ساعدوني جوازي ضاع وفيه الاقامه

[ummalaz]

السلام عليكم ورحمة الله
مثل ماهو ظاهر بالعنوان فقدت جوازي وفيه اقامه
ماهي الاجراءات الواجب اتباعها
جزاكم الله كل خير ياشبكة الاسهم

[Bu Rashid]

بلغ مركز العاصمه
السفاره لاصدار جووواز جديد
الاقامه والجوازات لاضافه الاقامه في الجواز
الله يعينك على الاجراءات :rolleyes2:

[mohd89]

اول شي لازم تسويه روح بلغ بأسرع وقت

[هدهد سليمان]

بلغ مركز العاصمه
السفاره لاصدار جووواز جديد
الاقامه والجوازات لاضافه الاقامه في الجواز
الله يعينك على الاجراءات :rolleyes2:


مع نشر اعلان بالجرائد لمدة ثلاثة ايام ومثل ماتفضل اخوي بوراشد

[Qatari In Us]

اول شي انصحك دوره عدل وان شاء الله تحصله

اذا ماحصلته لازم تبلغ امن العاصمه وعقب لازم تروح الجوازات وعقبها تروح تسوي اعلان فقدان جواز سفر بالجريدة

[a7med0_0]

اللله يعينك
وعليك بدعاء الضاله وانشاء الله تلاقيه
وتقبل مروري

[ANONYMOUS]

اللله يعينك
وعليك بدعاء الضاله وانشاء الله تلاقيه
وتقبل مروري


:nice:

وانشالله تلقاه

[رجل الجزيرة]

لا تسوي سواتي وتستعجل:
مرة في أثناء تسجيل واحد من عيالي في الثانوية قبل التسجيل بإسبوع رحت المصور وصورت الجواز والبطاقة الشخصية وشهادة الميلاد ورجعتهم البيت وبعده بأيام دورتهم عليهم ولا خليت مكان حتى صار نهاية التسجيل أقل من إسبوع تقريبا وأنا أدور عليهم أكثر من شهر ولا حصلتهم وكنت حاطهم في كيس بلاستيكي، المهم فقدت الأمل ورحت للجوازات وطلعت لولدي جواز وبطاقة شخصية بدل فاقد بس وفي نفس اليوم إلا وحصلناهم، شلون إطلعوا والله ما أدري،
فرجاء رجاء رجاء لا تستعجل خاصة إلا إذا أنت متأكد إنه في البيت فدوره على أقل من راحتك وبإذن الله بتحصله.

[الـقـاسـي]

اوف اخس شي هالحركة انا في سنه وحده صارت لي مرتين وللاسف اقلب البيت كامل سواء للبطاقة الشخصية او الجواز ولما اروح للجوازات واخلص واستلم الجواز والله انه او ما ارد البيت احصل الجواز او البطاقة قهر

[وهم قطر]

قالوها العمى عمى القلب مب عمى العين

الله يعينك على ضالتك اقرأ سوره الضحى مره مرتين وأن شاء الله تحصله قدام عينك

[نور اعيوني]

تمي ادعي اللهم يا جامع الناس ليوم لا ريب فيه اجمع بيني وبين ضالتي..
وانتي تدورين وان شاء الله بتلاقينه لان انا صارت لي من قبل وتميت ادعي لين لقيته ولله الحمد..

[الخط الساخن]

قهر اخي شئ عندي لما تضيع مني بطاقة شخصية او جواز

[gamal503]

المشلكة مش في الجواز واستخراجة لو انت مصري لما تنزل مصر اقل شيء لمدة شهر كل يوم تروح امن الدولة ووين الباسبور وكل يوم هكذا الله يعينك

[بنت^البحرين1]

ان شاءالله تلقونه

تذكرت مرة وحده بتسافر ماطلعوا الجواز الا قارضه فار ههههههههههههههههههههههههههههه

[شيط ويط]

فتش بيتك (سبع مرات) وعقب ابدأ الإجراءات .. انا مره ضيعت (استمارة السيارة) قبل لا تنتهي بأسبوعين قلبت السيارة فوق تحت الإ مكان (واحد) تحت السيت :rolleyes2: .. المهم رحت طلعت بدل فاقد .. وقت الفحص الفني اشيك على طفاية الحريق هل مثبته والا لا .. كان أشوف (المحروسه) تحت السيت :rolleyes2:

وضاعت فلوسك (ياصابر) 110 ريال رسوم اصدار بدل فاقد كان بالإمكان ابني فيها (قصر) :weeping:

[راعي البيرق]

اولا : بلاغ باقرب مركز شرطة لك
ثانيا : مراجعة سفارة بلد الجواز لاصدار بدل فاقد
ثالثا : مراجعة ادارة الجوازات لاصدار الاقامة
الموضوع ماياخذ 5 ايام مراجعة الا اذا سفارة بلد الجواز لها اجراءات ثانية

[<اضرب واشرد>]

أختي أنتي متأكدة أنه ضايع في مكان معين ، البيت أو السيارة مثلا ، يعني ماطاح في الشارع.

دوري عدل وبإذن الله تلقينه.

ونصيحة : إذا عندج رحم قاطعتها من زمـــــن : صليها ، حتى يصلك الله ويعينك.

[نورالهدى]

الله المعين

[دوحة الجميع]

لاتدورين بروحك ... خل غيرك يدور لك ... لأنه لو الجواز جدامك ماراح تشوفينه

[مشتاقة لقطر]

لاتدورين بروحك ... خل غيرك يدور لك ... لأنه لو الجواز جدامك ماراح تشوفينه

بالضبط مرات الشي بيدك وتقعد اتطالع يمني يسار تدوره

[جرح الزمان]

ما ادري شفيني
كل ما اقراء العنوان اقراءه

جوزي ضاع

الظاهر ان الانسان يحب يقراء على هواه

السموحه طلعت عن موضوع الجواز

^_________^

[ummalaz]

شكراً لكل من مر وساعد وشرح لي تفاصيل الاستخراج او وجهني باي طريقه كانت
وابشركم اليوم وفي الساعه الثانيه عشر منتصف الليل تم العثور على السيد جواز بعد ما ذقنا الويل على يديه:secret::secret:

[شيط ويط]

شكراً لكل من مر وساعد وشرح لي تفاصيل الاستخراج او وجهني باي طريقه كانت
وابشركم اليوم وفي الساعه الثانيه عشر منتصف الليل تم العثور على السيد جواز بعد ما ذقنا الويل على يديه:secret::secret:

خخخخخخ مبرووك

[ANONYMOUS]

شكراً لكل من مر وساعد وشرح لي تفاصيل الاستخراج او وجهني باي طريقه كانت
وابشركم اليوم وفي الساعه الثانيه عشر منتصف الليل تم العثور على السيد جواز بعد ما ذقنا الويل على يديه:secret::secret:


قرت عينكم :p

بس قوليلنا وين لقيتوه