو واحد يعاين البيت

[ضاقت الدار]

هالظاهره منتشره ومن زمان بعد وكم مره يدشوون علينا فالبيت بس مانردهم الخاطر العيد وبركته

نعطيهم المقسووم لكن بعضهم ترى ماينعطي وجه!!

[ام رويشد]

مروو علينا هالحريم ( طراروة العيد

[s o s o]

يمه يخرعووون

انا صارلي قبل العيد نفس الموقف تقريبا بس في السوق وواحد مش وحده ولابس غترة وعقال وقعد يلقي علي معلقه من 100 بيت وعقب ماخلص قلتلة خلك واقف لاتتحرك وانا ماسكة التلفون ابي اتصل بالعضيد
وقلتلة الحين بيوصلك اللي يسرك ..
قال من يوصل طال عمرج
قلتلة تعرف واحد اسمة العضيد خخخخ هو بيجي وبيساعدك

وهي ثواني وماشفت له أثر تقولين الارض انشقت وبلعته ..

[die 4 qtr]

خخخخخخ مرت علينا نفس الحركه بس في القرنقعووه

قالت لها الوالده انتي ماتستحين تقرقعين وهي من جنسيه بـــــ ..... بس لابسه عبايه ونقاب

[Qatari In Us]

الله يستر

[بوعلي2]

الله اعلم بظروفهم

الله يستر على الجميع ويغنينا جميعا

[هدهد سليمان]

اللهم اكفنى بحلالك عن حرامك واغننا بفضلك عمن سواك

[JN000N]

الوحدة لازم تحاسب

أعرف ناس دشوا عليهم حريم يوم العيد يطرون لابسين عبي ونقابات

والحريم والبنات أصحاب البيت طبعا كانوا كاشخين كشخة العيد من لبس ومكياج وشعر وماخذين راحتهم في بيتهم

ووحدة من البنات انتبهت لوحدة من الطرارات وعلى نظراتها المريبة والمخيفة البنت خافت وقالت لأمها والأم بلغت الأب في المجلس

يوم أخذوا المقسوم وجاو بيطلعون وقفهم راعي البيت وكلهم وقفوا ما عدا أم نظرات مريبة شردت وركض وراها ويوم صادها اكتشف انها رجال مب مرة ولابس عباية ونقاب علشان يدش على أهله وقام وذبحه من الضرب



باال،،

الله يستر علينا
هذي شوي فيه التكفخ

[JN000N]

صارت وايد معانا


المشكله يجون الصبح اول يوم في العيد تونا والصبح بيتنا مايستقبل حريم
لان الوقت مخصص لرجال

يجون هم وعيالهم عيالهم يعايدون وهم يطرون نقول لهم تعالو العصر ولا المسا لان الوقت الحين مب لكم ...رجال بيجون مايستحون يتمون جالسين


والمشكله مب قطرييات لابسيين عبايات بس لهجاتهم بعضهم اسيوي وشامي
بدون تحديد جنسيات حتى محد يزعل



اي مب قطريات..
مستحيل قطريه تسويها :)
وصج مثل ماقلتي ويوههم بليته اتيي وترتز ومستحيل تطلع قبل لاتعطينها المقسوم:rolleyes2:

[JN000N]

المصيبه انهم تعدود عالشي هذا
ولي سفهتهم وجيهم طابوقه مايمشون حتى لو تنهرهم
مع اني ماحب انهر حد



اي.. ويوههم بليته
حتا لو نهرتيهم مافي فايده اصلا بعد ما راح تحسين بالذنب فيهم

[JN000N]

انا اقول

اول شي لازم ما تخليهم يدشون البيت
وبعدين عطهم عيادي عند الباب وفقط




الكلام سهل.. بس الافعال صعبه
شلون بنقدر نمنعهم من الدشه هاي غصب بيدشون
وغيره من بيطلعلهم عند الباب يعطيهم بيزاتهم

مافي رياييل والصبيان يعايدون ع ربوعهم ويدوب اثنين فالميلس يخدمون
احسها صعبة

[JN000N]

استغفر الله العظيم
والحمدللة الذي لا يحمد سواه
الصراحة هالشي مب غريب لان الحاجة ام الاختراع
صاروا يبتكرون طرق للطرارة شوف عالاقل هي جات فالعيد وتطر لها ولعيالها
لكن اللي تجيب لك صور امة محمد من كل دولة صورة وتعدد لك اعيال ولدها وعيال اختها ونسايبهم شتقول عنها (غاسلة ويها بمرقة)

اللهم عافنا واعفوا عنا


ااي ،، خذوها من اسهل طريقه تمر فريج فريج تاخذ اللي تقدر عليه وتطلع
وجوفي شكثر ايمعون وكللله مفقورين
شدعوه لهالدرجه مافي دخل غير الطراره؟

[JN000N]

الله يعين


الله يعين الجميع