ترضى المهانه علي يابو مشعل وانا بدارك؟؟ [الأرشيف]

مشاهدة النسخة كاملة : ترضى المهانه علي يابو مشعل وانا بدارك؟؟

PRINCESS

16-09-2010, 10:02 AM

اليوم اريد اكتب هنا
وبكل مكان اطوله
عسى ان يقره كلامي سمو الامير
وأقسمت بالله
لا اوصل كلامي لسمو الامير
لو يبقى من عمري ساعه بس
ترضاها علي ياوالدي الكريم
؟؟؟
ترضى على بنتك بنت الرجال المهانه؟؟
وانا بنتك وضيفتك بحماك وحمى بلدك؟؟
ترضى علي ان تنهان كرامتي وأنا بظلك؟؟
الامير يرعى ويحمي ويصون الكرامه
والحاشيه يتطاولون ويحاولون يسيئون لضيفتك ويخربون كل الزين اللي شفته من سموك لي؟؟
انا يامن يقرا كلامي...
انا بنت عربيه مسلمه
\جار عليها الزمان..
بلدي راح ومالي راح واهلي راحو
مابقى لي شي غير رحمه الله وغيره الرجال.
دعونا عن العناوين والاسماء وانا من وبنت من...
انا انسانه اولا واخيرا..
ترضى علي ياوالدي بو مشعل؟؟؟
الضيف يكرم..
وتصان كرامته...
واللي قاعد يصير لي من قبل افراد وكلتهم ياوالدنا برعايتنا انهم يحاولون بكل طريقه يأذونا ويهينون كرامتنا..
اذا ترضاها ياوالدي ..؟؟انا ارضاها..
واذا ترضوها ياللي تقرون كلامي..
انا راح اسحب كلامي واقول ممنونه وشكرا.

الخير كله

16-09-2010, 10:03 AM

محشومه يا اختنا ...
استغفر الله
اقسم بالله الذي لا اله الا هو ان الشيخ حمد رحيم القلب متفهم واصل بالناس
المشكله باللي ذكرتيهم
واحنا نعاني منها واخنا مواطنين الله المستعان
وياليت يجد سموه حل هالشي

بــو فهــد

16-09-2010, 10:06 AM

محشومه يالشيخه انتي واهلج الكرام كلهم .. كلكم تنحطون في عيونا
لكن شصاير ؟

راية الفخر

16-09-2010, 10:10 AM

خير خير خير وش اللي صاير حبيبتي ؟؟ هونيها وتهون وماعاش من يهينج

إينشتاين

16-09-2010, 10:11 AM

لا والله مايرضاها ابومشعل ولايرضونها عياله هل قطر

الضيف العين اوسع له من الدار

لكن شرهتك على بعض الحاشية الي منصبهم اكبر منهم

hard to get

16-09-2010, 10:13 AM

ممكن تفاصيل اكثر عن المهانة الي تعرضتي لها

ما اظن ان في حد يتجراء ويهين ضيف من ضيوف سمو الامير حفظه الله

**هـتــــــان**

16-09-2010, 10:22 AM

محشومه اختي ..:(

PRINCESS

16-09-2010, 10:27 AM

بالله اسألكم
ايش معنى كلمه(طقع لها)

انا فهمي على قدي
فهموني انتو
وبعد ماتفهموني راح اتكلم.

مارشلاجو

16-09-2010, 10:28 AM

**هـتــــــان**

16-09-2010, 10:28 AM

طنشها / سفه لها :(

Arab!an

16-09-2010, 10:28 AM

يعني خلها تولي

دانـة قطـر

16-09-2010, 10:32 AM

طنشها أو خلها تولي

ومحشومه أختي

مجاهد النفس

16-09-2010, 10:39 AM

الموضوع مكبر تكبير ماله داعي

مادري صاحبة الموضوع لها اهداف ؟؟؟؟؟؟

عشان كلمه سويتي قضية ولا شسالفه !!!!

مادري فيه سالفه ولا ما فيه اصلا !!!!

PRINCESS

16-09-2010, 10:40 AM

طنشها أو خلها تولي

ومحشومه أختي

شكرا لكم على كلامكم الطيب
واللي يهون علي دائما كل صعب
هالكلمه بالذات انقالت لي
وفي كثير قبلها

وكنت ساكته عنه
وفي كثيييير بعدها انقال
وسكتت

مش عشان شي والله العظيم
بس احتراما للبلد اللي اواني انا واطفالي
وقبل كل هذا
احترام للرجل اللي عطاني الامان
وهو والدي بومشعل

راح اختصر الكلام
بس خليني اوضح شي
ان سموه الكريم...
حط ناس مسؤوليتهم ان يشوفون احتياجاتنا
ويسألون عن وضعنا بين فتره واخرى..
وهالناس مكلفين برعايتنا من قبل سموه شخصيا
هالناس
او الافراد
لما تجي تسالهم بكل ادب واحترام عن شي
وايش ممكن يساعدوك فيه.
وانت ضيف
ومالك غير رحمه ربك وهم من بعد الله
ويكون جوابهم
هذا,,,,,
ايش ممكن يكون ردي.؟؟
ارجع واقول
اقسمت
اني اوصل كلامي وكل اللي صار معاي
لسموه..
وبالتفصيل..واريد من سموه ان ينصفني.

عليه العوض

16-09-2010, 10:42 AM

اولا" كلامك غير صحيح وفيه تطاول على بعض الناس .... ثانيا" احنا مب في ..... او في ..... وعندنا درك ولا جيش سري ولا ناس فوق القانون .......جدامك اقسام الشرطه وجدامك المحاكم وجدامك سفارة بلادك ..... واعتقد عيب تضخيم هذا الامر للوصول الى غايات خاصه ؟؟؟؟؟؟؟؟؟؟؟

ردك عليها فيه الكفايه ميه في الميه تسلم على الرد المنطقي على هذه المشتكيه التي تدعي الاذيه وتصور عيال البلاد كائنهم بدون اخلاق ومتوحشين و الله اعلم ما وراء تلك الادعاءات
وما المقصود حتى توصلها للامير و اين عنها مخافر الشرطه و غيره من المحاكم ليش وضعة في البلاد ما هي لحل اي مشاكل تحدث بين الناس هل ذهبت لاي مخفر وماا نصفها او اي محكمه وما لاقت انصاف تسلم اخوي

**هـتــــــان**

16-09-2010, 10:44 AM

:con2:

شموخ العز

16-09-2010, 10:44 AM

s4qatar

16-09-2010, 10:45 AM

[QUOTE=مارشلاجو;6349075]اولا" كلامك غير صحيح وفيه تطاول على بعض الناس .... ثانيا" احنا مب في ..... او في ..... وعندنا درك ولا جيش سري ولا ناس فوق القانون .......جدامك اقسام الشرطه وجدامك المحاكم وجدامك سفارة بلادك ..... واعتقد عيب تضخيم هذا الامر للوصول الى غايات خاصه ؟؟؟؟؟؟؟؟؟؟؟[/QUOTE
:nice:

تعجبني .... هذا الكلام الصح

Arab!an

16-09-2010, 10:45 AM

انا اقول يكفي توصلين الكلام لمسؤولهم

وخليه يعرف ان الكلام ممكن يوصل الامير

وما كان الافضل نشر الموضوع في المنتدى

simsim1963

16-09-2010, 10:45 AM

أسلوب رخيص مبتذل يقصد به استدرار العطف وكسب الرأي ضد الخصم . ومحاوله للحصول على دعم مادي ومعنوي للأنتقام من الخصوم . نفس اسلوب حزب البعث المدحور ولكن حزب البعث كان يقتل الطفل امام امه ويغتصب البنت امام ابوها وقتل الولد وجعله الاب يدفع ثمن الرصاصه . بسنا خرابيط واستهبال على الناس الطيبه بقطر

العضو الماسي

16-09-2010, 10:46 AM

مافهمت شي ومابغي احكم لن الموظوع بكبره مش مفهوم ولا سالفه راكبه عالثانيه .

العضو الماسي

16-09-2010, 10:49 AM

انا ماحط في ذمتي ولا أجزم ولاكن أقول يمكن هذول الي سمعنا عنهم فالمنتدى من خلال المواظيع الي قريتها فالمنتدى هنا . الي هم الخلايا النشطه الي تحاول زراعتها أيران فالخليج مثل ماصار بالكويت والبحرين لزعزعه الاوضاع ونشر الفتنه . هذا والله أعلم .

دانـة قطـر

16-09-2010, 10:50 AM

شكرا لكم على كلامكم الطيب
واللي يهون علي دائما كل صعب
هالكلمه بالذات انقالت لي
وفي كثير قبلها

وكنت ساكته عنه
وفي كثيييير بعدها انقال
وسكتت

مش عشان شي والله العظيم
بس احتراما للبلد اللي اواني انا واطفالي
وقبل كل هذا
احترام للرجل اللي عطاني الامان
وهو والدي بومشعل

راح اختصر الكلام
بس خليني اوضح شي
ان سموه الكريم...
حط ناس مسؤوليتهم ان يشوفون احتياجاتنا
ويسألون عن وضعنا بين فتره واخرى..
وهالناس مكلفين برعايتنا من قبل سموه شخصيا
هالناس
او الافراد
لما تجي تسالهم بكل ادب واحترام عن شي
وايش ممكن يساعدوك فيه.
وانت ضيف
ومالك غير رحمه ربك وهم من بعد الله
ويكون جوابهم
هذا,,,,,
ايش ممكن يكون ردي.؟؟
ارجع واقول
اقسمت
اني اوصل كلامي وكل اللي صار معاي
لسموه..
وبالتفصيل..واريد من سموه ان ينصفني.

اسمحيلي أختي بس جد والله ما فهمت :(
يعني انتي سألتيهم سؤال وهو قال هالكلمه بدون سبب؟!

ياليت توضحين أكثر أختي

القمه

16-09-2010, 10:52 AM

السلام عليكم ورحمة الله وبركاته
يا أعزائي الكرام لي حاب يشارك بطرح بقضايا
حياالله عزيز وغالي بدون ان يتطرق إلى حاكم دوله
ليست من اختصاصات الأعضاء او من أختصاص
المنتدى وتمنى تغيير العنوان إذا ممكن على سبيل
المثال(صادفتني مشكله)صيغة العنوان
الكلام للي يظهر من فراغ سيظل فراغ
كذا سؤال وبي إجابته وبكل صراحه
هل انتي شخصيه دبلوماسيه او شخصيه عاديه ؟
2-من إهانه إلى إهانه تفرق ولكن فيه مثل
روح بعيد ترجع سالم يعني تجنب الآخرين بالمعنى الاصح
وبخصوص الكلمه ذي كلمت بزران صغار مب مهمه لاراحت ولاجات
وأحنا مازلنا في بلد مسلمه حكمها الإسلام مهما تجاوزت الأمور
بس ياريت تجاوبيني على الاسئله فقط

PRINCESS

16-09-2010, 10:53 AM

جميع من على هذا التراب وهذا الوطن معزز مكرم اختي

وكلنا هني بنات بو مشعل وعياله ومحشوومه اختي العزيزه

كلمه طقع لها عاديه ومافيها اي شي اذا الموضوع عادي ومتداوله بشكل عادي وبعدين اذا انتي مو عارفه الكلمه صحيح ( طقعي لها الكلمه)

يا ما سمعنا ها الكلمه طقع طنش اسفههم لاتهتم فيهم لاتعطيه فرصه احقرهم ( كلمات عاديه)

واعتقد موضوعج عادي اذا علشان كلمه

بس شنو الموضوع علشان نحكم في موقف هذه الكلمه

شكرا جزيلا
لا والله
مش عشان كلمه
هي عده مواقف صارت معاي
ومواقف تألم
وفيها تعمد للاهانه والتجاهل
واذا على هالكلمه
تراها سهله..وماتستحق حتى اوصلها لمسامع اي حد
انا قلت هالكلمه
\وهي ابسط ماسمعت وابسط ماصار معاي.
واللي يقولون غايات خاصه ومخافر شرطه ومحاكم
اقول انا ضيفففففه لسمو الامير
وهذا يكفي ويمنع اني اروح مخافر ومحاكم
واذا صار الانسان اللي مايرضى تنهان كرامته عنده غايات خاصه؟؟
والله توني اعرف.
واذا على حبي لقطر وشعب قطر..
ماراح اقول غير اقرو مواضيعي بالمنتدى من يوم دخلت الى هاللحظه..
وراح تعرفون حبي وامتناني لهالشعب وارضه وحكامه.
انا مو ناكره جميل ولا قليله اصل
بس انا انسانه ترفض الذل والمهانه لو الثمن حياتها.

mohd89

16-09-2010, 10:54 AM

مع أحترامي للجميع

الموضوع مب مفهوم لحد الان
بس عندي لج نصيحه ممكن تفيدج اذا انا فهمت صح
من كلامج وتوقيعج يبين انج عراقيه وأذا انتي طالبه الامان وطلعتي من بلادج بسبب الحرب
أنصحج تقدمين لجوء سياسي في أستراليا .. روحي السفاره وقولي لهم انج طلعتي من العراق عشان الحرب
وهناك بيقولون لج شنو الاوراق والاثباتات المطلوبه
قدمي الطلب وخليه وبعد فترة سنتين تقريبا بيردون عليج ولو اعطوج حق اللجوء بتروحين استراليا ومعاج الاقامه الدائمه الدوله تعطيج بيت تسكنين فيه وتمشي لج معاش وتعليم عيالج الى الجامعه على حساب الدوله
وفوق هذا بعد سنتين من وصولج البلد تقدرين تاخذين الجواز

وهذا صاير وأعرف اكثر من عراقي وصل هني عن طريق اللجوء ويدرسون على حساب الدوله وعايشين حياتهم

هذي مجرد نصيحه وفكري فيها اذا مب لج لعيالج فكري في مستقبلهم
أضن بيكون افضل بوايد من اي مكان في الوطن العربي وهني مب كفو حد يقولج كلمه برا الطريق حتى لو كان رئيس الوزراء نفسه تاخذينه محكمه وتودينه في داهيه .. مع احترامي للجميع

والله يوفقج ويهون امورج

المرحب

16-09-2010, 10:55 AM

القصــــــــه غيـــر مفهــومـــــــــــــــه

:(

لكـــن بقول الله يحفظ أبو مشعل وولي عهده الأميــــــــن
وكل من هو مكلف من قبل الأمير وولي العهد

قد المسؤوليــــة ولا راح يقصرون ولا تطلع منهم هالتصرفات

بالعربي الفصيح

ألعبــــي غيـرهـــــا

وش قالت ؟؟؟

قال طقع لهـــا !!! :victory:

شموخ العز

16-09-2010, 10:55 AM

ردك عليها فيه الكفايه ميه في الميه تسلم على الرد المنطقي على هذه المشتكيه التي تدعي الاذيه وتصور عيال البلاد كائنهم بدون اخلاق ومتوحشين و الله اعلم ما وراء تلك الادعاءات
وما المقصود حتى توصلها للامير و اين عنها مخافر الشرطه و غيره من المحاكم ليش وضعة في البلاد ما هي لحل اي مشاكل تحدث بين الناس هل ذهبت لاي مخفر وماا نصفها او اي محكمه وما لاقت انصاف تسلم اخوي

:nice::nice::nice::nice::nice::nice:

كلام منطقي وبعدين ملينا من ها المواااااااااال ترانا موفاضين موال العطف والعاطفه

الحمدلله كل الناس بخير وفي خير

هام السحاب

16-09-2010, 10:56 AM

تدلين قصر الوجبة !!

القطو السمين

16-09-2010, 10:57 AM

ياختي ماحد راح يهينج بس انتي اشلوون اسلوبج ؟ مااظن حد من القطريين والي حول الاميير ماعندهم اسلووب لانهم ياخذون وينتقوون تعوذي من ابليس ودحريه وحمدي ربج ولاتدوريين للمشاكل .

aljaber1

16-09-2010, 11:00 AM

اختي الكريمه بلدنا ان شاء الله بلد مؤسسات واذا تعتقدين ان احد متهن كرامتج بكلمه
مثل ماذكرتيها فهذي جنحه ويعاقب عليها القانون الاهم تثبتين ماذكرتي
ماعتقد ان انتي تقدمتي بشكوا وبيقولون هذا قطري وهذا مقيم
الحمد الله بلدنا واهلها منصفين والانصاف يرضي الجميع .