مصيبه لاصرنا فائض بشر ! عكس فائض الاموال الكل يفرح به !

[ميمي 88]

السلام عليكم والرحمه

اخواني واخواتي عندي موضوع مشغلني وحابه اخذ مشورتكم فيه

انا وغيري من (الفائض) <<<< كما اطلقو علينا فائض ! حاليا معلقين الكل سيداوم يوم الاحد ويباشر عمله الا نحن ... المجلس نبذنا والمدارس رفضتنا ! الكل عنده العدد مكتمل ولايوجد شاغر!

كثير منا لم يصله مسج اي مدرسه نداوم والمصيبه حين استفسرت عن الموضوع قالو اذهبي للمدارس واي مديره بتوافق عليج جيبي منها كتاب بالتعين ونثبتج هناك !

يعني احط كم نسخه ياهيئه التعليم بشنطتي عشر عشرين ! واي مدرسه الي راح تقبل فيني وهي ماعندها شاغر!

كان عندي مجال اليوم اخذ ملفي وامر فيه ع المدارس بس الصراحه !

عزت علي نفسي حسيت كاني اشحذ وظيفه واترجى المديرات يعينوني !
وفضلت اجلس ف البيت وانتظر يوم الاحد واروح اقابل السيد الي اتوقع مراح اقدر اوصله من كميه العبايات الي راح تتواجد في البرج يوم الاحد !

انا جديده الى حد ما بالتعليم بس الي صار لهم عشرين سنه قمة الالم والحسره لما اشوفهم متبهدلين ويرسلونهم للمسارات والمصيبه بالنهايه ياليت يحطونهم بمكان يليق بسنوات عمرهم الي قضوها في تعليم اجيال واجيال تكون النهايه يجلسون في بيوتهم !!

عندي سؤال يدور في بالي ماتعلم المجلس الاعلى من اخطائه في المسار ات السابقه واخرها المسار الي تعبو فيه واخر شى عطوهم بند!!

التعليم صار عندنا مثل السلطه كل مدرسه تتفنن فيه !
والمدرسات صارو مثل العماله الوافده لازم تتجدد وتنمحى من الساحه !
بس مصيبتهم هنا مالنا وطن غير هالووطن يعني اذا انهو خدماتنا بنظل هنا مثل العظم

التعليم شئ راقي ومفروض المدرس يكون له احترام وتقدير ,, صار شئ مخجل نقول مجالنا في التعليم لان للاسف اصبحنا فائض غير مرغوب فيه


بكل امانه !!
اتمنى اتوظف باي مكان الا المدارس التابعه للمجلس الموقر

[بوعلى 1]

الحل الوحيد هو ان تبحثي عن وظيفة اخرى في وزارة اخرى!

[ميمي 88]

عندك واسطه بوعلي :)

[**هـتــــــان**]

عندك واسطه بوعلي :)

الحال من بعضه :weeping: وياليت يخلونا ننتقل لا.... صرنا مثل الاسراء عندهم وكل شي بالواسطه .

[ماريسا]

الله يكون في عونج

[ميمي 88]

الحال من بعضه :weeping: وياليت يخلونا ننتقل لا.... صرنا مثل الاسراء عندهم وكل شي بالواسطه .

اشوفج في البرج اذا :( انا بغيت يعطوني انتداب لفتره محدوده لحد مايعطوني رقم وظيفي بالمكان الثاني ورفضو :(


الله يكون في عونج

شكرا اختي الله يكون في عون الجميع

[%حورية قطر%]

الله كريم اختي

كلنا في الهوا سوا

على قولة هتان صرنا مثل الاسرى

لا هم براضيين يعطونا نقل بالمخصصات ولا هم راضيين يحولونا ع الامانه العامه

[قطرية حنونه]

الله يعينا ويرحمنا

[بـــــــنت النوخـّــــذه]

اختي ميمي انتي ماتقدرين اتروحين البرج وتدخلين على المسؤول اهناك وتعطينهم من الكلام في الصميم 00000000

ترى وحده حطوها فائض نفسج الا ادخلت عليهم مشاء الله قالت مافي الا جذيه وقالت لهم على اي اساس فائض مثل ما انتو وظفتوني انتو تتحملون نقلي لاي مدرسة 00وحطوها بمدرسة

تدرين انا اكتشفت ان اذا مالج لسان في المجلس الاعلى بتكونين فائض 000:weeping:

وانا من هذا الموضوع اناشد الشيخه موزه بنت ناصر المسند الله يحفظها التدخل لحل المشكله الحاصله داخل البرج بالنسبه للمدرسات الفائضات والي جاهم بند مركزي بدون سابق انذار والي حاذفينهم اخر الدنيا كأنه عقاب انهم مدرسات ترى الوطن عمره مابيقوم الا على السواعد القطريه والكوادر القطريه من طاقم التدريس وذوي الخبره كنزمن كنوز التطور في البلاد 00فحافظو على هذا الكنز من الاندثار00اذا كل مدرس ولا مدرسة بيشوفون لها شغله ثانيه نتيجه للقرارت المتخبطه في المجلس الاعلى من بيعلم اعيالنا وبيزرع فيهم قيم البلاد وعاداتنا وتقاليدنا واصالتنا وروح الانتماء وحب الوطن 000 000

[ميمي 88]

الله كريم اختي
كلنا في الهوا سوا
على قولة هتان صرنا مثل الاسرى
لا هم براضيين يعطونا نقل بالمخصصات ولا هم راضيين يحولونا ع الامانه العامه

الله يعين وربك كريم يفرجها علينا


الله يعينا ويرحمنا
والنعم بالله ..

اختي ميمي انتي ماتقدرين اتروحين البرج وتدخلين على المسؤول اهناك وتعطينهم من الكلام في الصميم 00000000
ترى وحده حطوها فائض نفسج الا ادخلت عليهم مشاء الله قالت مافي الا جذيه وقالت لهم على اي اساس فائض مثل ما انتو وظفتوني انتو تتحملون نقلي لاي مدرسة 00وحطوها بمدرسة
تدرين انا اكتشفت ان اذا مالج لسان في المجلس الاعلى بتكونين فائض 000:weeping:

وانا من هذا الموضوع اناشد الشيخه موزه بنت ناصر المسند الله يحفظها التدخل لحل المشكله الحاصله داخل البرج بالنسبه للمدرسات الفائضات والي جاهم بند مركزي بدون سابق انذار والي حاذفينهم اخر الدنيا كأنه عقاب انهم مدرسات ترى الوطن عمره مابيقوم الا على السواعد القطريه والكوادر القطريه من طاقم التدريس وذوي الخبره كنزمن كنوز التطور في البلاد 00فحافظو على هذا الكنز من الاندثار00اذا كل مدرس ولا مدرسة بيشوفون لها شغله ثانيه نتيجه للقرارت المتخبطه في المجلس الاعلى من بيعلم اعيالنا وبيزرع فيهم قيم البلاد وعاداتنا وتقاليدنا واصالتنا وروح الانتماء وحب الوطن 000 000

للاسف اختي ماعندي لسان !
ماتعودنا نجادل الرجال بصوت عالي حتى لو الحق لنا ... نجي بهدوء نسئل ويجينا رد عقيم نناقش بحدود ونطلع طوووول هالوقت يغطون ويدارووون على القرارات الدرر الي يطلعون علينا فيها بين وقت والثاني ,,, اول شئ قالو سيتم تحويلكم للمدارس حسب مناطق السكن
وبعدها طلع الي ماجاه مسج مثلي شكلهم ناسيني ولما رحت اسئل قال دوري مدرسه و ثبتي نفسج ! والي جاهم مسج لايفرحون لازم المديره توافق على تثبيتهم
والفوج الي حولهم للاخلاص مجرد يوقعون يوم الاثنين وبعدها لايوطوطون باب المدرسه لمده اسبوعين ينظرون في امرهم !


قرارات وتخبط شئ لايطاااااااق
واصلا لو بحاول اطلع صوتي واطالب بحقوقي تتوقعين في مجال صوتي يطلع بين مئات المدرسات الي مثل وضعي !!

الله يعين القهر بهدلونا ولاحطو في بالهم بان كل حاله وراها ظرف يختلف عن الثانيه
فيه الارمله والمطلقه والمديونه والكثيييييييييييييييييييييييييييير من الحالات


نبي تدخل من فووووووووووووووق وان شاء الله بتنحل الامور

الله المسعان

[بنت الشمال]

دوري لج على مكان غير المدرسه لان الداخل فيها مفقود و الخارج منها مولود شلي حدج على الدوام المتعب و مذلة المديره كأنكم خدامات تحت يدها الله يعينكم على بلواكم المشكله في الوزير الي ما يحل و لا يربط يكسر الخاطر

[ميمي 88]

دوري لج على مكان غير المدرسه لان الداخل فيها مفقود و الخارج منها مولود شلي حدج على الدوام المتعب و مذلة المديره كأنكم خدامات تحت يدها الله يعينكم على بلواكم المشكله في الوزير الي ما يحل و لا يربط يكسر الخاطر

:(
جبتيها ع الجرح اختي وفعلا هذا الي احسه كاني خادمه وهي كفيلتي رضت علي بتعطيني الراتب كامل مارضت بتنتف هالراتب وتشوتني !

انا قدمت في كذا مكان وان شاء الله عيال الحلال وايد وربي يفتحها بوجهي وبوجه الكل ونحصل وظائف اقل شئ تكون كرامتنا محفوووووووظه ونداوم مرتاحين البال