هاي حال الدنيا .. الى اللقاء

[بوعلي-Qtr]

بسم الله الرحمن الرحيم
شخباركم ؟؟

بعد البحث والتدقيق والتنسيق وكتابة موضووع للاستفسار منكم
والحمدلله الشباب ماقصروا وجزاهم الله خير

قررت اني اسافر بريطانيا لدراسة اللغة

وان شاء الله كلها يوم وانا مسافر

فحبيت تسامحوني اذا غلط في حق احد
والله ان الحياه ماتسوى
واللي زعلان نروح ونراضيه لين مكانة




سامحوني ولا تنسوني من دعواتكم الطيبة في ظهر الغيب

وعندي استفسار

انا رايح ادرس شهرين .. هل يجوز اجمع الصلوات ولا لا ؟

وللي عنده نصايح يسدحه في الموضوع


واخيرا ..
لاتنسوني من دعواتكم في ظهر الغيب



والى اللقاء

[Bu Rashid]

بالتووووفيق اخي الكريم
وترجع لنا بالسلامه .. وممكن تتواصل معنا من هناك

اهم شيئ تترك عنك النادي العربي وامورك راح تصير طيبه :)

[الحياة حلوة]

بالتوفيق

[بواردي]

تروح وترد بالسلامة
ونصيحتي لك خل عنك العربي
وشوف لك نادي غيره عشان ما تم زعلان

واذا مصمم تشجع العربي
انصحك بقراءة كتاب عنوانه " لاتحزن "

هههههههههههه

اتغشمر

الله يوفقك

نصيحتي لك

الصلاة وابتعد عن رفاق السوء وخاصة من العرب

وابتعد عن المحرمات

وتذكر انك طالما خرجت في طلب العلم فانت في سبيل الله

فاجعلها في سبيل الله حتى ترجع سالما غانما لاهلك

[السامـي]

في وداعة الله،وحظ موفق.

[ســـهم]

انا زعلان تعال راضني http://up.3ros.net/get-9-2010-kjsgry2c.gif (http://up.3ros.net)

الله يوفقك اخوي وترجع بأذن الله سالم في امان الله ..

[القحطاني505]

الله يستر عليك ويحفظك ..

وترجع لقطر بالسلامة ..

[جرح الزمان]

الله يوفقك يا الغالي

ما اوصيك انت سفير هناك ولازم توصل الرساله

خذ معاك كتيبات صغيره يمكن الله يكتب لك ((........ خيراً من حمر النعم ))

تروح وترد بالسلامه

[دوحة الجميع]

وخل عنك الخرابيط اللي في بريطانيا ... بس لا تنسانا بالصوغه
والله يوفقك دوم

[القناعة كنز]

الله يوفقك ويردك بالسلامة

[بوعلي-Qtr]

جزاكم الله خير ..

[صوت الضمير]

الله يوفقك قل امين

وترجع وأنت متمكن من اللغه الانجليزيه

أبداع

[شيط ويط]

الله يوفقك .. وترد بالسلامه :nice:

[JN000N]

الله يحفظك.. ويسهل دربك ويوفقك

تروح وترد بالسلامه ان شاء الله

[بوعلي-Qtr]

الله يسلمكم

والوعد في عيد الاضحى

[ANONYMOUS]

تروح وترد سالم

ومبروك التعادل بآخر دقيقه

[GENIUS]

صف النية والله عز وجل يوفقك في مطلبك وإجعل غايتك ومطلبك رضا رب العالمين وبإذنه تعالى كل أمورك بتتيسر

بالنسبة للصلاة اعتقد والله أعلم وأحكم بأنك إذا استقريت في مكان أكثر من ثلاثة أيام حينها تصلي كل فرض بوقته لكن للضرورة أحكام والله يوفقك في طلب العلم

[بوحارب]

الله يحفظك يابوعلي وينور طريقك :)

والله يوفقك في دراستك

ماعندي لك الا نصيحة وحده بس

( اتق الله حيثما كنت )

ولاتنسى تشتري لي هدية :(

تحياتي

[باسكن روبنز]

احسن نصيحه رافج الانكلينز أكثر من العرب ،:nice:
تعلم لغتهم غصب طيب والأيام جايه بتصير بلبل تغرد انقلش ههههه ،


لاتنسى صلاااااااااااااتك مهما كانت ظروفك ،
وحاول تتجنب تتكلم بأمور الأسلام عندهم لآنهم كارهين العرب والأسلام هناك وصعبه حسب ماسمع ،







والله يحفظك وترجع بالسلامه يالذيب ،:victory:

[Breakaway]

ليش أنت رايح قوانتناموا :)

الدراسة ما تمنعك من التواصل معنا، الله يوفقك و أقترح عليك تاخذ معك أشرطة قصص الأنبياء و النهاية لطارق السويدان.