شنو احسن بخور ومن وين ؟؟

[♫ احسـاسـ طفلـهـ ♫]

السلام عليكم


بغيت اسالكم شنو احسن بخور استخدمتوه ومن وين شريتوه


واحسن نوع مخلط استخدمتوه


افيدونا بالتجارب :>

[مهل]

السلام عليكم

طبعا مايخصني في هذا الموضوع .. لكن اول رمضان رحت مكه
ومن الاشياء الي موصيني عليها هو البخور .. و في مكه معروف الكم الهائل من محلات العطورات و البخور بانواعه
خذت من كل الانواي امشي و اشتري بخور .. الصدمه اني و انا طالع من مكه وقفنا في محطه بترول بعد الطايف و لفت نظري شاب يبيع بخور خذت منه وكانت قيمه العلبه 15 ريال
قلت يالله دامه رخيص و فيه مكان باخذه و سبحان الله طلع افضل من انواع البخور الثاني الي قيمتها اضعاف اضعاف البخور هذا . يعني لاتاخذين بالسعر او بشكل العلبه .

هذا ماعندي و الله الموفق

[Bin qatar]

بالنسبه لي انا اختي في القرشي والعربيه بتحصلين واختاري ع ذوقج عقب

[بوحارب]

احلى نوع استخدمتة ولا يرته من 5 سنين

عود معطر من اجمل

جربية وراح تدعين لي وسعره مب غالي

كل ما اغير نوع ارجع للعود المعطر :( خلاص تعلقت فيه وحتى هو تعلق فيني بعد ^^


موفقه

[qatarshare]

الجزيرة للعطور

[ROCK]

شاهد الخاص

[ولد العديد]

بخور ياس من محل ياس

عود معطر من اجمل العلبه خشب

وفي بخور راقيــه علبته مدوره بيضه بس ما عرف زوجتي من اي محل تاخذه

[Markato]

انا هلي دوم يستخدمون بخور موزه
وفي بخور الدانه وحده تسويه صج صج جناااااااااااااااان
وفي عود معطر بعد بعد ماله حل
واذا اي حد يبي الرقم بارسله على الخاص او يتواصل معاي على الخاص

[fandi]

بخور جميرة من شركة يااااس

[وديمه]

بخور

المها > من ياس
بشرى > ماعرف عند من بالضبط في قطر بس يقولون موجود في واقف
موزه > من شركة ريحه

عود معطر

من الدليمي اللي في سوق الديره تولته بـ 30 ريال

والجزيره قيمته اظن بـ 350


اذا جربتي منهم شي واعجبج دعواتج لي :)

[حياة]

انا عندي انواع من ياس (بخور)وخلطات ودهنيات اذا لج خاطر ارسلهم لج للبيت وتختارين اللي تبين والاسعار حلوه وايد

[findi]

بخور ياس <<< لاااايعلى عليييه

عود معطر من أجمل

عود معطر من حامل المسك

[Toomy]

بخور شركة ريحة روعه..ياس غالي ع الفاضي مب ذيك الريحة الحلوة.

[نونه الحلوه]

الجزيره وبــــــــــــــــــــــــــــــــــــــــــــــــ ــــــــــــس

التوب على القرشي واجمل

[ولد الشقب]

لور غاليري ام سعود معنا في المنتدى

كل انواع البخور والعود لمعطروالخلطات حلوه كل ماخذيت ارد وطلب

[بازار]

_______________________

بخصوص البخور

الانواع كثيره جدا لكن راح اذكر الافضل ..

بخور راقيه / الرصاصي ويدوم ويدوم ويدوم ويدوم

عود مطيب او مبخر / الجزيرة للعطور يخلي ريحة البيت :nice:

عود مطيب او مبخر / اجمل اللي لون كرتونة . بني واحمر وازرق :tease:

هذا من قطر لو بغيتي افيدج من خارج قطر ممكن افيدج بعد :secret:

[♫ احسـاسـ طفلـهـ ♫]

يعطيييييكم الف عافية جميعا الصراحه ما قصرتوا واللي عنده خبرة بعد لا يقصر تسلمووووووووون لي جميعا :nice:

[La Bella]

بخور

المها > من ياس
بشرى > ماعرف عند من بالضبط في قطر بس يقولون موجود في واقف
موزه > من شركة ريحه

عود معطر

من الدليمي اللي في سوق الديره تولته بـ 30 ريال

والجزيره قيمته اظن بـ 350


اذا جربتي منهم شي واعجبج دعواتج لي :)

شركة ريحة موجودة بفلاجيو بكشك صو go sport

[لمعة الالماس]

أنا اشوف بخور انفاسك دخون وايد حلو

وفي له كشك في رويال بلازا

[غدير البورصه]

وليش ما تسوينه بيدج؟؟؟؟

1-خذي نص كيلو عود ودقيه لين يتفتت ويستوي نعيم.

2-خذي عمبر خمس تول وصبي عليهم توله ونص دهن ورد ريحته زينه وعينيه.

2-جرام مسك بودره من المسك الغالي.

3-حطي العود المفتت المدقوق وصبي عليه عينة العمبر ودهن الورد لين يتماسك.

4-يوم يتماسك العود والعمبر رشي عليه المسك وتوله من فيجي البحرين .

5-اخر شي قرصيه على شكل قروص صغار وصفيه في صينيه وخليه في مكان مظلم ومكتوم عشان ما تروح ريحته.لين ييبس (يحتاج اسبوعين لين ييبس).

تقدرين تستبدلين عطر الفيجي باي عطر تحبينه .

هذا الدخون للعبايا والشيل وايد ريحته حلوه وكل ماكان العود زين كان الدخون ازين.

[خزامئ]

فية معمول من الامارات
شكلين كل واحد احلى من الثاني
فزاع150
وفرنسي150
مهب الي في سوق واقف ابيعونة نسوان

[deema117]

أنا اشوف بخور انفاسك دخون وايد حلو

وفي له كشك في رويال بلازا

كنت بكتب نفس الكلام . . جربي بخور ( شي شي ) من عندهم

الصرااااحة روعة

طبعاً جايبينه من الإمارات

[ابوخالد2010]

السلام عليكم عندي تسعة انواع من بخور عود مبشور ومبثوث شغل خاص اذا عندك رغبة في الشراء لدي خدمة توصيل عينات من البخور للتجربة في المنزل قبل الشراء للتواصل55272058

[Qtr.Girl]

بخور ياس من شركة ياس

بخور شي شي من انفاسك دخوون

عود مبخر من اجمل


انا عموما احب اخلط كذا نوع عشان تقوى الريحه وتكون مميزه

[وسمي2016]

وليش ما تسوينه بيدج؟؟؟؟

1-خذي نص كيلو عود ودقيه لين يتفتت ويستوي نعيم.

2-خذي عمبر خمس تول وصبي عليهم توله ونص دهن ورد ريحته زينه وعينيه.

2-جرام مسك بودره من المسك الغالي.

3-حطي العود المفتت المدقوق وصبي عليه عينة العمبر ودهن الورد لين يتماسك.

4-يوم يتماسك العود والعمبر رشي عليه المسك وتوله من فيجي البحرين .

5-اخر شي قرصيه على شكل قروص صغار وصفيه في صينيه وخليه في مكان مظلم ومكتوم عشان ما تروح ريحته.لين ييبس (يحتاج اسبوعين لين ييبس).

تقدرين تستبدلين عطر الفيجي باي عطر تحبينه .

هذا الدخون للعبايا والشيل وايد ريحته حلوه وكل ماكان العود زين كان الدخون ازين.

خبره ,,,,ما شاء الله,,:victory:,,,

[ذيب الريان]

اممممم اخذي عطر موزة من شركة ريحة الكشك الي عند بوابة رقم 4 بفيلاجيو ودعي لي مب غالي ب 100 بس

[Abdullah_89]

بخور راقيه من الرصاصي وسعره 90 ريال حلو وقوي وريحته تثبت

وفي محل يبيع في سوق الجبر وفي فرع ثاني في رويال بلازا ( كبينه ) اسمه اعتقد نواعم للعطور، عنده عود مبخر وعود معطر وعور بالعنبر وعود بالسكر وسعره حلو العلبه كبيرة وسعره 50 ريال وعمده بعد عود بالعنبر العلبه الكبيره ب 150 ريال رووعه بمعنى الكلمة وعنده بخور من الامارات يجيبه واسعاره حلوة ومو مبالغ فيها والعطورات عنده تبدى من 50 ريال لي 100 ريال

وفي وحده بالمنتدى تبيع كولكشن ( بخور - عطر مفرش - عطر جسم - عطر مركز) ب 200 ريال بس دوري في السوق العام بتلاقين موضوعها صراحه بخورها حلو وبريحه المشموم

[راعي الفكسار]

اسمحي لي راعية الموضوع بضيف سؤالي ع سوالج وبقول شنو احسن بخور حق الرجاال؟ ووين ينباع

[الطيبة كلها]

[QUOTE=Qtr.Girl;6837880]بخور ياس من شركة ياس

بخور شي شي من انفاسك دخوون




عندج عود مبخر مال الرصاصي وفي بخور اشتريه من وحد قطريه صديقتي تجيبه من وحد من الامارات روعه ما يتم عندها على طول ينباع
وفزاع حلو

[بنت^البحرين1]

انا اخذ من عبدالصمد القرشي .. ماعرف اسمه بس اقوله عود هندي سعر التوله 280 دينار ومافي الا هو موجود عنده بهالسعر هو ييج ملفوف في مخمل أحمر واذا خذتي كمية يسوي لج خصم حلوو .. هو صج غالي وايد لكن ريحته ثااااااااااااااابته انا ابخر شيلتي والله تتم اسبوع وكل ما ايي البسها اشم الريحة فيها خاصة فالشتا تثبت أكثر


اللي بيجربه مستحيل مايرجع يشتريه أو يلقى له بديل وأنا متأكدة