المساعد الشخصي الرقمي

مشاهدة النسخة كاملة : ماباقي الا يومين


نورالهدى
16-09-2010, 06:42 AM
السلام عليكم ورحمة الله تعالى وبركاته
سجلت بنتي في مدرسة عاتكة في الصف الاول الابتدائي
وقالوا بيقولولنا عن الزي المدرسي
ولليوم ما اعرف زيهم
حد يدلني على الخياط اللي متعاقدين معاه
او يقولي من وين اشتريه
او ينزلي صورته بالالوان
وجزاكم الله خير
ام خليفه
16-09-2010, 07:21 AM
الله يعينا يا اختي
نفس الحال بس انا مدرسه بنتي الخياط للحين ما جهز الملابس
وولدي روضه ابن سينا ما ادري ايش هو زيهم ولا لونه
اللي عندهم بروضه ابن سينا وين ينباع الزي ؟ يخبرني
واسمحيلي اختي قلت بالمره يمكن حد يفيدني لاني ناويه اغيبه اول يوم على ما اعرف ويمكن حد يفيدني معاج
Toomy
16-09-2010, 07:39 AM
ترى المدارس مداومين تقدرون تمرون و تسألونهم
تحداني
16-09-2010, 08:08 AM
بالفعل معظم مدراء المدارس مع النائبات الأكاديميات متواجدات في المدرسه
يمكنكم الاتصال او الذهاب إليهم


جملكم الله برضى الرحمن
مناحي السادس عشر
16-09-2010, 09:28 AM
ياليت لو كان اللبس موحد بدل هالفلسفه اللي مالها داعي
كل مدير ومديره يقعد يالف على كيفه
ابي لون ذهبي وبني واسود وكرفته مدري شلون وسوالف فاضيه
ياخي وحدوا اللبس وفكووونا من هالغثا
شكلنا بدينا الخساير
نبي ضفدع ونبي بالطو ونبي ونبي ونبي

:mad: :anger3:
نورالهدى
16-09-2010, 01:20 PM
حسبي الله ونعم الوكيل
رحت على المدرسة
وعطاني الناطور ورقة الزي
دار راسي
اخضر وزيتي
ولفيت السوق وعلى اسماء المحلات المرشحه مافي
ما ادري ايش بسوي
ايش بلبسها
لا واحد يقولي بيجي بعد 10 ايام في طلبية من الامارات
latty
16-09-2010, 02:12 PM
للاسف كل مدرسه تتعاقد مع خياط ولها نسبه
Toomy
16-09-2010, 02:36 PM
حسبي الله ونعم الوكيل
رحت على المدرسة
وعطاني الناطور ورقة الزي
دار راسي
اخضر وزيتي
ولفيت السوق وعلى اسماء المحلات المرشحه مافي
ما ادري ايش بسوي
ايش بلبسها
لا واحد يقولي بيجي بعد 10 ايام في طلبية من الامارات

بل ايش هالألوان عاد ابتدائي المفروض ألوان هادية و بعدين هاللونين ما يناسبون الكل .
بوالفاروق
16-09-2010, 03:02 PM
يرفعون الضغط لما يخلون المدرسة بكبرها
على خياط صغير .. محله متر في متر وضرب نعل !!

صارلنا هالموقف للأسف
قطرية حنونه
16-09-2010, 03:30 PM
اشوف ان التخبط شامل المجلس الاعلى والمدارس
مدارس عيالي ما طرشوا لنا مسجات ولا شئ
انا حره
16-09-2010, 05:17 PM
في مدارس جزاهم الله خير يفصلون ويخلونه عندهم
اول السنه تروح الام وتدفع قيمته وتاخذ مقاس بنتها
نورالهدى
16-09-2010, 11:44 PM
لا المدرسة توهم الفوج السابع
ومب متعاقدين مع اي خياط
بس محددين خمس محلات قماش
رحتهم في سوق العسيري وسوق فالح وماكو فايده
وخذت لفه على كل المحلات قلت بجيب حتى لو لون مقارب وبخيطه مؤقتا مافيه
صج شوي وبستخف
ما أدري إيش بلبسها للمدرسة