المساعد الشخصي الرقمي

مشاهدة النسخة كاملة : منو افضل دكاترة مستشفى النســاء والـــولادة ؟


لمعة الالماس
15-09-2010, 12:14 AM
السلام عليكم ورحمة الله وبركاته

اخواني وخواتي

بغيتكم تساعدوني وتذكرون لي منهو افضل دكاترة مستشفى النساء والولادة عشان اراجع عنده او عندها ..

وجزاكم الله خير
الحره
15-09-2010, 12:16 AM
فيدوها ياحوامل المنتدى ^_^

بغيت ارفع لج الموضوع الله يقومج بالسلامه
الخير كله
15-09-2010, 12:18 AM
من تجربه ابعدي عن اثنين شحاته ومريم السقا مجرمين...
اخذي الطبيبات القطريات
في دكتوره استشاريه دينه ومنقبه اسمها عفاف الانصاري
موفقه
بولينجر
15-09-2010, 01:33 AM
اسمحي لي اختي الكريمة اتدخل في موضوع نسائي....

اختاري دكتورة امرأة لما في الموضوع من كشف للعورات.... وكثيرات الطبيبات الكفؤ وبيفيدونج عنهم الاخوات الكريمات ان شاء الله.....

والله يقومج بالسلامة.....
m7dmrta77
15-09-2010, 01:43 AM
الدكتورة والاستشارية / حليمة التميمي
ام بدر
15-09-2010, 01:46 AM
بليزمعظم دكاترة الولادة ما يستاهلون يكونون دكاترة (حسبي الله ونعم الوكيل ) انا مت وحييت مع العلم اني اتابع مع الدكتور رياض (ابتعدي عنة ) ياخذ الفلوس ولا عاد يذكر ويهج (مرتشي)
بعد 8 ساعات من الطلق والعذاب نزل نبض البيبي وحولوني عمليات يعني يوم بغيت اموت انا والبيبي ونادوا دكتوري ولا جى لانشغاله مع حوامل الهوامير وهذي في ثاني ولادة مع العلم اني ولادة قيصرية من قبل يعني مافي مجال للتوليد الطبيعي لكن قالوا لازم نجرب خبرج الناس قطاوة عندهم مب ارواح ...

اذا ناوية تولدين في مستشفى الولادة ظبطي علاقتج مع اي ممرضة زينه لان مردج تولدج ممرضه هذا اذا لقوا لج سرير بعد...


اسفة انا ما اخوفج لكن هذا الواقع وانا مجربة مرتين مو مرة
الأصيلة
15-09-2010, 01:52 AM
بليزمعظم دكاترة الولادة ما يستاهلون يكونون دكاترة (حسبي الله ونعم الوكيل ) انا مت وحييت مع العلم اني اتابع مع الدكتور رياض (ابتعدي عنة ) ياخذ الفلوس ولا عاد يذكر ويهج (مرتشي)
بعد 8 ساعات من الطلق والعذاب نزل نبض البيبي وحولوني عمليات يعني يوم بغيت اموت انا والبيبي ونادوا دكتوري ولا جى لانشغاله مع حوامل الهوامير وهذي في ثاني ولادة مع العلم اني ولادة قيصرية من قبل يعني مافي مجال للتوليد الطبيعي لكن قالوا لازم نجرب خبرج الناس قطاوة عندهم مب ارواح ...

اذا ناوية تولدين في مستشفى الولادة ظبطي علاقتج مع اي ممرضة زينه لان مردج تولدج ممرضه هذا اذا لقوا لج سرير بعد...


اسفة انا ما اخوفج لكن هذا الواقع وانا مجربة مرتين مو مرة

أم بدر مافيه داعي تشهرين بالدكاترة...
ذنبهم على جنبهم...
عليج بالدكاترة القطريات
قمة في الذوق والتعاون والأدب والشطارة...
الخير كله
15-09-2010, 01:52 AM
الرشوه كللللللللللهم واولهم شحاته كبيرهم الذي علمهم السحر غليه من الله ما يستحق انا ادعو وزير الصحه لفصل المرتشيين نهائيا
بس وين
الخير كله
15-09-2010, 01:53 AM
أم بدر مافيه داعي تشهرين بالدكاترة...
ذنبهم على جنبهم...
عليج بالدكاترة القطريات
قمة في الذوق والتعاون والأدب والشطارة...

ما ذقتي اللي ذاقته خليها تشكر الاوادم ...
والمرتشي لابد ذكره ما فيها شي ليش نتستر عليهم
الأصيلة
15-09-2010, 01:57 AM
الرشوه كللللللللللهم واولهم شحاته كبيرهم الذي علمهم السحر غليه من الله ما يستحق انا ادعو وزير الصحه لفصل المرتشيين نهائيا
بس وين

والله جربنا شحاته
عمره ما طلب فلوس وأي وقت نتصله يجي
مادامه متابع الحالة ..
ولادة طبيعية أو قيصرية
ولا مرة عطيناه فلوس أو حتى هديه...
كلمة حق في هذا الطبيب اللي يده تتلف بحرير
أنجح الجراحات هي الجراحة اللي من تحت يده
الظاهر مأثر عليكم دكتور عنده عياده خاصة يكرهه ويشهر فيه دايما لأنه كشف ألاعيبه لما كان في الولادة..
ترى مافيه أخلص من السودانيين في عملهم...
m7dmrta77
15-09-2010, 02:13 AM
اشرايكم بالدكتورة / حليمة التميمي !@؟
الخير كله
15-09-2010, 02:13 AM
والله جربنا شحاته
عمره ما طلب فلوس وأي وقت نتصله يجي
مادامه متابع الحالة ..
ولادة طبيعية أو قيصرية
ولا مرة عطيناه فلوس أو حتى هديه...
كلمة حق في هذا الطبيب اللي يده تتلف بحرير
أنجح الجراحات هي الجراحة اللي من تحت يده
الظاهر مأثر عليكم دكتور عنده عياده خاصة يكرهه ويشهر فيه دايما لأنه كشف ألاعيبه لما كان في الولادة..
ترى مافيه أخلص من السودانيين في عملهم...

تهمتينا وما في داعي اقول بذمتج ...
بحياتي ما سمعت دكتور خاص يسبه
شحاته اكبر مرتشي ومعروف على مستوى قطر وانا اسفه ما اقدر انه اصدق انه يجيكم بالطلب من غير مصلحه ...
اسفه
واتحدى ان بهالمنتدى ناس ما تعرف انه ابو الرشاوي
غير الملع والخلع اللي يسويه للاطفال حسبي الله عليه وانا ما اقول هالكللام من عندي والله في ذمتي من تجربه بل تجارب عائليه
ياما بكا امهات على اطفالهم الله لا يوفقه
واكبر دليل انهم شلوه من رئاسة القسم من زود اغلاطه
الخير كله
15-09-2010, 02:15 AM
اشرايكم بالدكتورة / حليمة التميمي !@؟

ما سمعنا عنها الا كل خير
هي والقطريات
مهب السوداني الجزار شحاته
ضوى
15-09-2010, 02:19 AM
بالامانة الطبيبات القطريات رووووووووعة ووايد رحيمات بالمريضة الله يديمها علينا نعمة ويخليهم لنا يارب

عندج دكتورة شمسة ماشاء الله عليها اخلاق وادب وذوق في التعامل كفاية لقعدتي معاها ترتاحين وانتي

تتكلمين عن كل اللي يضايقج في حملج وماتقصر كل شئ تعطيج له علاج او نصيحة ، والشهادة لله شمسة

وغير شمسة القطريات مافي منهم
ضوى
15-09-2010, 02:20 AM
تهمتينا وما في داعي اقول بذمتج ...
بحياتي ما سمعت دكتور خاص يسبه
شحاته اكبر مرتشي ومعروف على مستوى قطر وانا اسفه ما اقدر انه اصدق انه يجيكم بالطلب من غير مصلحه ...
اسفه
واتحدى ان بهالمنتدى ناس ما تعرف انه ابو الرشاوي
غير الملع والخلع اللي يسويه للاطفال حسبي الله عليه وانا ما اقول هالكللام من عندي والله في ذمتي من تجربه بل تجارب عائليه
ياما بكا امهات على اطفالهم الله لا يوفقه
واكبر دليل انهم شلوه من رئاسة القسم من زود اغلاطه


:victory::victory::victory:
الخير كله
15-09-2010, 02:24 AM
:victory::victory::victory:

ال راعي ضمير ال
مشكوره ولا شلت يمناج:victory:
ام بدر
15-09-2010, 02:31 AM
أم بدر مافيه داعي تشهرين بالدكاترة...
ذنبهم على جنبهم...
عليج بالدكاترة القطريات
قمة في الذوق والتعاون والأدب والشطارة...


سوي حبيبتي انا مب متبلية وكلامي يشهد علية ربي قبل الناس

التشهير لو انا اكذب لكن صار هالامر على مستوى عالمي

وانا اتكلم عن خبرة مو فلسفة
ضوى
15-09-2010, 02:35 AM
ال راعي ضمير ال
مشكوره ولا شلت يمناج:victory:

الساكت عن الحق شيطان اخرس ، وللعلم انا مقدمة فيه شكوى رسمية في إدارة المستشفى منذ زمن ، ولو باتكلم عن اخطائه معاي ومع غيري مب خالصة ، شحاته ابعدوا عنه
لعديد
15-09-2010, 11:20 AM
الرشوه كللللللللللهم واولهم شحاته كبيرهم الذي علمهم السحر غليه من الله ما يستحق انا ادعو وزير الصحه لفصل المرتشيين نهائيا
بس وين


لنكن صادقين
سؤالي هل هوه يطلب شئ ؟ وهل هي مبالغ مالية ؟ وهل ممكن توضحين لنا ما نوع الرشوا ؟
ام انتم تعطوونه كهدايا ؟؟
لعديد
15-09-2010, 11:24 AM
من تجربة الاهل يمدوحون على
الدكتورة الاستشارية البوشرباك
الدكتورة الاستشارية فاطمة الهيل
الوان
15-09-2010, 11:26 AM
اول شي اختي ادعي ربج ان يوفقج و يحفظج و يقومج بالسلامه الدعاء فق كل شي
انا دايما ادعي ( ربنا لا تحملنا ما لا طاقة لنا به ... )

ثاني شي ارضي ربج بأنج تروحين حق دكتوره مره

ثالث شي كل القطريات اللي هناك ممتازات
و احسنهم خلود المسلماني

و مره ثانيه اقول لج كثري من الدعاء وقراءة القرآن و بإذن الله كل شي بيتيسر
لمعة الالماس
15-09-2010, 02:18 PM
المبروكة ، ضوى ، لعديد ، m7dmrta77 ، ام بدر ، الأصيلة ، الوان ، الحره ، بولينجر


كل الشكر لكم على ردودكم ونصايحكم وترشيحكم للدكاترة


بس بغيت اسال كذا وحده امدحت الدكاترة القطريات

اذا ممكن اسماءهم

عشان اطلبها في موعدي

وجزاكم الله خير
لمعة الالماس
17-09-2010, 02:26 AM
فيدوها ياحوامل المنتدى ^_^

بغيت ارفع لج الموضوع الله يقومج بالسلامه

جزاج الله خير :)
بنت شيوخ
17-09-2010, 02:34 AM
والله جربنا شحاته
عمره ما طلب فلوس وأي وقت نتصله يجي
مادامه متابع الحالة ..
ولادة طبيعية أو قيصرية
ولا مرة عطيناه فلوس أو حتى هديه...
كلمة حق في هذا الطبيب اللي يده تتلف بحرير
أنجح الجراحات هي الجراحة اللي من تحت يده
الظاهر مأثر عليكم دكتور عنده عياده خاصة يكرهه ويشهر فيه دايما لأنه كشف ألاعيبه لما كان في الولادة..
ترى مافيه أخلص من السودانيين في عملهم...








اضمممممممممممممممممم صوتي لج وبقوووووه صاااااادقه حتى الهدايا من ورد وجوكليت مايقبلهاااا
بنت شيوخ
17-09-2010, 02:37 AM
حليمه التميمي

وشحاته
انا حره
17-09-2010, 10:19 AM
كل دكاتره الولاده معروف عنهم يحبون الهدايا ولالاسف النسوان الي خلووهم يوصلون لللهالمرحله لدرجه انهم يعطون الدكتور الهدايا والفلوس باللخش حتى ازواجهم مايدرون يبالفيت انه تعب معاها ليه هاذا شغله وياخذ فلوس اكثر من اي دكتور ثاني

ولا طايحين حركه الوحده لو ماعطتهم ماعاد يستقبلون ملفها مره ثانيه ويحطونها بالبلاك ليست


والدكاتره السودانين علل يعلون القلب ولا يهتمون ويكبرون المسائل

انا اختي عالجت عند شحاته 5 سنين عشان الحمل والله دمر لها جسمها من كثر الادويه ليه لانه يبي يجبرهم على الانابيب

يخلي الوحده تقتنع ان مافي فايده الا بالانابيب والحمدلله مستشفيات الخليج مايقصروون بربع العلاج الي تاخذه الوحده بمستشفى حمد ينفع معاهم
شمس المغيب
17-09-2010, 02:17 PM
أختي

أنا أظم صوتي لصوت خواتي اللي رشحوا لج الدكتورات القطريات
وعلى راسهم الاستشارية الزينة المنصوري و الاستشارية حليمة التميمي والطبيبة شمسة عبدالله
وهذا من واقع تجربة شخصية وتجربة مجموعة من الأهل والصديقات..

والله يسهل لج أمرج
لمعة الالماس
18-09-2010, 02:11 PM
أختي

أنا أظم صوتي لصوت خواتي اللي رشحوا لج الدكتورات القطريات
وعلى راسهم الاستشارية الزينة المنصوري و الاستشارية حليمة التميمي والطبيبة شمسة عبدالله
وهذا من واقع تجربة شخصية وتجربة مجموعة من الأهل والصديقات..

والله يسهل لج أمرج

مشكورة اختي

وجزاج الله خير

:)
meshwar
18-09-2010, 07:58 PM
كل الحريم فيهم خير

اما الدكاترة اشباه الرجال لو فيهم خير ماتخصصو في هذا المجال من اصل
حراير قطر
18-09-2010, 08:39 PM
في حملي الاخير تابعت عند دكتورة سلوى بويعقوب

ما شاء الله عليها اخلاق وحبوبه ...
فلتة زمانها
18-09-2010, 08:53 PM
مثل حليمه التميمي ماشفت الكل يمدحها صراحه
ونصيحه للقطريات ابتعدوا عن الرشوه والهدايا
والله عيب عليكم تجيبون دكاتره رياييل وترشونهم ب5 الالف وب10 الاف عشان يولدونكم
وكل واحد راتبه فوق 30 الف وفالاخير يعاملونكم اي كلام ترى الممرضه اللي تولد والدكتور
يشرف عالحاله الا اذا الولاده عسره ذيك الساعه يتدخل
almaf1a
18-09-2010, 08:55 PM
سؤال المره تتابع في المستشفى الاهلي
هل ترشحون الولادة تكون فب الاهلي والا في مستشفى الولادة
وان كان في الولادة هل يحتاج اني اوديها من اللحين والا متى
نبي ولادة فقط من غير متابعة حمل

فيدونا الله يخليكم
Live
18-09-2010, 08:56 PM
مثل ما ينقال عند المصريين
روحي ل " أقرب دايه " في مصر
طبعاً أمزح :nice:
ما تشوفون شر
فلتة زمانها
18-09-2010, 08:59 PM
سؤال المره تتابع في المستشفى الاهلي
هل ترشحون الولادة تكون فب الاهلي والا في مستشفى الولادة
وان كان في الولادة هل يحتاج اني اوديها من اللحين والا متى
نبي ولادة فقط من غير متابعة حمل

فيدونا الله يخليكم

الحكومي افضل لانه عندهم خبره اكثر
لمعة الالماس
18-09-2010, 09:06 PM
الاستشارية تاخذ اي مريضه والا الحالات الخاصة؟

فيدوني
باسكن روبنز
18-09-2010, 09:19 PM
الحكومي افضل لانه عندهم خبره اكثر

:nice:
سهم الغدر
18-09-2010, 09:24 PM
الواحد يتوكل على الله سواء حكومي او خاص واللي الله كاتبه بتشوفونه
ضوى
18-09-2010, 09:26 PM
أختي

أنا أظم صوتي لصوت خواتي اللي رشحوا لج الدكتورات القطريات
وعلى راسهم الاستشارية الزينة المنصوري و الاستشارية حليمة التميمي والطبيبة شمسة عبدالله
وهذا من واقع تجربة شخصية وتجربة مجموعة من الأهل والصديقات..

والله يسهل لج أمرج

شمسة عبدالله consultant :)
ضوى
18-09-2010, 09:27 PM
الاستشارية تاخذ اي مريضه والا الحالات الخاصة؟

فيدوني

الصراحة ماعندي فكرة
لمعة الالماس
18-09-2010, 09:28 PM
مشكورة على الرد اختي
ضوى
18-09-2010, 09:30 PM
مشكورة على الرد اختي

شمسة ممتازة ياريت تحصلين عندها وايد خلوقة وتهتم بالمريضة
جنوب الدوحه
18-09-2010, 09:38 PM
شحاته ..
wadha-qa
18-09-2010, 09:59 PM
امي الله يطول بعمرها

تقول شمسه زينه انا صراحه ما اعرف
الأصيلة
18-09-2010, 10:04 PM
الاستشارية تاخذ اي مريضه والا الحالات الخاصة؟

فيدوني

تاخذ أي مريض
بس المريضة الأفضل تدخل قبل لاتاخذ الموعد على الإستشارية
وتطلب منها توقع على البطاقة حتى يوافقون يعطونها الموعد...
المشكلة أن اللي اتابع حالة المريضة ماترضى تجيها في الولادة مثل أول....
إلا إذا كانت تعرفها مثلا معرفة خاصة...
الأصيلة
18-09-2010, 10:08 PM
كل دكاتره الولاده معروف عنهم يحبون الهدايا ولالاسف النسوان الي خلووهم يوصلون لللهالمرحله لدرجه انهم يعطون الدكتور الهدايا والفلوس باللخش حتى ازواجهم مايدرون يبالفيت انه تعب معاها ليه هاذا شغله وياخذ فلوس اكثر من اي دكتور ثاني

ولا طايحين حركه الوحده لو ماعطتهم ماعاد يستقبلون ملفها مره ثانيه ويحطونها بالبلاك ليست


والدكاتره السودانين علل يعلون القلب ولا يهتمون ويكبرون المسائل

انا اختي عالجت عند شحاته 5 سنين عشان الحمل والله دمر لها جسمها من كثر الادويه ليه لانه يبي يجبرهم على الانابيب

يخلي الوحده تقتنع ان مافي فايده الا بالانابيب والحمدلله مستشفيات الخليج مايقصروون بربع العلاج الي تاخذه الوحده بمستشفى حمد ينفع معاهم

أنا عندي الوحده تسوي انابيب أفضل من الأدوية الضارة..
وفعلا لي قريبة تأخرت سنة ونص وعلى طول سوت الأنابيب
جابت توائم
والحملات الباقية كانت طبيعية...
التيسير كله بيد الرحمن
لمعة الالماس
18-09-2010, 10:14 PM
تاخذ أي مريض
بس المريضة الأفضل تدخل قبل لاتاخذ الموعد على الإستشارية
وتطلب منها توقع على البطاقة حتى يوافقون يعطونها الموعد...
المشكلة أن اللي اتابع حالة المريضة ماترضى تجيها في الولادة مثل أول....
إلا إذا كانت تعرفها مثلا معرفة خاصة...

مشكورة على التوضيح اختي

وجزاج الله خير