وين افضل محل لبيع خشب الباركية

[rashid_qatar]

وين افضل محل لبيع خشب الباركية

[البورصه]

اخوي عندك رافكو على طريق سلوى بعد شركة الطارق للسيارات ( تويوتا) ب 500 متر

[بوحمد2]

رافكو شارع الريان القديم ب95للمتر ممتاز

[بوفهد 5555]

توني مركب عند رافكو ممتاز وفي محل اعتقد اسمه كاربت على دوار قطر للديكور احسن من رافكو وبنفس السعر

[OREO]

بالنسبة لي مفروشات الخليج هو الافضل و السبب بأن عندهم كذا شركة للباركيه ،، يعني اذا ما ارحت من نوعية معينه او بالاصح لماركه معينه ،، تقدر تختار ماركه ثانيه و ثالثه و الى اخره ،، اما بقية الشركات اللي لاحظتها فقط عندهم خيار انك تختار من شركه وحده و في الحاله هذه صعب اشوي اتفرق بين اختلاف جودة الشركات و بالاضافة الى نوعية العازل و كاتم الصوت ،، لاحظت بأنهم يستخدمون نوعية عازله للحراره او البروده ( العازل اللي يكون نفس القصدير من جهه و الجهه الثانيه كاتم للصوت و عازل للرطوبه او الماي ) و النوعيه هذه لقيتها عندهم اما كذا محل مريت عليهم و للاسف يستخدمون فقط النوعية اللي تعزل الرطوبة و كاتم الصوت ،،

تمنيت اني اذكر الماركات اللي عندهم ،، لكن الاسبوع الجاي بمر عليهم و بحاول اخذ الاسامي و احطها لك في المتدى ،، و بخصوص اسعارهم ،، عندهم من بوسبعين ريال الى اكثر من ٤٠٠ ريال يعني حسب ذوقك و ميزانيتك اخوي و مر عليهم و خذلك فكره و ادعيلي :)