استفسار الله لا يهينكم عن الزكاه !!

[نتفـه]

السلام عليكم ورحمة الله وبركاته ,,

بغيت اعرف شلون نحسب زكاة المال اذا حال الحول عليه ,, مثال شلون احسب زكاة الراتب اللي اخذه عن كل سنه كامله ؟! حد فيكم يعرف النسبه ويقدر يفيدني ؟:telephone:

وهل زكاة المال للمال اللي ما نصرفه بس ؟؟ والا عن الراتب اللي ناخذه ونصرفه عادي !!!:omen2:

لان انا وصلتني رساله بريديه من المصرف فيها احدد مبلغ عن زكاة المال اللي حال عليه الحول وفيه بعد صدقه مستديمه اللي اعرفه ان الصدقه اي مبلغ انا اقدر احدده و يستقطعونه بس زكاة المال اللي للحين ماعرف شلون احسبها علشان احدد بالضبط كم ,,:rolleyes2:

وجزاكم الله خير ,,:victory:

[شموخ دائم]

,

,

مرحبا

جزاكم الله كل الخير ويبارك لكم في حلالك

هذا السؤال لازم يكون في القسم الاسلامي

زكاه المال الي حال عليه الحول هو 2.5 اثنين ونص في المئه

يعني ال 100 الف ريال اذا كانت في البنك او بالبيت وما لمسناها سنه كامله
نطلع عنها الفين و خمسمئه ريال 2500
بالنسبه للراتب اذا نصرف منه ويخلص كل شهر بشهره ما عليه زكاه

ولاحسن تشوفون موقع الزكاه

http://www.zf.org.qa


بالتوفيق لكم


,

,



اخوك



شموخ دائم

[بسنا خرابيط]

الله يجزاج خير اختي

مجموع المال اللي حال عليه الحول تقسيم 40

هذي اسهل طريقه للحسبه

فرضا انتي عندج 400 ألف

تقسمين الـ 400 ألف على 40

400000 / 40 = 10000 ريال تخرجينهم زكاة اموالج

وياليت تسئلين اهل الإختصاص للتأكد أكثر

[نتفـه]

الله يجزاكم خير ,,

[حمد]

الاتصال بصندوق الزكاه افضل في كل الاحوال

لان هناك الكثير من الاخطاء التي تصير عندنا بالدوحه

مثال اخراج 2.5 من مجموع الراتب لـ 12 شهر ... فكيف يخرج الشخص زكاته عن مال قام بصرفه على نفسه وعائلته وغيرها من المصاريف الخاصه ... وفعليا لم يحل عليه الحول !!!!

هذا ماذكره لي مفتي صندوق الزكاه ولي خذت رقمه من الشخص الي يجلس في المجمعات لجمع التبرعات

المهم رقم المفتي هو : 55188887

[نتفـه]

رحم الله والديك يا الشيخ ,, ما قصرت

[باسكن روبنز]

كفوو يالنتفه ،

[نتفـه]

والله نسأل نبي الاجر خبرك نتعلم من اللي يعرفون الله يطرح فيهم البركه

نورت اخوي :victory:

[روح الاطلس]

الراتب هل تصرفه كله شهر بشهر؟؟

ولا يبقى شيء يتجمع مثلا الف الفين يتجمعون؟؟

ان كان ايه

فأسهل طريقة

تحدد لك يوم معين كل سنة تشوف كم في رصيدك كامل سواء رواتب متجمعه او ودائع وتقسم المجموع على 40
وبس هذي هي الزكاة

[نتفـه]

تسلم اخوي على الافاده و الله نادر لو تجمع شي ناااااادر جدا ,,
بس من هالسنه ان شاء الله بحاول وعليها ببتديحساب الزكاه بالطريقه اللي خبرتني بها ان شاء الله
ورحم الله والديك وربي يجزاك خير ,,

[ماريسا]

الفلوس الي مدخرتها سنة كاااملة و ماخذتي منها شي تخصمين منها 2.5 % للزكاة