المساعد الشخصي الرقمي

مشاهدة النسخة كاملة : ملف الشركة؟؟


تاجرة صغيرة
15-09-2010, 08:24 AM
السلام عليكم ورحمة الله وبركاته..


انا حآبه افتح كشك فمول ويوم رحت قالو لي لازم ملف للشركة..

آممم شلون أسوي هالملف...؟؟ وشنو الاوراق اللي احطها فيه طبعا غير السجل التجاري...؟؟


وعسآكم ع القوة.....:shy:
شموخ دائم
15-09-2010, 10:06 AM
,

,


مرحبا

الملف او البروفايل

هو عباره عن وضع الشركه وحجمها ومشاريعها وموظفينها

ومن خلال هذا الملف يقدرون يحطون تصور عن حجم شركتك

هل هي جيده او ممتازه قديمه او جديده

لها خبرات ودخلت بمشاريع سابقه

او مجرد شركه على الورق وشركه جديده


هم يطلبون البروفايل حتى يختارون شركه جيده لهذا المكان
يبون يختارون شركه معينه وذات حجم معين مو يعطون هذا المكان حق اي شركه والسلام
لان نوعيه الشركات الموجوده بالسوق تعكس مستوى المجمع او السوق لذلك هم يختارونها بعنايه



نحط فيه الاوراق الرسميه السجل التجاري
رخصه البلديه
قيد المنشئه
الفروع ( ان وجدت )
نبذه وسيره الشركه على سبيل المثال متى تأسست وحجم راس المال ... الخ
اسم المالك
اسم المدير
المحاسب
عدد الموظفين
المشاريع السابقه
company organistion (الهرم للشركه)
نبذه عن كل شخص وصور من الشهادات
والخبرات والدورات الحاصلين عليها
المشاريع الحاليه
المشاريع المنجزه السابقه
معارض شاركت فيها الشركه
صفقات تم تنفيذها
صور لمقر الشركه
عنوان الموقع الالكتروني ( ان وجد )
شعار الشركه
نبذه عن عملائكم



الموضوع الان هو اقناعك لهم من خلال البروفايل
او من خلال شرحك لهم ممكن احيانا تكون شركه جديده
لكن يوافقون عليها لان صاحب الشركه او ( المدير ) عنده مصداقيه ويقدر يقنعهم
انه الشخص المناسب لهم وقادر يوفر احتياجات الزبائن
وبيعمل شكل حلو للمكان من خلال ديكورات معينه او طريقه عرض البضاعه او من خلال نوعيه البضاعه
بتكون جديده او اشياء الناس تقبل عليها
الموضوع كله هو شطاره كل المطلوب تعرفون ماهي النوعيه الي هم يبحثون عنها
ونقنعهم ان احنا الشركه المناسبه لكم




بالتوفيق لكم

,

,


اخوكم



شموخ دائم
تاجرة صغيرة
15-09-2010, 12:38 PM
يعطيك العافية ...

بس أنا بفتح كشك صغير وماعندي رخصة تجارية ولا قيد منشأة لأن للحين ماعندي عقد ايجار ومالي أي فروع ولا موظفين ولا شي..

توني ببتدي..

شلون أسوي الملف......؟
سعودي.. ولكن
18-09-2010, 11:34 AM
الله يوفقك للرزق الحلال
تاجرة صغيرة
19-09-2010, 03:11 AM
شكرآ..

آممممم

محد عنده معلومات...؟؟
captin
19-09-2010, 05:42 AM
اذا ما عندج بروفايل متكامل للشركة ونشاط سابق
يبين وضع الشركة ومشاريعها السابقة الخ

تحتاجين تقنعيهم بطريقتج انهم يعطونج مساحة

اما بضمان اضافي مثل شيك او ضمان بنكي مثلا

او بضمان احد المحلات الموجودة في المجمع
اذا كنتي تعرفين احد اصاحب المحل يقنع ادارة المجمع
بحكم علاقته فيهم وتواجده هناك لفترة طويلة


وممكن تشوفين محل من المحلات في المجمع وتتفاهمين
تشاركينهم بالمساحة اذا كان ذلك يناسبهم وتدفعين لهم اجرة
شهرية مقابل المشاركة في المساحة

واذا ما نفعت كل الحلول

ابتدي نشاطج في احد المحلات خارج المجمع ربما يكون

اوفر وارخص لأن المساحات في المجمعات غالية جدا
واقل مساحة لاتقل قيمة الايجار الشهري لها عن 12000 ريال

بالتوفيق ان شاء الله
مشتاقة لقطر
30-09-2010, 12:50 PM
بالتوفيق يارب