أينَ الرقابَة منْ هذا الصالونْ ؟ !

[أوركيدهـْ ~]

السلام عليكمْ ورحمة الله وبركاته

أول موضوع لي بـِ شبكة الاسهمْ :)

.. }

على أواخر رمضان رحت مع إختي صالون (......)

علشان تحني بناتها حق العيد ...

دخلنا الصالون وطلبنا حنايِه للبنات ...

جونا 3 هندياتْ مخصصاتْ للحنّه وفي يد كلْ وحده كاتالوجْ

علشان نختارْ الديزاين اللي نبغيه ..

قلتْ لإختي وشْ رايك نتحنى / حنّة سوداء ؟

وسألتْ الفلبينيّة اللي على الإستقبالْ إشلونْ الحنّة السوداء عندكمْ

قالتْ لي نفسْ هاللونْ اللي على يدي ( كانتْ متحنيِه ) !!

إلا أشوفْ على يدها رسمَة فيل حقتْ البوذا ؟؟

قلتْ لها : هذا حرامْ ماننقشَه حنا .. هذا رسوماتْ آلهَة الهندو والبوذيينْ

إلا تناظرني وحده هنديّة إحتمالْ هي اللي تدير الصالونْ بنظرَه كأنه مو عاجبها كلامي !

المشكلِه حسبته نقشَة حنّة على يدها بطلبها وإنتهى

يومْ قعدتْ بركنْ للإستراحَه أتصفحْ كتالوجاتْ الحنا شفتْ

بالفعلْ كتالوجْ خاصْ بالصالونْ عن نقوشْ حنا لآلهة البوذ والهندو

أستغربْ .. /

- وينْ الرقابَه عنهمْ ؟

- هلْ مسموح مثل هالنقوشاتْ بالصالوناتْ ؟

- هناكْ بناتْ أمهاتهمْ يدزونهمْ معَ الشغالاتْ علشانْ يتحنونْ ..

يعني ممكنْ تعجبها الرسمه وتطلبها وهي ماتدري وشْ معناة هـَ الرسمه ..

وشْ راحْ تكونْ ردة فعلْ أمها ؟؟

هذي بعض الصور صورتها منِ الكاتالوجْ

وسوري لرداءة الصور لأنه من الجوالْ وعلى السريع

...


http://www7.0zz0.com/2010/09/14/10/282506448.jpg

http://www8.0zz0.com/2010/09/14/10/348178560.jpg

http://www8.0zz0.com/2010/09/14/10/891953387.jpg

http://www12.0zz0.com/2010/09/14/10/897624526.jpg

http://www12.0zz0.com/2010/09/14/10/932449075.jpg

http://www12.0zz0.com/2010/09/14/10/104658802.jpg

http://www9.0zz0.com/2010/09/14/10/788987902.jpg

http://www9.0zz0.com/2010/09/14/10/798800632.jpg

http://www9.0zz0.com/2010/09/14/10/904072082.jpg

http://www9.0zz0.com/2010/09/14/10/325993912.jpg

http://www9.0zz0.com/2010/09/14/10/910516409.jpg

http://www9.0zz0.com/2010/09/14/10/368661919.jpg

http://www9.0zz0.com/2010/09/14/10/245552304.jpg

وهذا الكاتالوجْ على طاولَة الإنتظار بصالَة الصالونْ ..

http://www9.0zz0.com/2010/09/14/10/128620285.jpg

[بوحارب]

لاعبين لعبتهم هالهنديات حسبي الله عليهم !

[أوركيدهـْ ~]

لاعبين لعبتهم هالهنديات حسبي الله عليهم !

مدري وينْ الحملاتْ التفتيشيّة عنهمْ ؟

شكراَ أخوي بو حاربْ

[Al-Kuwari]

الشيخه بلغي عنهم

[الوان]

للأسف انا مره دخلت صالون لقيت الفلبنيه تكلم رفيجها على النت بالفيديو قلت لها سكريه و سكرته ... و مره دشيت صالون لقيت الهنديه مدخله عامل يصلح .. هاوشتها قالت لي عادي هاي ولدي و لحقتني لي لين السياره تتعذر ... الله يعافينا من هالاجانب .. المشكله الصوالين باسماء قطريين و قطريات و لا داريين عن المحلات

[الخط الساخن]

الله يقطع بليسهم

[Gh2o]

يمكن مال الرقابه مايعرف شمعناته ويمكن هم مايعرفون اساسا ان هالشي مخالف عندنا شرعاً يعطيج العافيه اختي وممكن ادقين على حمايه المستهلك وتبلغين

[القمه]

أعزائي من وجهة نظري >>المفروض البلديه تتفق مع قسم التوعيه
والإرشاد وهم لهم دور بهاي شي مثل كتاب يوضح لهم شنو المسموح
وشنو مب مسموح ويعلق بكل صالون او محل تعميم شامل لكل المحلات
وبعدت الغات وجهة نظري
ورتقب طرح قووووي
ملحوظه \شي طيب نزلتي الصور عشان ننشرها وندزها حق البلديه
وأصحاب العوائل يتخذون الحذر

[بـــــــنت النوخـّــــذه]

اكره هالصوره كره هالفيل المتربع

http://www8.0zz0.com/2010/09/14/10/348178560.jpg

عموما اختي اولا اشكرج جزيل الشكر على الموضوع ولانه يحمل تنبيه للمجتمع والمسؤولين لبعض الصالونات وما يدور بداخلها 000

1 ) :بالنسبه للحنه السوده هذي ممنوعه فالصالونات بأمر من البلديه لاحتوائها على مواد مسرطنه فتعتبر مخالفه اولى عليهم من ناحيه صحيه 000

2) : بالنسبه للرسومات والخزعبلات الي فيها تعتبر مخالفه دينيه وهذي تحسب عليهم 000

المطلوب الله يسلمج يا اختي العزيزه انج يوم الاحد بإذن الله ترفعين السماعه على القسم المختص لهذي السوالف بالبلديه ونعطينهم بيانات الصالون ومايتم عرضه فيه 000 ولازم اتخبرينهم عن الحنه السوده وانج مصوره نموذج لنقوش حنه ترمز لديانتهم التي تخالف الشريعه الاسلاميه 000 وياريت بعد من اليوم تتصلين بأحد الجرايد بس اتحطين لهم الصور ترسلينهم على الايميل للشخص الي بتكلمينه 00بدون ذكر اسم الصالون واتخلينهم يتحفطون بالاسم فقط للمسؤولين يعطونه 00

والله يستر عليكم دنيا وآخره احيي فيج روح الغيره على الدين 00ورفض الامور السلبيه في مجتمعنا

[أوركيدهـْ ~]

الشيخه بلغي عنهم

والله ودي بس أبغي الرقم ؟؟

[أوركيدهـْ ~]

للأسف انا مره دخلت صالون لقيت الفلبنيه تكلم رفيجها على النت بالفيديو قلت لها سكريه و سكرته ... و مره دشيت صالون لقيت الهنديه مدخله عامل يصلح .. هاوشتها قالت لي عادي هاي ولدي و لحقتني لي لين السياره تتعذر ... الله يعافينا من هالاجانب .. المشكله الصوالين باسماء قطريين و قطريات و لا داريين عن المحلات

أتذكر مره كنت طالعه من الدوام الساعه 3 مريت صالون يقولون مفتوج طول اليوم

دخلته شوي واشوف 2 شباب لابسين خليجي دشو غرفه مع فلبينيات

قلت لهم من هذولي قالو لي فرندز !!!

دقيت على صاحب الصالون طلع فلسطيني قطري قال لي وش تبيني اسوي يعني ؟؟

فحذرت صديقاتي مايروحون الصالون هذا

[أوركيدهـْ ~]

الله يقطع بليسهم

آميـــــــــن

[أوركيدهـْ ~]

يمكن مال الرقابه مايعرف شمعناته ويمكن هم مايعرفون اساسا ان هالشي مخالف عندنا شرعاً يعطيج العافيه اختي وممكن ادقين على حمايه المستهلك وتبلغين

أكيد راح أدق وأخذت من الفلبينيه كرت الصالون :)

لكن ماعرفت وين ادق علشان ابلغ ؟؟

[بـــــــنت النوخـّــــذه]

والله ودي بس أبغي الرقم ؟؟



رقم الهاتف: 44413331
- رقم الفاكس: 44430239
- البريد الإلكتروني: webmaster@baladiya.gov.qa

:)

[أوركيدهـْ ~]

ملحوظه \شي طيب نزلتي الصور عشان ننشرها وندزها حق البلديه
وأصحاب العوائل يتخذون الحذر

ياريت البلديه تاخذ ردة فعل وأنا مستعده اعطيهم اسم الصالون وموقعه

شكرا اخوي

[أوركيدهـْ ~]

اكره هالصوره كره هالفيل المتربع

فديتج والله .. الحال من بعضه

والفلبينيه اللي بالأستقبال ناقشة الفيل بحنة سوداء على يدها اليمين :)


بالنسبه للحنه السوده هذي ممنوعه فالصالونات بأمر من البلديه لاحتوائها على مواد مسرطنه فتعتبر مخالفه اولى عليهم من ناحيه صحيه

انا متحنيه من فترة في صالون رحاب والعروسه حنه سوداء

ونجيب حنايات البيت بحنه سوداء .. لو ممنوع ماحنو الناس


يوم الاحد بإذن الله ترفعين السماعه على القسم المختص لهذي السوالف بالبلديه [/u]ونعطينهم بيانات الصالون ومايتم عرضه فيه 000 ولازم اتخبرينهم عن الحنه السوده وانج مصوره نموذج لنقوش حنه ترمز لديانتهم التي تخالف الشريعه الاسلاميه 000 وياريت بعد من اليوم تتصلين بأحد الجرايد بس اتحطين لهم الصور ترسلينهم على الايميل للشخص الي بتكلمينه 00بدون ذكر اسم الصالون واتخلينهم يتحفطون بالاسم فقط للمسؤولين يعطونه 00

خووش راي .. بإذن الله بسوي اللازم

وأتمنى الأامهاتْ مايدزون بناتهم الصالون مع الشغالات

مساكينْ وش دراهم وش تعني هالرسوماتْ !

شاكرتك إختي على ردك الطيب

[Toomy]

أتذكر مره كنت طالعه من الدوام الساعه 3 مريت صالون يقولون مفتوج طول اليوم

دخلته شوي واشوف 2 شباب لابسين خليجي دشو غرفه مع فلبينيات

قلت لهم من هذولي قالو لي فرندز !!!

دقيت على صاحب الصالون طلع فلسطيني قطري قال لي وش تبيني اسوي يعني ؟؟

فحذرت صديقاتي مايروحون الصالون هذا

الفلبينيات اللي في الصالونات اغلبهم يكلمون شباب قطريين,مرة وحدة منهم تتكلم و اشكره تكلم قطري:telephone: وشوي انفصلت السماعه و انفتح السبيكر الا قطري :omg:انحرجت هي..المفروض يمنعونهم يستخدمون التليفونات أثناء وجود الزبونات و احنا شدرانا أنهم ما يصوروننا:rolleyes2:

[أوركيدهـْ ~]

رقم الهاتف: 44413331
- رقم الفاكس: 44430239
- البريد الإلكتروني: webmaster@baladiya.gov.qa



تسلمين إختي على هـَ المساعده وعساكِ الجنّة يارب

[أوركيدهـْ ~]

الفلبينيات اللي في الصالونات اغلبهم يكلمون شباب قطريين,مرة وحدة منهم تتكلم و اشكره تكلم قطري:telephone: وشوي انفصلت السماعه و انفتح السبيكر الا قطري :omg:انحرجت هي..المفروض يمنعونهم يستخدمون التليفونات أثناء وجود الزبونات و احنا شدرانا أنهم ما يصوروننا:rolleyes2:


في صالون مشهور بالدوحة الفلبينيات اللي فيه يشتغلون والجوال بيدهم

ماتلاقي الجوال ساكت 5 دقايق ... وهذا هو الصالون اللي ذكرته بردي فوق

وبطلت اروح له ..

[ارين]

أتذكر مره كنت طالعه من الدوام الساعه 3 مريت صالون يقولون مفتوج طول اليوم

دخلته شوي واشوف 2 شباب لابسين خليجي دشو غرفه مع فلبينيات

قلت لهم من هذولي قالو لي فرندز !!!

دقيت على صاحب الصالون طلع فلسطيني قطري قال لي وش تبيني اسوي يعني ؟؟



والله شي غريب اللي نقراه .. الرسومات يالله قلنا المسألة هينة ومع تنبيههم
يمكن تغيييرها برسومات أخرى ..

ولكن طلعت مسألة أخرى .. وهم الشباب ودخولهم للصالون مع الفلبينيات .. وصمت صاحب الصالون ورضائه عن الحال
صراحة المفروض ما تسكتين عنهم وتبلغين عليهم فورا ..

وشكرا لك الله يعطيك العافية ...

[بـــــــنت النوخـّــــذه]

أتذكر مره كنت طالعه من الدوام الساعه 3 مريت صالون يقولون مفتوج طول اليوم

دخلته شوي واشوف 2 شباب لابسين خليجي دشو غرفه مع فلبينيات

قلت لهم من هذولي قالو لي فرندز !!!

دقيت على صاحب الصالون طلع فلسطيني قطري قال لي وش تبيني اسوي يعني ؟؟

فحذرت صديقاتي مايروحون الصالون هذا


:eek5::eek5::eek5:

بل 000 وانزين يوم قالج اشتبيني اسوي لهم كان رديتي قلتي له أبد بغيتك تذبح لهم وجوب الضيافه 0000

لكن صج لو انا مكانج على طول اتسحب واخلي حد يدق على الشرطه ترى الشرطه في خدمه الشعب 00
عموما" توقعو اذا راعي الصالون راضي بهذا المنظر معناته في امور اخرى اكبر تصير بالصالون وزين انج حذرتي البنات الله يستر عليهم

تدرين ذكرتيني بوحده اتقول رايحه محل اثاث معروف تشتري لبيتها مع زوجها الا استقبلتهم ذيج الي يرحبون يقولون اهلييييييييييييييييييييين خيتييييييييييي يلي بدك اياه موجود اتقول حركاتها كانت غريبه اتلصق بزوجها ههههههههههه المهم اتقول اختارت الي تبغيه وراحت السياره وزوجها يدفع الفاتوره الا جاها زوجها منصدم يقول لها تدرين هذي الوصخه عطتني رقمها تبيني اكلمها الا مرته قالت له اتصل على راعي المحل او مسؤولهم الا اتصل بالمسؤول وقال له شوبدك اعمل فيها ياخيي هيدي هي مصدر الرزق والبركه على المحل بتجيب إلنا زباين 00وراعي المحل راضي بيحترمها كتير

الحين بذمتك اللوم على من ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اين المسؤولين والرقابه ؟؟ دام فيه واسطات

0:eek5:0

[غزلان]

استغفر الله

ماعاد فيه أمان

[أوركيدهـْ ~]

ولكن طلعت مسألة أخرى .. وهم الشباب ودخولهم للصالون مع الفلبينيات .. وصمت صاحب الصالون ورضائه عن الحال
صراحة المفروض ما تسكتين عنهم وتبلغين عليهم فورا ..

بيقول الصالون باسمي ومؤجره على هنديه او فلبينيه !

وهذولي واصلين ولهم واسطه ويقدرون يطلعون عمرهم من السالفه

[Toomy]

كثرت الصالونات و كثرت العاملات و الخراب و الدمار اللي يجي من وراهم ,كل فريج فيه ما لا يقل عن 3 صالونات و في فترات ماعندهم زباين و هم عارفين خاصة فترة الظهر و العصر .

[Live]

لا رقيب ولا حسيب
وين المراقبة؟
يعطيج العافية

[أوركيدهـْ ~]

تدرين هذي الوصخه عطتني رقمها تبيني اكلمها الا مرته قالت له اتصل على راعي المحل او مسؤولهم الا اتصل بالمسؤول وقال له شوبدك اعمل فيها ياخيي هيدي هي مصدر الرزق والبركه على المحل بتجيب إلنا زباين 00وراعي المحل راضي بيحترمها كتير


والله زين ريلها طلع رجال وصارح زوجته :)

وصدق المفاصيخ هذولي هم مصدر الرزق ويجيبون الزباين بلسانهم الحلو

...

أتذكر مره كنت رايحه مع اختي باسكن روبنز نشتري ايس كريم

إلا اشوف فلبينيه تشتغل معاي بالعمل بقسم اخر قاعده مع واحد قطري

قد اصغر عيالها سويت نفسي ماشفت شيء ..:weeping:

شوي شافتني وسلمت علي وقالت لي هذا صديقي حمد :secret:

بعد اسبوع لاقيتها بالكافتيريا بالشغل قالت لي

حمد أهداني سياره بعيد ميلادي ( هوندا .. حمراء ) :rolleyes2:

..

قلت في نفسي الحين هذا حمد .. من وين جاب الفلوس ؟؟

[بنت شيوخ]

صالون بقطر

غريبه المفروض الكل يقاطعه

[أوركيدهـْ ~]

استغف
ر الله

ماعاد فيه أمان

صار الواحد يخاف على نفسه وعياله من شرهم

[أوركيدهـْ ~]

كثرت الصالونات و كثرت العاملات و الخراب و الدمار اللي يجي من وراهم ,كل فريج فيه ما لا يقل عن 3 صالونات و في فترات ماعندهم زباين و هم عارفين خاصة فترة الظهر و العصر .

صحيح .. فترة الظهريّة هي فترَة طلعاتهمْ وسوالفهمْ

حتى الفلبينيات بالسكن تلاقين الظهريه الشباب ياخذونهم ويردونهم قبل الساعه 10

عادي .. حريه :)

[أوركيدهـْ ~]

لا رقيب ولا حسيب
وين المراقبة؟
يعطيج العافية

المراقبه الاساسيه من البيت والاهل

شكرا لك

[فارس الكلمة]

بعد اسبوع لاقيتها بالكافتيريا بالشغل قالت لي

حمد أهداني سياره بعيد ميلادي ( هوندا .. حمراء )

مقابل ماذا ..؟!

[أوركيدهـْ ~]

صالون بقطر

غريبه المفروض الكل يقاطعه

ياريت يقاطعونه .. وياكثرهم الصوالين بكل شارع وطريق

صارت موضه الحين في صوالين متنقله :)

[أوركيدهـْ ~]

مقابل ماذا ..؟!

روح إسألها :secret:

[ANONYMOUS]

نزين تساؤل بريء

الحين الصالونات مفتوحه للكل

ومن ضمن اللي يروحون الصوالين " المفروض " في زباين هنديات

ونص الهنود هنا بوذيين

فأكيد لهم طلب خاص..

يبون هالرسوم الكجره


الا اذا تبون تنقسم الصوالين الى عدة اقسام.. صالون قطري - خليجي - عربي - مسيحي - مسلم - بودا - .. الخ

[ANONYMOUS]

حمد أهداني سياره بعيد ميلادي ( هوندا .. حمراء ) :rolleyes2:

..

قلت في نفسي الحين هذا حمد .. من وين جاب الفلوس ؟؟


شرى السياره اقساط على حساب زوجته الغشيمه اللي ماتدري

شدعوه زوارة خميس :p



شلون من وين جاب لفلوس.. اكيد يشتغل ..

ترى الهوندا مب غاليه يمكن بين 50 و 100 الف

مش هذاك المبلغ الـ waw

[ANONYMOUS]

مقابل ماذا ..؟!



صف النيه..

اكيد مقابل انه يتعود يحكي انقليزي .. يعني مقابل اللغه الانجليزيه


ترى الانقليزي مهم وملعوز العالم

كل شي لازم توفل :rolleyes2:

[بوعبدالله2005]

انا استغرب منكن يا نسوان
الحين كل يوم يتم فتح صالون جديد و الزبائن تارسين الصالون
و في المناسبات الزحمه لين اخر الشارع
و كل اسبوع او اسبوعين لابد من زياره الصالون

النسوان صاروا ما يعرفوا يكشخوا الا في الصالون
لا حنا ولا شعر و لا نتق و لا حف الا في الصالون

وا خر شىء يتشكون على الصالون اكيد بتشوفوا اكثر من هذا من مصائب في الصالونات
و الحل
الحرمه تشوف لها حل في بيتها او بيت حد من اهلها مثل زمان وتكشخ نفسها و تاخذ لها دوره تزيين وخلاص

[بواردي]

وين المرور عنهم
هذا تعتبر استكرات وملصقات مخالفة

ههههههه


اختي اتصلي في البلدية ممكن يفيدونج

[بو نايف]

الفيل المتربع


هذا من الهتهم


وشكثر يعبدونه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

[امـ حمد]

اختي الغاليه لازم تبلغين عنهم وبأسرع وقت ولج الأجر

حسبي الله عليهم

[نونه الحلوه]

لا حول ولا قوة الا بالله

مدري شاقول الحمدلله مااحب روحة الصالون اطلبهم البيت عندي

بعدين الصور اللي عرضتيهم ياختي مالت الحنا مافيها ذرة جمال ههههههههه يعني اللي بتتختاهم سوري ماعندها ذوووووووق بالمره

وانشالله القانون ياخذ مجراه يوم تبلغين...

بعدين والله شبابنا مايخافون من هالفلبينيات كلهم امراض اعوذ بالله دكاكين مفتحه للرايح والجاي الله يستر علينا ...

[أوركيدهـْ ~]

نزين تساؤل بريء الحين الصالونات مفتوحه للكل

ومن ضمن اللي يروحون الصوالين " المفروض " في زباين هنديات

ونص الهنود هنا بوذيين

فأكيد لهم طلب خاص.. يبون هالرسوم الكجره

الا اذا تبون تنقسم الصوالين الى عدة اقسام.. صالون قطري - خليجي - عربي - مسيحي - مسلم - بودا - .. الخ

لا خوي مو بكيفهم .. الهنود عندهم بوي فرند بعد ..

عيل عادي يجيبونهم وياهم الصالونات ؟؟

شوي وبتقل خلي يجيبون الشرب والكاس وياهم :anger1:

المفروض يحترمون المكان اللي هم فيه

[أوركيدهـْ ~]

ترى الهوندا مب غاليه يمكن بين 50 و 100 الف


حتى لو بـ 10 الاف .. حرام في هالفلبينيه العيوز

انت لو شايفها بتقل هذي ماتسوا 5 ريالات :tease:

[أوركيدهـْ ~]

صف النيه.. اكيد مقابل انه يتعود يحكي انقليزي .. يعني مقابل اللغه الانجليزيه

ترى الانقليزي مهم وملعوز العالم كل شي لازم توفل :rolleyes2:


هذي إذا فلبينيه مو صينيّه ..

وإلا الإنقليزي بيطلع مكسر وماكو توفل :tease:

[أوركيدهـْ ~]

الحرمه تشوف لها حل في بيتها او بيت حد من اهلها مثل زمان وتكشخ نفسها و تاخذ لها دوره تزيين وخلاص

لكن في شغلات لابد وإنها تروح الصالون تسويه

وأحيانا ممكن تسويه بالبيت لكن الدفع بيكون أكثر ولا زم أكثر من طلب

[أوركيدهـْ ~]

اختي اتصلي في البلدية ممكن يفيدونج


خلاص ارسلت لهم إيميل باسم الصالون وعنوانه وارفقت معاه كل الصور :)

[أوركيدهـْ ~]

الفيل المتربع

هذا من الهتهم وشكثر يعبدونه !!!!!!!!!!!!!!!

ايه والله واااااااااااااااااااايد :)

مدري ليش يعبدونه ؟؟؟

[أوركيدهـْ ~]

اختي الغاليه لازم تبلغين عنهم وبأسرع وقت ولج الأجر

حسبي الله عليهم

بلغت عنهم يالغاليه ومشكوره

[أوركيدهـْ ~]

بعدين الصور اللي عرضتيهم ياختي مالت الحنا مافيها ذرة جمال
ههههههههه يعني اللي بتتختاهم سوري ماعندها ذوووووووق بالمره

والله وكل وحده وذوقها وإذا كانو البنات صغار ومع الخدم وش عرفهم بالذوق

يستانسون يوم يشوفون فيل وإلا بنت ومظله ومهراجا ههههه


وانشالله القانون ياخذ مجراه يوم تبلغين...

باذن الله


بعدين والله شبابنا مايخافون من هالفلبينيات كلهم امراض اعوذ بالله
دكاكين مفتحه للرايح والجاي الله يستر علينا ..

بيجي يوم ويندمون يالغاليه لكن وقتها ماينفع الندم

[تاجر121]

اللله يستر يا رب
ونصيحه لبعض الحريم يبطلون يروحون صالونات ويلزمون ابيوتهم وعن كثرة الطلعات يوم ايسون هالاشياء ما راح اتشوفون شي بره
وعليكم بأزواجكم واعيالكم وبس وما عليكم من الناس والمظاهر

[بنت ابوها 19]

لاتسكتين حبيبتي

الساكت عن الحق شيطان اخرس وبسنا سكوووت
يخوفي والله بكره من كثر تماديهم اشوف اصنام عند بيبان البيت

[العبرات]

صدقوني ما راح يصير أي شيء .. والصالون راح يستمر في تقديم هذه الرسومات .. ومثل ما قال

أحد الإخوة أن هناك مسيحيين وبوذيين وهندوس .. وهؤلاء لهم ديانتهم وعاداتهم .. واحنا حسب

التوجه العام (لا تقولون يعني شنو) !! عندنا حرية .. في الدين في الاحتفالات ولا أحد يقدر يمنع

هذه الاشياء .. اجل ليش عندنا كنيسة من أكبر الكنائس في الشرق الاوسط ؟؟!!

وهذا طبعا غير المعابد الموجوده للعاملين في شركات البترول والغاز !!

وبعدين انتوا نسيتوا اللي يدرس في مدارسنا سواءاً المستقلة أو الخاصة عن

الديانة المسيحية ووجوب اتخاذ الصديقة أو الصديق أو الدروس عن الخنزير وغيرها

اكرر لن يتغير أي شيء ..... واتحـــــــــــــــدى ..

[وردة Qatar]

لا حول الله الله يكافينا شرهم

[انا حره]

ممكن تعطوني اسماء الصالونات على الخاص وان شاء اقدر اتصرف

[شيط ويط]

ياجماعة الخير كل واحد (مخه في راسه ويعرف خلاصه) .. البلد فيها حرية أديان وتسامح ..فيه نسوان على هالدين ويبون هالنقشات مافيها شي هذا دينهم .. يعني الموضوع حاله حال الشخص اللي يعلق صليب على رقبته مالكم حق تحاسبونه :)

[ام عبدالعزيز]

شسم الصالون؟؟وباي منطقه عساس ماتتضارب الاسماء
وفالكم طيب مايصير خاطر اهل قطر الا طيب..

[<اضرب واشرد>]

بعدين والله شبابنا مايخافون من هالفلبينيات كلهم امراض اعوذ بالله دكاكين مفتحه للرايح والجاي الله يستر علينا ...

يعني الحين صار الخوف من المرض ؟ والتعوذ من المرض ؟

نترجى يكون الرادع " لشبابنا " والواعظ : الخوف من المرض ؟

بدينا ننسى أنها كبيرة من الكبائر صاحبها مستحق للـنــار.

وأن فيها 100 جلدة ، ورجم حتى الموت للمتزوج أو لمن سبق وأن تزوج.

كثرة المساس تميت الاحساس ، انتشار هالمنكر مع الفلبينيات وطختهم خلتنا نتكلم عنه ببساطة ( شباب في رحلة!؟ ) ، وهالشي لاحظته في أكثر من مشاركة هالموضووع ، حسبنا الله ونعم الوكيل.

[أوركيدهـْ ~]

ونصيحه لبعض الحريم يبطلون يروحون صالونات ويلزمون ابيوتهم وعن كثرة الطلعات يوم ايسون هالاشياء ما راح اتشوفون شي بره
وعليكم بأزواجكم واعيالكم وبس وما عليكم من الناس والمظاهر

الصالون لابد تروح له المرأه لكن في شغلات ممكن تتغاضى عنها

وتقدر تسويها بالبيت

[أوركيدهـْ ~]

لاتسكتين حبيبتي
الساكت عن الحق شيطان اخرس وبسنا سكوووت
يخوفي والله بكره من كثر تماديهم اشوف اصنام عند بيبان البيت

والله أنا بلغت اليوم وننتظر نشوفْ وش راح يصير

[أوركيدهـْ ~]

صدقوني ما راح يصير أي شيء .. والصالون راح يستمر في تقديم هذه الرسومات .. ومثل ما قال أحد الإخوة أن هناك مسيحيين وبوذيين وهندوس .. وهؤلاء لهم ديانتهم وعاداتهم .. واحنا حسب التوجه العام (لا تقولون يعني شنو) !! عندنا حرية .. في الدين في الاحتفالات ولا أحد يقدر يمنع هذه الاشياء .. اجل ليش عندنا كنيسة من أكبر الكنائس في الشرق الاوسط ؟؟!! وهذا طبعا غير المعابد الموجوده للعاملين في شركات البترول والغاز !!

وبعدين انتوا نسيتوا اللي يدرس في مدارسنا سواءاً المستقلة أو الخاصة عن
الديانة المسيحية ووجوب اتخاذ الصديقة أو الصديق أو الدروس عن الخنزير وغيرها
اكرر لن يتغير أي شيء ..... واتحـــــــــــــــدى ..

والله وهذا هو الخوفْ .. وين الغيره على مبادئنا اللي تربينا عليها ؟؟ !!

[أوركيدهـْ ~]

لا حول الله الله يكافينا شرهم

اللهم آمين

[أوركيدهـْ ~]

ممكن تعطوني اسماء الصالونات على الخاص وان شاء اقدر اتصرف

إختي إشلون راح تتصرفين ممكن توضحين لي

[أوركيدهـْ ~]

يعني الموضوع حاله حال الشخص اللي يعلق صليب على رقبته مالكم حق تحاسبونه :)


المشكله مافي احد يمنعهم وهو ماخذين حريتهم في نشر الفساد

[أوركيدهـْ ~]

شسم الصالون؟؟وباي منطقه عساس ماتتضارب الاسماء
وفالكم طيب مايصير خاطر اهل قطر الا طيب..

عاد إختي ام عبدالعزيز ودي اعرف وش اللي راح يصير

ياريت توضحين لي

[سداوي&مدريدي]

الحنه من هني والتبشير من هناك :telephone:

[أوركيدهـْ ~]

انتشار هالمنكر مع الفلبينيات وطختهم خلتنا نتكلم عنه ببساطة ( شباب في رحلة!؟ ) ، وهالشي لاحظته في أكثر من مشاركة هالموضووع ، حسبنا الله ونعم الوكيل.

يعني لو قبضو على فلبينيه مع واحد راح يجلدونهم ؟؟؟

مااعتقد ! وهالشيء لو كان موجود كان الكل خذاه عبره

[أوركيدهـْ ~]

الحنه من هني والتبشير من هناك :telephone:

مالت عليهم وعلى حنتهم وديانتهم وفيلهم :)

[ساحل الشمال]

صدقوني ما راح يصير أي شيء .. والصالون راح يستمر في تقديم هذه الرسومات .. ومثل ما قال

أحد الإخوة أن هناك مسيحيين وبوذيين وهندوس .. وهؤلاء لهم ديانتهم وعاداتهم .. واحنا حسب

التوجه العام (لا تقولون يعني شنو) !! عندنا حرية .. في الدين في الاحتفالات ولا أحد يقدر يمنع

هذه الاشياء .. اجل ليش عندنا كنيسة من أكبر الكنائس في الشرق الاوسط ؟؟!!

وهذا طبعا غير المعابد الموجوده للعاملين في شركات البترول والغاز !!

وبعدين انتوا نسيتوا اللي يدرس في مدارسنا سواءاً المستقلة أو الخاصة عن

الديانة المسيحية ووجوب اتخاذ الصديقة أو الصديق أو الدروس عن الخنزير وغيرها

اكرر لن يتغير أي شيء ..... واتحـــــــــــــــدى ..
الله يستر واذا ضيعت الامانة فانتظر الساعة .

[ساحل الشمال]

المشكله مافي احد يمنعهم وهو ماخذين حريتهم في نشر الفساد

نقدر نمنعهم لو تكاتفنا يد وحدة ، وحتى لو خذلونا الجهات الرسمية عندنا المجالات الشعبية التشهير في المحل ونشر اسمه واسم صاحبه في الصحف والمجلات
او المواقع الالكترونية او مخاطبة المسئولين المختصين من قريب او بعيد لازم نشكل ضغط ويكون لنا زخم وردة فعل وخلكم من السلبية وكل واحد زين بلغي عنهم الاخت جزاها الله خير ان كشفت لنا عن المخفي هذه الصالونات والباقي عليكم انتوا واحنا كلنا يا حراس الوطن والدين .... ودمتم سالمين .

[<اضرب واشرد>]

يعني لو قبضو على فلبينيه مع واحد راح يجلدونهم ؟؟؟
مااعتقد ! وهالشيء لو كان موجود كان الكل خذاه عبره


أختي كان قصدي أن هذي جريمة وعليها عقوبات في الشرع وحنا صرنا نتكلم عنها كأنها " غمزة عين " !!

أما تطبيق العقوبة الشرعية فتكون إذا ثبت ( الزنا التام ) ، وبأربعة شهود - وهذا صعب - ، أو باعتراف الفاعل.

(( راجعي كتاب منهاج المسلم لأبي بكر الجزائري حفظه الله - فصل الحدود - ))

-- وعفوا للخروج عن الموضوع --

[latty]

الله يعطي ام محمد كل خير وهي صاحبة صالون مشهور حاطه رقم جوالها وقالت اي احد عنده ملاحظه لا يتردد ويكلمني اللي في الصالون يمشون على السراط المستقيم بحضورها وغيابها وكلهم قمة الادب والنظافه حدث ولا حرج

ياليت كل الصالونات مثلها

الله يبارك لها

[نورالهدى]

لا حول ولا قوة الا بالله العلي العظيم

[AL-Qatariah]

حسبي الله ونعم الوكيل

والله الشرهه على اللي تروح لهالصالون القذر

[captin]

نكته

هالفيل بوكرشه

شيعبدون فيه
يلوع الجبد

[a7med0_0]

انا افضل ان تكون هناك زيارات مفاجئه (حريم ) من قسم الرقابه لصالونات الحريم
وخاصه في الاعياد والمناسبات
وتكون فيه توجيهات من جهة الاختصاص بخصوص الاسعار لان كل صالون يحط السعر على كيفه
والله المستعان

[الوحداني]

وليش حضرتج لما جفتي الصور في البدايه وقبل ماتتحنون ولما كلمتيها وكانت زعلانه من كلامج ليش ماطلعتوا من الصالون ؟ ليش تشجعونهم على الغلط ؟ وليش تدعمونهم بالفلوس ؟
تبين الصراحه الشرهه مب على البلديه والله الشرهه على الي يروحون عندهم ويدفعولهم ؟
همكم نفسكم

[MBI]

اختي ممكن اسم الصالون اللي يدخلون شباب
واسم الصالون الفلبينيه اللي عطة الرجال رقمها
وبحاول قدر الامكان اني افيدكم

[غـيـد]

انا سمعتـ عنـ صالونـ انـ الموظفاتـ إلليـ فيهـ يحاولونـ

يتصيدونـ البناتـ عشانـ يخلونهمـ يطلعونـ معـ شبابــ !!

ويا اختيـ كانـ المفروضـ بعـد ما صورتيـ اتصلتيـ فيـ

قسمـ مراقبة الصالوناتـ وقلتيـ لهمـ عنـ الموضوعــ

[دااانة قطر]

هلااا والله
بس حبيت ازيد ان هالرسوماات موجوده في المطااعم الهنديه ؟؟ يعني مو بس الصاالوناات
والبناات لما يطلبون ما ينتبهون حق الرسومات وش فيها ؟؟1

أما أمرهم عجيب

[الصريحه]

بلغي البلديه
الله يلعن الجهل بالدين

[الماريّة]

شباب وداشين الصالون؟؟

يمكن يبون يحفون زين ^_^ خبرج من الناس ذيلاك هههههههههه

اما الرسمات صدقتي اختي ياما عجوز جاهله والا بنيه صغيره ماتعرف وتنرسم لهم هالرسمات
المحرمه

حسبي عليهم من هب ودب سوا طقوسه عندنا

بكره بتصير بلادنا مثوى لكل الديانات

[toomi9]

يبه اشتكي عليهم
ماينعطون ويه
يسرحون ويمرحون على كيفهم
وفي بنات بعد مرابيش اي شي يشوفونه يسونه عبالهم فله

[@فارس@]

البنات ما يقصرون

كلما فتحو صالون طاحو فيه

مافي شي عندهم لا


الله يهديهم ويتركو سالفة الصوالين من اساسها

[احساس الدوحة]

بصراحه اللي نقشتهم فنانه

escape

شغل مرتب ودقيق

والهندوسيات طبعا عادي بتيجي وبتحط وبتكشخ

لكن وين صاحب المحل القطري اللي باسمه الصالون

اشلون يرضى ان صالون باسمه يرسم هالاشكال ؟؟

شكرا لطرحك الاول المميز غلاي

[كازانوفا]

جهنم وبئس المصير لهم ان شالله