المساعد الشخصي الرقمي

مشاهدة النسخة كاملة : الم في الصدر ؟ ارجو االافادة


Qatari In Us
15-09-2010, 10:08 AM
السلام عليكم ورحمة الله وبركاته


اخواني عندي سوال بسيط للي يعرف صارلي كم يوم اواجه الم قوي في الصدر مب بشكل متكرر لكن بشكل متقطع مع كحة قوية والم يمين ويسار والم شديد بالصدر عند الكحة والاحساس باللوعة الشديدة مع العلم اني اكرمكم الله خلال الاسبوع اللي راح رجعت خمس مرات وكلها بعد الاكل مباشره واتمنى اللي يعرف يفيدني


لحد يقولي مستشفى السفارة رافضين اروح مستشفى لانه المستشفى راح يكلف :weeping: ولازم اروح دكتور اول النظام هنيه غير ولازم اروح عند دكتور بالاول ( عيادة خاصة ) واقرب دكتور حصلته عقب يومين او ثلاثه *بالموعد
مناحي السادس عشر
15-09-2010, 10:20 AM
ماتشوف شر
روح للطواريء
والطواريء بيشخصون حالتك
او روح على حسابك
خل الماستر كارد تلعلع
Qatari In Us
15-09-2010, 10:23 AM
ماتشوف شر
روح للطواريء
والطواريء بيشخصون حالتك
او روح على حسابك
خل الماستر كارد تلعلع

هههههههه الشر مايجيك اخوي


انا طالب والمستشفى بيكلفني اقل شي ست الاف دولار يعني راتب شهرين وبيني وبينك مابي الاهل يدرون بس خل السفارة تستلعن وتعاند مايبون يدفعون
جمال النعيمي
15-09-2010, 10:24 AM
اسمع اخوي مب لازم تروح عيادة خاصه روح اقرب مستشفى وادخل الطوارى بيكلفك في حدود 300$ لفتح ملف لكن اطمئن على نفسك وان شاء الله الامور بخير ولا تحاتي لكن روح طوارى لقطع الشك باليقين واعمل فحوص على الصدر و المعدة و اشعه الصوتيه على المرارة والكبد وبنرياس وكلى وبعدها تكون الامور واضحه

اصعب شي انك قاعد وتنتظر قم روح والله معاك ان شاء الله
Qatari In Us
15-09-2010, 10:29 AM
اسمع اخوي مب لازم تروح عيادة خاصه روح اقرب مستشفى وادخل الطوارى بيكلفك في حدود 300$ لفتح ملف لكن اطمئن على نفسك وان شاء الله الامور بخير ولا تحاتي لكن روح طوارى لقطع الشك باليقين واعمل فحوص على الصدر و المعدة و اشعه الصوتيه على المرارة والكبد وبنرياس وكلى وبعدها تكون الامور واضحه

اصعب شي انك قاعد وتنتظر قم روح والله معاك ان شاء الله


صدقني والله واحد من الشباب راح عشان سخونه ودفع الف دولار فمابالك بكل الفحوص اللي قلتها مب مستخسر الف او الفين او حتى ثلاثة لكن انا قطري فعلى اي اساس يقولون انا اللي ادفع لو رحت الطواري مع انه عندي تامين من السفارة

الله يعين بس المشكلة دكتور السفارة رافض اروح الطواري افحص
مارشلاجو
15-09-2010, 10:34 AM
الاخ وين جالس اقصد في اي بلاد
جمال النعيمي
15-09-2010, 10:34 AM
اسمع اخوك ورح الآم الصدر لا يستهان فيها اقولك روح المستشفى من الطوارى وخذ عقب ما تخلص فاتورة والله يعوضك ان شاء الله خير و ترد فلوسك من السفارة المهم قم روح

واذا ما استجابو يصير خير
جرح الزمان
15-09-2010, 10:36 AM
ما تشوف شر يا الغالي

بس نصيحه احذف الموضوع

بعد شوي بيهل عليك وصفات ما انزل الله بها من سلطان

روح دبر عمرك مع الطوارى
Qatari In Us
15-09-2010, 10:36 AM
الاخ وين جالس اقصد في اي بلاد

امريكا
Qatari In Us
15-09-2010, 10:37 AM
ما تشوف شر يا الغالي

بس نصيحه احذف الموضوع

بعد شوي بيهل عليك وصفات ما انزل الله بها من سلطان

روح دبر عمرك مع الطوارى


تسلم لي اخوي بس كل اللي ابيه معلومات ومابي ادوية او وصفات يعني ابي اعرف هل صارت لحد قبل ؟
الأصيلة
15-09-2010, 10:39 AM
أعتقد هذا هواء بارد داخل في صدرك ومعدتك وهو اللي يسبب اللوعة والكحة...
بس لازم الإطمئنان بأي طريقة...
وخطاك الشر..
جرح الزمان
15-09-2010, 10:45 AM
يمكن صار عندكم تغير في الجو فجاءه
Qatari In Us
15-09-2010, 11:05 AM
يمكن صار عندكم تغير في الجو فجاءه



يمكن وان شاء الله مافيني الا العافية

تسلمون الكل
وحيد-الشوق
15-09-2010, 11:12 AM
والسفارة ليش تبخل في علاج مواطن

قمت استغرب من الحال الي وصلنا له مواطنين يتعالجون على حساب دولة شقيقة وسفارة قطر عيزانه تدفع الف او ٣٠٠٠ دولار لراعياها في الخارج

الله يشفيك ياخوي وماتشوف شر

*
القمه
15-09-2010, 11:14 AM
عزيزي هل انت مدخن؟
شخص المدخن يائتيه ألم يمين يسار وكحه متدفقه
قلل او اتركها نهائيا إذ كنت مدخن او مدخنه
إذا غير ذالك اترك عنك التوتر والنفعال وحاول تقليل
شرب شيئ الساخن ولاتشرب شيئ ساخن وأنت منفعل
شاكر لك
الـخـور
15-09-2010, 11:20 AM
تبي نصيحتي وانا طالب ومجرب هالشغلات من قبل

اول شي تكلم السفارة وتقولهم عن حالتك .. وهم راح يوجهونك للمستشفى الي تروح وتعالج عنده

وبصراحة لما كنت في بريطانيا ..طلعنا بطاقة علاج وتقدر تدخل فيها المستشفيات الحكومية مجانا واتوقع عندكم نفس الشي في امريكا

في كل الاحوال وحتى لو ماعندك كرت علاج .. راجع الطوارء هم دايما تكون رسومهم رمزيه واحيانا مجانا بعد
لان اسمها طوارئ .. يعني لو واحد ماعنده فلوس ماراح يخلونه يموت .. لهذا قم روووح

ياخي لاتبخل على عمرك حتى لو كان اب 1000 دولار

انت لو موترك اخترب وقالولك الوكالة تعال بدل بريكات ومادري وشو بتدفع مايقل عن 1000 ريال عشان تصلح حديد مابالك بصحتك وجسدك
ZURICH
15-09-2010, 11:50 AM
الله يشفيك
مارشلاجو
15-09-2010, 11:58 AM
لا تروح دكتور ولا شي خذ حبة نيكسيوم 40 م ( حبه واحده الصبح وثلاث حبات يوميه ملتينيوم وبتصير احصان ..... اللي فيك ارتجاع حمضي ..........
حراير قطر
15-09-2010, 01:04 PM
الله يشفيك اخوي

اتوقع اللي فيك التهاب بالصدر

انا عيالي صادهم نفس الاعراض وطلع فيهم التهاب

وما اتشوف شر ...
ANONYMOUS
15-09-2010, 02:27 PM
اخوي روح المستشفى

لا تضيع وقت

ودكتور السفاره شسالفته ... هل هو اكبر راس في السفاره ..

كلم السفير ..
غزلان
15-09-2010, 02:39 PM
ماتشوف شر

تلاحق عمرك وروح المستشفى تتطمن على صحتك
جرح الزمان
15-09-2010, 02:40 PM
يمكن وان شاء الله مافيني الا العافية

تسلمون الكل

الرجال ما فيه الا العافيه الحمد لله

اتمنى من الاداره اغلاق الموضوع
روح الاطلس
15-09-2010, 03:35 PM
ما تشوف شر ان شاء الله

لكن من الاعراض اللي ذكرتها شكل المشكلة مش في الصدر

بل في المعدة

وارتجاع الحمض يسوي كتمة بالصدر والم وكحه عند الالم

راجع الطواريئ وشوف رأي الطبيب افضل
الموضوعي
15-09-2010, 05:34 PM
الله يشفيك اخوي ويرجعك بالسلامة وبالشهادة مدري مافي تامين صحي للطلاب القطريين
هدهد سليمان
15-09-2010, 06:04 PM
بشرنا يالغالي ؟
شيط ويط
15-09-2010, 06:12 PM
لو انك وحده كنت بأقولك ذي اعراض (بنت) تقدموا ناس لخطبتها :)

ما تشوف شر أخوي .. ونصيحه روح اقرب مستشفى ألزم ماعلى الواحد (صحته)
مليت
15-09-2010, 06:19 PM
السلام عليكم

الي فيك شي من الاثنين والله اعلم ولو تسئل الدكتور افضل لك

1- فقرات الظهر 2- جرثومة المعده
اعمال
15-09-2010, 09:22 PM
ما عليك شر أخوي

بس الصراحه توني مكتشف اني جـالس وسط كوكبه من الأطباء ^_^ الكل قام يفتي بشي
<اضرب واشرد>
15-09-2010, 09:31 PM
الله يشفيك ياخوي ، ولا تاخذ أي وصفة أو تسمع لشخص إلا يكون دكتور وفاهم ، والأفضل يكشف عليك مباشرة.
Qatari In Us
16-09-2010, 05:21 AM
اليوم رحت المستشفى بعد عناء طويل مع السفارة والحمدالله تمت الموافقه

بس كانت الصدمة بالمستشفى انه كل اللي قال يمكن ويمكن من الاعضاء ولا شي طلع صح

كان عندي التهاب اذن وسطى والامر يتطلب قد يتطلب تدخل جراحي او تعرضت لفقدان السمع باذںي اليمين اللي اساسا ماسمع عدل فيها ودورت بالنت وحصلت اللي قاله لي الدكتور بالضبط كالتالي ولازم اشوف اخصائي الاذن والحنجرة


التهاب الأذن الوسطى..

ابرز الاعراض : المعاناة من التهابات البلعوم يمكن أن تتطور إلى الارتعاش والغثيان والقيء
وهذا بالضبط اللي كان يصيدني

وقد يسبب فقداً سمعياً شديداً إذا لم يعالج فوراً. وهناك ثلاثة أنواع رئيسية من هذا الالتهاب هي الحاد والمزمن والمْصلي التهاب الأذن الوسطى الحاد يحدث نتيجة انتشار العدوى من الأنف أو الحلق، ويتجمع الصديد في الأذن الوسطى محدثاً ألماً شديداً وفقداً محدوداً للسمع ويمكن معالجة غالبية تلك الحالات باستخدام المضادات الحيوية. أما التهاب الأذن الوسطى المزمن فهو التهاب شديد أو متكرر للأذن الوسطى، وقد يؤدي إلى تمزق طبلة الأذن ويلي ذلك خروج متواتر للصديد من الأذن الوسطى، وغالباً ما يلتحم غشاء الطبلة تلقائياً، إلا أن بعض الحالات تتطلب تدخلاً جراحياً، ويستعمل الجراحون أنسجة ضامة من أوردة أو عضلات المريض نفسه، وذلك لإصلاح طبلة الأذن. وقد يستمر خروج الصديد من الأذن في الأحوال الشديدة، وتتلف العظيمات السمعية تدريجياً، كذلك فقد ينمو جلد قناة السمع الخارجية باتجاه الأذن الوسطى مكوناً جيباً صغيراً يسمى الكيسة. وإذا ما استمر هذا الجيب في النمو، فقد يتلف أجزاء من الأذن الداخلية والعصب الوجهي والدماغ ويمكن استئصال أغلب هذه الكيسات جراحياً، كما يمكن أن يستبدل بعظيمات السمع التالفة أخرى صناعية أو منقولة من شخص لآخر. وفيما يتعلق بالتهاب الأذن الوسطى المصْلى فينجم عن انسداد قناة إستاخيو (غالباً ما تكون مغلقة، ولكنها تنفتح عند التثاؤب أو البلع أو فتح الفم أو النفخ مع إغلاق الأنف)، وتتعدد أسباب هذا الانسداد كحدوث التهاب جهاز التنفس أو التهاب الغدد أو بسبب الحساسية أو وجود بعض العيوب الخلقية. وتتراكم مادة سائلة في الأذن الوسطى تعوق مرور الاهتزازات عبر الطبلة وعظيمات السمع، ويختلف هذا الالتهاب عن الالتهاب الحاد والمزمن في عدم الشعور بالألم وعدم خروج الصديد من الأذن، ويكون العلاج بشق غشاء الطبلة وغرس أنبوب في الشق بما يسمح للمادة السائلة بالخروج وبعد ذلك يتم علاج سبب إنسداد قناة إستاخيو.
جرح الزمان
16-09-2010, 05:26 AM
ما تشوف شر يا الغالي

بس نصيحه احذف الموضوع

بعد شوي بيهل عليك وصفات ما انزل الله بها من سلطان

روح دبر عمرك مع الطوارى
:nice:

اليوم رحت المستشفى بعد عناء طويل مع السفارة والحمدالله تمت الموافقه

بس كانت الصدمة بالمستشفى انه كل اللي قال يمكن ويمكن من الاعضاء ولا شي طلع صح

كان عندي التهاب اذن وسطى والامر يتطلب قد يتطلب تدخل جراحي او تعرضت لفقدان السمع باذںي اليمين اللي اساسا ماسمع عدل فيها ودورت بالنت وحصلت اللي قاله لي الدكتور بالضبط كالتالي ولازم اشوف اخصائي الاذن والحنجرة


التهاب الأذن الوسطى..

ابرز الاعراض : المعاناة من التهابات البلعوم يمكن أن تتطور إلى الارتعاش والغثيان والقيء
وهذا بالضبط اللي كان يصيدني

وقد يسبب فقداً سمعياً شديداً إذا لم يعالج فوراً. وهناك ثلاثة أنواع رئيسية من هذا الالتهاب هي الحاد والمزمن والمْصلي التهاب الأذن الوسطى الحاد يحدث نتيجة انتشار العدوى من الأنف أو الحلق، ويتجمع الصديد في الأذن الوسطى محدثاً ألماً شديداً وفقداً محدوداً للسمع ويمكن معالجة غالبية تلك الحالات باستخدام المضادات الحيوية. أما التهاب الأذن الوسطى المزمن فهو التهاب شديد أو متكرر للأذن الوسطى، وقد يؤدي إلى تمزق طبلة الأذن ويلي ذلك خروج متواتر للصديد من الأذن الوسطى، وغالباً ما يلتحم غشاء الطبلة تلقائياً، إلا أن بعض الحالات تتطلب تدخلاً جراحياً، ويستعمل الجراحون أنسجة ضامة من أوردة أو عضلات المريض نفسه، وذلك لإصلاح طبلة الأذن. وقد يستمر خروج الصديد من الأذن في الأحوال الشديدة، وتتلف العظيمات السمعية تدريجياً، كذلك فقد ينمو جلد قناة السمع الخارجية باتجاه الأذن الوسطى مكوناً جيباً صغيراً يسمى الكيسة. وإذا ما استمر هذا الجيب في النمو، فقد يتلف أجزاء من الأذن الداخلية والعصب الوجهي والدماغ ويمكن استئصال أغلب هذه الكيسات جراحياً، كما يمكن أن يستبدل بعظيمات السمع التالفة أخرى صناعية أو منقولة من شخص لآخر. وفيما يتعلق بالتهاب الأذن الوسطى المصْلى فينجم عن انسداد قناة إستاخيو (غالباً ما تكون مغلقة، ولكنها تنفتح عند التثاؤب أو البلع أو فتح الفم أو النفخ مع إغلاق الأنف)، وتتعدد أسباب هذا الانسداد كحدوث التهاب جهاز التنفس أو التهاب الغدد أو بسبب الحساسية أو وجود بعض العيوب الخلقية. وتتراكم مادة سائلة في الأذن الوسطى تعوق مرور الاهتزازات عبر الطبلة وعظيمات السمع، ويختلف هذا الالتهاب عن الالتهاب الحاد والمزمن في عدم الشعور بالألم وعدم خروج الصديد من الأذن، ويكون العلاج بشق غشاء الطبلة وغرس أنبوب في الشق بما يسمح للمادة السائلة بالخروج وبعد ذلك يتم علاج سبب إنسداد قناة إستاخيو.

ما تشوف شر
والحمد لله انك رحت المستشفى وتطمنت

بس اللي اعرفه ان التهاب الاذن الوسطى من اعراضه عدم التوازن والدوخه

طهور ان شاء الله
ANONYMOUS
16-09-2010, 05:28 AM
عشان تدري ان قصابين المنتدى قصدي دكاترة المنتدى طلعوا فالصو :p ...

ماتشوف شر الشيخ

:)
Qatari In Us
16-09-2010, 05:34 AM
السلام عليكم ورحمة الله وبركاته


اخواني عندي سوال بسيط للي يعرف صارلي كم يوم اواجه الم قوي في الصدر مب بشكل متكرر لكن بشكل متقطع مع كحة قوية والم يمين ويسار والم شديد بالصدر عند الكحة والاحساس باللوعة الشديدة مع العلم اني اكرمكم الله خلال الاسبوع اللي راح رجعت خمس مرات وكلها بعد الاكل مباشره واتمنى اللي يعرف يفيدني


لحد يقولي مستشفى السفارة رافضين اروح مستشفى لانه المستشفى راح يكلف :weeping: ولازم اروح دكتور اول النظام هنيه غير ولازم اروح عند دكتور بالاول ( عيادة خاصة ) واقرب دكتور حصلته عقب يومين او ثلاثه *بالموعد



:nice:


ما تشوف شر
والحمد لله انك رحت المستشفى وتطمنت

بس اللي اعرفه ان التهاب الاذن الوسطى من اعراضه عدم التوازن والدوخه

طهور ان شاء الله


الله يسلمك من الشر اخوي والحمدالله

وبخصوص انا طالب ماعرف اعراض الالتهاب بالاذن لكن الدكتور قالي جيه وانا فيني التهاب في الاذن من زمان ورحت مركز الريان كذا مره قبل وقالوا لي التهاب بس وبندول راح يخلي الالم يروح محد ذكر لي انه احتمال افقد السمع او احتاج لجراحة وهذا انا بديت افقد السمع بشكل تدريجي يعني لو تكلمني بجهة اليمين عادي اقولك الف مره هاااا شقلت
Qatari In Us
16-09-2010, 05:37 AM
عشان تدري ان قصابين المنتدى قصدي دكاترة المنتدى طلعوا فالصو :p ...

ماتشوف شر الشيخ

:)



ههههههه اشكر كل اللي شارك بالموضوع وماتقصرون بس والله صج ترى طلعتوا لي امراض ماعرفها اللي عمود فقري واللي شعب هوائية واللي كان فيني ولا قرب صوب الصدر حتى وطلعت اذني
جرح الزمان
16-09-2010, 05:41 AM
الله يسلمك من الشر اخوي والحمدالله

وبخصوص انا طالب ماعرف اعراض الالتهاب بالاذن لكن الدكتور قالي جيه وانا فيني التهاب في الاذن من زمان ورحت مركز الريان كذا مره قبل وقالوا لي التهاب بس وبندول راح يخلي الالم يروح محد ذكر لي انه احتمال افقد السمع او احتاج لجراحة وهذا انا بديت افقد السمع بشكل تدريجي يعني لو تكلمني بجهة اليمين عادي اقولك الف مره هاااا شقلت

طلعت جارنا يا الغالي انا من ((معيذر ستي))

الدكاتره عندنا مرفوع عنهم القلم

والحمد لله انهم قالولك هالشي علشان تهتم
Qatari In Us
16-09-2010, 05:45 AM
طلعت جارنا يا الغالي انا من ((معيذر ستي))

الدكاتره عندنا مرفوع عنهم القلم

والحمد لله انهم قالولك هالشي علشان تهتم



الحمدالله طلعت ولد فريجنا بعد انا من معيذر ستي بعد

وبخصوص دكاترتنا والله اني اخبر للحين انه كل ماكانت توجعني اذني يعطوني بندول ويقولون التهاب ويروح ولما جيت هنيه اليوم الدكتور ماعرف يعني يقول خلني بنظف لك الاذن وجاب دكتور ثاني عشان يفحصوني وقالوا لي فيك التهاب اذن وكتب لي توصية بمقابلة عاجلة مع اخصائي الاذن

جوف الفرق طول عمري وانا اعاني بمركز الريان ومحد عرف وهنيه بيوم واحد شخصوا حالتي وعرفوا العلة والحمدالله اني رحت ولحقت على نفسي
جرح الزمان
16-09-2010, 05:56 AM
الحمدالله طلعت ولد فريجنا بعد انا من معيذر ستي بعد

وبخصوص دكاترتنا والله اني اخبر للحين انه كل ماكانت توجعني اذني يعطوني بندول ويقولون التهاب ويروح ولما جيت هنيه اليوم الدكتور ماعرف يعني يقول خلني بنظف لك الاذن وجاب دكتور ثاني عشان يفحصوني وقالوا لي فيك التهاب اذن وكتب لي توصية بمقابلة عاجلة مع اخصائي الاذن

جوف الفرق طول عمري وانا اعاني بمركز الريان ومحد عرف وهنيه بيوم واحد شخصوا حالتي وعرفوا العلة والحمدالله اني رحت ولحقت على نفسي

دام انك من عيال معيذر ستي... توصي على شي >>> اشخط لك ذكريات على طوفه :omg:

عموما الحمد لله انك تطمنت على نفسك
وأحتسب اجرك عند الله ....
قطرية فذة
16-09-2010, 06:06 AM
ماتشوف شر
تحداني
16-09-2010, 06:15 AM
ما إتشوف شر يا اخوي
وما عليك الا العافيه .. والحمد لله رب العالمين إنك تطمنت على روحك
ولحقت نفسك .. فلا تهملها هالمره وكمل العلاج مهما كلف سلامتك بالدنيا


زين ما قالوا لك أطباء المنتدى " جرح الزمان "
خذ برقدوش مع مراميه وإشويه زعفران



جملك الله برضى الرحمن
Qatari In Us
16-09-2010, 11:37 AM
ما إتشوف شر يا اخوي
وما عليك الا العافيه .. والحمد لله رب العالمين إنك تطمنت على روحك
ولحقت نفسك .. فلا تهملها هالمره وكمل العلاج مهما كلف سلامتك بالدنيا


زين ما قالوا لك أطباء المنتدى " جرح الزمان "
خذ برقدوش مع مراميه وإشويه زعفران



جملك الله برضى الرحمن


الله يجزاك خير وجزا الجميع عالمحاولة وماتقصرون ودعواتكم