فزعتكم يآشبـآب تكفووون علي قضية بسبب حادثـ،

[ألعب بعيد]

يالربع انا عمري 16 بدخل سن 17 قريب

مامعاي ليسن ولا كدجة

في يوم من الايام خذيت موتر واحد من الربع .. ودعمـت فيه

المهم انا دعمت لي كآمري موديل 2002 وشنطتها الخلفية انعدمت وجاتها ضربات في الشاصي

حلو ؟

ودوني المركز وجابو راعي الكامري ورفيجي راعي الموتر اللي انا دعمت فيه ؟؟

المهم رفيجي سامحني وقال مب مشكلة .. وتنازل عن حقـه ... اما راعي الكامري راكب راسه يبي تعويض ..

انتهت السالفة ذاك اليوم .. وبعد 10 ايام كلموني المرور يبوني عشان سالفة الحادث بيحولوني على الاحداث .. المهم حولوني على الاحداث وقابلت مريم الجابري وعطتني افراج ..

والسالفة الحين صار لها شهرين ... وراعي الكامري حسبي الله عليه الحين رفع علي قضية في المحكمة .وموعد جلستها تاريخ 19\10\2010م.

ياجماعة الخير الحين أسئلتي .. : عرس واحد من الربع قريـب وفي السعودية .. هل اقدر اطلع من الحدود البرية ولا اعتبر ممنوع من السفر بسبب ان علي قضية .. ؟

وأيش هي الأجرائات اللي بيسوونها معاي !!

للعلم صاحب الكامري مصري الجنسية ويطالب بتعويض على السيارة 18000 ريال ...

معقول !

[شويهينــه]

لاحول ولاقوه الا بالله

[ابـو مــحــــمـــــد]

اخوي من اول جلسه مايمنعون عنك السفر
اذا فيه جلسات سابقه وانت تخلفت عنها ممكن يسون عليك حضر سفر
والحضر مايصير الا بـ امر من المحكمه

بنسبه لصاحب السياره ترى هذا حقه اخوي ويطالب فيه
المفروض انك او حد من هلك تفاهم معاه على التعويض افضل من المحاكم

والله يعينك ويفرج همك

[ولد الشحانية]

عادي تقدر تسافر روح شيك من قبل الجوزات اذا قالوا ممنوع روح حق المحكمه تقدم طلب ويشلون التعميم عن السفر ....مع ان موضوع بسيط اتا متاكد انهم ماراح يعمومون مدام انه مروري

[ألعب بعيد]

لاحول ولاقوه الا بالله

تسلمين اختي على الرد

صدق انه مافادني ..

لاكن دام اني قريتها اجرنا انا وياج ثابت يوم القيامة

[ألعب بعيد]

اخوي من اول جلسه مايمنعون عنك السفر
اذا فيه جلسات سابقه وانت تخلفت عنها ممكن يسون عليك حضر سفر
والحضر مايصير الا بـ امر من المحكمه

بنسبه لصاحب السياره ترى هذا حقه اخوي ويطالب فيه
المفروض انك او حد من هلك تفاهم معاه على التعويض افضل من المحاكم

والله يعينك ويفرج همك

صحيح انه حقه

انا والاهل نكلمه على جواله عشان نتفاهم معااه
ماايرد

ورفع علي قضية :no:

[ألعب بعيد]

عادي تقدر تسافر روح شيك من قبل الجوزات اذا قالوا ممنوع روح حق المحكمه تقدم طلب ويشلون التعميم عن السفر ....مع ان موضوع بسيط اتا متاكد انهم ماراح يعمومون مدام انه مروري

ان شاء الله كلامك يكون صحيح ..

اللهم فرج كربي

[بواردي]

اخوي الله يفك كربك

بس انت الغلطان وبعدين الريال طلب حقه لاتزعل منه ورفيجك ما قصر تنازل عنك


ما نبي نعاتبك او نقولك غلطان

بس يوم عطوك افراج القضية ما انتهت

باقي تخلص ذمتك من راعي الكامري

زين الاخ المصري يطالبك ب 18 الف تصليح ولا قيمة السيارة؟؟؟

اذا قيمة السيارة الموضوع سهل

ادفع له وصلح الكامري وبيعها وبتيب لك بحدود 10 او 12

واذا تصليح حاول تدفه بمبلغ يعني من 5 الى 8 الاف

مب اكثر

بالنسبة لمنع السفر

اتوقع اذا فيها قضية وحقوق اشخاص يصير فيها منع سفر

شيك في الجوازات او المطار


اكبر غلط سويته انك ما خلصت معاه وحليتها بدون محاكم لانها مب زين لك تصير في ملفك قضية وانت توك

[ألعب بعيد]

يالربع ابي افادات اكثر تكفوون قسم بالله الموضوع شاغل مخي

جعل الله من افادني ووالديه في جنات تجري من تحتها الانهار

[ألعب بعيد]

اخوي الله يفك كربك

بس انت الغلطان وبعدين الريال طلب حقه لاتزعل منه ورفيجك ما قصر تنازل عنك


ما نبي نعاتبك او نقولك غلطان

بس يوم عطوك افراج القضية ما انتهت

باقي تخلص ذمتك من راعي الكامري

زين الاخ المصري يطالبك ب 18 الف تصليح ولا قيمة السيارة؟؟؟

اذا قيمة السيارة الموضوع سهل

ادفع له وصلح الكامري وبيعها وبتيب لك بحدود 10 او 12

واذا تصليح حاول تدفه بمبلغ يعني من 5 الى 8 الاف

مب اكثر

بالنسبة لمنع السفر

اتوقع اذا فيها قضية وحقوق اشخاص يصير فيها منع سفر

شيك في الجوازات او المطار

اخوي الـمبلغ للتصليح .. وهو رايح لقراجات سعرها عالي وانا ماظن الموتر فيه اللي يجيب هالسعر لان الموضوع .. شنطة وصدام وصطابات وجامة ورانية وشفط للباب .. السعر هذه مش معقول ولادخل مخي

[ألعب بعيد]

اكبر غلط سويته انك ما خلصت معاه وحليتها بدون محاكم لانها مب زين لك تصير في ملفك قضية وانت توك



ياخوي انا بدون سابق انذار وصلت للاهل رسالة القضية من شؤون القاصرين وهذه هي الطامة نكلمه مايرد حاولنا نروح محل اقامته مانلاقيه

[بواردي]

ادفع له ولكن اشترط عليه

انك تاخذ السيارة

وتبيعها سكراب بتيب لك نص المبلغ على الاقل

[ألعب بعيد]

ادفع له ولكن اشترط عليه

انك تاخذ السيارة

وتبيعها سكراب بتيب لك نص المبلغ على الاقل


كم بتجيب مثلا ؟

[ألعب بعيد]

يالربع لو ماعليكم امر ابي افادات اكثر ..

[بواردي]

والله يخوك ما اقدر اعطيك سعر لاني ما اعرف وايد في السكراب ولكن اعتقد مب اقل من ثمان لين تسع والله اعلم

[ضوى]

صراحة مدري شاعلق لانه موضوعك استفزني ، يعني غلطان وتتحسبن على الريال اللي دعمته !!! وكل اللي همك انك تبي تطلع تروح عرس رفيجك ؟؟؟ وتعتقد هالريال ماتعطل يوم انك دعمته وعدمت سيارته والحين الناس على ويه مدارس ودوامات !!

[ألعب بعيد]

صراحة مدري شاعلق لانه موضوعك استفزني ، يعني غلطان وتتحسبن على الريال اللي دعمته !!! وكل اللي همك انك تبي تطلع تروح عرس رفيجك ؟؟؟ وتعتقد هالريال ماتعطل يوم انك دعمته وعدمت سيارته والحين الناس على ويه مدارس ودوامات !!

اخوي انا بقولك لي انا اتحسبن عليه ..

ياطويل العمر حن قلناله بنعوضك وامورك طيبة .. قال طيب ..

بعده بكم من يوووم نكلمه نبي نتفاهم معه مايرد جيناه عند بيته ساحب علينا !!

وبعدها رفع علي قضية ! وحن نبي نعوضه يرفع علي قضية ! اتفقنا معه .. وقلناله واخرتها يرفع قضية

ليومك هذه نكلمه مايرد

[Gh2o]

اخوي مب مشكله قوله بصلح الموتر بس يعطيك كوتيشن من ثلاث كراجات ولا قوله عطني الموتر وانا بصلحه بس اخوي لا تحسب عليه ترى انت الغلطان مب هو والله يفك كربك

[المخباط]

اسلوب كتابتك ما يدل على ان عمرك 16
اذا كنت انت ولي الامر
اقل حاجة تمنعة من السفر لان خطأة مش بسيط وزين اللي ماراحت فيها ارواح
وعلمة يحترم القانون اذا كنت فعلا مهتم فية

[شيط ويط]

يالرجال المحكمه (سهالات) دع القلق .. سافر ولا تحضر أول جلسه دامك ما استلمت الإحضارية بيدك .. خل المسج اللي يطرشونه لك ع الجوال لا يعتد فيه القاضي .. ومايقدرون يسوون لك شي دامك ما استلمت (يدوياً) ورقة الإحضارية .. بالنسبة لأول جلسه .. دامك ما راح تحضر ماراح يترتب عليه شي ولكن بيحددون لك موعد ثاني وأقرب موعد في العادة يكون عقب (أسبوعين) من تاريخ أول جلسة .. وخلال هالمدة يتمون يدورون عليك عشان يسلمونك الإحضارية وفي العادة يكون التسليم عن طريق (الإرشاد) يعني تلقى شرطي جاي صوب بيتكم ويدق الباب ويسلم الإحضارية لكم أو قد يكون شخص مدني من المحكمة .

واذا حضرت أول جلسه عقب ما يوجه لك القاضي الأسئلة لا ترد عليه الا بكلمتين (سعادة القاضي أنا أطلب أجل للرد) وراح يعطيك موعد لجلسة ثانيه وفي العادة تكون عقب (أسبوعين) من تاريخ هالجلسة في هالحالة بيكون (المدعي) اللي هو المتضرر موجود في الجلسة .. أول ما تطلعون من القاعه كلمه وتفاهم وياه وتصالحوا وعقب هو بنفس الوقت (يسحب الدعوى) ويادار ما دخلج شر :)

بس أخوي دام انت ما عندك ليسن ومخالف المفروض من الأساس تصلح موتر الرجال المتضرر على حسابك لأن هالشي (حق) وانت ملزم فيه .. مب كفايه تسوق بدون ليسن :looking:

تحياتي لك

[خسران من قلب]

مايمنعونك ولا شي اخذ كلامي والتصليح قوله بصلح سيارتك والتعويض مش بوزك منه قله وفي المحكمه اذ السياره تتصلح ماله حق اطلب انك انت اللي اتصلح السياره لو مقلوبه ماجاء سعر تصليحها التعويض ولا تحاول تتفاهم معاه خل المحكمه وصدقني قولهم بصلحها وخلاص

[عيون Qatar]

الله يعينك

[الكلدي]

انت وحظك من القاضي اللي عنده قضيتك

اذا متفهم بيقولك صلح السياره وينهي القضيه

اذا المشتكي عمل منع سفر تقدر تتاكد قبل سفرك بيومين من المحكمه
اذا كان عليك منع سفر خل اي واحد من لخوان يكفلك وتقدر تسافر براحتك

الله يكون في عونك

بس ترى الرجال يطالب بحقه

[qatar1111]

على ما اعتقد مب اهو الي رفع القضيه

لان في حاله ماعندك ليسن ودعمت او موترك مافيه بيمه

وماقمت بتصليح السياره المرور عن طريقهم يرفعون القضيه

والموضوع عااادي

خله يجيب 3 اوراق بتكلفه التصليح وتعطيه فلوسه

وكان الله غفور رحيم

وانتهت السالفه

[لطيف الروح]

الحمدلله على السلامه وهذا حق طبيعي للطرف الثاني انك تصلح سيارته ولكن يجب ان يتم ذلك باتفاق الطرفين يعني انت وهو ومن حقك ان ترفض اي فواتير يقدمها . السؤال هل انت رفضت امام المرور تصليح سيارته وهل استلمت اخطار من المحكمة ووقعت عليه او احد من الاهل يفيد موعد الجلسه.

[بوحارب]

الشيخ عادي ياما تحولوا الشباب للمحكمة والنيابة عشان حوادث وسرعة وتحفيص وتلاعب وطلعوا عادي

روح موعد الجلسة وانت مطمئن ترى ما راح يعدمونك :)

بس بسألك سؤال ؟؟

الموتر اللي كنت تسوقة عليه تأمين ولا لا ؟؟؟

اذا اي اعتبر نفسك في السليم والتأمين بيعدل موتر المصري

واذا لا لازم تعدل موتر الرجال من جيبك والله يعينك

وكل عام وانت بخير خالي @@

[ألعب بعيد]

اخوي لطيف الروح
فيه مسج تطرش من شؤون القاصرين بأن الطرف الثاني رافع علي قضية .. وموعد الجلسة تاريخ 19 اكتوبر

انا مارفضت قدام المرور

بس انا متعجب ان الاضرار اللي في الموتر لايمكن ابد ابد ابد توصل سعر 18 الف .. << انا ماقهرني الا السعر على هالضرر الفلوس مب مشكلة لاكن المشكلة الضرر مش مستاهل هالسعر المرتفع

الضرر اللي في الموتر حدده 8 او 9 الاف بالكثير ..

انا اللي شاغل بالي سالفة منع السفر لان الامور الباقية .. تنحل

لان اللي بيتزووج غالي على القلب فياليت اذا كان فيه من اللي انا ذكرته دافع لمنع السفر ابلاغي عشان اتوجه للجوازات يوم الاحد الجاي ...

[ألعب بعيد]

الشيخ عادي ياما تحولوا الشباب للمحكمة والنيابة عشان حوادث وسرعة وتحفيص وتلاعب وطلعوا عادي

روح موعد الجلسة وانت مطمئن ترى ما راح يعدمونك :)

بس بسألك سؤال ؟؟

الموتر اللي كنت تسوقة عليه تأمين ولا لا ؟؟؟

اذا اي اعتبر نفسك في السليم والتأمين بيعدل موتر المصري

واذا لا لازم تعدل موتر الرجال من جيبك والله يعينك

وكل عام وانت بخير خالي @@

الموتر اللي انا كنت اسوقه تأمينه ضد الغـير .. % وهذه هي المشكلة ههه

[al-sadd]

اخوي قالولك الشباب اسئل الجوازات قبل ماتسافر
واذا مانعينك خل حد من اهلك يكفلك وخلصت مشكلتك

[ألعب بعيد]

حسسبي الله على الشيطان ثم على هالجوال اااه

والله ان الحادث كله بسبة البلآك بيري والله []

[حقيقه]

تغلط وتبي حد يساعدك وتحل المشكله بس عشان تسافر
حياتك وحياة الناس اهم من كل شيء

ليه الاستهتار

[بواردي]

اخوي حتى لو تامينه شامل
بتدفع
لان ماعندك ليسن

والحمد لله انه محد تعور

[بوحارب]

الموتر اللي انا كنت اسوقه تأمينه ضد الغـير .. % وهذه هي المشكلة ههه

من قالك مشكلة ؟؟؟

خلاص التأمين يصلح الموتر المتضرر

ومترك تصليحة على حسابك لأنه التأمين مب شامل

هذا القانون اللي اعرفة !

[ألعب بعيد]

تغلط وتبي حد يساعدك وتحل المشكله بس عشان تسافر
حياتك وحياة الناس اهم من كل شيء

ليه الاستهتار

ياخوي ياخوي انا بقولك شي ..

انا يوم خذيت الموتر من الرجال كنت رايح صوب الدكان اخذ لي مشروبات لي وللشباب ولاكن واحد كلمني شليت الجوال اكلم ويوم سكرت اشوف قدامي الا زبالة الله يعزك واوخر عنها مانتبهت الا صكيت الكامري ...

انا ماقلت شي لاكن اسلوب راعي الكامري استفزني .. لأن يطالب بتصليح وتعويض تفاهمنا معه ولا بعد يرفع قضية ...

انا قلت من قبل انا ابي اسافر .. ضروري لأنه عرس مهم جدا وعمامي وعيال عمي كلهم بيروحون وانا معزوم + مغصوب ارووح .. لأنه عرس مهـم بالنسبة لنا .. فانا مأستهترت ولا حبيت استهتر انا مب راعي شل ولا استعراض الله يبعدني عنهم .. سايق بهدووء لاكن الموتر اللي انا كنت اسوقه من النوع الخشن .. hummer h3 فهــذه المشكلة لن صدامه حديد ولا انا سرعتي ماكانت متعدية 60 اقل منها ..

[ألعب بعيد]

من قالك مشكلة ؟؟؟

خلاص التأمين يصلح الموتر المتضرر

ومترك تصليحة على حسابك لأنه التأمين مب شامل

هذا القانون اللي اعرفة !

المشكلة مب انا صاحب الموتر ..

انا خذيت الموتر من راعيه ودعمت وانا ما معاي ليسن !

[CH Engineer]

اخوي كلم حد فالتأمين يثمن قيمة التصليح على حسب سعر شركات التأمين وادفعها للرجال لانه هذا حقه..

والمشكله بتنحل

[Qtrstyle]

اول شي الحمـدالله ع السلامه

هههه الله يعينك علئ هالمصري
انا الصراحه اخبر المتضرر لازم يروح ياخذ ٣ كوتيشنات من قراجات مختلفه ويوديها للمرور
وبعدها انت مجبور تدفع آقل فاتوره في المرور ويوقع ورقة تنازل

اذا كان ١٨ الف اقل سعر
لاحول ولا قوة ادفعها وفك روحك من العباله والمحكمه هههه
لان في الاخير راح تدفع فآختصر الموضوع ابرك

[الحره]

اخوي قوله انا باخذ السياره اصلحها وبرجعها لك لوز وهاي مصري دز على بيته خاروف بيك يحبك على راسك

[الحره]

ياخوي ياخوي انا بقولك شي ..

انا يوم خذيت الموتر من الرجال كنت رايح صوب الدكان اخذ لي مشروبات لي وللشباب ولاكن واحد كلمني شليت الجوال اكلم ويوم سكرت اشوف قدامي الا زبالة الله يعزك واوخر عنها مانتبهت الا صكيت الكامري ...

انا ماقلت شي لاكن اسلوب راعي الكامري استفزني .. لأن يطالب بتصليح وتعويض تفاهمنا معه ولا بعد يرفع قضية ...

انا قلت من قبل انا ابي اسافر .. ضروري لأنه عرس مهم جدا وعمامي وعيال عمي كلهم بيروحون وانا معزوم + مغصوب ارووح .. لأنه عرس مهـم بالنسبة لنا .. فانا مأستهترت ولا حبيت استهتر انا مب راعي شل ولا استعراض الله يبعدني عنهم .. سايق بهدووء لاكن الموتر اللي انا كنت اسوقه من النوع الخشن .. hummer h3 فهــذه المشكلة لن صدامه حديد ولا انا سرعتي ماكانت متعدية 60 اقل منها ..

الله
:eek2:

[بوحارب]

المشكلة مب انا صاحب الموتر ..

انا خذيت الموتر من راعيه ودعمت وانا ما معاي ليسن !

اسمع خالي

بالنسبة للسفر ترى عادي بتطلع

وبالنسبة للتصليح روح المركز اللي صار فيه التحقيق وقولهم شلون اجراءات تصليح الكامري علي ولا على التأمين

واذا قالوا لك على التأمين طرش مسج حق المصري وقوله كل فول وطعمية :yes:

[إنسان عادي]

الله يفرج كربتك ويعوضك ويصبر راعي الكامري , التأمين ماراح يصلح لأن الأخو ماعنده ليسن ، انصحك بحضور اول جلسة واطلب التصالح وعروض تصليح من 3 كراجات وصلح وكان الله في عونك ، وانصحك بعد لاتسوق الا وعندك ليسن

[استغفرالله]

الحمدلله على السلامة

ولا تخاف من المحكمة وان شاء الله القاضي بيحكم بالحق

ومب دافعين اكثر من قيمة التصليح

[mohd89]

سبحان الله صار المصري اللي ماشي في امان الله وماله شغل غلطان
والقاصر اللي تحت السن وخارق القانون مظلوم ..

الله يعينك بس لو جيت للحق الرجال يحق له يطلب اللي يبيه هو كان ماشي في امان الله وانت تسببت له بأذى
وحتى لو صلحتله في الوكاله مب في كراج سيارته ما بترجع على حالتها القديمه
يعني هو متضرر منك .. ويحق له يطلب 18000 تصليح

لو احط نفسي مكانه واحد خرب سيارتي وقال جيبها انا بصلحها وداها ارخص كراج شهرين وتخترب مره ثانيه
وانا شسوي في نفسي عقب ؟ اروح ادفع 15 و 20 من جيبي

انا مش ضدك بس انت غلطان مش هو يعني انت لازم تخضع لمطالبه مش هو يخضع لمطالبك
الله يعينك ويفرج همك

[الأستاذ]

صج من أسمك .. ألعب بعيد باين أنك ....

على كل ..أعطيك المفيد رغم أني ما كنت ناوي أشارك فالأخوان عطوك كل الحلول فخلني اقولك إللي عندي ..ها لعل وعسى ..
أولاً .. كل همك الحين السفر ..
الله يسهل دربك لن يكون عليك منع سفر بما انه لم يتحدد موعد الجلسة ولم تبلغ به ..
ثانياً : التأمين أغسل يدك منه دام أنه تسجلت قضية في المرور سياقة من غير رخصة فلن يتم أصلاح أي من السيارتين .. هذا الباب مغلق تماماً .
ثالثاً : عند أحضارك للمحكمة ستحاكم بتهمتين التهمة الأولى سياقة بدون رخصة وهذه فيها حق عام يصل للسجن والغرامة وعادةً إذا كانت أول مرة ولم يكن هناك أصابات جسدية يكتفى بالعقوبة المادية وقد تصل لعدة الآف من الريالات .
التهمة الثانية وهي اصابة السيارة الثانية وهذه ستلزم بتصليحها ويعتمد على موديل السيارة فأن كانت من 2009 وطالع قد تطالب بتصليح الوكالة أو كراجات معتبرة ..
رابعاً : إذا صدر ضدك حكم فسيثبت هذا في سجلك المدني .. ولا قدر الله عليك بحادث آخر في ظروف مشابهة ستكون عقوبتك مضاعفة ..

الحل ..أنصحك أخوي بالتالي ..
خل حد من شيبانك أو ولي أمرك أو شخص مسئوول يروح معاك للمصري..
في حال لم تجده أو تهرب منك روح المرور وخلهم يطلبونه في وقت محدد وتروح مع الشخص المسؤل عنك .. ويتفاهم معاه على أنه يصلح السيارة في كراج تتفقون عليه ولازم يكون راضي عنه ، ولا مانع من أهداءه شئ بسيط كرضوة .. مقابل تنازله عن القضية وبضمان رسمي منكم على التصليح أو تسلمونه المبلغ إللي يطلبه الكراج قبل لا يتنازل ..
وأظن ما قدامك إلا هذا الحل ..كانك ما تبغي الأمور تتعقد وتسير للاسوأ ..
أخوي العب بعيد .. حياة الناس مب لعبة .. وأحمد ربك أنها جت في الحديد يعني لو كان قدامك ياهل وإلا حد يمشي كان شلته بدال درام الزبالة .. وما راح تنفعك أعذارك ذاك الوقت ..
غلطان .. ثم غلطان .. ثم غلطان ... وأرجو من الله أن تكون أخذت درس من هذا الغلط ولا تعيده ..
والله يهديك ويحفظك لهلك .. ويحفظ الناس من بعض المتهورين ..

[toomi9]

مصري
يبي ينهب
ماعليك منه حكر له وقول له انا بصلح لك السياره بنفسي وصلح له السياره وقطها فويهه
هاذي حاقد ويبي ينهب شافك قطري
صلحها بارخص مكان وبيطلع لك اكيد ارخص بوايد وماعليك منه

[العساس]

في بعض الردود تحتاج من المشرفين انذار الاعضاء
وفي ردود تبيض الوجه.

اخوي اتلاحق عمرك وروح ادفع ال 18 الف قبل لاتكبر السالفة
وترى الافلوس تعوض. واهم شي سلامة الراس

لاتقول القيمة كبيرة (السالفة فيها شاصي)

ادفع تدفع البلاء عنك.

[اعقل مرجوجه]

صج من أسمك .. ألعب بعيد باين أنك ....

على كل ..أعطيك المفيد رغم أني ما كنت ناوي أشارك فالأخوان عطوك كل الحلول فخلني اقولك إللي عندي ..ها لعل وعسى ..
أولاً .. كل همك الحين السفر ..
الله يسهل دربك لن يكون عليك منع سفر بما انه لم يتحدد موعد الجلسة ولم تبلغ به ..
ثانياً : التأمين أغسل يدك منه دام أنه تسجلت قضية في المرور سياقة من غير رخصة فلن يتم أصلاح أي من السيارتين .. هذا الباب مغلق تماماً .
ثالثاً : عند أحضارك للمحكمة ستحاكم بتهمتين التهمة الأولى سياقة بدون رخصة وهذه فيها حق عام يصل للسجن والغرامة وعادةً إذا كانت أول مرة ولم يكن هناك أصابات جسدية يكتفى بالعقوبة المادية وقد تصل لعدة الآف من الريالات .
التهمة الثانية وهي اصابة السيارة الثانية وهذه ستلزم بتصليحها ويعتمد على موديل السيارة فأن كانت من 2009 وطالع قد تطالب بتصليح الوكالة أو كراجات معتبرة ..
رابعاً : إذا صدر ضدك حكم فسيثبت هذا في سجلك المدني .. ولا قدر الله عليك بحادث آخر في ظروف مشابهة ستكون عقوبتك مضاعفة ..

الحل ..أنصحك أخوي بالتالي ..
خل حد من شيبانك أو ولي أمرك أو شخص مسئوول يروح معاك للمصري..
في حال لم تجده أو تهرب منك روح المرور وخلهم يطلبونه في وقت محدد وتروح مع الشخص المسؤل عنك .. ويتفاهم معاه على أنه يصلح السيارة في كراج تتفقون عليه ولازم يكون راضي عنه ، ولا مانع من أهداءه شئ بسيط كرضوة .. مقابل تنازله عن القضية وبضمان رسمي منكم على التصليح أو تسلمونه المبلغ إللي يطلبه الكراج قبل لا يتنازل ..
وأظن ما قدامك إلا هذا الحل ..كانك ما تبغي الأمور تتعقد وتسير للاسوأ ..
أخوي العب بعيد .. حياة الناس مب لعبة .. وأحمد ربك أنها جت في الحديد يعني لو كان قدامك ياهل وإلا حد يمشي كان شلته بدال درام الزبالة .. وما راح تنفعك أعذارك ذاك الوقت ..
غلطان .. ثم غلطان .. ثم غلطان ... وأرجو من الله أن تكون أخذت درس من هذا الغلط ولا تعيده ..
والله يهديك ويحفظك لهلك .. ويحفظ الناس من بعض المتهورين ..


كفو عليك والله :thumbup: مايحتاج اكثر من هيك كلام .... ماقصرت يعطيك العافيه*

[مهل]

السلام عليكم

تستاهل السلامه .. هذا اولا
ثانيا انا بحط نفسي مكان صاحب السياره المدعومه .. طبعا راح احملك تكلفه التصليح و ايضا اقدر احملك تكلفه تاجير سياره بديله الى ان تنتهي سيارتي من التصليح . (تحمل من هذي)

روح الجلسه و تراك بفضل الله الي سويته فعلا مخالفه و اتمنى انك ماتستسهلها ولكن الي صار معاك هين دامها كذا .
قول للقاضي الي تبونه مني انا حاظر و انا معترف بخطاي و اعتذر منك و من صاحب السياره و انا مستعد لتصليح السياره و فعلا رحت كذا كراج استفسر بس كلهم طلبو مني اجيب السياره و فلا اتصلت بصاحب السياره (المصري) و كلمته اكثر من مره و مابرد لا على الاتصال ولا على الرسايل و جيته لين بيته ولا عبرني ،،، وش المطلوب
هو له مني تصليح السياره و انا حاظر بدون لايطلب و انا مستغرب انه رفع قضيه مع اني انا الي اراكض وراه ولا تهربت من شي .

وخذ منه السياره و اخبر كراج ورى بيتنا يصبغ دناكر ممكن يفيدك :eek2:

[LionFish]

مصري
يبي ينهب
ماعليك منه حكر له وقول له انا بصلح لك السياره بنفسي وصلح له السياره وقطها فويهه
هاذي حاقد ويبي ينهب شافك قطري
صلحها بارخص مكان وبيطلع لك اكيد ارخص بوايد وماعليك منه

الحين اجزمتي ان المصري يبي ينهب لانه كان في حاله وكان في انسان قاصر مخالف القانون المفروض مايسوق سيارة كان مستهتر ومشغول على البلاكبيري وادعمه من ورا وخفسله الشنطة والصدام والباب وكسرله الاصطابات والجامة الخلفية وضرر الشااااصي وطلب ١٨٠٠٠ من المحكمة كتعويض لتصليح سيارته الوحيدة (على الاغلب لانه مصري مقيم) بتقرير من احد الكراجات وانتي عااااااادي تطلبين ٢٠٠٠ ريال حق قطو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فقط قطر]

مصري
يبي ينهب
ماعليك منه حكر له وقول له انا بصلح لك السياره بنفسي وصلح له السياره وقطها فويهه
هاذي حاقد ويبي ينهب شافك قطري
صلحها بارخص مكان وبيطلع لك اكيد ارخص بوايد وماعليك منه

البلاد محكومة الله يسلمك...وفيها قانون...وفيها محاكم..
السالفة مش على كيفك....ولا استعراض عضلات....وكلام.....
من حقه يطالب بتعويض عن الضرر اللي صاب موتره...والضرر النفسي اللي صابه من الحادث...وله الحق يقدم فواتير عن استئجاره لسيارة طوال فترة تصليح سيارته...وينحكم له فيها يكون في علمك....
هذا بس من ناحية الدعوى المدنية....والله يعينك على الدعوى الجنائية....اذا جاب لك تقرير اصابة من الحادث...

[ZURICH]

السياره على موديلها ماتوصل 20 الف
قوله بصلحها في الكراج الفلاني وتعال استلمها كانها جديده
بالنسبه للموديل ماله حق يطلب تصليح مشابه للوكاله .. تحياتي

[احمد1]

السلام عليكم الغالي الله يفرج كربتك وبعدين حاول تتفاهم معاه على كراج يكون تصليحه مضبوط وسعره مناسب وبغيت اسال كم موديل موتره وشكثر متعور؟

[toomi9]

الحين اجزمتي ان المصري يبي ينهب لانه كان في حاله وكان في انسان قاصر مخالف القانون المفروض مايسوق سيارة كان مستهتر ومشغول على البلاكبيري وادعمه من ورا وخفسله الشنطة والصدام والباب وكسرله الاصطابات والجامة الخلفية وضرر الشااااصي وطلب ١٨٠٠٠ من المحكمة كتعويض لتصليح سيارته الوحيدة (على الاغلب لانه مصري مقيم) بتقرير من احد الكراجات وانتي عااااااادي تطلبين ٢٠٠٠ ريال حق قطو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اصح الصبي قاصر ومخالف للقانون بس مب معناته انه يستغله ويطلب هـ الكثر ،، ياخذ على قد الي صار له ويراعي
وعموما
القطو مب لي وصاحب القطو الي حاط السعر وثاني شي القطو للبيع للي يبي بهـ السعر ياخذه محد يبيه شي راجع له مب استغل اوضاع الناس وارفع قضيه عشان هـ التعويض
عفانا الله

[القمه]

عزيزي إذا مب مواطن مقيم به منع سفر ع حسب معلوماتي القانونيه
بس فيه طريقه انت مب شغال صح واذا ف وظيفه اطلب من القاضي دفع
بتقسيط ونشاء الله بيمشي الحال معاك
هاذا لي اقدر افيدك به

[♫ احسـاسـ طفلـهـ ♫]

السياره على موديلها ماتوصل 20 الف
قوله بصلحها في الكراج الفلاني وتعال استلمها كانها جديده
بالنسبه للموديل ماله حق يطلب تصليح مشابه للوكاله .. تحياتي

صحيح مو من حقه يطلب تصليح وكالة او مشابه للوكاله والسبب الموديل :nono:

[bentalgala]

يا ليتك لاعب بعيد يا أخوي

ولا دعمت إلا مصري .. يبيها من الله

بس قول الحمد لله .. وهذا عقاب بسيط ممكن تآخذه

والله ييسر لك وتحل القضيه

بس ها ما أوصيك

لي رحت السعوديه وسقت لا تدعم وإلا ترى

تصير بين المحاكم في دولتين

والله المستعان

[@north_star@]

اولا الحمد لله على السلامة اخوي وثانيا اهم شي انك تتعلم من اخطائك وثالثا والاهم ان شاء الله مشكلتك بسيطه بس نصيحة مني لك دخل حد كبير فى السالفه مثل الوالد او حد من اخوانك الكبار وشوفوا الرجال وتفاهموا معاه وقولوله انكم بتتكفلون بتصليح الموتر وترجعونه له مثل ما كان واحسن واكتبوا ورقه بينكم بهالكلام والله يفرجها عليك وعلى الجميع

[الخط الساخن]

عط المصري 5000 ريال وصلح له السيارة بيسكت
لكن ثاني مرة لاتعيدها امش على القانون والله يكفيك الشر

[مساهم بسيط]

السلام عليكم ورحمة الله اخوي
وعيدكم مبارك

اخوي موضوعك بسيط جدا لا تحاتي
اولا : القيادة بدون رخصة هذي مخالفة مرورية يجب احالتها للمحكمة المختصة ومقدار الغرامة من 10000 الى 15000 الف ريال
ثانيا: بخصوص صاحبنا المصري روح المرور وطلب منهم يتصلون بالمصري ويقوم بحضار عدد 3 فواتير من الكراجات تقدر قيمة التصليح اذا كان من الممكن اصلاح المركبة واذا لا يمكن اصلاح المركبة يحضر تقييم سعر المركبة وتدفعها له في ادارة المرور
ثالثا: بخصوص منع السفر الحوادث المرورية البسيطه لا يتم عمل منع سفر على المتهم
الحالات التى يتم منع المتهم من السفر
1- قيادة مركبة تحت تاثير المشروبات الكحولية او المسكرات او المخدرات
2- قيادة مركبة برعونه وعدم احتراز والتسبب في اصابت شخص او وفاة شخص
3- في حالة كان المتهم غير قطري يتم منعه من السفر لحفظ حقوق المتضرر ومنع السفر من ادارة المرور وليس من المحكمة ويكون منع السفر حسب تقدير الضابط المختص بعد اخذ الموافقة من قبل مدير الادارة وبعد ذلك يتم رفع كتاب منع سفر لادارة العمليات والاتصالات ( القائمة السوداء ) لمنع المتهم من السفر

وشكراً

[روح الاطلس]

اشوف 18 الف مش كثير

لان سعر السيارة راح يطيح للتراب عشان الصدمات يعني بتروح عليه ببلاش

والمصري مسكين تلقاه جمع له الف على الف لين كمل المبلغ وشرا له هالسيارة توصله مشاويره

وتكلفة التصليح حتى لو 8 الالاف زيد عليها قيمة السيارة اللي بتطيح لو فكر يبيعها + تكلفة تأجير سيارة + تكلفة تضييع وقته + تكلفة الضرر النفسي

حط نفسك مكانه وانت بريء وجاك واحد يلعب بالبلاك بيري وقاصر وراكب سيارة خشنه وصدمك وسبب لك حوسه اش راح تطلب؟؟ اقل شي بتقول هذا المستهتر ودوه سجن الاحداث !!

[mohd89]

اشوف 18 الف مش كثير

لان سعر السيارة راح يطيح للتراب عشان الصدمات يعني بتروح عليه ببلاش

والمصري مسكين تلقاه جمع له الف على الف لين كمل المبلغ وشرا له هالسيارة توصله مشاويره

وتكلفة التصليح حتى لو 8 الالاف زيد عليها قيمة السيارة اللي بتطيح لو فكر يبيعها + تكلفة تأجير سيارة + تكلفة تضييع وقته + تكلفة الضرر النفسي

حط نفسك مكانه وانت بريء وجاك واحد يلعب بالبلاك بيري وقاصر وراكب سيارة خشنه وصدمك وسبب لك حوسه اش راح تطلب؟؟ اقل شي بتقول هذا المستهتر ودوه سجن الاحداث !!

انا أؤيدك اخوي بكل كلمه قلتها :thumbup1:

[أبو مناير]

أخوي إذا كان المصري هو اللي رافع القضية ما فيه مشكلة ، المشكلة إذا كانت القضية مرفوعة من النيابة العامة.
على كل حال ، نفرض ان المصري هو اللي رافع القضية، في هذه الحالة .... أطلب من القاضي في الجلسة أن تقدر قيمة إصلاح السيارة بواسطة خبير سيارات ، والقاضي بيوافق .
واللي يقدره الخبير تدفعه وكفى الله المؤمنين القتال.

[بواردي]

سبحان الله عنصريتكم تعميكم عن الحق

والله لو ان السالفة بالعكس

وان المصري هو اللي داعم له واحد منكم
والمصري ماعنده ليسن

بتطلبون اعدامه

اخوي صلح له سيارته
وادفع له فلوس لان سيارته بيطيح سعرها
من بيشتري سيارة فيها ضربة فشاصي

اكيد بيطيح سعرها
التصليح ما اتوقع يكلف فوق 6 الاف
وعطه في يده مبلغ يرضيه ويتنازل عنك

[777]

لاتنسون ان الولد قاصر والقاضي لن يأخذ منه كلام لازم الحاضرجلسة المحكمة يكون ولي أمره والظاهر ان الوالد متوفي الله يرحمه والا شؤون القاصرين مادخلت في الموضوع
ثانيا القضية الجنائية تلقائيا تحركها النيابه وفعلا التأمين لن يدفع شيء لثبوت ان السائق غير حاصل على رخصة
ثالثا اذا رفع المتضرر دعوى مدنيه الأفضل طلب ضمها للجنائية
رابعا المحكمة هي أفضل وأدنى تعويض ممكن

[ألعب بعيد]

اخواني الكرام
اشكركم على الردود

اخوي 777 فعلا الوالد متوفي

وولي امري في هالموضوع ولد عمي بحكم انه اقرب الناس الى قلبي ولا اهون عليه ..

احنا خلصنا اجرائاتنا مع النيابة العامة وعطوني افراج لاكن تفاجأت بعدها بفترة رافع قضية هالمصري ..

انا مع الحق واعترف بخطأي لأكنـ المشكلة الضخمة اننا ندور للمصري من شهر وشوي ونكلمه وجينا بيته وهو ساحب علينا .. ورفع علي قضية ! الحين الغلط على منـ ..

واخواني اللي انتقدوا الموضوع .. انا ماقلت اني ماعترف بالخطأ انا فعلا اعترف فيهـ وبدون ادنى شك واتحسف على اليوم اللي خذيت فيه الموتر .. والموتر اللي دعمت فيه محجوز في الشبك لين تصلح الكامري ..
المصري اظنه يستغل لانه جايب فاتورة مبلغها ضخم .. وفيه كورولا كانت قدام الكامري دعمتها خفيفة جدا جدا جاب فاتورة سعرها 5 على شبك بسس ! انا تأكدت انه نصاب وحرامي .. يبي ينهبـ، بحكم اني قطري .. لأكن ضروفي مايعلم فيها الا اللهـ ..: سبحانه وتعالى .. "انا اللي شكلي برفع عليه قضية .. لأنه يحاول يستغلني ..

[لطيف الروح]

اخوي لطيف الروح
فيه مسج تطرش من شؤون القاصرين بأن الطرف الثاني رافع علي قضية .. وموعد الجلسة تاريخ 19 اكتوبر

انا مارفضت قدام المرور

بس انا متعجب ان الاضرار اللي في الموتر لايمكن ابد ابد ابد توصل سعر 18 الف .. << انا ماقهرني الا السعر على هالضرر الفلوس مب مشكلة لاكن المشكلة الضرر مش مستاهل هالسعر المرتفع

الضرر اللي في الموتر حدده 8 او 9 الاف بالكثير ..

انا اللي شاغل بالي سالفة منع السفر لان الامور الباقية .. تنحل

لان اللي بيتزووج غالي على القلب فياليت اذا كان فيه من اللي انا ذكرته دافع لمنع السفر ابلاغي عشان اتوجه للجوازات يوم الاحد الجاي ...

اولاً اذا هي الجلسه الاولى للقضيه نصيحتي لا تحضرها لان القاضي سوف يؤجلها اما اذا كانت الجلسه الثانيه احضرها مع ولي امرك او وكل محامي واذا كنت بدون محامي او مع محامي اطلب من القاضي اجل ( يعني وقت للرد ) . وهذا مهم جداً لمعرفة طلبات الاخ المصري يمكن فيها اشياء غير حقيقيه او لا تمت للموضوع بصله . طبعاً سوف تستلم من المحكمه صحيفة الدعوه التي تحتوي طلبات الطرف الثاني بما فيها الفواتير الي مقدمها وبالتالي يقدر محاميك دراستها و الرد عليها بشكل قانوني .

[mohd89]

اخواني الكرام
اشكركم على الردود

اخوي 777 فعلا الوالد متوفي

وولي امري في هالموضوع ولد عمي بحكم انه اقرب الناس الى قلبي ولا اهون عليه ..

احنا خلصنا اجرائاتنا مع النيابة العامة وعطوني افراج لاكن تفاجأت بعدها بفترة رافع قضية هالمصري ..

انا مع الحق واعترف بخطأي لأكنـ المشكلة الضخمة اننا ندور للمصري من شهر وشوي ونكلمه وجينا بيته وهو ساحب علينا .. ورفع علي قضية ! الحين الغلط على منـ ..

واخواني اللي انتقدوا الموضوع .. انا ماقلت اني ماعترف بالخطأ انا فعلا اعترف فيهـ وبدون ادنى شك واتحسف على اليوم اللي خذيت فيه الموتر .. والموتر اللي دعمت فيه محجوز في الشبك لين تصلح الكامري ..
المصري اظنه يستغل لانه جايب فاتورة مبلغها ضخم .. وفيه كورولا كانت قدام الكامري دعمتها خفيفة جدا جدا جاب فاتورة سعرها 5 على شبك بسس ! انا تأكدت انه نصاب وحرامي .. يبي ينهبـ، بحكم اني قطري .. لأكن ضروفي مايعلم فيها الا اللهـ ..: سبحانه وتعالى .. "انا اللي شكلي برفع عليه قضية .. لأنه يحاول يستغلني ..

دامك تقول الفلوس مب مشكله نصيحه ادفع له اللي يبيه وخلك من المحاكم وعوار الراس
لو جيت تحسبها بعد المحكمه قول بتصلح له السياره هذا شي اكيد قول 8 الاف
لو طلب تأجر له سياره اقل شي شهر لين ما تخلص سيارته قول 3000 ريال
بما انك قاصر وبتحتاج محامي بتدفع اقل شي 3000 ريال للمحامي اذا مش اكثر هذا غير روح وتعال وكل يوم تأجيل بيزهقونك وبتقول ياليتني خلصت من هالسالفه

غلط وصار وحاول انك تطلع من السالفه ترا حبال المحاكم طويله وما بتخلص منها

الفلوس تهون بارك الله فيك اهم شي تكون تعلمت درس وما تعيدها مره ثانيه
والله يعوضك خير

[فرفوش]

الله يعييييييييينك

[FAUCHON]

سبحان الله عنصريتكم تعميكم عن الحق

والله لو ان السالفة بالعكس

وان المصري هو اللي داعم له واحد منكم
والمصري ماعنده ليسن

بتطلبون اعدامه

اخوي صلح له سيارته
وادفع له فلوس لان سيارته بيطيح سعرها
من بيشتري سيارة فيها ضربة فشاصي

اكيد بيطيح سعرها
التصليح ما اتوقع يكلف فوق 6 الاف
وعطه في يده مبلغ يرضيه ويتنازل عنك

:victory:

جزاااك الله خير كفيت ووفيت

[رياني qtr]

اخوي حل مشكلتك عندي تواصل معاي في الخاص وابشر بطيبه الخاطر :nice:

[باسكن روبنز]

أول شي الحمدلله على السلامه ،
وأنت غلطان أنك تحاتي الفلوس أكثر من غيرها ،
لو هالشي صار لأخوي لاسمح الله بقولك شألي بيصير وأسمع شووور أخوك باسكن ، :)




ثاني شي قول الحمدلله أنه هالمصري ماتضرر ولا كنت بتم مسجون حتي لو ضروسه تعوره ،
ثاني شي حاول أسمك مايدخل محااكم خير شر ،
حتي لو أضطريت تعطيه دبل الـ18 ألف وتبوسه على راسه ولاتاخذك عزة نفس القبايل ترا السالفه أكبر مما تتصور ،:)
ولاتنسى أنت غلطان تسوق بلا ليسن شوف سبحان الله تقول أنك رايح الدكان وشوف أش صار بغمضة عين أعتفست حياتك كلها ،



وبكره كل ماتقدم على وظيفه راح يطلبون منك شهادة حسن سلوك عشان جذي طيب خاطر المتضرر بألي يرضيه ،
السنين جايه ولا تدري بألي يصير وبتشوف أنواع البهدله ،

وفوق هذا حتي لو جيت بتدخل العسكريه ماراح يقبلونك وخاصة كلية أحمد بن محمد ،
حزتها وبتستغرب من رفض أغلب الجهات لتوظيفك وبتقول معقوله عشان حادث سخيف صار لي قبل سنه؟ ،
طحت بنفس مشكلتك تقريباً في الأمارات من كم سنه وشفت التبهدل بعينه ودفعوني مبلغ خيالي ،










وتراني مب بطران بس دبرتها ومشيت حالي والحمدلله ع كل حال أهم شي عدت على خير ،
وفوق هذا الحمدلله ماكان هالشي بالدوحه ولا كانت هالقضيه بتدش بملفي اهني ،

الفلوس تتعوض وأنا أخوك فكر بمستقبلك وقول الحمدلله أنها جات بسيطه جذي ،
بالنسبه لمنع السفر ماعندي علم بس أدخل على موقع الداخليه وشوف قسم جوازات بوسمره وأتصلهم ،



خطاك الشر يالطيب ،:)

[قطر دزاين]

هد من روعك اخي
اليك اللي بيصير
عند الجلسه بسالك القاضي بتسدد او لا اذا نعم خلاص تسدد وتوكل على الله
اما من ناحية السفر اتصل بالجوزات شوف هل عليك بلاغ او لا ترى ما فيها اي سجن داك خذيت عفو من الاحداث

[قلب صادق]

السلام عليكم ورحمة الله وبركاته

اخوي الكريم بالنسبة لموضوع القضية هي اصلا متحركة يعني مش الطرف الاخر هو اللي محركها لانك عندما تم الافراج عنك هذا مش معناته ان القضية انتهت ولكن كان الافراج مؤقت لان ملف القضية تحول من النيابه الى المحكمة ومثل هالمواضيع تاخذ وقت .
المشكلة ان التامين ما راح يصلح لك لان ماعندك ليسن
وموضوعك بسيط ولا تشغل بالك كثير وان شاء الله يتم عمل صلح بينكم وتوصلون لطريقة منصفه للجميع

ودمت بحفظ الله ورعايته

[unless]

اللي بقوله لك روح العب بعيد
من بداية الردود وانت تشحت الردود
على مود ما أقتنعت بعد زيدوا ردودكم
بعدها تتحسب على البلاك بيري وانه السبب
ورد اخر تقول كنت رايح الدكان تجيب مشاريب
للربع ورديت على اتصال وتبي تتفادى زبالة(اعز الله القراء) وصدمت المتهم المظلوم
الوهمي ..وانه رافع قضية هي من الاصل واصله النيابة
اقول موضوعك متناقض الروايات وهش الحبكة أو برواية اخرى
خـــــــــــــرطي ..اقول ياخسارة تفاعل القراء