أبي حضانة بنتي كييييييييف

[جروح العمر]

--------------------------------------------------------------------------------

السلام عليكم ورحمة الله وبركاته

بنات ياليت تساعدون تعرفوون محاميه او محامي شاطر
في حضانة الاولاد ؟؟
ياليت الي نعرف تقولي شاسمه واذا تعرف رقمه جزاها الله الف خير
................

وأبي شوركم؟؟

أنا متقدم لي واحد وانشالله الله يكتب الي فيه الخير بس انا خايفه اذا تزوجت يطالب بحضانة البنت مع انه تزوج ومن انفصلت عنه من تقريباسنه ونص ماشافها ولا سال عنها ولا صرف عليها ومن قبل ماانفصل ماهمته ولا يسال عنها..
ابي محامي شاطر يفيدني بشكل قانوني شاسوي عشان اضمن حضانتهاواذا اي وحده مرت بنفس الظرووف ياليت تفيدني:rolleyes2:

بلييييييييييييييز ابي ضروري

[الوان]

الله يوفقج و ما يفرق بينج و بين بنتج

[ميمي 88]

في حال زواج الام !!!

اتوقع صعب !!

الا اذا هو فاهي ومايدري وين ربي حاطه مراح يطالب بحضانتها

موفقه اختي وان شاء الله يفيدونج الاخوان والخوات

[ولد الشحانية]

روحي حق البرديني

[حقيقه]

فيه نقطه لصالحك انتي والبنت

اللي هي انوه ماسئل عنها ولا شافها مدة سنه ونص مثل ماذكرتي
وهالشيء تقدرين تمسكينه عليه

واذا هو من محبين الفلوس خليه يتنازل عن بنته هو واهله بكتاب رسمي من المحكمه مقابل انه انتي تنازلين عن النفقه


حسبي الله ونعم الوكيل على بعض الرجال واهلهم
حسبي الله ونعم الوكيل

كثير من البنات اللي تطلقو بسن صغير ماوصلو للـ 22 سنه وتمو بدون زواج بسبب ازواجهم السابقين وتهدديهم انه بياخذون عيالهم اذا عرسو مب حباً بالعيال بس مايبون البنت تعرس وتعيش حياه زوجيه جديده

اما هم معرسين ومرتاحين يعلهم مايرتاحون لا دنيا ولا اخره

[حقيقه]

وبعد

حاولي ترفعين قضيه ترفعين فيها قيمة النفقه واذا اعترض على هالشيء وتظلم اطلبي منه مقابل النفقه يتنازل عن البنت نهائياً

بس بدون مايكون عندوه خبر انه انتي تفكرين تتزوجين او حد تقدم لتس

[ANONYMOUS]

شكله لو عرف بيبدا يبتز

الا اذا طلع ولد اصول

[وارث العز]

في حالة زواج الام تسقط الحظانة منها وتكون للاب وخصوصا ان المحظون انثى ،

المحامي مايقدر يسوي شى القانون واظح والله يكون بعونج

[جروح العمر]

الوان
يسلموو على الدعاء ..اميين

ميمي
والله هو فاهي ولا همه ولايدري عن هواء دارها بس هله امه وابوه مب ساكتين
حتى لو يجبرونه انه يروح يطالب فيها

ولد الشحانيه
وضح اكثر مافهمت


حقيقه
انا قلت لاخوي هاي النقطه بس يقول هذا مايثبت انه مو كفو يربيها
وللاسف هو ماينفق عليها وانا ماجرجرته فالمحاكم ولا طالبته بشي
وتنازلت عن النفقه وخذيت اعالت بنتي على اساس انه هو ماينفق عليها


anonymous
والله هو لاذمه ولا ضمير عادي اتوقع منه اي شي

[basma222]

اذا الاب متزوج الحضانه لام الام اذا كان زوجها هو الجد او ارملة او مطلقة

الله يوفقج

[وارث العز]

اذا الاب متزوج الحضانه لام الام اذا كان زوجها هو الجد او ارملة او مطلقة

الله يوفقج


كلام غير صحيح أخوي ، اذ كان الاب متوفي وتزوجت الام تنتقل الحظانة لام الزوج وفي حالة

وفاة الاخيرة تنتقل الحظانة لام الزوجة ، الحالة االوحيد هو تنازل الزوج عن الحظانة يعني

أختي البنت بتكون معاج لين يوصل عمرها 11 سنة بعدين تنتقل حظانتها لابوها .

[حقيقه]

جروح ماعليتس من حد

فيه ناس بيحطون قدامك عقبات واجد بس ماعليتس روحي وواجهي وكوني انتي محامية نفسك

روحي سوي اللي قلته لتس ودوخيه بالمحاكم وطلعي عيونه واطلبي كل حقوق البنت وحقوقتس من نفقة متعه طول فترة الانفصال

واذا هو مثل ماتقولين مافيه خير ولا له ذمه ولا ضمير
هالشيء حلو من صالحكم

جربي ارفعي عليه نفقه وشوفي

بس اهم شيء لا يدري انه انتي ناويه تتزوجين

وتحملي من مركز الاستشارات الفاشل

وتحملي بتتعبين فتره بس مابعد الضيق الا الفرج وان شاءالله تتزوجين وتكون البنت معاتس او مع جدتها اللي هي امك

حسبي الله عليهم
فيه واجد من هالنوعيه مايعرفون الله يبون البنت اتكون طول عمرها بدون زواج

يعل يصيدهم شيء قاسي يخليهم زي الحريم يعانون من خوفهن على اطفالهم

[عاشق الشهادة]

لي عوده للرد والنصح لصاحبة الموضوع

[باسكن روبنز]

الله يعينج ويوفقج بزواجج ،
مع أحترامي للجميع حطي مصلحة بنتج قبل كل مخلوق وأولهم أنتي ،



وبلغينا بالأخبار الحلوه وبالتوفيق يارب ، :)

[عبدالله بن محمد]

رفعي عليه قضيه انج تبين النفقه المتاخره سنه ونص
وفوقهم انه يدفع كل شهر وعاد هو راح يحسبها
راح يقول خل الزوج اليديد يبتلش وصرف عليها وراح يغض البصر
هاي اذا كان كان يحب الفلوس

بس يوم قلتي انه لا عنده لاذمه ولا ضمير
الشيخه ترى هاي يوم من الايام كان ريلج
وبنتج تشيل اسمه ومحد يدري يمكن يكون احسن من الي انتي متوقعته وخايف ع بنته اكثر

وحتى امه وابوه من خوفهم ع بنتهم ان ريلج اليديد يكون قاسي عليها
فالنهايه محد ياخذ الا نصيبه

وبالتوفيق

[حقيقه]

اهم شيء تحتفظين بالاوراق اللي ضده مثلن اذا رفض النفقه او تظلم عليها بسبب قيمتها وكل اورقه يرفض يسوي فيها شيء لصالح بنته منه


عشان اذا اكبرت البنت ان شاءالله تكون هالاوراق هي اللي بتوضح لها انها ابوها مايستاهل
اسمحيلي اذا غلطت بس اذا هو صدق انسان مش انسان خلي بنته تعرف هالشيء عشان ماتفكر في يوم تحن له وتتركك وانتي اللي عانيتي عشانها وماتخليتي عنها وشلتيها بعيونتس

رجال ماينفع معاهم الا القسوه وتسووي فيهم الحرمه نفس ماسوو فيها

[باسكن روبنز]

^
^
عنيفه من قلب ،:eek5:






ماراح أدافع عن هالطليق الفاشل ،
بس بعض الناس غارتهم الدنيا ولا يتحسفون الأ بالأخر ،

أدري يمكن تقولين (شعقبه) لكن للأسف تصير وايد ،
ومحد فينا يقدر يمنعه عن شوفة بناته أذا هم يبون أبوهم ،


وشفت ناس واجد مب رجال بتصرفاتهم وأهمالهم لزوجاتهم وأعيالهم ،
والعكس بعد موجود لكن شنقووول ،





غير الله يهديهم قبل لايفوت الأوان ،

[خطوة]

اختي العزيزه انا مثلج ام ويمكن اكبر منج واكثره خبره بالحياة

اتمنى تقرين كلامي عدل وتفهمينه

الاهم بالموضوع هو بنتك قبل اي خطوة تخطينها احسبيها صح

تنفعها او تضرها -- ارجوك اختي لاتفتحين حرب مع ابوها تكون هي ضحيته

نصيحتي قبل اللجؤ للمحاكم حاولي التفاهم معه بطرق وديه

مفروض سنه ونص مابادر بزيارتها بادرتي انتي وعشان مصلحتها

لاتنسين ان هم اهلها لو لاسمح الله صار عليك شي بترجع لهم

اهلنا قديما يقولون الهون ابرك مايكون اتركي عنك المحاكم

مو من مصلحة البنت انك تساومين ابوها يتنازل عنها واشك انه يتنازل

مهما كان

كلمة اخيره --- كلمة ام وانا اكتبها لك اشوف بنتك مثل عيالي

لا لا لا تبنين سعادتك على حساب سعاده بنتك

مافيه رجل بالعالم يساوي ان بنتك تنام ليله بعيد عنك مهمومه حزينه

دعواتي لك بالتوفيق لمافيه مصلحة بنتك ومصلحتها[/font][/font][/size][/color][/size][/font][/COLOR][/SIZE][/FONT][/CENTER]

[ماريسا]

لما الواحد يطلق يقدر يتزوج قبل وبعد الطلاق و هو مرتاح
و الوحدة لما تطلق تنتظر سنين عشان حد يتقدم لها ويمكن تتم مطلقة لحد الموت
و اذا تزوجت تخسر عيالها
وش هالظلم !! وين حقوق الانسان !!

[باسكن روبنز]

بعض القوانين مانحطت الأ لمصلحة الأعيال يامارسيا ،
عجبني رد العضوه (خطوه ) ،

مصلحة الأعيال قبل أي حد وهذا المفرووووض ،
مشكلة بعض المطلقين تاخذهم عواطف القهر والحسره بشكل أنتقااامي ويحاربون بكل شي ممكن لمضرة الطرف الثاني ،
والأعيال هم ألي يبلعونها ويتعقدون في الكبر ، :(







صاحبة الموضوع كلنا بندعي لج أن شالله ،
والله يسهل دربج ويوفقكم لكل خير ، :)

[عاشق الشهادة]

انا قلت لاخوي هاي النقطه بس يقول هذا مايثبت انه مو كفو يربيها
وللاسف هو ماينفق عليها وانا ماجرجرته فالمحاكم ولا طالبته بشي
وتنازلت عن النفقه وخذيت اعالت بنتي على اساس انه هو ماينفق عليها






الصراحه انا كنت بعلق على الموضوع بس يوم شفت ردج هذا ما اقول الا الله يكون بعونج

[جروح العمر]

basma222 وو ارث العز
كلامه صحيح من ناحية انا الحضانه بعد طليقي يكون لامي وبعدها لامه
بس من ناحية انه تسقط حضانته لانه تزوج هذا الي مو متاكده منه واتمنى انه صحيح

حقيقه
اذا رفعت قضايا انا ماعندي اوراق انه هو ماينفق عليها وبعدين سالفة المحاكم سالفه طووويله
وهو مايواجه يععني بيطووول السالفه اطول من ماهي طويله ...وعشان كذا بستشير محامي متخصص في هالشي..

عاشق الشهاده
انتظرعودتك ورايك

باسكن روبنز
أكيد مصلحة بنتي فوق كل شي لو ما افكر فيها كان ماستشرت حج واافقت على طول

عبدالله بن محمد
بس يوم قلتي انه لا عنده لاذمه ولا ضمير
الشيخه ترى هاي يوم من الايام كان ريلج
وبنتج تشيل اسمه ومحد يدري يمكن يكون احسن من الي انتي متوقعته وخايف ع بنته اكثر

تعليقي على هالكلام انه للاسف ان بنتي تشيل اسمه ولوهو كفو يكون ريلي ماتطلقت منه وكان صبرتبس هو مب كفو لايكون ابو ولا رب اسره..

ولا امه ولا ابوه رايح يخافون على بنت اكثر مني والي باخذه انشالله ومتاكده وماوافقت عليه الا تاكدت انه بيربيها مثل بنته واكثر..

[جروح العمر]

خطوووه كلامج صح وعلى العين والراس
بس انا اقولج هو من انا كنت عنده مايلتفت لها ولاتهمه وانا ماتطلقت قبل الا لان مب في مصلحتها
وبعدين انا مامنعته عنها لاهو ولا اهله بالعكس مرات ايجونا عماتها وامه وابوه يشوفونها واستقبلهم احسن استقبال ولحد الحين انا ساكته عنها ما نقلت لها اي مشاعر كراهيه له مع انه مايستاهل تحبه ولا حتى تسال
عنه مع انها هي بنفسها تقول هو سافر عنا مايبينا...
وبعدين انا قلت لج افكر في مصلحتها لو على مووتي بس بعد من حقي اكون حياتي مثل ماهو تزوج وشاف حياته ولا التفت لي ولا البنته ولو بحل المسأله ودي صدقيني وانا متأكده انه بيعاند اذا حس ان الحق والقانون معاه لانه يوم طلبت الطلاق ماطلق مع انه مايبيني بس لاني انا الي طلبت ما اعيش معاه

[خطوة]

اختي العزيزه انا اهنيك واحترمك على جملة كتبتيها انك مانقلتي لبنتك اي مشاعر سيئه تجاه

ابوها وهذا المفروض--- دائما وانتي تكلمينها انسي اي شي الا انه ابوها ارسمي صورة حلوه

وبرري غيابه بلي يستوعبه عقلها الصغير وثقي انك ماراح تخسرين

ضروري جدا في حالات الطلاق ان مايتحول الموضوع الى حرب بارده بين الطرفين واسلحتها

الابناء-- ان حنا نشحن عيالنا بمشاعر الحقد والكره مستحيل يكون له مردود ايجابي

بالعكس يكون شي مدمر

لا بأس من استشاره المختصين وذوي الحكمه انا انصحج بالتواصل مع المجلس الاعلى لرعايه

الاسره تراهم يتدخلون في مثل هالامور

كلمة اخيره بختم فيها مداخلتي بموضوعك نصيحه لاتدخلين حياة زوجيه جديده

وانتي تحت ضغوط وتراكمت تجربه سابقه فاشله لاتستعجلين

تصحيح النفسيات وتجاوز الازمات الي نمر بها يحتاج وقت واكبر خطأ ان نبي جدارا جديدا

على ارضيه غير مهيأه

تقلبي تحياتي ودعواتي بان يكتب لك الله الخير فما يحبه ويرضاه[/size]

[كاروهات]

الشرع والقانون يقف مع الاب بالحضانة اذا تزوت الام
المحاكم خير دليل على صحة الشرع والقانون الكثير من المشاكل والقضايا وراء التساهل بهذه المواضيع

وشلون تبين القانون يثق بزوجج الجديد وبنت غريبة بالنسبة له عايشة معاكم
والله يا اختي لو تسمعين المشاكل راح تستغربين

[بـــــــنت النوخـّــــذه]

اختي العزيزه انا مثلج ام ويمكن اكبر منج واكثره خبره بالحياة

اتمنى تقرين كلامي عدل وتفهمينه

الاهم بالموضوع هو بنتك قبل اي خطوة تخطينها احسبيها صح

تنفعها او تضرها -- ارجوك اختي لاتفتحين حرب مع ابوها تكون هي ضحيته

نصيحتي قبل اللجؤ للمحاكم حاولي التفاهم معه بطرق وديه

مفروض سنه ونص مابادر بزيارتها بادرتي انتي وعشان مصلحتها

لاتنسين ان هم اهلها لو لاسمح الله صار عليك شي بترجع لهم

اهلنا قديما يقولون الهون ابرك مايكون اتركي عنك المحاكم

مو من مصلحة البنت انك تساومين ابوها يتنازل عنها واشك انه يتنازل

مهما كان

كلمة اخيره --- كلمة ام وانا اكتبها لك اشوف بنتك مثل عيالي

لا لا لا تبنين سعادتك على حساب سعاده بنتك

مافيه رجل بالعالم يساوي ان بنتك تنام ليله بعيد عنك مهمومه حزينه

دعواتي لك بالتوفيق لمافيه مصلحة بنتك ومصلحتها[/font][/font][/size][/color][/size][/font][/color][/size][/font][/center]



اختي العزيزه انا اهنيك واحترمك على جملة كتبتيها انك مانقلتي لبنتك اي مشاعر سيئه تجاه

ابوها وهذا المفروض--- دائما وانتي تكلمينها انسي اي شي الا انه ابوها ارسمي صورة حلوه

وبرري غيابه بلي يستوعبه عقلها الصغير وثقي انك ماراح تخسرين

ضروري جدا في حالات الطلاق ان مايتحول الموضوع الى حرب بارده بين الطرفين واسلحتها

الابناء-- ان حنا نشحن عيالنا بمشاعر الحقد والكره مستحيل يكون له مردود ايجابي

بالعكس يكون شي مدمر

لا بأس من استشاره المختصين وذوي الحكمه انا انصحج بالتواصل مع المجلس الاعلى لرعايه

الاسره تراهم يتدخلون في مثل هالامور

كلمة اخيره بختم فيها مداخلتي بموضوعك نصيحه لاتدخلين حياة زوجيه جديده

وانتي تحت ضغوط وتراكمت تجربه سابقه فاشله لاتستعجلين

تصحيح النفسيات وتجاوز الازمات الي نمر بها يحتاج وقت واكبر خطأ ان نبي جدارا جديدا

على ارضيه غير مهيأه

تقلبي تحياتي ودعواتي بان يكتب لك الله الخير فما يحبه ويرضاه[/size]

ماشاء الله عليج عقل ناضج 0000000000ومحكم للامور بسلاسه يا خطوه


عموما اختي صاحبة الموضوع اولا " الله يوفقج ويستر عليج دنيا وآخره انتي وبنتج 00

سؤالي بارك الله فيج : بنتج في حالة زواجك بإذن الله وفي حالة كانت لك الحضانه وين بتعيش في بيت امج وتكون زيارتج لها يوميا" ولا بيتج مع زوجك الغريب على البنت 000

لان ممكن بالمكالمات الوديه لطليقك توصلين لنتيجه خصوصا" اذا قلتي له بتم البنت عند جدتها لامها وزيارتج لها يوميا" مع النفقه كما كان متفق مسبقا" ترى كثير من الرجال يرفضون حضانه الام لبنتها عند زواجها لان البنت بتتربى في بيت رجل يحسب غريب على البنت مع انه قريب جدا" من الام 00 وانصحج نصيحه لوجه الله في حاله تواجد محامي شاطر قدر يفك لج هالمشكله تحملي توافقين على اي شيئ يطلبه بخصوص الطعن بطليقج السابق حتى لو شفتي معاه ايام سوده 00الله لايوريج بعض المحامين لاذمه ولا ضمير في تلفيق التهم ومهب اي تهم تهم عظيمه والزوج السابق بريئ منها والام مسكينه لجل اتحصل على حضانه بنتها تسمع كلام المحامي 000 والله يوفقج ويسهل دربج 000000000000

[مستجدة]

فيه نقطه لصالحك انتي والبنت

اللي هي انوه ماسئل عنها ولا شافها مدة سنه ونص مثل ماذكرتي
وهالشيء تقدرين تمسكينه عليه

واذا هو من محبين الفلوس خليه يتنازل عن بنته هو واهله بكتاب رسمي من المحكمه مقابل انه انتي تنازلين عن النفقه


حسبي الله ونعم الوكيل على بعض الرجال واهلهم
حسبي الله ونعم الوكيل

كثير من البنات اللي تطلقو بسن صغير ماوصلو للـ 22 سنه وتمو بدون زواج بسبب ازواجهم السابقين وتهدديهم انه بياخذون عيالهم اذا عرسو مب حباً بالعيال بس مايبون البنت تعرس وتعيش حياه زوجيه جديده

اما هم معرسين ومرتاحين يعلهم مايرتاحون لا دنيا ولا اخره



اللهم أمين

بعض الرجال حيونات وتكرم عنهم الحيونات عاد الحيونات فيها احساس ورحمه بعيالها اكثر عنهم
اختي البنت بحضانتك قانونيا قبل تتزوجين وإظن في حاضنة والدتك بعد الزواج
وافضل من المحاكم هو تفاهم الطرفين بالحسنى احد من اهللك الكبار الفاهمين يتكلمون معه
بالحسنه يمكن يتخلى عنها بطيب خاطر وله الحق انه يشوف بنته وياخذها معه بعض الايام
هالبنت مالها ذنب في اللي يصير بينكم هو ابوها وانتي امها

قبل اي خطوه انصحك في التفاهم بالحسنى والدعاء انه ربي يسر لك امورك

اسأل الله ان يفرج لك همك ولا يفرقك عن بنتك ويكتب لك حياه سعيده هادئه

[لطيف الروح]

اختي كم عمر البنت

[كاروهات]

اللهم أمين

بعض الرجال حيونات وتكرم عنهم الحيونات عاد الحيونات فيها احساس ورحمه بعيالها اكثر عنهم
اختي البنت بحضانتك قانونيا قبل تتزوجين وإظن في حاضنة والدتك بعد الزواج
وافضل من المحاكم هو تفاهم الطرفين بالحسنى احد من اهللك الكبار الفاهمين يتكلمون معه
بالحسنه يمكن يتخلى عنها بطيب خاطر وله الحق انه يشوف بنته وياخذها معه بعض الايام
هالبنت مالها ذنب في اللي يصير بينكم هو ابوها وانتي امها

قبل اي خطوه انصحك في التفاهم بالحسنى والدعاء انه ربي يسر لك امورك

اسأل الله ان يفرج لك همك ولا يفرقك عن بنتك ويكتب لك حياه سعيده هادئه

والله عيب هالكلام ...........

[الوفي]

اللهم أمين

بعض الرجال حيونات وتكرم عنهم الحيونات عاد الحيونات فيها احساس ورحمه بعيالها اكثر عنهم
اختي البنت بحضانتك قانونيا قبل تتزوجين وإظن في حاضنة والدتك بعد الزواج
وافضل من المحاكم هو تفاهم الطرفين بالحسنى احد من اهللك الكبار الفاهمين يتكلمون معه
بالحسنه يمكن يتخلى عنها بطيب خاطر وله الحق انه يشوف بنته وياخذها معه بعض الايام
هالبنت مالها ذنب في اللي يصير بينكم هو ابوها وانتي امها

قبل اي خطوه انصحك في التفاهم بالحسنى والدعاء انه ربي يسر لك امورك

اسأل الله ان يفرج لك همك ولا يفرقك عن بنتك ويكتب لك حياه سعيده هادئه






بصراحه انا فخوره في اعضاء الاسهم القطريه وفي أهل قطر الكرام لما لمسناه من تعوان
وحب لعمل الخير وقول الحق والتفاعل مع المواضيع المطروحه والدفاع عن الفئات المستضعفه
هناك اعضاء اعرف جيدا انهم لايردون ذكر اسماهم تفاعلوا مع حالات انسانيه في رمضان
وكذالك هناك اعضاء تفاعلوا بالكتابه عن مواضيع تهم المواطن القطري ناقشوا وطالبوا
وقالوا كلمة الحق وهناك من حاول ايجاد حلول بجهود فرديه وتطوع منه ذهب الى مقهر الشوؤن الاجتماعي وخاطب بعض الجمعيات الخيريه سعي منه لعمل الخير الكل يحاول يساعد بما استطاع
وهذا الشئ ليس بمستغرب على اهل قطر اللي قلوبهم عامره بحب هالبلد وشعبه وحب عمل الخير

كما احب اشكر احد الاخوات الفاضلات وهى من اللي يسعون في عمل الخير
طوال العام وجمع التبرعات وتوزيعها على الاسر المتعففه

نسأل الله أن لايضيع اجرها واجرنا و اجر اخواني واخواتي الاعضاء كل من ساهم بمال او بجهد او بسطر دافع به عن حق المستضعفين .


نقول لكل هولاء الرائعون بارك الله في سعيكم وتقبل طاعتكم




قمه التناقض بسسسسسسنا خرابيييييييييط

[جروح العمر]

لطيف الروح بنتي عمرها3ونص

ياجمااعه تقولون مايصير تترى عند غريب مهما كان اوكي هالغريب مايصير يكون مثل ابوها والا زم كلهم نيتهم شينه وبيصير شي؟؟انا اقولكم انا متاكده من هالشخص بيكون مثل ابوها واحسن..
وختى لو تكون عند جدتها الي هي امي اهون من انها تروح عنده الي من ولادتها ماجرى عنها حتى يوم تمرض ولا امه وابوه تربت عندهم عشان يحبونها ويخافون عليها اكثرر مني...

ولا حد يقولي حاولي تتوصلون لحل معاه بالود والتفاهم لو بيتفاهم كان انحلت وااايد مشاكل قبل ماتطلق

[qatarairways2]

يعني انتي ادرى واعلم من رب العالمين ؟؟

هذا شرع الله يا ناس يا عالم يا هوو

يعني تبون تغيروون شرع الله بعد ؟

لا حول ولا قوة الا بالله

[سهم الغدر]

الله يوفقج اختي بزواجج وانشالله زواجه الدهر والله انشالله يعوضج خير

مشكلتج مشكله كثير من النساء,على حسب علمي القاضي يشوف وين مصلحه الطفل او الطفله واللي اولى برعايته و يعطيه الحضانه ,وانشالله تاخذ امج الحضانه والبنت ماتبتعد عنج انشالله,واذا مانفع حوليها قضيه راي عام لان هذا ظلم كبير , الاب مو ساهر ع الطفل ليل ونهار , وبالحديث قال لرسول (ص) امك ثم امك ثم امك ثم اباك,اي ما في احن على الطفل بهدنيا غير الام, وحرام الام تضيع زهره شبابها وماتستانس بعمرها..
وحرام تنحرمين وتكون بس بنت عندج,انشالله الله يرزقج الذكور والاناث,عزيزتي نصيحتي لج اذا اخذت منج الحضانه ومانعطج لامج, نصيحتي تروحين لحقوق الانسان وحقوق الطفل لان هالقوانين من وضع البشر ,وقابل للتغير والتعديل...وانشالله تبشرينا البشايرالزينه يارب


نصيحه لكل رجل نفس طليق الاخت ( اتقوا الله بالنساءوالرسول-ص- قبل وفاته اوصى بالنساء , على الاقل من ناحيه الدينيه اتقوا الله)

[لطيف الروح]

لطيف الروح بنتي عمرها3ونص

ياجمااعه تقولون مايصير تترى عند غريب مهما كان اوكي هالغريب مايصير يكون مثل ابوها والا زم كلهم نيتهم شينه وبيصير شي؟؟انا اقولكم انا متاكده من هالشخص بيكون مثل ابوها واحسن..
وختى لو تكون عند جدتها الي هي امي اهون من انها تروح عنده الي من ولادتها ماجرى عنها حتى يوم تمرض ولا امه وابوه تربت عندهم عشان يحبونها ويخافون عليها اكثرر مني...

ولا حد يقولي حاولي تتوصلون لحل معاه بالود والتفاهم لو بيتفاهم كان انحلت وااايد مشاكل قبل ماتطلق

اختي هاذا الرابط لقانون الاسرة القطري المعمول به بالمحاكم و الذي يوضح الحضانة بشكل واضح و اتمنى ان يكون مفيد لش و للغير . فيه شي مهم جداً يجب ان تعرفيه و هو ان الحضانة حق للمحضون و ليس للحاضن بمعنى ان الحضانة يقررها القاضي لمصلحة المحضون من حيث ( الافضلية في الشفقه - الامانه -القدره على التربيه -التعليم-العلاج ....الخ)
http://www.gcc-legal.org/MojPortalPublic/DisplayLegislations.aspx?country=3&LawTreeSectionID=4985

[khaleeji]

ما قصروا شبابين الضو ما خلوا لي شي اقوله

ليش ابوها ما شافها من سنه ونص ؟؟ اكيد لك دور في ذلك

لا كبرت البنت وصارت ما تداني ابوها بسببك الله بيحاسبك

واسف اذا تدخلت في مالا يعنيني لكنها نصيحه لوجه الله ,,, طبقي كلام الله سبحانه ( فامساك بمعروف او تسريح باحسان) وليس انتقام وتسحب في المحاكم

ومافي رجل يرضى ان بنته تربى في بيت رجال غيره

وترا الحضانه اذا تزوجتي تروح للجده ام الوالده اذا موجوده

[تحداني]

اختي الفاضله هذه الأمور شخصيه جدا
وقد تدخلين في تفاصيل انتي في غنى عنها .. لن يحل لك مافي الأمر
ويعطيكي الجواب الصريح والواضح الى القانونيين ..
والمحاكم وشرع الله سبحانه وتعالى


قبل ان تدخلي في دوامه المحاكم والبهدله
حاولي مناقشه الموضوع بشكل ودي ودعي هالامر بين الرجاجيل
بين اخوانك وطليقك .. وان لم تحل الامور فما لك الا بوابه المحاكم
وانتي اعلم بتفاصيل أكثر قد تساعدك



الله يريح بالك .. ويحفظ لك بنتك
ولن يصيبنا الا ما كتب الله لنا
ورب العالمين سيسهل الأمور دون أن تشعري



جملك الله برضى الرحمن

[unless]

اخت جروح
عاطفياً اغلبنا معك لكن الامور ماتنقاس كذا
القانون يقول الحضانة للأم إلى أن تتزوج زوج دخل بها
هنا تنتقل الحضانة للأب ثم ثم ثم والحضانة حق متجدد يعني إذا تطلقت من الزوج الجديد بأمكانها استعادة الحضانة
وفي حالتج وفي حال الاب طالب بالحضانة مافي امامج إلا اثبات
للقاضي عدم صلاحيته للحضانة سواء المسكن التربية التعليم العلاج
التوجيه......الخ
فما لم يكن هذا فالحضانة للأب ...واتفق هنا مع الاخت خطوة وارفع لها العقال احتراماً على رأيها الراقي فالتفاهم على مصلحة البنت واستقرارها النفسي امر جد ضروري .
واما الاخت حقيقة اقول لها خففي السرعة شوي والله يعينج على بلواج
البنت طلبت نصيحه وانتي شحنتيها شحن..
فاصلة اخيرة..مهما كان ويكن وسيكون ابداً ابداً ابداً لعيال لايكونون
سلاح بينكم حتى لو وصل الامر للتضحية واتمنى تزول كربتج.

[جروح العمر]

لطيف الرووح شكرا على الموقع

khaleeji
ليش ابوها ما شافها من سنه ونص ؟؟ اكيد لك دور في ذلك

لا كبرت البنت وصارت ما تداني ابوها بسببك الله بيحاسبك
والله ليش مايشوفها ولا يسال عنها تروح تسأله هو مب انا انا مامنعته يشوفها هذي هي جدتها وعمتها بين كل فتره وفتره ايجون يشوفونها مامنعتهم وانا ماكرهتها فيه يعني تبيني احلف عليه ايجي يشوف بنته..

تحداني الزمن
انشالله بستشير محامي وشكرا على النصيحه

unless
الله يكتب الي فيه الخير

[مستجدة]

بصراحه انا فخوره في اعضاء الاسهم القطريه وفي أهل قطر الكرام لما لمسناه من تعوان
وحب لعمل الخير وقول الحق والتفاعل مع المواضيع المطروحه والدفاع عن الفئات المستضعفه
هناك اعضاء اعرف جيدا انهم لايردون ذكر اسماهم تفاعلوا مع حالات انسانيه في رمضان
وكذالك هناك اعضاء تفاعلوا بالكتابه عن مواضيع تهم المواطن القطري ناقشوا وطالبوا
وقالوا كلمة الحق وهناك من حاول ايجاد حلول بجهود فرديه وتطوع منه ذهب الى مقهر الشوؤن الاجتماعي وخاطب بعض الجمعيات الخيريه سعي منه لعمل الخير الكل يحاول يساعد بما استطاع
وهذا الشئ ليس بمستغرب على اهل قطر اللي قلوبهم عامره بحب هالبلد وشعبه وحب عمل الخير

كما احب اشكر احد الاخوات الفاضلات وهى من اللي يسعون في عمل الخير
طوال العام وجمع التبرعات وتوزيعها على الاسر المتعففه

نسأل الله أن لايضيع اجرها واجرنا و اجر اخواني واخواتي الاعضاء كل من ساهم بمال او بجهد او بسطر دافع به عن حق المستضعفين .


نقول لكل هولاء الرائعون بارك الله في سعيكم وتقبل طاعتكم




قمه التناقض بسسسسسسنا خرابيييييييييط


ليش قيمة التناقض انا قلت بعض الرجال وفعلا يستحقون الوصف اللي وصفتهم فيه مافيهم ذرة انسانيه ولا مشاعر
ولا انت شنو رايك في واحد يطلق بنت في ال 20
بعد مااتجيب بنت ويروح يعيش حياته ويتزوج وانتي تمي خدامه حق بنتي ولا راح اخذها وقطها على مرة ابو ماراح تهتم فيها ولا ترعاها

انا قلت تتفاهم قبل المحاكم بشكل ودي واذا اصر انه ياخذ البنت من تالي ترفع عليه قضة حضانه
وان شاءالله تكسبها اتكون الحضانه لها او لام الام من بعد الام
وتتزوج واتشوف حياتها مثل ماسوى الاب

انا في مثل هالقضايا مع المرأة قلب وغالب لان الام هي من تعب وسهر وربى ولها حق
في ابنائها اكثر من غيرها

والرجل اللي يساو مرأة على عيالها مب رجل ولا فيه ذرة رجوله

[التيما]

اولا من خبره سابقه في الحضانه اقولج ان حتى لو تنازل الاب يقدر يطالب فيها وثاني شي الحضانه تروح لأمج مو للأب .. ولو قفلت الله يعينج مع اني اشوف بنتج اولى من الزواج وقولي حسبي الله ونعم الوكيل ..

[روح الاطلس]

هل تقدرين تثبتين عدم أهلية الأب لحضانة البنت

مثلا سوء سلوكه؟

هل عندك اي اثباتات على ذلك او شهود يشهدون بهالشيء

هل مثلا يفعل أمور منافية للدين والعادات ( يسكر مثلا )

هالامور اكيد خاصة جدا وشخصية وانتي وحدك تقدرين تقررينها

لو اثبتي سوء سلوكه وخاصة انك ذكرتي انه مايستاهل يكون رب اسرة

فإن شاء الله الامور بتكون من صالحك

ويارب مايفرقك عن بنتك واستخيري في الزوج الجديد ماتدرين وين الخيرة

[مستجدة]

اختي اذا توقفت عندك كل الحلول الله يطول بعمر الشيخه موزه
روحي مجلس الاستشارات العائليه وهم راح يتصرفون مع الاب

لكن ارد واكرر قبل كل شئ حاولي احد من اهلك العقال الكبار يتفاهمون مع الاب بشكل ودي
وترى من حق الاب انه يشوف بنته هالشئ لازم تتاكدين منه حتى بعد ماتكسبين الحضانه هذا حق شرعي

[حقيقه]

اختي اذا توقفت عندك كل الحلول الله يطول بعمر الشيخه موزه
روحي مجلس الاستشارات العائليه وهم راح يتصرفون مع الاب

لكن ارد واكرر قبل كل شئ حاولي احد من اهلك العقال الكبار يتفاهمون مع الاب بشكل ودي
وترى من حق الاب انه يشوف بنته هالشئ لازم تتاكدين منه حتى بعد ماتكسبين الحضانه هذا حق شرعي


مركز الاستشارات الفااااااااااااااشل

خل تصلح امورها بعيد عنه
ومثل ماقلت لها خل تكون هي محامية نفسها

وبسنا مثاليه ياعالم تحسبون الناس ماشيه على القانون او على كلام الله

والله يلعبون من تحت لي تحت بس عشان يمشون امورهم بطريقه غير مشروعه

فالمفروض هي تكون اقوى من كل هالعقبات وتواجه كل شيء

حسبي الله ونعم الوكيل على بعض الرجال حسبي الله ونعم الوكيل حسبي الله ونعم الوكيل

[مستجدة]

مركز الاستشارات الفااااااااااااااشل

خل تصلح امورها بعيد عنه
ومثل ماقلت لها خل تكون هي محامية نفسها

وبسنا مثاليه ياعالم تحسبون الناس ماشيه على القانون او على كلام الله

والله يلعبون من تحت لي تحت بس عشان يمشون امورهم بطريقه غير مشروعه

فالمفروض هي تكون اقوى من كل هالعقبات وتواجه كل شيء

حسبي الله ونعم الوكيل على بعض الرجال حسبي الله ونعم الوكيل حسبي الله ونعم الوكيل



فديت قلبك اختي حقيقة انا اكدت على التفاهم بالحسنى قبل كل شئ


لكن ارد واكرر قبل كل شئ حاولي احد من اهلك العقال الكبار يتفاهمون مع الاب بشكل ودي
وترى من حق الاب انه يشوف بنته هالشئ لازم تتاكدين منه حتى بعد ماتكسبين الحضانه هذا حق شرعي


ومثل ماقلتي اختي حسبي الله ونعم الوكيل في بعض الرجال

[نورالهدى]

أختي لاتحاتين
مرد البنت بترجعلك
لو صار اللي صار
بس كملي حياتك
والله بينصرك