الى جريدة الشرق .. من غير تحيه ولا تقدير ..

[الميدان]

السلام عليكم ورحمة الله وبركاته ..

بسم الله الرحمن الرحيم ..

جريدة اليوم الاربعاء تاريخ 15 سبتمبر .. واخوي يتصفح الجريدة ..

رواني موضوع في جريدة الشرق فقسم التحقيقات .. للصحفي سالم محمد ..

ماعرف صحفي ولا مصور ولا شموضوعه ..

وعنوان الموضوع العبث يطول محولات الكهرباء العامه .. (( كتبت عليها عبارات خادشه للحياء ))

وهل يعقل ان شخص يعرف ان كلام خادش للحياء .. ان يصور الكلام .. لا ويحطه من غير تعديل ..

يعني دام تعرف ان خادش حاطه ليش ..

وانا طرحت الموضوع هني لعل وعسى حد يقدر يعلمهم شغلهم ..

لا رئيس تحرير لا تدقيق لا صحافه .. نشتغل مكانكم .. شرايكم يا جريدة الشرق ..

وهذا رابط الجريده

http://www.al-sharq.com/pdfs/files/TAQEQAT4_20100915.pdf

وهاذي صورة الموضوع ..

http://img256.imageshack.us/img256/4679/83919911.jpg

وادعو الجهات المختصه ان يفكونا من هالانسان ولا عاد يكتب الا فبيتهم

واسمحولنا على الاطاله ..

اخوكم

الميدان

[feva qatar]

عليكم السلام ورحمة الله

الرابط مايفتح ..بس لو صحيح فيه كلام خادش للحيا وين الرقابة عنهم !! كيف يصورونة

[Live]

السلام عليكم ورحمة الله وبركاته ..

بسم الله الرحمن الرحيم ..

جريدة اليوم الاربعاء تاريخ 15 سبتمبر .. واخوي يتصفح الجريدة ..

رواني موضوع في جريدة الرايه فقسم التحقيقات .. للصحفي سالم محمد ..

ماعرف صحفي ولا مصور ولا شموضوعه ..

وعنوان الموضوع العبث يطول محولات الكهرباء العامه .. (( كتبت عليها عبارات خادشه للحياء ))

وهل يعقل ان شخص يعرف ان كلام خادش للحياء .. ان يصور الكلام .. لا ويحطه من غير تعديل ..

يعني دام تعرف ان خادش حاطه ليش ..

وانا طرحت الموضوع هني لعل وعسى حد يقدر يعلمهم شغلهم ..

لا رئيس تحرير لا تدقيق لا صحافه .. نشتغل مكانكم .. شرايكم يا جريدة الشرق ..

وهذا رابط الجريده

http://www.al-sharq.com/pdfs/files/taqeqat4_20100915.pdf

وهاذي صورة الموضوع ..

http://img256.imageshack.us/img256/4679/83919911.jpg

وادعو الجهات المختصه ان يفكونا من هالانسان ولا عاد يكتب الا فبيتهم

واسمحولنا على الاطاله ..

اخوكم

الميدان

وعليكم السلام ورحمة الله وبركاته
جزاك الله خير
بس أخوي شدخل جريدة العرب بالسالفة وهو منشور بجريدة الشرق

[الميدان]

اخوي كساب .. مادري عن موضوع الرابط بس شغال عندي .. واذا مافتح .. ادخل موقع جريدة الشرق ..

وافتح جريدة التحقيقات .. اخر صفحه .. بتحصل الموضوع ..

............................................

live .. اخوي مشكور على الملاحظه ..

انا كنت متوقع اني بغلط خطأ مطبعي .. لان اسم الجريده الثانيه عالق في لساني ...

وجريدة الشرق .. ومشكور مره ثانيه ..

[إنسان عادي]

هذي الله يسلمك صحيفة حائط اي واحد وهو مار يقدر يحط خبر

[العنابي]

صحيح , جريدة الشرق يجب ان تقاضى بنشر هذه الصوره على الملاء بدون شطب الكلام البذئ
في أنتظار قرار وزارة الاعلام

[ريم الشمال]

صاحب الموضوع مشكور على غيرتك والجريده غلطانه بوضع العبارات بدون تغطيه
لو أنا شفت هذا الكلام بروح بشتري علبة صبغ وبعطي درولي عشرين أريال وبقوله أصبغ هذه الطوفة
لم متى أحنا نشوف الغلط ولا نغيره لم متى نشوف شئ البسيط وطالب أن يتم تغيره من قبل مسؤول ليش ما يكون عندنا حب المبادره ونغير الاشياء الغير لائقه مثل هذي ؟؟؟؟
ريم الشمال

[غرفاوي قطري]

صاحب الموضوع مشكور على غيرتك والجريده غلطانه بوضع العبارات بدون تغطيه
لو أنا شفت هذا الكلام بروح بشتري علبة صبغ وبعطي درولي عشرين أريال وبقوله أصبغ هذه الطوفة
لم متى أحنا نشوف الغلط ولا نغيره لم متى نشوف شئ البسيط وطالب أن يتم تغيره من قبل مسؤول ليش ما يكون عندنا حب المبادره ونغير الاشياء الغير لائقه مثل هذي ؟؟؟؟
ريم الشمال

يعجبني التفكير الايجآبي .. :nice:

[عاشق الشهادة]

وعليكم السلام ورحمه الله وبركاته


يالييت شفت موضوعك قبل لا اشوف اخوي جابر الحرمي من شوي في عرس علي المفتاح بالوكرة علشان اقوله بس مافي مشكله اذا تبي رقمه علشان اتوضح له كل ما تريده انا حاضر يالغالي

[تركي الشهراني]

لاحول ولا قوة الا بالله


ومشكوور على غييرتك يالذيب

[احب قطر]

للاسف ان تحقيقات الشرق تدار بالكامل من قبل اخوانا السوريين اللي ماادري ايش خلفيتهم في الصحافة وكل همهم انهم يدورون اي حاجة يكتبونها ويضخمونها علشان يسوون بلبلة ، وحتى اصبح ملاحظ ان الاشخاص اللي ياخذون ارائهم هم نفس الاشخاص ونفس الصور كل مره.

اتمنى ان نجدعندنا صحافة هادفة ويكون في صحفيين محترفين في مهنتهم وان لاتأخذ الشرق مسار جريدة الوطن في بدايتها واللي كان همها فقط الفضائح والمقالات الرنانة لزيادةالمبيعات.

خاصة اني من الاشخاص اللي يحترمون جريدة الشرق وبالاخص الاستاذ جابر الحرمي.

[احب قطر]

مداخلة أخيره ، اتمنى كذلك من الدولة سواء من مجلس الوزراء او وزارة العمل بتقديم دعم للققطريين للعمل في هذا المجال سواء بتحمل رواتبهم او جزء من الراتب للارتقاء بهالمهنة المهمة في بلادنا ، وبصراحة يوجد اعضاء في هذا المنتدى لو امتهنوا مهنة الاعلام لابدعوا بها.

[latty]

الحين الكتابه على الجدار الكل يقراها في الرايح والجاي ولما نشرت حتى يشوفها كل من تسول له نفسه يكتب مثل هالعبارات او يشجع عليها او هو مسؤول بزالتها احتجيتوا

جريدة الشرق

بكل التقدير والاحترام لج وشكرا

[ليث العرين]

انا جريده الشرق غسلت يدي منها!! ماعادها الأوليه لو تلاحظون

[غـيـد]

وايد تمادوا وطبعا مافيـ رادعــ

[غـيـد]

للاسف ان تحقيقات الشرق تدار بالكامل من قبل اخوانا السوريين اللي ماادري ايش خلفيتهم في الصحافة وكل همهم انهم يدورون اي حاجة يكتبونها ويضخمونها علشان يسوون بلبلة ، وحتى اصبح ملاحظ ان الاشخاص اللي ياخذون ارائهم هم نفس الاشخاص ونفس الصور كل مره.

اتمنى ان نجدعندنا صحافة هادفة ويكون في صحفيين محترفين في مهنتهم وان لاتأخذ الشرق مسار جريدة الوطن في بدايتها واللي كان همها فقط الفضائح والمقالات الرنانة لزيادةالمبيعات.

خاصة اني من الاشخاص اللي يحترمون جريدة الشرق وبالاخص الاستاذ جابر الحرمي.



انا خذتـ دورهـ فيـ معهد الجزيرهـ وكانـ المحاضر يدير جريدهـ

وقالـ جرايدكمـ منـ اولها لينـ آخرها غلطـ

التقارير طريقة كتابتها غلطـ

التحقيقاتـ طريقة كتابتها غلطـ

الخبر طريقة كتابتهـ غلطـ

العناوينـ غلطـ

وطريقة كتابة الاسماء تحتـ الصور غلطـ

والجرايد محشوهـ بالصور والاعلاناتــ إلليـ مالها داعيــ غير الكسبـ الماديـ

مادريـ على أيـ أساسـ مختارينهمــ ..؟!

[m7dmrta77]

كفيتوا ووفيتوا
الله يجزاكم خير

[السندان]

اما صدق قووووووووووووووووويه
حسبي الله على اللي كتب على الحائط وعلى الصحفي اللي همه لصّق اخبار وأخلص
لابد من محاسبته والتأكيد على باقي الصحفيين التدقيق على ماينقلون
وهذه المنطقه مافيها عرب يقرون ويستنكرون ويحاولون يمسحون او اي اجراء لازالة مثل هذه الامور
على الاقل بلغ

[بومحمد المطاوعه]

اي والله ياخوي

شفت الصوره والكلام

الصراحه شي ماينسكت عنه

لازم نحط حد للموضوع


جريده رسميه وجريده معروفه تنزل صوره فيها هالكلام؟؟

وين المسؤلين وووين الرقابه

وين المراجعين

بس تعال ونزل؟

في اطفال وفي ناس تشوف الجرايد

والله عيب عليكم يا جريده الشرق

الصراحه امحق محقق وامحق الي منزل الصوره

حسبي الله علي الي نزل الصوره

تحياتي لك يالغالي

[نورالهدى]

واحد وما محصل خبر
قام يحشي في ها الجرايد
وحنا ناكل هالطبخات
الجريده اشتريها عشان الملحق اللي فيه اعلانات والا كل الاخبار موجوده على الكمبيوتر
لاتزعلوا
شيء متوقع

[فيصـــل]

على جرايدنا السلام ..

لاحسيب ولا رقيب .. خاصه الرايه !!

الله يهدي القائمين عليها ويهدينا وياهم ..

[بنت شيوخ]

لا تعليق

[Ussop]

زلة نادراً ما تتكرر في الشرق، ولا إن بغيتوا السوالف الي ما ينسكت عنها شوفو الراية.

[feva qatar]

السوءال الي يطرح نفسه !!
لي متى وشبابنا متخلفين ويكتبون على الجداران كلام بذيء ويحطون ارقامهم بعد !!
ليه مانصير مثل امريكاا فيه سااااحة حق التفنن والرسم كل شخص يحب يكتب او يرسم يجي ويدفع مبلغ بسيط ويرسم الي يبيه

[القمه]

أعزائي مب فقط على حائط مولدات الكهرباء داخل دورات

المساجد تشخبيط بكل مكان ولكن من سيردع اولئك الذين يسيئون
بفعالهم المشينه ؟

[بنت الشمال]

جريدة الشرق خالف تعرف بصراحه الدوله بجميع مؤسساتها تدعم ملف 2022 الا جريدة الشرق مع ملحق التحقيقات الذي يسلط الضوء على قضايا تافهه مثل اسيوي سرق 30 محل وغيرها كأننا في دوله ليس لها نظام لان الصحفيين الي عندهم يحبون يبينون عيوب قطر مع تزامن وفد2022 و اول مره اشوف وسيله اعلاميه تعمل تحقيقات موجوده في المحكمه جريدة الشرق عندكم رد هذا الميدان ردوا

[بنت الشمال]

نسيت اقول شيء او با لاخص امنيه ليش جرايدنا ما تكون قطريه 100% صحفيين قطريين او قطريات بدل الجنسيات العربيه الحاقده علينه و بدل ها لرواتب تندفع حق ها لشكال تندفع للقطري اولى و تكون رواتب فيها خير حتى يكون دهنا في مكبتنا الى متى و اخبارنا يكتبونها الغرباء القطري احق و الي عنده رد يرد في حق القطري وتسلمون يا اهل ديرتي الطيبين و ما مثلكم اهل

[Doha Sun]

اشدعوه ..
انا اللي ماعرف في الفوتوشوب باعدل على الصور شويه ..

[الميدان]

ماقصرتو/ يالربع .. كلكم .. وانا ماطرحت الموضوع .. الا لان ادري في حد بيتكم ..

وبيوصل الكلام للجريده ولا اين كان المسوول ..

والاخوان الي كانو يقولون غلط الرايه ولا مكتوب الشوارع جدامنه ..

في اشياء مقبول فيها في صحافه عامه .. ولا اشياء ماتغتفر ولا يتغاضى عنها الانسان ..

وماظن احد يرضى ان عياله ولا اخوانه الاصغار .. او خواته يقرون لفظ من هالالفاظ ..

ومره ثانيه مشكورين وماقصرتو .. واخوي الي في الوكره ..

لو بتكلم الريال تسوي خير ..

[تموز]

صراحة طريقة كلامكم فيه ظلم لجريدة الشرق والدور الي تقوم فيه في طرح كثير من القضايا الي تهم المواطنين والله احترنا فيكم لو الجرايد سكتت عن القضايا والمشاكل قلتو صحافتنا بعيدة عن همومنا وقضايا وهاجمتوها لو لامست المشاكل قلتو انها تشوه بلادنا وانا الاحظ ان البعض يكرر اسمه مرتين والظاهر المسألة عدوات شخصية خلكم موضوعيين في النقد

[ابو محمد7]

الحين الكتابه على الجدار الكل يقراها في الرايح والجاي ولما نشرت حتى يشوفها كل من تسول له نفسه يكتب مثل هالعبارات او يشجع عليها او هو مسؤول بزالتها احتجيتوا

جريدة الشرق

بكل التقدير والاحترام لج وشكرا

اشكرك على هذا الرد

وفعلا يجب ان يكون الموضوع واللوم والعتب موجه لمن يكتب مثل هذا العبارات وصراحة هذي ثقافة عندنا وتخلف مابعده تخلف !

صحيح يمكن يجب ان الجريدة ماتبين بعض العبارات اللي ماتصلح للنشر ولكن عتبنا لهم اخف بكثير من عتبنا على الحيوانات (أجلكم الله) اللي تقوم بمثل هالافعال ومع احترامي للجميع ولكن الانسان اللي يقرر بارادته انه مايستخدم عقله ويخرب المال العام ويؤذي الناس يستحق هاللقب

في ناس بكل جهل وتخلف تشوف هالمناظر وبعد فترة تقلد وتكرر هالتصرفات بدون اي تفكير !

[Breakaway]

مسكينة الشرق!، يعني ما تقدرون تعتبرونها زلة غير مقصودة و تعذرونهم.

جريدة الشرق رايتها بيضا دائما.

[بنت الشمال]

الشرهه مب على الصحفي الي حط الموضوع الشرهه على رئيس التحرير ما يتصفح الجريده قبل طباعتها و اذا على الصحفي هو اجنبي ما يهمه شيء مب ولد البلد صحح صح يا رئيس تحرير الشرق ترى جريدتك بيطيح كرتها لحق عليها

[روح الاطلس]

مافهمت شي

مكتوب كلمة حشاش !

[بنت الشمال]

الشرهه مب على الصحفي الشرهه على رئيس تحرير جريدة الشرق مب لازم يتصفح الجريده قبل طباعتها والا الصحفي اجنبي مب ولد البلد صراحه طاحت الشرق من عيني لا حسيب ولا رقيب فيها لحق على جريتك يا رئيس التحرير المحترم قبل لا تطير لطيور بارزاقها يعني صح صح و صح النوم

[Bin Hood]

صاحب الموضوع مشكور على غيرتك والجريده غلطانه بوضع العبارات بدون تغطيه
لو أنا شفت هذا الكلام بروح بشتري علبة صبغ وبعطي درولي عشرين أريال وبقوله أصبغ هذه الطوفة
لم متى أحنا نشوف الغلط ولا نغيره لم متى نشوف شئ البسيط وطالب أن يتم تغيره من قبل مسؤول ليش ما يكون عندنا حب المبادره ونغير الاشياء الغير لائقه مثل هذي ؟؟؟؟
ريم الشمال

كلامج سليم 100%

بس للامانة في فريجنا نفس الموضوع عبارات حادشة للحياء

وانا ما سويت شي , علشان ما ادعي المثاليات

[Bin Hood]

مافهمت شي

مكتوب كلمة حشاش !

في كلام غير بس اخونا جزاه الله خير مضللة بالاسود

[التيما]

صح السانك والله انا لمن شفته انصفق وجهي قلت مب صاحي عالاقل امسح عالكلام !

[القحطاني505]

أنا لا أرى أي إحترافية في جرايد قطر ..

نتمنى أن يتخذوا الصحافة السعودية مثلاً ..

[أبو مناير]

اشكرك على هذا الرد

وفعلا يجب ان يكون الموضوع واللوم والعتب موجه لمن يكتب مثل هذا العبارات وصراحة هذي ثقافة عندنا وتخلف مابعده تخلف !

صحيح يمكن يجب ان الجريدة ماتبين بعض العبارات اللي ماتصلح للنشر ولكن عتبنا لهم اخف بكثير من عتبنا على الحيوانات (أجلكم الله) اللي تقوم بمثل هالافعال ومع احترامي للجميع ولكن الانسان اللي يقرر بارادته انه مايستخدم عقله ويخرب المال العام ويؤذي الناس يستحق هاللقب

في ناس بكل جهل وتخلف تشوف هالمناظر وبعد فترة تقلد وتكرر هالتصرفات بدون اي تفكير !



:nice::nice::nice:

[المها قطر]

جرائد قطر كلها تافهة واخبار يا مدح في مناسبة ما ....او طرح مواضيع في صالحهم
وتجاهل تام ل الآم وهموم المواطن...... لان اللي يكتبون كلهم فول وطعمية..والمثل يقول
جلد مب جلدك جر علية الشوك
الله كريم

[بواردي]

كوبي بيست
صور الطوفة وكتب لنا مقال عن هذه الظاهرة السيئة

ونسي ان يكتب عن غباء بعض الصحفيين
هذا دليل ان اغلب الصحافة والصحفيين الله بالخير

ولا يدرون شسالفة
اهم شي مقال وراتبه ماشي

ولو انا مكان رئيس التحرير ما اقصر فيه

هذا اذا ما طلع رئيس التحرير بعد ياغافل لك الله

[الميدان]

مافهمت شي

مكتوب كلمة حشاش !

اخوي انا ماسح الكلام .. وفي الجريده مب ماسحين الكلمه الي كانت مكتوبه ..

[الميدان]

مشكورين كل الي شاركو ..

واخواني الي مب عاجبهم اني نزلت الموضوع .. ولا ان زلة ..

اذا الجريده جاتها زله ومحد كلمها مابيهمها احد ..

واذا في احد عاجبه هالخطأ وممكن ان يتقبله .. خلني اعرف ..

لان ماتوقع في من يرضى بهالشي ..

ومشكورين كلكم بكل ارائكم ..

[مشتاقة لقطر]

حبيت العنوان ههههه وخاتمة الخبر

عليك اسلوب بالطرح الله يبارك لك فيه

[qdalwatan]

طيب محد فيكم يعني انتقد تصرف هؤلاء العابثين في أملاك الدولة .. وهذا السلوك غير الحضاري منهم؟
الشرق لفتت انتباهنا الى هذا الخطأ والعبث .. وعلينا أن نصححه ونستنكره .. لا أن نلوم الجريدة وننسى الموضوع الاساسي

[الغلا]

انا كل مااشوف حد ياخذ جريدة الشرق اسأله ليش يقول بس للوسيط
ههههههههههههههههههههههههههههههههههههههه
يعني الجريده محد يقراهاااا

[الميدان]

مشكورين جميعا ..

واخوي qdalwatan

هالكلام عليه اعتراض ونشوفه مانحتاج حد يقول لنه شوفوه ..

والكل يدري ان الي يسوون هالشي يهال الفريج ولا صغاريه ..

ماظن ريال ممكن يكتب هالسوالف يعني الموضوع هذا معروف ان مب راضيين عنه ..

وعلى خبري ان كنى نشتري رش وبنفسنا نغطي الكلام .. وكان الله غفورا رحيما ..

اما انا نزلت الموضوع اوضح خطأ .. وعدم اهتمام .. والتساهل في التدقيق على الجريده قبل نزولها للعامه ..

واتمنى ان المعلومه وصلت ..

وماقصرتوا للمره المليون كل ابوكم .. من 1- مادري كم ..

[هاب ريح]

جرائد قطر كلها تافهة واخبار يا مدح في مناسبة ما ....او طرح مواضيع في صالحهم
وتجاهل تام ل الآم وهموم المواطن...... لان اللي يكتبون كلهم فول وطعمية..والمثل يقول
جلد مب جلدك جر علية الشوك
الله كريم



هذا هو الموضوع الاساسي

اما ان الذين يحررونها غير قطريين فسبب ذلك علمه عند المؤسسات الصحفية وجشعها
من يقبل باجورها وشروطها ..اي مستقبل للعاملين فيها ؟



اما القطريون في الصحف وعلى راسهم رؤساء التحرير فانهم منتدبون من اعمالهم الحكومية غالبا الا الذي اصبح منهم بزنسس مان او صار عضوا بمجلس ادارة الصحيفة

واكثرهم ان لم يكن كلهم جاؤوا من اوساط واعمال مالها خص بالصحافة

يعني تعلموا الصنعة ..استرزاق !

[mohammed68]

الأخطاء واردة وشكرا على غيرتك وتنبيهك .. وما اعتقد ان جابر الحرمي يوافق على هذه الامور

[كبير المجلس]

ربنا يهدى الناس ويشفيها ،،، الفاضى يعمل قاضي

[Deaert-Eye]

جرائد قطر كلها تافهة واخبار يا مدح في مناسبة ما ....او طرح مواضيع في صالحهم
وتجاهل تام ل الآم وهموم المواطن...... لان اللي يكتبون كلهم فول وطعمية..والمثل يقول
جلد مب جلدك جر علية الشوك
الله كريم

معاكي حق
المفروض يكونوا كلهم - برياني - علشان ما تكون تافهة !

[Deaert-Eye]

نسيت اقول شيء او با لاخص امنيه ليش جرايدنا ما تكون قطريه 100% صحفيين قطريين او قطريات بدل الجنسيات العربيه الحاقده علينه و بدل ها لرواتب تندفع حق ها لشكال تندفع للقطري اولى و تكون رواتب فيها خير حتى يكون دهنا في مكبتنا الى متى و اخبارنا يكتبونها الغرباء القطري احق و الي عنده رد يرد في حق القطري وتسلمون يا اهل ديرتي الطيبين و ما مثلكم اهل

للأسف اسلوب منحدر في النقاش
بس هاقولك كلمة واحدة يا بنت الشمال
لو كان عندك كفاءات صحفية .. كنت تجنبتي استقدام هولاء الحاقدين العرب !!!

[Bo Turky]

الصحفي لازم يلفتون نظره
بس وين رئيس التحرير اللي يدقق في كل الامور؟

[Breakaway]

للأسف اسلوب منحدر في النقاش
بس هاقولك كلمة واحدة يا بنت الشمال
لو كان عندك كفاءات صحفية .. كنت تجنبتي استقدام هولاء الحاقدين العرب !!!

كل الحب و الإحترام لإخواننا العرب المقيمين بيننا، لكن أخي/أختي واحد مصور لنا زبالة فأي نوع هذا من الكفاءات؟! طالب صف سادس إبتدائي يقدر ياخذ كميرا و يتمشى في الشوارع و يعمل لنا تقارير!

[venum]

السلام عليكم ورحمة الله وبركاته ..

بسم الله الرحمن الرحيم ..

جريدة اليوم الاربعاء تاريخ 15 سبتمبر .. واخوي يتصفح الجريدة ..

رواني موضوع في جريدة الشرق فقسم التحقيقات .. للصحفي سالم محمد ..

ماعرف صحفي ولا مصور ولا شموضوعه ..

وعنوان الموضوع العبث يطول محولات الكهرباء العامه .. (( كتبت عليها عبارات خادشه للحياء ))

وهل يعقل ان شخص يعرف ان كلام خادش للحياء .. ان يصور الكلام .. لا ويحطه من غير تعديل ..

يعني دام تعرف ان خادش حاطه ليش ..

وانا طرحت الموضوع هني لعل وعسى حد يقدر يعلمهم شغلهم ..

لا رئيس تحرير لا تدقيق لا صحافه .. نشتغل مكانكم .. شرايكم يا جريدة الشرق ..

وهذا رابط الجريده

http://www.al-sharq.com/pdfs/files/taqeqat4_20100915.pdf

وهاذي صورة الموضوع ..

http://img256.imageshack.us/img256/4679/83919911.jpg

وادعو الجهات المختصه ان يفكونا من هالانسان ولا عاد يكتب الا فبيتهم

واسمحولنا على الاطاله ..

اخوكم

الميدان


من وجهة رأيي الشخصية أن صاحب الموضوع

يتصيد على جريدة الشرق بالذات وذلك بسبب

أولا : له مشاركات قليه جدا واغلبها في هذا الموضوع وكأنه مشارك فقط لأجل أن يكتب ضد الجريدة

ثانيا : الموضوع المشار إليه باعتقادي الشخصي لا يتحمل أن ينادي أخ أخاه لكي يرى ما هو مطروح لأنه ليس بالجريمة

ثالثا : لا نعلم عن نية كاتب الموضوع هل هي افاده أم مجرد إشعال فتنه شخصية

رابعا : إلى متى نتستر على الخطأ ؟ ونرضى عنه ؟؟

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم

خامسا : من انتقد صاحب الموضوع في الجريدة واعتبره غلطان للقطه التي اعتبرها لها حس كبير من الغيرة على المنظر العام في الدولة وليس العكس وكأنه ينتقده لشخصه

سادسا وأخيرا : يا ليت تمرون على هذا المحول الآن وترونه في حلته الجديدة وهو نظيف بعد أن أغفلت الجهات المعنية عنه أعواما كيف أصبح الآن ... والبركة في الصورة وكاتب المقال وجريدة الشرق

كل الشكر لهم والتقدير

ورجائي ان يكون هناك ناس غيورين على بلادهم مثل الصحفي كاتب الموضوع و جريدة الشرق لانهم ارادو ارشاد الجهات المختصة وفتح اعين المسؤولين على هذه التصرفات الشاذة,,

تقبلوا مروري ,,