شنهـي احسـن شركة شحـن ؟؟

[♫ احسـاسـ طفلـهـ ♫]

السلام عليكم


بغيت اسالكم من تعامل فيكم مع شركات شحن بحيث يشحن اغراضه من هني عشان توصله في بلد ثانيه ؟؟


وشنهو نظامهم وكيف اسعارهم ياليت تفاصيل دقيقه يرحم والديكم وباسرع وقت بليززز



بغيت اسالكم ممكن اعرف لو كانت مع اغراضي اللي ابي اشحنها معطرات جو وصوابين و زيوت عطرية و عطور و عسل وفحم هل هالاشياء ممنوعة لو عاديه ؟؟

[♫ احسـاسـ طفلـهـ ♫]

الشحن بيكون من قطر لبريطانيا وكمية الاغراض مش بسيطه يعني ممكن 20 كيلو او فوق فتنصحوني بأي شركة وهل سمعتم عن شركة علي بن علي للشحن اظن جي اسمها وابي اسامي شركات مشابهه يرحم والديكم

[Chambray]

عبر الشرق للطيران وراه في شركه شحن
والله شحنت تقريباً 90 كيلو
بمبلغ بسيط لا اذكره تقريبا 900 ريال او اكثر قليلاً او اقل قليلاً لا اذكر صراحة

[قطري vip]

اممم يمكن ارامكس وجربي tnt وبعد الdhlوجربي واشنطن موفرز بعد اخذي ارقامهم من ال180

واتصلي لهم واهم شي التامين على الشحنه

[♫ احسـاسـ طفلـهـ ♫]

عبر الشرق للطيران وراه في شركه شحن
والله شحنت تقريباً 90 كيلو
بمبلغ بسيط لا اذكره تقريبا 900 ريال او اكثر قليلاً او اقل قليلاً لا اذكر صراحة

والله ممتااااااااااااااااااااااااااااااااااز اخوي متاكد من هالشي ؟؟ وبغيت اسالك استحملني شوي هل شحنت اغراضك بكراتين من عندهم او عادي يخلونك تعطيهم اغراضك مثلا بشنط مصكره ؟؟ وهل يوصلون لك اغراضك لين باب البيت ولا لابد تستلم شحنتك بنفسك وتجي تاخذها وكم مدة الشحن ؟؟ وهل يلزمك تعطيهم عنوانك في البلد الثاني ولا يشحنونها لشركتهم في البلد الثانيه وعقب يتصلون فيك عشان يعرفون عنوانك ويوصلونها لباب البيت ؟؟

ومشكوووووووور من قلب اخوي والسموحه على كثر الاساله جزاك الله خير ماقصرت

[♫ احسـاسـ طفلـهـ ♫]

اممم يمكن ارامكس وجربي tnt وبعد الdhlوجربي واشنطن موفرز بعد اخذي ارقامهم من ال180

واتصلي لهم واهم شي التامين على الشحنه

ان شاء الله بتصل فيهم كلهم باذن الله وبجيك تسلم اخوووووي ماتقصر والله وجزااااااااك الله خيرررر

[♫ احسـاسـ طفلـهـ ♫]

هل من معلومات اكثر omen

[قطـ VERTU ـر]

اممم يمكن ارامكس وجربي tnt وبعد الdhlوجربي واشنطن موفرز بعد اخذي ارقامهم من ال180

واتصلي لهم واهم شي التامين على الشحنه

نصيحه اختي تبتعدين عن هـ الشركآآتـ .. لان أسعااارهم جدا جدا غآليه .. بس انا طرشت تلفونـ الى الاماراتـ .. وخذو مني 550 ريال من ال dhl .. وطرشت تلفون البحرين .. خذو مني 400 وشوي تقريبا من الارآمكس ..

انا الحين حولتـ على البريد الممتاز ,, ومكانهم عند معصرة سآمكو اللي مقآبلهـ مطار الدوحه الدولي .. عند شركة الفورد والدودج ومكتب القطريه .. على نفس السيد .. بس هذيلا اطرش منهم اغراض حق دول الخليج .. واسعارهم جدا منآسبه .. ويسمحون بالعطور وهـ السوالف .. بس مادري اذا انهم يوصلونـ اوروبا او لاء .. بس انا انصح فيها بصرآحهـ من ناحية الخدمات والتكلفهـ .. وأسعارهم اقل بنسبة 90% من شركات الشحن الثانيه .. الكيلو الوآحد مآياخذ مني 40 ريال تقريبا .. انا اتوقع انهم يوصلونـ اوروبا .. لان في اغراض تجيني من دول ثانيه خارج الخليج على نفس هـ الشركهـ .. بس شوفي شالترتيبات ويآهمـ .. وانا انصحـ تتعاملين مع شركات الشحن الثانيه نفس اللي ذكرهم اخونآ اللي شحن 90 كيلو ..

وان شااءالله أكونـ افدتـ ولو بشي بسيط ..

[بولينجر]

البريد الممتاز.... ارخص حل.... ما اعرف اذا يسمحون بالاغراض اللي ذكرتيها.... وشفت موقعهم الحين مب كاتبين انهم يشحنون لبريطانيا بالذات.... اتصلي فيهم واسأليهم.... هذا موقعهم وفيه الرقم وكل البيانات.....

http://www.qatarposts.com/gpc/ems_ar.htm

[Bin qatar]

انا تعاملت مع علي بن علي وسعرهم رخيص من ثلاث سنوات تقريبا
وهذا رقم هندي شغال هناك وبيفيدج اكثر
66705033 homer

[بوفارس]

اختي انا بشرحلج من انسان مجرب
اقل من اسبوعين انا شاحن من الدوحه لبريطاني
وبالضبط الى مطار منشستر
بس انا مطرش تقريبا 400 كيلو وكلفتني 3800 ريال
الكيلو 7 ريال طبعن كل ما زاد الوزن قل سعر الكيلو اذا ما خاب ظني فوق 40 كيلو 8 ريال وفوق 100 كيلو 7 ريال واقل من 40 كيلو احتمال 9 ريال للكيلو
غير 100 ريال رسوم الشحن
وشركه رهيبه ولا اروع شركة اسمها شركة بن يوسف للشحن
وصاحبها اكبر الباكر يعني ماعتقد يبيلها شرح او مدح
شغلهم ممتاز بالذات للي عنده اغراض وايد
ومن الدوحه للمطار واي حد يقدر يستلمهم من المطار وفي نفس المكتب يقولك اذا تبين للبيت بيوصلونها لك
بس انا ماعجبني سعرهم 2500 ريال للتوصيل من مطار منشستر الى البيت وتاخذ 3 ايام بالكثير
انا شحنتهم وثاني يوم كانت طيارتي وكلفني التوصيل 45 باوند بس اهم شي اغراض مب تجاريه بس العسل ممنوع اختي
انا جبت عسل وياي في الطياره والحمدلله مشى بس في الشحن بيصادرونه عليك
واي شي الكتروني ياخذون عليه جمارك بس اذا شخصي ومستعمل ماعليه مشاكل
.....
وموقعهم في محطة التيسير الي عند اشارات المطار
وحالين انا في منشستر اذا في اي استفسار او اي شي انا حاضر
وبالتوفيق انشالله