مواقف مستشفى حمد

[واقعية]

السلام عليكم ورحمة الله و بركاته

من فترة كنت اتردد ع مستشفى حمد و الكل عارف بأزمة المواقف اللي ف المستشفى

بس اللي لفت انتباهي هو وجود بعض السيارات (( ليومين في نفس الموقف))

و هذي السيارات مغبرة و خاصة الجامة

التفسير اللي وصلت له ان في حد قاعد يستخدم ممتلكات عامة لاغراض خاصة

يعني هو مسافر و قال اترك سيارتي هني في الامان و الظل

المفروض ان الامن ينتبهون لمثل هذي الامور لان هذا شغلهم ( انهم يتابعون الاسنخدام السليم للمواقف)


انا بصراحة اللي خلاني اكتب اني كنت مقهورة و اضطريت اصف سيارتي بعيد و الدنيا حر و كان رمضان

[Bu Rashid]

بس جات على مستشفى حمد
مواقف المطار ومواقف المولات وغيروغير
والعالم رقوووووووود .. البلدية طبعأ :)

[برشلوني قطر]

عندنا فالشغل نفس الشي..صافين فالطبيله ومغبرين..

بس ان شاءالله اول ماداوم بحاول ابنجر توايرهم

[ســـهم]

كل شي متوقع

بحيث ان مواقف المطار مقابل أجره لذلك عندما يريد احدهم ان يسافر لن يجد افضل من مواقف مستشفى حمد او احد المجمعات كأمن بالاضافه انها مظلله لذلك أتمنى ان تكون جميع المواقف بمقابل مادي
لكي يجد المراجع موقف ولا يجد مخالفه تنتظره .. :(

[بواردي]

فعلا في مواتر مغبرة من زمااااااان

ما ادري البلدية راقدين وللا للحين ما خلص الفيمتو عندهم؟

[دوحة الجميع]

المفروض قسم الأمن في كل جهة حكومية يروح يجيب بريك داون ( break Down ) ويسحب كل السيارات المغبرة واللي متوقفة وصار لها أكثر من يومين وسيده على شبك بوهامور