مطلوب شريك

[الرسام القطري]

http://www.qatarshares.com/vb/images/not_responsible.gif




السلام عليكم ورحمة الله وبركاته


من يدخل معاي شريك نمول السوق ونبيع كل شيء بالجملة

مثل جلابيات
قمصان نوم
ملابس أطفال
شيلات نسائية
وغيره وغيره من الأشياء الثانية

والرزق على الله

أبي شريك يدخل معاي
أنا كل أسبوع بروح دبي أو الصين
ايش رايكم
ترى ما في تجار جملة في سوق قطر الحين
معدودين على الأصابع ويبيعون غالي غالي غالي

صافي ربحك في الشهر مب أقل مب 50 الف

[الرسام القطري]

أتمنى ألاقي شريك

يكون قطري أبا عن جد

[بنت بلادي]

شاريك في شريكة قطرية وعندي سجل تجاري وأقدر أفتح محل .. راسلني على إيميلي لأني ما أقدر أرسل لك رسالة خاصه إلا بعد 100 مشاركة
الإيميل هو (r6m_2006@hotmail.com ) نور الغلا

[Al-Kuwari]

اوكيه اللي تبيه كشريك
شنو المطلوب منه بالتحديد ؟

[أغلى البـشر]

أخوي أنا ممكن أشاركك إذا تحب

راسلي على

win@hotmail.com

وأرسلتلك رقمي على الخاص

[الرسام القطري]

أخواني الأعزاء

التجارة في الجملة أحلة تجارة هذا أول شيء
الشيء الثاني ما في تجار جملة سوى ثلاث أشخاص من سوق واقف من ايران
ويبيعون غالي غالي وايد


أنا ما أتكلم وأنا ما عندي خبر ه

لا أنا الوالد الله يرحمه كان عنده 6 محلات في سوق واقف وكان الوحيد في سوق واقف يبيع بالجملة من خمسين سنه
وعقب وقف عن الإستيراد الله يرحمه برحمته

بس لازم تعرف شيء مب كل شخص بيشتري من عندك كاش لا
في ناس يشترون أقساط ويدفعون نص المبلغ

في هذي الحالة الي يشتري كاش راح نعطيه بسعر رخيص جدا جدا حتى لو نستفيد على كل قطعه 5 أو 10 ريال
والي يشتري بأقساط نرفع عليه السعر شوي زيادة ما نظلمه يعني ريالين أزيد من الي يدفع كاش
وانتو بنفسكم شفتو ا الجاليات يوم الجمعه في السوق وحتى يوم الخميس
في أشياء نشتريها لهم مثل
تكرمون
1- الجواتي الي يلبسونها حق الشغل ( شغل البناء ) سعرها في الإمارات تقريبا 5 ريال أو أقل
سعر قطر 15 ريال
أنا كنت أجيب خميس وجمعه 5 كراتين كانو يروحون مثل الهوى والله
والتجار الأجانب الي في السوق يدرون مثل هذي الأحذية
أهم يشترون الجوتي من تجار الجملة في السوق 10 الى 11 ريال ويبيعه 20 ريال
أحنا بنبيعه 7 ونص لهم

على طول جيب ووزع وفي نفس الوقت بنبيع الفايدة فايدتين بس لازم كل أسبوعيين نسافر دبي أو الصين
وفي أشياء ثانية غير بس لازم نقعد مع بعض ونتفاهم أحسن
أنا أحتاج أستور ومحل صغير
المحل سهل أمره سوق واقف للقطري 500 ريال في الشهر تقدر تحجز واحد لاتخاف ما راح نخسر
ثالث شيء وقت الصلاة لازم المحل يسكر حتى لو زحمه تطرد الي في المحل

الوالد كان يطردهم الله يرحمه
وشوف الله أشلون بجيب الرزق

وغير المحل أنا ببيع من برع لبرع وانت بتكون ماسك الحسابات علشان تطمئن ولاتخلي الشيطان يوسوس فيك
أهم شيء تتوكل على الله وما تسمع كلام أحد يقولك بتخسر ومب عارف ايش
خساره ما في أنا ببيع كل شيء كل شيء
بخلي الي في السوق ما يروحون مكان الهنود الي في السوق يعرفوني عدل ...
والشيء الأهم

الإستخارة
أستخير ربك ثلاث أيام لازم وبكل صدق

[الرسام القطري]

شاريك في شريكة قطرية وعندي سجل تجاري وأقدر أفتح محل .. راسلني على إيميلي لأني ما أقدر أرسل لك رسالة خاصه إلا بعد 100 مشاركة
الإيميل هو (r6m_2006@hotmail.com ) نور الغلا



يستحسن واحد


لاتزعلين أنتي بنت وشغلة التجارة يبيلها مراكض صعب سامحيني :shy: :shy:

[لمت داون111]

السلام عليكم

ضيفيني علي الايميل عشان نتفاهم اخوي ونعرف نرتب امورنا عدل

limt111@hotmail.com

اخوك لمت داون111

[أغلى البـشر]

أخوي أنا مستعد أشاركك إذا تحب وبالنسبه للمحل ممكن مثل ما قلت أو عندي انا سجل ممكن نفتح محل في اي مكان
بس في أمور ممكن نتفاهم عليها
أرسلتلك رقمي على الخاص أو ضيفني عندك على الماسنجر ممكن نتواعد في اي مكان

[Al-Kuwari]

اوكيه اخوي كم راس المال على كل واحد ؟
هاي اهم سؤال
انا الصراحه شاب عمري 19 وودي اساعدك
منها افيدك ومنها افيد نفسي وياك
فقولي كم راس المال المطلوب من كل واحد
اذا مقدور عليه من عيوني ادش وياك
اذا مب مقدور عليه فالله يوفقك ويوفقني وياك...

[الرسام القطري]

أخواني الأعزاء رأس المال بسيط جدا جدا

أنا كنت طالب 100 الف

بس سويت حسابات أبي 50 الف فقط
بيع الجملة ربح سريع ترى
أنا بجيب وببيع على طول
يعني الفايدة في البيعه الأولى يعني فوق الخمسين 20 الف أو أكثر إن شاء الله

المحل يحتاج ديكور ما يكلف ديكور عادي عادي عادي 6000 الاف ديكور

والربح بإذن الله مضمون

الي يبي يدخل شريك معاي اول شيء يسافر معاي دبي وبراويه بعينه علشان يتأكد

المشكلة شباب اليوم مواتر كشخه والجيب فاضي
والله لازم الإنسان يفكر الحين في التجارة ترى الحركة بركة
قبل لاتتدخل في الشراكة معاي أنا بخليك تسافر معاي وتشتري بعض الأغراض
وابيك تبيعهم وانت مع ربعك وشوف كم بطلع في الأسبوع

أتمنى من الجميع التوفيق

[Al-Kuwari]

يعني اخوي افهم من كلامك
50 الف علي
و50 الف عليك وجذي ؟

[hasss1969]

انا استطيع توفير مخزن صغير حيث توجد مساحة في منزلي استطيع تحويلها لمخزن لابأس بمساحته,لكنني لست قطري ,لكن مولود هنا وهذا ايميلي لو احببت
loverworld_22@hotmail.com

[ملكة البورصة]

هلا اخوي ماتبي شريكه

[hasss1969]

من تقصدي يا عزيزتي ملكة البورصة بقولك تريد شريكة؟لمن كلامك موجه؟
وشكرا

[مـراحـب]

اوان بعد ابغي من البضاعة من الصين

لاني ما اقدر اكون شريكة

[أغلى البـشر]

حصلت لك شريك أخوي ولا للحين ؟

[مـراحـب]

ووووينك ما ترد علينا

[الرسام القطري]

السلام عليكم ورحمة الله وبركاته

الجميع طلب الرقم وانا طرشت الرقم على الخاص والأميلات الي حاطينها ولا شخص رد علي الى الآن

[مـراحـب]

واحنا ليه ما رديت علينا

[الرسام القطري]

الرقم عندك على الخاص


جرحي عميق شوف الخاص :shy:

[بنت العالي]

مرررحبا اخوي
مشرووعك جدا ممتاز تمنيت اكون شريكه معاك
لاكن للاسف دووم اكون مشغوله وعلى قولتك هذي يبيلها مراكض
بس ممكن افيدك مره كنت اتحدث مع واحد وكان طارح على نفس هالفكره
ممكن يساعدك او ممكن ثنينكم تكملون بعض

هذا ايميله
na7ees99@hotmail.com

[ضرغام]

السلام عليك اخوي.
ممكن اشاركم يعني اكون ثلاثه.

[الرسام القطري]

السلام عليكم ورحمة الله وبركاته


أخواني أخواتي الأعزاء أعضاء المنتدى لقد وجدت الشريك المثالي صاحب الأخلاق العالية

والنك نيم للشريك هو((( البنــــــــــــــــــــز)))
ولكه مني الشكر والأحترام والتقدير لأنه إنسان خلوق وطيب وأصيل وإن شاء الله نحن بصدد إستئجار محل خلال هذي اليومين ولقد أنتهينا اليوم من جميع الإجراءات ........ز


ونعم الشــــــــــــــــــــــــــــريك